AZƏRBAYCAN RESPUBLİKASININ MÜLKİ PROSESSUAL MƏCƏLLƏSİ[1]
(Bu
Məcəllə Azərbaycan Respublikasının 1999-cu il 28
dekabr tarixli 780-IQ nömrəli Qanunu ilə təsdiq edilmişdir)
Birinci
bölmə.
Ümumi qaydalar
Fəsil 1
Əsas qaydalar
Maddə 1. Mülki məhkəmə icraatı
haqqında qanunvericilik
1.1. Azərbaycan
Respublikasının məhkəmələrində mülki
işlər və kommersiya mübahisələri üzrə məhkəmə
icraatının qaydası Azərbaycan Respublikasının
Konstitusiyası, “Məhkəmələr və hakimlər haqqında” Azərbaycan
Respublikasının Qanunu, bu Məcəllə, digər
qanunlar, habelə Azərbaycan Respublikasının
tərəfdar çıxdığı beynəlxalq
müqavilələrlə müəyyən edilir.[2]
1.2. Azərbaycan Respublikası
Konstitusiyasının normaları Azərbaycan
Respublikasının bütün ərazisində ali hüquqi
qüvvəyə və birbaşa təsirə malikdir. Azərbaycan
Respublikası Konstitusiyasının normaları və
məhkəmə icraatı qaydasını
tənzimləyən normalar arasında ziddiyyət olduqda,
Azərbaycan Respublikası Konstitusiyasının normaları
tətbiq edilir.
1.3. Mülki prosessual
fəaliyyət sahəsində insan və
vətəndaşın hüquq və azadlıqlarını
ləğv edən və ya məhdudlaşdıran, habelə
ədalət mühakiməsinin həyata keçirilməsi
zamanı məhkəmənin müstəqilliyini və
tərəflərin çəkişmə prinsipini pozan,
eləcə də sübutlara əvvəlcədən
müəyyən olunmuş qüvvə verən qanunvericilik
aktları qəbul edilə bilməz.
1.4. Digər qanunlarda olan
prosessual hüquq normaları bu Məcəllənin
müddəalarına uyğunlaşdırılmalıdır.
1.5. Azərbaycan
Respublikasının tərəfdar çıxdığı
beynəlxalq müqavilələrdə prosessual
qanunvericilikdən fərqli qaydalar müəyyən
edilərsə, beynəlxalq müqavilənin qaydaları
tətbiq edilir.
1.6. Ələt azad iqtisadi
zonasında mülki işlər və kommersiya
mübahisələri üzrə məhkəmə
icraatının aparılması zamanı “Ələt azad
iqtisadi zonası haqqında” Azərbaycan Respublikası Qanununun
tələbləri nəzərə alınır.[3]
Qeyd: Bu Məcəllədə
kommersiya mübahisələri dedikdə sahibkarlıq
fəaliyyətinin həyata keçirilməsi ilə
əlaqədar olan mübahisələr başa
düşülür.[4]
Maddə 2. Mülki məhkəmə icraatının
vəzifələri
2.1. Mülki işlər və kommersiya mübahisələri üzrə məhkəmə
icraatının vəzifələri hər bir fiziki və
yaxud hüquqi şəxsin Azərbaycan Respublikasının
Konstitusiyasından, qanunlarından və digər normativ
hüquqi aktlarından irəli gələn hüquq və
mənafelərinin məhkəmədə təsdiq
olunmasıdır.[5]
2.2. Mülki məhkəmə
icraatı qanunçuluğun və ictimai qaydanın
bərqərar edilməsinə, vətəndaşların
qanunlara dönmədən hörmət ruhunda tərbiyə
edilməsinə rəvac verir.
Maddə 3. Mülki prosessual qanunvericiliyin zamana və
məkana görə qüvvəsi
3.1. Məhkəmə icraatı
işə baxılan, ayrı-ayrı prosessual
hərəkətlər həyata keçirilən və yaxud
məhkəmə aktı icra edilən zaman qüvvədə
olan mülki prosessual qanuna əsasən aparılır.
3.2. Azərbaycan
Respublikasının ərazisində hər hansı haldan
asılı olmayaraq, Azərbaycan Respublikasının mülki
prosessual qanunvericiliyi qüvvədə olur.
3.3. Azərbaycan
Respublikasının ərazisindən kənarda Azərbaycan
Respublikası mülki prosessual qanunvericiliyinin
müddəaları Azərbaycan Respublikasının Dövlət
bayrağını daşıyan və yaxud tanınma
nişanı olan dəniz, çay və yaxud hava
gəmilərində və ya onların olduğu limanlarda
tətbiq olunur.[6]
3.4. Azərbaycan
Respublikasının tərəfdar çıxdığı
beynəlxalq müqavilələrlə Azərbaycan
Respublikası mülki prosessual qanunvericiliyinin məkana
görə tətbiqinin digər qaydaları da
müəyyən oluna bilər.
Maddə 4. Müdafiə üçün
məhkəməyə müraciət etmək hüququ
4.1. Bütün fiziki və
hüquqi şəxslər özlərinin qanunla qorunan
hüquq və azadlıqlarını, eləcə də
maraqlarını qorumaq və təmin etmək məqsədi
ilə qanunla müəyyən edilmiş qaydada
məhkəmə müdafiəsindən istifadə etmək
hüququna malikdirlər.
4.2. Məhkəməyə
müraciət etmək hüququndan imtina edilməsi
etibarsızdır.
4.3. Əgər qanunla
müəyyən kateqoriya kommersiya mübahisələri üçün
məhkəməyə qədər nizamlama (pretenziya)
qaydası müəyyən olunarsa və yaxud bu,
tərəflər arasında müqavilə ilə
nəzərdə tutularsa, mübahisə həmin qaydaya
riayət edildikdən sonra kommersiya məhkəməsinin həllinə verilə
bilər.[7]
4.4. İqtisadi
mübahisələr ilə bağlı iddia
ərizələri, ərizələr, şikayətlər
və digər sənədlər məhkəməyə
yazılı formada və ya “Elektron məhkəmə”
informasiya sistemində yaradılmış elektron kabinet
vasitəsilə “Elektron imza və elektron sənəd
haqqında” Azərbaycan Respublikasının Qanununda
nəzərdə tutulmuş elektron sənəd formasında
verilə bilər.[8]
4.5. Tərəflərin hər hansı mübahisə
ilə bağlı məhkəməyə müraciət
etməmişdən əvvəl mediasiya prosesində
iştirakını tələb edən müqavilə,
müqavilə şərti, yaxud hər hansı digər
sənəddə şərt (mediasiyaya dair qeyd-şərt)
olduğu halda, həmin qaydaya riayət edildikdən sonra mübahisə
məhkəmənin həllinə verilə bilər.
4.6. Ailə və əmək
münasibətlərindən irəli gələn
mübahisələr üzrə məhkəməyə
müraciət etməmişdən əvvəl “Mediasiya
haqqında” Azərbaycan Respublikasının Qanunu ilə
müəyyən edilmiş qaydada ilkin mediasiya sessiyasında
iştirak tələb olunur.[9]
Maddə 5. Məhkəmədə mülki işə
başlama
5.1. Hər hansı fiziki və
yaxud hüquqi şəxs öz hüququnun və ya qanunla
qorunan mənafeyinin müdafiəsi və yaxud təsdiqi
üçün məhkəməyə müraciət etdiyi
hallarda məhkəmədə iş başlanılır.
5.2. Qanunda nəzərdə
tutulmuş hallarda başqa şəxsin, yaxud
şəxslərin hüquq və mənafelərinin, yaxud
dövlətin mənafeyinin müdafiəsi üçün
şəxsin və ya orqanların ərizəsinə
əsasən də iş başlana bilər.
5.3. Həmin şəxslər
mövcud qanunvericiliyə uyğun olaraq ərizə və ya
şikayət əsasında iş başlaya bilərlər.
5.4. Qanunda başqa hal
nəzərdə tutulmayıbsa, onlar məhkəmə
araşdırmalarını barışıq sazişi ilə
tamamlaya bilər, irəli sürülən tələbi etiraf,
yaxud rədd edə bilərlər.
5.5. Bu Məcəllə ilə nəzərdə
tutulmuş hallar istisna olmaqla, hər hansı instansiya
məhkəməsinin icraatında olan iş tələb oluna
bilməz.
Maddə 6. Ədalət mühakiməsinin
məhkəmə tərəfindən həyata
keçirilməsi
Mülki işlər və kommersiya mübahisələri üzrə ədalət
mühakiməsi yalnız məhkəməyə aiddir və
məhkəmələr tərəfindən qanunla
müəyyən olunmuş qaydada həyata keçirilir.
Maddə 7. Hakimlərin müstəqilliyi
7.1. Ədalət
mühakiməsini həyata keçirərkən hakimlər
müstəqildirlər.
7.2. Hakimlər mülki
işləri və kommersiya mübahisələri kənar müdaxilə
təsirindən azad şəraitdə həll edirlər.
7.3. Başqası
tərəfindən məhkəmə icraatının
bilavasitə və yaxud dolayısı ilə
məhdudlaşdırılması, qanunsuz təsir,
hədə-qorxu, müdaxilə yol verilməzdir və qanunla
müəyyən olunmuş məsuliyyətə səbəb
olur.
Maddə 8. Qanun və məhkəmə
qarşısında bərabərlik
8.1. Mülki işlər və kommersiya mübahisələri üzrə ədalət
mühakiməsi hamının qanun və məhkəmə
qarşısında bərabərliyi prinsipi əsasında
həyata keçirilir.
8.2. Məhkəmə
irqindən, milliyyətindən, dinindən, dilindən,
cinsindən, mənşəyindən, əmlak
vəziyyətindən, qulluq mövqeyindən,
əqidəsindən, siyasi partiyalara, həmkarlar
ittifaqlarına və digər ictimai birliklərə
mənsubiyyətindən, hüquqi şəxsin olduğu
yerdən, tabeliyindən, mülkiyyət formasından və
qanunda nəzərdə tutulmayan başqa fərqlərdən
asılı olmayaraq işdə iştirak edən bütün
şəxslərə eyni cür yanaşır.
8.3. Bu
Məcəllənin 8.2-ci maddəsində nəzərdə
tutulmuş əsaslara görə işdə iştirak
edən şəxslərə zərər vurula bilməz,
güzəştlər və ya imtiyazlar verilə bilməz,
yaxud güzəştlərin və ya imtiyazların
verilməsindən imtina oluna bilməz.[10]
Maddə 9. Ədalət mühakiməsinin
çəkişmə, tərəflərin bərabərliyi
və faktlar əsasında həyata keçirilməsi
9.1. Ədalət
mühakiməsi çəkişmə, tərəflərin
bərabərliyi və faktlar əsasında həyata
keçirilir.
9.2. Bu Məcəllə ilə
başqa hal nəzərdə tutulmayıbsa,
məhkəmədə mübahisəyə işdə
iştirak edən şəxslər
çağırılıb dindirilmədikdə baxıla
bilməz. İşdə iştirak edən şəxslər
öz tələblərini əsaslandırdıqları
dəlillər, sübutlar və hüquqi nəticələr
barədə bir-birlərinə məlumat verməyə
borcludur ki, digər tərəf bunlara qarşı
özünün müdafiəsini təşkil edə bilsin.
9.3. Hakim bütün hallarda
prosesin çəkişmə prinsipini təmin etməlidir. O,
öz qərarını yalnız tərəflərin
çəkişmə prinsipinə əsasən müzakirə
etdiyi dəlillərlə, onların verdiyi izahatlarla,
sənədlərlə əsaslandırmalıdır.
Məhkəmə, qərarını tərəfləri
dəvət etmədən özünün qulluq
mövqeyinə görə irəli sürdüyü
hüquqi dəlillərlə əsaslandıra bilməz.[11]
Maddə 10. Məhkəmə baxışının
aşkarlığı
10.1. Məhkəmələrdə
işlərə aşkarlıq prinsipi əsasında
baxılır.
10.2. Dövlət, peşə,
kommersiya sirrinin açılması, şəxsi və
ailə həyatı sirrinin yayılması, yetkinlik
yaşına çatmayan şəxslərin marağının
gözlənilməsi səbəbləri istisna olmaqla,
bütün məhkəmələrdə işlərə
aşkar baxılır. Öz
vəzifələrinin icrası zamanı hakimlər
dövlət sirri ilə işləməyə
qanunvericiliklə nəzərdə tutulmuş yoxlama
tədbirləri keçirilmədən buraxılırlar.[12]
10.3. İşlərə
aşkar baxılması demokratik cəmiyyətdə əxlaq,
ictimai qayda, dövlət təhlükəsizliyi
baxımından, həmçinin digər xüsusi hallarla əlaqədar
ədalət mühakiməsinin maraqlarına toxunarsa,
məhkəmə baxışı və ya onun bir hissəsi
qapalı keçirilə bilər.
10.4. Məhkəmə
baxışında iştirak edən şəxs
övladlığa götürmə, vərəsəlik,
kommersiya, ixtira və ya vergi sirrinin, eləcə də qanunla
qorunan digər sirlərlə yanaşı, həmçinin
şəxsi və ailə hәyatının intim
məsələlərinin qorunması məqsədi ilə
məhkəmə baxışını qapalı
keçirməyi tələb edə bilər.
10.5. Məhkəmə
işə qapalı məhkəmə iclasında
baxılması barədə qərardadı işdə
iştirak edən şəxsləri ilkin dinlədikdən
sonra qəbul edir.
10.6. Məhkəmə
baxışının qapalı keçirilməsində
işdə iştirak edən şəxslər, onların
nümayəndələri və vəkilləri iştirak edir. Zərurət yaranarsa,
onların şahidləri, ekspertlər,
mütəxəssislər və
tərcüməçilər çağırılır.[13]
10.7. Qapalı məhkəmə
baxışı mülki məhkəmə icraatının
bütün qaydalarına riayət olunmaqla aparılır.
10.8. İşdə iştirak
edən şəxs olmayan və ya şahid qismində
dəvət edilməyən on altı yaşına
çatmamış şəxslər məhkəmə iclası
zalına buraxılmırlar.
10.8-1. Bu Məcəllənin 159, 269, 280,
284-5, 394-1, 397.2, 403-1.6, 414.1, 422, 431-3 və 437-ci
maddələrində nəzərdə tutulmuş hallarda
işlərə yazılı icraat qaydasında, yəni
məhkəmə iclası keçirilmədən və
tərəflər izahatları dinlənilmək
üçün çağırılmadan baxılır. Bu
Məcəllənin 394-1, 397.2 və 414.1-ci
maddələrində nəzərdə tutulmuş hallarda
məhkəmənin qərardadına əsasən işə
məhkəmə iclasında baxıla bilər.[14]
10.9. İşdə iştirak
edən şəxslər və açıq
məhkəmə iclasında olan digər şəxslər
yerlərindən məhkəmə baxışının gedişatına
dair qeydlər apara bilərlər. Məhkəmə
iclasının kino və foto çəkilişinin, habelə
videoyazısının, birbaşa radio və televiziya
translyasiyasının aparılmasına yalnız iş
üzrə işdə iştirak edən şəxslərin
rəyi nəzərə alınmaqla məhkəmənin
icazəsi ilə yol verilir.[15]
10.10. Şəxsi yazışma
və şəxsi teleqraf məlumatları yalnız
onların ünvanlandığı şəxslərin
razılığı ilə açıq məhkəmə
iclasında açıqlana bilər. Göstərilən
qaydalar şəxsi xarakterli məlumat daşıyan səs
və video yazıların tədqiqində də tətbiq
olunur.[16]
10.11. Məhkəmə
aktları bütün hallarda açıq elan edilir.
Maddə 10-1. Mülki işlər və kommersiya mübahisələri
üzrə məhkəmə icraatının elektron qaydada
aparılması[17]
10-1.1. Elektron qaydada mülki işlər
və kommersiya mübahisələri
üzrə məhkəmə icraatı bu Məcəllə
ilə müəyyən edilmiş ümumi prosessual qaydalara
uyğun olaraq “Elektron məhkəmə” informasiya sistemi
vasitəsilə aparılır.
10-1.2. Məhkəmə və proses
iştirakçıları tərəfindən ərizə,
şikayət və digər sənədlərin elektron formada
tərtib edilməsi, göndərilməsi, qəbulu,
sənədlərin elektron qeydiyyatı və elektron
dövriyyəsi müvafiq icra hakimiyyəti orqanının
Azərbaycan Respublikasının Ali Məhkəməsi ilə
birlikdə müəyyən etdiyi “Elektron məhkəmə”
informasiya sistemindən istifadə qaydalarına uyğun olaraq
həyata keçirilir.
10-1.3. Kommersiya
mübahisələri üzrə məhkəmə
icraatı, habelə “Elektron məhkəmə” informasiya
sisteminin tətbiq olunduğu məhkəmələrdə
mülki işlər üzrə məhkəmə icraatı,
o cümlədən ərizə, şikayət və digər
sənədlərin göndərilməsi, qəbulu, habelə
məhkəmə sənədlərinin
məhkəməyə və proses
iştirakçılarına çatdırılması
“Elektron məhkəmə” informasiya sistemində yaradılan
elektron kabinet vasitəsilə həyata keçirilir.[18]
10-1.4. “Elektron
məhkəmə” informasiya sisteminin tətbiq olunduğu
məhkəmələrdə mülki işlər üzrə
məhkəmə icraatı, o cümlədən ərizə,
şikayət və digər sənədlərin
göndərilməsi, qəbulu, habelə məhkəmə
sənədlərinin proses iştirakçılarına
çatdırılması “Elektron məhkəmə”
informasiya sistemi vasitəsilə həyata keçirilə
bilər.[19]
10-1.5. Bu Məcəllənin 10-1.3-cü
maddəsində nəzərdə tutulmuş qaydada təqdim
edilmiş sənədlərin digər qaydada verilməsi
tələb oluna bilməz.[20]
10-1.6. Məhkəmə iclasının
real vaxt rejimində müşahidə edilməsi imkanı
iclasda iştirak edə bilməyən tərəfin
ərizəsinə əsasən və buna texniki imkanlar yol
verdiyi halda məhkəmənin qərarı ilə
təşkil oluna bilər.
10-1.7. “Elektron məhkəmə”
informasiya sistemində elektron sənəd dövriyyəsi
üçün gücləndirilmiş elektron imzadan və
sertifikatlaşdırılmış elektron imza vasitələrindən
istifadə edilir.
10-1.8. “Elektron imza və elektron
sənəd haqqında” Azərbaycan Respublikasının
Qanununda nəzərdə tutulmuş qaydada elektron sənəd
formasında tərtib edilmiş iş materialları
kağız daşıyıcıda olan materiallara
bərabər tutulur və onlarla eyni hüquqi
qüvvəyə malikdir.
10-1.9. “Elektron məhkəmə”
informasiya sisteminin tətbiq olunduğu
məhkəmələrdə məhkəmə
icraatının aparılması zamanı işdə
iştirak edən şəxslərin adlarının,
onların poçt ünvanlarının,
istifadələrində olan elektron poçt
ünvanlarının, mobil telefon nömrələrinin
“Elektron məhkəmə” informasiya sistemində
yerləşdirilməsi işə baxan məhkəmə
tərəfindən təmin edilir.[21]
Maddə 10-2. Məhkəmə icraatının videokonfrans
əlaqə sistemindən istifadə edilməklə həyata
keçirilməsi[22]
10-2.1. Məhkəmə
aşağıdakı hallarda məhkəmə
icraatını işdə iştirak edən şəxsin,
onun nümayəndəsinin (qanuni nümayəndəsinin),
vəkilin, şahidin, ekspertin, mütəxəssisin,
tərcüməçinin məhkəmənin iclas zalında
bilavasitə iştirakı olmadan videokonfrans əlaqə
sistemindən istifadə edilməklə həyata
keçirə bilər:
10-2.1.1. işdə iştirak edən
şəxslər, onların nümayəndələri (qanuni
nümayəndələri), vəkil, şahid, ekspert,
mütəxəssis, tərcüməçi
ölkədən kənarda və ya ölkə daxilində
başqa şəhərdə (rayonda) olmaqla, üzrlü
səbəbdən onların məhkəmə iclasında
şəxsən iştirak etməsi mümkün olmadıqda;
10-2.1.2. tərəflərdən hər
hansı birinin bu Məcəllənin 255.0.1-255.0.3-cü
maddələrində nəzərdə tutulmuş
səbəblərdən məhkəmə iclasında
şəxsən iştirak etməsi mümkün olmadıqda
və iş üzrə icraat dayandırılmadıqda;
10-2.1.3. işdə iştirak edən
şəxslər, onların qanuni nümayəndələri
və şahidlərin azadlıqdan məhrum etmə və ya
həbs yerlərində saxlanılması səbəbindən
məhkəmə iclasında şəxsən iştirak
etməsi mümkün olmadıqda;
10-2.1.4. təbii və ya texnogen
qəzalar, epidemiya, fövqəladə, hərbi
vəziyyət və ya qarşısıalınmaz
qüvvənin təsiri nəticəsində işdə
iştirak edən şəxslər, onların
nümayəndələri (qanuni nümayəndələri),
vəkil, şahid, ekspert, mütəxəssis,
tərcüməçi müvafiq icraatda bilavasitə
iştirak edə bilmədikdə;
10-2.1.5. məhkəmə
icraatının lüzumsuz uzadılmasının
qarşısının alınması məqsədilə
digər hallarda.
10-2.2. Məhkəmə icraatının
videokonfrans əlaqə sistemindən istifadə
edilməklə həyata keçirilməsi üçün
məhkəmə öz təşəbbüsü ilə
və yaxud tərəflərin
əsaslandırılmış vəsatəti əsasında
müvafiq qərardad qəbul edir.
10-2.3. Məhkəmə icraatı
videokonfrans əlaqə sistemindən istifadə
edilməklə keçirildikdə tətbiq edilən texniki
vasitələr səsin və görüntünün keyfiyyətini
və real vaxt rejimində məhkəmə iclas zalına
ötürülməsini, icraatın aşkarlığı
və digər əsas prinsip və şərtlərinə
riayət edilməsini, habelə informasiya
təhlükəsizliyini təmin etməlidir.
10-2.4. Videokonfrans əlaqə
sistemindən istifadə edilməklə həyata
keçirilən məhkəmə iclaslarının və
prosessual hərəkətlərin videoyazısı aparılmalı,
videoyazıya uyğun olaraq protokol tərtib edilməli və
videoyazı elektron daşıyıcıda işə
əlavə edilməlidir.
10-2.5.
Bu Məcəllənin 10.2 - 10.4-cü maddələrində
nəzərdə tutulmuş hallarda videokonfrans əlaqə
sistemindən istifadə edilməklə qapalı
məhkəmə iclasının aparılmasına yol verilmir.[23]
Maddə 11. Məhkəmə icraatının
aparıldığı dil
11.1. Mülki işlər və
kommersiya mübahisələri üzrə məhkəmə icraatı
Azərbaycan Respublikasının dövlət dilində —
Azərbaycan dilində və ya müəyyən ərazi
əhalisinin əksəriyyətinin dilində aparılır.
11.2. İşdə iştirak
edən, məhkəmə icraatının
aparıldığı dili bilməyən
şəxslərə işin bütün materialları
ilə tanış olmaq, izahat, ifadə və rəy
vermək, məhkəmədə çıxış
etmək, vəsatət qaldırmaq, ana dilində
şikayət etmək, həmçinin bu
Məcəlləyə uyğun olaraq pulsuz
tərcüməçi xidmətindən istifadə etmək
hüququ izah və təmin olunur.
11.3. Məhkəmə
sənədləri işdə iştirak edən
şəxslərə məhkəmə icraatının
aparıldığı dildə verilir.
Maddə 12. İşə hakim tərəfindən
təkbaşına və kollegial baxılması
12.1. Mülki işlərə
və kommersiya mübahisələrinə birinci instansiya
məhkəmələrində hakim tərəfindən
təkbaşına baxılır.
12.2. Apellyasiya qaydasında
işlərə sədrlik edənin və digər iki hakimin,
kassasiya qaydasında isə sədrlik edənin, iki və ya
daha çox hakimin iştirakı ilə baxılır.
Maddə 13. Mülki işlərin həllində
məhkəmənin tətbiq etdiyi normativ hüquqi aktlar[24]
13.1. Məhkəmə
mübahisələri Azərbaycan Respublikasının
Konstitusiyasına, referendumla qəbul edilən hüquqi aktlara,
Azərbaycan
Respublikasının tərəfdar olduğu beynəlxalq
müqavilələrə, qanunlara, Azərbaycan Respublikası
Prezidentinin fərmanlarına, Azərbaycan Respublikası
Nazirlər Kabinetinin qərarlarına, mərkəzi icra
hakimiyyəti orqanlarının normativ hüquqi aktlarına və normativ xarakterli
aktlara əsasən
həll edir.[25]
13.2. Məhkəmə
işə baxarkən normativ hüquqi aktlar arasında
ziddiyyət aşkar edirsə, o, daha yüksək hüquqi
qüvvəyə malik olan normativ hüquqi akt əsasında qərar
qəbul edir.
13.3. Azərbaycan
Respublikasının qanunvericiliyi sisteminə daxil olan normativ
hüquqi aktlarla (Azərbaycan Respublikasının
Konstitusiyası və referendumla qəbul olunmuş aktlar istisna
olmaqla) Azərbaycan Respublikasının tərəfdar
olduğu beynəlxalq müqavilələr arasında
ziddiyyət olduqda, beynəlxalq müqavilənin
müddəaları tətbiq edilir.
13.4. Barəsində
mübahisə edilən hüquq münasibətlərini
tənzimləyən hüquq norması olmadıqda,
məhkəmə analoji münasibətləri
tənzimləyən hüquq normalarına müraciət edir.
13.5. Belə normalar da
olmadıqda, məhkəmə öz aktında Azərbaycan
Respublikası hüquq qaydalarının ideya və ümumi
prinsiplərini əsas götürür.
13.6. İcraatında olan işlər üzrə insan
hüquq və azadlıqlarının həyata
keçirilməsi məsələləri ilə bağlı
məhkəmə Azərbaycan Respublikası
Konstitusiyasının və qanunlarının şərh
edilməsi haqqında Azərbaycan Respublikasının
Konstitusiya Məhkəməsinə müraciət edə
bilər.[26]
13.7.
Azərbaycan Respublikası Konstitusiyasının və
qanunlarının şərhi məhkəmə
üçün o halda məcburidir ki, bu şərh
Azərbaycan Respublikası Konstitusiya Məhkəməsinin
qərarında verilmiş olsun.[27]
Maddə 14. İş üzrə məhkəmə
baxışının prinsipləri
14.1. Məhkəmə
həqiqətə nail olmaq üçün işin
hərtərəfli, tam və obyektiv tədqiqinə lazımi
şərait yaradır. Bunun üçün məhkəmə:
işdə iştirak edən şəxslərə onların
prosessual hüquq və vəzifələrini izah edir,
görüləcək, yaxud görülməyəcək
hərəkətlərin nəticələri barədə
onları xəbərdar edir, onların prosessual
hüquqlarının həyata keçməsinə kömək
göstərir.
14.2. Məhkəmə yalnız
tərəflərin təqdim etdikləri sübutları
araşdırmalı və onlardan istifadə etməlidir.
14.3. Məhkəmə
tərəflərə, məhkəmə
baxışını barışıq sazişi ilə
tamamlamağı təklif etməyə borcludur və
tərəflər qanunda nəzərdə tutulan hallar istisna
edilməklə, iddianı etiraf edə və yaxud ondan imtina
edə bilərlər.
14.3-1. Məhkəmə prosesinin istənilən
mərhələsində məhkəmə işin
hallarını nəzərə alaraq, öz
təşəbbüsü ilə, yaxud
tərəflərdən birinin müraciəti əsasında
onlara mübahisənin mediasiya vasitəsilə həllini
təklif edə bilər.
14.4. İşdə iştirak
edən şəxslər, qanunla onların
nümayəndəliyi zəruri olan hallar istisna
edilməklə, özləri öz hüquq və
mənafelərini müdafiə edə bilərlər. Onlar
maraqlarının təmsil olunması və ya prosessual
hüquqlarının həyata keçirilməsi
üçün peşəkar hüquqi yardım almaq məqsədi
ilə özlərinə sərbəst vəkil seçə
bilər.
14.5. Bu Məcəllə ilə
müəyyən edilmiş hallarda, vəkilin
xidmətlərini ödəmək üçün kifayət
qədər vəsaiti olmayan şəxs maraqlarının
təmsil olunması və prosessual hüquqlarının
həyata keçirilməsi üçün dövlət
hesabına peşəkar hüquqi yardım almaq hüququna
malikdir.[28]
Maddə 15. Məhkəmə aktlarının
məcburiliyi
15.1. Məhkəmə
məhkəmə aktlarını qətnamə, qərardad,
qərar və əmr formasında qəbul edir.
15.2. Məhkəmələrin
qanuni qüvvəyə minmiş qətnaməsi,
qərardadı, qərarı, əmri bütün
dövlət hakimiyyəti, yerli özünüidarə
orqanları, onların vəzifəli şəxsləri,
ictimai birliklər, siyasi partiyalar, həmkarlar ittifaqları,
onların vəzifəli şəxsləri, həmçinin
fiziki və hüquqi şəxslər üçün
məcburidir və Azərbaycan Respublikasının
bütün ərazisində hökmən icra
olunmalıdır.
15.3. Məhkəmə
aktının icra olunmaması, habelə
məhkəməyə digər hörmətsizlik halları
qanunda nəzərdə tutulmuş məsuliyyətlə
nəticələnir.
15.4. Məhkəmə
aktları maraqlı şəxslərin mənafelərinə
toxunduqda bu aktların məcburiliyi işdə iştirak
etməyən maraqlı şəxslərin öz hüquqlarının
və qanunla qorunan mənafelərinin müdafiəsi
üçün məhkəməyə müraciət
etmələri imkanını istisna etmir.
15.5. Azərbaycan Respublikası
ərazisində xarici dövlətlərin, beynəlxalq
məhkəmələrin və iqtisad
məhkəmələrinin aktlarının məcburiliyi
Azərbaycan Respublikasının tərəfdar
çıxdığı beynəlxalq
müqavilələrlə və bu Məcəllə ilə
müəyyən olunur.
Maddə 16. Beynəlxalq məhkəmələrin
səlahiyyətləri
Azərbaycan
Respublikasının tərəfdar çıxdığı
beynəlxalq müqavilələrə müvafiq olaraq
tərəflər, habelə işdə iştirak edən
digər şəxslər, bu Məcəllədə
nəzərdə tutulan hüquqi müdafiə
vasitələri bitərsə, insan hüquq və
azadlıqlarının müdafiəsi üçün
beynəlxalq məhkəmələrə müraciət
edə bilərlər.
Fəsil 2
Məhkəmənin
tərkibi. Etirazlar
Maddə 17. Məhkəmənin tərkibi
17.1. Mülki işlər və
kommersiya mübahisələri üzrə ədalət
mühakiməsinin qanunla müəyyən olunmuş qaydada
həmin məhkəmənin tərkibinə seçilmiş
hakimlər həyata keçirirlər.
17.2. İşə
təkbaşına baxan və ya prosesin digər
məsələlərini həll edən hakim və ya kollegial
tərkibli məhkəmə məhkəmənin adından
fəaliyyət göstərir. İşə
təkbaşına baxan hakim prosesdə sədrlik edir.
17.3. İşlərə
baxılması zamanı bütün hakimlər bərabər
hüquqlara malikdirlər.
Maddə 18. Məhkəmələrdə kollegial
tərkibdə məsələlərin həll edilmə
qaydası
18.1. Kollegial tərkibdə
işlərin baxılması və həll edilməsi
zamanı meydana çıxan bütün
məsələlər hakimlər tərəfindən səs
çoxluğu ilə həll edilir. Hər bir
məsələ həll edilərkən hakimlərdən
heç biri səsvermədə bitərəf qalmağa
haqlı deyildir. Sədrlik edən axırıncı səs
verir.
18.2. Əksəriyyətin
qəbul etdiyi qərar ilə razılaşmayan hakim həmin
qərarı imza etməyə borcludur. O, öz rəyini
yazılı şəkildə şərh edə bilər
və rəy işə əlavə olunur, lakin
məhkəmə iclasında elan edilmir.
18.3. Hakimlər
müşavirə və səsvermə zamanı, habelə
qulluq vəzifələrinin icrası başa çatanadək
müşavirənin və səsvermənin gizliliyini saxlamağa
borcludur.
Maddə 19. Hakim tərəfindən işə
baxılmasına yol verilməməsi və hakimə etiraz
etmək üçün əsaslar[29]
19.1. Hakimin işə
baxılmasına aşağıdakı hallarda yol verilmir:
19.1.1. O, Azərbaycan
Respublikasının qanunvericiliyi ilə müəyyən
edilmiş qaydada hakim vəzifəsinə təyin
edilməmişsə;
19.1.2. O, Azərbaycan
Respublikasının qanunvericiliyinə müvafiq olaraq işin
baxılması üçün nəzərdə tutulmuş
hakim deyildirsə;
19.1.3. O, əvvəllər hakim
kimi, birinci instansiya məhkəməsində, apellyasiya və
kassasiya instansiyalarında, həmçinin yeni
açılmış hallar üzrə işin mahiyyəti üzrə baxılmasında iştirak
etmişsə;[30]
19.1.4. o, əvvəllər
tərəflərdən birinin nümayəndəsi, yaxud
vəkili olmuşsa və ya işdə şahid, ekspert,
mütəxəssis, tərcüməçi, məhkəmə
iclasının katibi kimi iştirak etmişsə;
19.1.5. o, məhkəmədə
baxılan mübahisə üzrə əvvəllər
tərəflər arasında mediasiya prosesində mediator kimi
iştirak etmişdirsə;
19.1.6. o, tərəflərdən
biridirsə və ya tərəflərdən birinin və yaxud
onun nümayəndəsinin və ya vəkilinin qohumudursa
və ya qohumu olmuşsa;
19.1.7. onun şəxsən, bilavasitə
və ya dolayı yolla işin nəticəsində maraqlı
olmasına, obyektivliyinə və qərəzsizliyinə dair
şübhə doğuran kifayət qədər əsas varsa.[31]
19.2. Aşağıdakı
hallarda hakim işə baxılmasında iştirak edə
bilməz və ona etiraz edilə bilər:[32]
19.2.1. O, əvvəllər
tərəflərdən birinin nümayəndəsi, yaxud vəkili
olmuşsa və ya
işdə şahid, ekspert, mütəxəssis,
tərcüməçi, məhkəmə iclasının
katibi kimi iştirak etmişsə;[33]
19.2.2. O,
tərəflərdən biridirsə və ya
tərəflərdən birinin və yaxud onun nümayəndəsinin və ya vəkilinin qohumudursa və ya qohumu olmuşsa;[34]
19.2.3. O, şəxsən,
bilavasitə və ya dolayı yolla işin
nəticəsində maraqlıdırsa, ya da onun
obyektivliyinə və qərəzsizliyinə şübhə
doğuran kifayət qədər əsas varsa;
19.2.4. o, məhkəmədə baxılan
mübahisə üzrə əvvəllər
tərəflər arasında mediasiya prosesində mediator kimi
iştirak etmişdirsə.[35]
19.3. Bir-biri ilə qohum olan şəxslərin
işə baxan məhkəmə tərkibində
iştirakına yol verilmir.[36]
Qeyd: Bu
Məcəllədə “qohum” dedikdə, babaya və
nənəyə qədər əcdadları ümumi olan
şəxslər, ər-arvadın yaxın qohumları,
babanın, nənənin, valideynin, övladlığa
götürənin, doğma və ögey qardaş və
bacının, uşağın, övladlığa götürülənin və ya
nəvənin əri (arvadı) və ya onların yaxın
qohumları nəzərdə tutulur. Yaxın qohumlara babalar,
nənələr, valideynlər, övladlığa
götürənlər, doğma və ögey qardaşlar
və bacılar, ər-arvad, uşaqlar, övladlığa götürülənlər,
nəvələr aiddirlər.[37]
Maddə 20. Ekspertə, mütəxəssisə,
tərcüməçiyə, məhkəmə
iclasının katibinə etiraz etmək üçün
əsaslar
20.1. Etiraz etmək
üçün bu Məcəllənin 19-cu maddəsində
göstərilən əsaslar eyni ilə ekspertə,
mütəxəssisə, tərcüməçiyə və
məhkəmə iclasının katibinə də aiddir.
20.2. Ekspert və ya
mütəxəssis, bunlardan başqa, aşağıdakı
hallarda da işə baxılmasında iştirak edə
bilməz:
20.2.1. o, işdə iştirak
edən şəxslərdən və ya onların
nümayəndələrindən, yaxud vəkillərindən qulluq mövqeyinə
görə və ya sair cəhətdən
asılıdırsa, yaxud asılı olmuşsa;[38]
20.2.2. o, məhkəməyə
müraciət etməyə əsas verən materiallar
üzrə təftiş aparmışsa və ya bu materiallardan
həmin işin baxılmasında istifadə edilirsə;
20.2.3. onun səlahiyyəti
olmadığı müəyyən edilərsə.
20.3. Ekspertin,
mütəxəssisin, tərcüməçinin və
məhkəmə iclası katibinin həmin işə
əvvəllər baxılmasında müvafiq olaraq ekspert,
mütəxəssis, tərcüməçi və
məhkəmə iclası katibi qismində iştirak
etmələri onlara etiraz edilməsi üçün əsas
deyildir.
Maddə 21. Özü özünə etiraz və
etiraz etmə haqqında ərizələr
21.1. Bu Məcəllənin 19
və 20-ci maddələrində göstərilən hallar
olduqda hakim, ekspert, mütəxəssis,
tərcüməçi, məhkəmə iclasının
katibi özü-özünə etiraz etməyə borcludur.
İşdə iştirak edən şəxslər də
həmin əsaslar üzrə etiraz edə bilərlər.
21.2. Etiraz etmə və ya
özü-özünə etiraz etmə yazılı formada
əsaslandırılmalı və işə mahiyyəti
üzrə baxılmağa başlanana qədər edilməlidir.
Sonradan etiraz etməyə və ya özü-özünə
etiraz etməyə yalnız o halda yol verilir ki, etirazın
əsasları məhkəməyə və etiraz edənə
işə baxılmağa başlanandan sonra məlum olsun.
21.3. Məhkəməyə
etiraz edən tərəf etirazın əsaslarını
sübut etməlidir. Etirazın
əsaslarına dair sübut təqdim edilmədikdə, etiraz
işə baxan məhkəmə tərəfindən
baxılmamış saxlanılır.
21.4. Əgər etiraz
məhkəmə iclasında tərəflərin
çıxışından sonra edilmişsə, bu halda o,
etiraz üçün səbəblərin sonradan məlum
olduğunu sübut etməlidir.
21.5. Əgər etiraz
məhkəmə prosesini ləngitmək məqsədi ilə
edilmişsə və ya etirazın dəlilləri uydurma olaraq
həqiqətə uyğun deyildirsə, bu halda, etirazı
vermiş tərəf yüz on
manatadək cərimə edilə bilər.[39]
21.6. Eyni
hakimə, ekspertə, mütəxəssisə,
tərcüməçiyə və ya məhkəmə
iclasının katibinə eyni əsaslar üzrə eyni
şəxs, onun nümayəndəsi və ya vəkili
tərəfindən məhkəməyə təkrar etiraz
verilə bilməz.[40]
Maddə 22. Edilmiş etirazın həll edilmə
qaydası
22.1. Etiraz edilmişsə,
məhkəmə işdə iştirak edən
şəxslərin fikrini, həmçinin etiraz olunan
şəxs izahat vermək istəyirsə, onun izahatını
dinləməlidir.
22.2. İşə
təkbaşına baxan hakimə etiraz edilməsi məsələsi
məhkəmənin sədri tərəfindən həll
edilir.
22.3. Məhkəmədə
işlərə kollegial baxıldığı zaman
hakimlərdən birinə edilmiş etiraz, etiraz edilənin
iştirakı olmadan digər hakimlər tərəfindən
həll edilir. Etirazın lehinə və əleyhinə
verilən səslərin sayı bərabər olduqda, hakim
kənar edilmiş hesab edilir. Apellyasiya və kassasiya
qaydasında işə baxan bir neçə hakimə və ya
bütün məhkəmə tərkibinə edilən etiraz
apellyasiya və ya kassasiya instansiyası
məhkəmələrinin sədrləri tərəfindən
həll edilir.
22.4. Eskpertə,
mütəxəssisə, tərcüməçiyə və
məhkəmə iclasının katibinə etiraz haqqında
məsələ işə baxan hakim və məhkəmə
tərəfindən həll edilir.
22.5. Əgər etiraz birinci
instansiya məhkəməsində
işə baxan məhkəmə sədrinə, yaxud
təktərkibli məhkəmənin hakiminə
edilmişsə, bu halda etiraz, baxılmaq üçün
apellyasiya instansiyası məhkəməsinə göndərilir.[41]
22.6. Etiraz etmə və ya
özü-özünə etiraz etmə
məsələləri barədə məhkəmə
qərardadı çıxarılır ki, bundan da
şikayət verilməsinə yol verilmir.
Maddə 23. Etirazın və ya
özü-özünə etirazın təmin edilməsinin
nəticələri
23.1. Birinci instansiya
məhkəmələrində işə baxan hakimə etiraz
və ya özü-özünə etiraz təmin edildiyi halda
bu işə həmin məhkəmədə başqa hakimlərin
iştirakı ilə baxılır.
23.2. Birinci instansiya
məhkəməsinin bütün hakimlərinə ayrı-ayrılıqda və ya təktərkibli
məhkəmənin hakiminə edilmiş etiraz və ya
özü-özünə etiraz təmin edilmişsə, bu
halda iş apellyasiya instansiyası
məhkəməsi tərəfindən başqa birinci
instansiya məhkəməsinə verilir.[42]
23.3. Kollegial tərkibdə
işə baxan məhkəmənin bütün
tərkibinə edilmiş etiraz və ya
özü-özünə etiraz təmin olunduqda, iş
həmin məhkəməyə, başqa tərkibə verilir.
23.4.
Naxçıvan Muxtar Respublikasının Ali
Məhkəməsində birinci instansiya qaydasında
işlər üzrə hakimə etiraz və ya özü
özünə etiraz, yaxud məhkəmənin bütün
tərkibinə etiraz edilərsə, bu halda iş başqa
hakim və ya başqa tərkib tərəfindən həmin
məhkəmədə baxılır.[43]
23.5. Apellyasiya
instansiyası məhkəməsinin bütün
məhkəmə tərkiblərinə
ayrı-ayrılıqda edilmiş etiraz təmin edilmişsə,
bu halda iş kassasiya instansiyası məhkəməsi
tərəfindən başqa apellyasiya instansiya
məhkəməsinə verilir.[44]
Fəsil 3
Məhkəmə aidiyyəti[45]
Maddə 24. Mübahisələrin
məhkəməyə aidiyyəti
24.1. Azərbaycan
Respublikasının məhkəmələri, pozulmuş
və barəsində mübahisə edilən hüquq və
azadlıqları müdafiəsi məhkəmədən
kənar digər qaydada həyata keçirilmirsə, bu
Məcəlləyə və ya digər qanunlara müvafiq
olaraq belə hüquq və azadlıqları müdafiə
və təmin edir.
24.2. Mübahisənin ümumi
məhkəməyə və ya kommersiya
məhkəməsinə aidiyyəti işdə iştirak
edən şəxslərin subyektiv tərkibi,
mübahisənin predmeti və hüquq münasibətlərinin
xarakteri nəzərə alınmaqla, bu
Məcəlləyə müvafiq olaraq müəyyən
edilir.[46]
24.3. Məhkəmə mübahisənin
məhkəmə aidiyyəti ilə əlaqədar
məsələlərini ərizənin məhkəmənin
icraatına qəbul edilməsi zamanı yoxlamalıdır.[47]
Maddə 25. Mübahisələrin ümumi
məhkəmələrə aidiyyəti
25.1. Sahibkarlıq
fəaliyyətinin həyata keçirilməsi ilə
əlaqədar olmayan mübahisələrə dair
işlərə mülki məhkəmə icraatı
qaydasında ümumi məhkəmələr baxır.[48]
25.2. Ümumi
məhkəmələr bu Məcəllənin 26.2-ci
maddəsində nəzərdə tutulmuş hallar istisna
olmaqla, bu Məcəllənin 305-ci maddəsində
göstərilən xüsusi icraat işlərinə və
qanunla onların səlahiyyətlərinə aid edilən
digər işlərə də baxırlar.
Maddə 26.
Mübahisələrin kommersiya məhkəmələrinə
aidiyyəti[49]
26.1. Sahibkarlıq
fəaliyyətinin həyata keçirilməsi ilə
əlaqədar olan mübahisələrə (kommersiya
mübahisələrinə) dair işlərə mülki
məhkəmə icraatı qaydasında kommersiya
məhkəmələri baxır.
26.2. Kommersiya
məhkəmələri bu Məcəllənin 40-5-ci
fəslində nəzərdə tutulmuş işlərə,
habelə sahibkarlıq fəaliyyəti ilə əlaqədar
olduqda bu Məcəllənin 35-ci və 40-2-ci
fəsillərində nəzərdə tutulmuş
işlərə və qanunla onların
səlahiyyətlərinə aid edilən digər
işlərə də baxırlar.
Maddə 27. Mübahisələrin beynəlxalq
müqavilələrdən irəli gələn
mübahisələrə dair Azərbaycan Respublikasının
İqtisad Məhkəməsinə aidiyyəti
Beynəlxalq
müqavilələrdən irəli gələn
mübahisələrə dair İqtisad Məhkəməsi
Azərbaycan Respublikasının fiziki və hüquqi
şəxsləri, həmçinin, xarici hüquqi
şəxslərin, xarici investisiyalı hüquqi
şəxslərin, beynəlxalq hüquqi şəxslərin,
sahibkarlıq fəaliyyətini həyata keçirən
əcnəbilərin, vətəndaşlığı olmayan
şəxslərin iştirakı ilə ona aid olan
mübahisələrə baxır.[50]
Maddə 28. Əcnəbilərin,
vətəndaşlığı olmayan şəxslərin,
xarici hüquqi şəxslərin iştirak etdiyi
işlərin aidiyyəti
Əcnəbilərin,
vətəndaşlığı olmayan şəxslərin
və xarici hüquqi şəxslərin iştirak etdikləri
işlərə, əgər dövlətlərarası
sazişlərlə, beynəlxalq müqavilələrlə
və ya tərəflərin sazişi ilə digər hallar
nəzərdə tutulmayıbsa, Azərbaycan Respublikasının
məhkəmələri bu Məcəllə ilə
müəyyən edilmiş aidiyyət qaydalarına uyğun
olaraq baxırlar.[51]
Maddə 29. Mübahisənin arbitraj məhkəməsinə
verilməsi [52]
Məhkəməyə aid olan
mübahisə qanunla, beynəlxalq müqavilələrlə
və ya tərəflərin sazişi ilə
nəzərdə tutulan hallarda, işdə iştirak
edən şəxslərin yazılı
razılığı ilə arbitraj məhkəməsinin
həllinə verilə bilər. [53]
Maddə 30. Bir-biri ilə əlaqədar olan bir
neçə tələbin aidiyyəti
Bir-biri ilə əlaqədar
olan bir neçə tələbi birləşdirərkən,
onlardan bir qismi ümumi məhkəməyə,
digərləri isə kommersiya
məhkəməsinə aiddirsə, tələblərə
kommersiya məhkəməsində baxılmalıdır.[54]
Maddə 31. Aidiyyətin dəyişdirilməsinə
yol verilməməsi
31.1. Aidiyyət
qaydalarının pozulmasına yol verilmir.
31.2. Aidiyyət qaydalarına
riayət etməklə məhkəmənin öz icraatına
qəbul etdiyi iş, sonradan başqa məhkəməyə
aid olsa da, mahiyyəti üzrə həmin məhkəmədə
həll edilməlidir.
Maddə 32. Aidiyyət məsələlərindən
şikayət verilməsi
32.1. İşdə iştirak
edən şəxs, mübahisənin bu və ya başqa
məhkəməyə aidiyyәtinin dəyişdirilməsi
barədə ərizə
verə bilər.[55]
32.2. İşdə iştirak
edən şəxs məhkəmə aidiyyəti ilə
razılaşmamasını əsaslandırmalı və bu
barədə işə mahiyyəti üzrə baxılmağa
başlanana qədər bildirməlidir.
32.3. Hakimin özü də
mübahisənin məhkəməyə aidiyyəti
olmamasını aşkara çıxara bilər.
32.4. Aidiyyət haqqında
məsələ qalxdıqda, hakim işin
aidiyyəti üzrə göndərilməsi və ya
aidiyyət haqqında ərizənin rədd edilməsi
barədə əsaslandırılmış qərardad
çıxarır.[56]
32.5. Aidiyyət haqqında
qərardaddan işdə iştirak edən şəxslər,
qərardad onlara təqdim olunduğu (onlar tərəfindən
alındığı) gündən 10 gün müddətində bu Məcəllənin
21-ci fəsli ilə müəyyən edilmiş qaydada
şikayət verə bilərlər.[57]
32.6. İş
bir məhkəmədən başqa məhkəməyə
aidiyyət haqqında qərardaddan şikayət verilmə
müddəti başa çatdıqdan sonra göndərilir.
32.7. Bir
məhkəmədən digərinə göndərilən
iş onun göndərildiyi məhkəmə
tərəfindən baxılmağa qəbul edilməlidir.
Məhkəmələr arasında məhkəmə
aidiyyətinə dair mübahisələrə yol verilmir.
Məhkəmələr arasında fikir ayrılığı
olduğu hallarda iş onu baxmağa qəbul etmiş
məhkəmənin əsaslandırılmış
qərardadı ilə kassasiya instansiyası
məhkəməsinə göndərilir və aidiyyət
məsələsi həmin məhkəmə
tərəfindən həll edilir.[58]
Fəsil 4
Ərazi aidiyyəti[59]
Maddə 33. Ərazi
aidiyyəti anlayışı
Birinci instansiya
məhkəməsi qismində işlərə ərazi
üzrə baxılmasına dair məhkəmələr
arasında səlahiyyətlərin bölünməsi bu
fəsillə müəyyən olunur.
Maddə 34. Mülki
işlərə birinci instansiya üzrə baxan
məhkəmələr[60]
Məhkəmələrə aid
olan işlərə birinci instansiya üzrə rayon
(şəhər) məhkəmələri, kommersiya
məhkəmələri tərəfindən baxılır. [61]
Maddə 35. İddianın cavabdehin olduğu yerə
görə verilməsi
35.1. Qanunla başqa hal
nəzərdə tutulmamışdırsa, iddia cavabdehin
rəsmi qeydə alındığı yerin
məhkəməsinə verilir.KMQ3
35.2. Hüquqi şəxsə
iddia hüquqi şəxsin ünvanının olduğu
yerə görə verilir. Hüquqi şəxsin
törəmə müəssisəsinin
fəaliyyətindən əmələ gələn iddialar
müəssisənin ünvanının olduğu yerə
görə verilir.
35.3. Qarşılıqlı
iddia, ərazi aidiyyәtindәn
asılı olmayaraq, ilkin iddianın baxıldığı
yerin məhkəməsinə verilir.[62]KMQ3
Maddə 36. İddiaçının
seçməsinə görə aidiyyәt
36.1. Yaşayış yeri
məlum olmayan, yaxud Azərbaycan Respublikasında
yaşayış yeri olmayan cavabdehə iddia onun
əmlakının olduğu yerə görə və ya
məlum olan axırıncı yaşayış yerinə
görə verilə bilər.
36.2. Rəsmi yaşayış
yeri, olduğu yer və ya hüquqi ünvanı
müxtəlif olan bir neçə cavabdehə iddia
cavabdehlərdən birinin rəsmi yaşayış yeri və
ya hüquqi ünvanı üzrə verilə bilər.
36.3. Alimentin alınması
və atalığın müəyyən edilməsi
haqqında iddialar iddiaçı tərəfindən
özünün yaşadığı yerə görə də
verilə bilər.
36.4.
Azadlıqdan məhrum etmə növündə cəza
çəkən şəxslərə qarşı
nikahın pozulması haqqında iddialar iddiaçının
yaşadığı yerə görə verilə bilər.[63]
36.5. İddiaçının
yanında yetkinlik yaşına çatmayan uşaqlar olduqda
və ya iddiaçı səhhətinə görə
cavabdehin yaşadığı yerə getməyə
çətinlik çəkdikdə də nikahın
pozulması haqqındakı iddialar iddiaçının
yaşadığı yerə görə verilə bilər.
36.6. Xəsarət
yetirmə və ya sağlamlığın başqa
şəkildə pozulması ilə, habelə ailəni
dolandıranın ölümü ilə vurulan ziyan
haqqında iddialar ziyan vuranın yaşadığı
yerə görə və ya ziyan vurma yerinə görə
verilə bilər.[64]
36.7. Qanunsuz olaraq məhkum
edilməklə, cinayət məsuliyyətinə cəlb
edilməklə, qətimkan tədbiri kimi həbsə
alınmaqla, başqa yerə getməmək haqqında iltizam almaqla,
yaxud həbs şəklində inzibati tənbeh
verilməklə fiziki şəxsə vurulmuş
zərərin ödənilməsi ilə əlaqədar olaraq
əmək, pensiya və mənzil hüquqlarının
bərpa edilməsi, əmlakın və ya onun dəyərinin
qaytarılması haqqında iddialar həmçinin
iddiaçının yaşayış yerinə görə
verilə bilər.
36.8. İnzibati orqanların
inzibati xətalar haqqında
işlərə baxmağa səlahiyyətli olan
vəzifəli şəxslərinin cərimə və yaxud
başqa tənbehlər tətbiq etmələri haqqında
qərarlarına dair iddialar iddiaçının
yaşadığı yerə görə də verilə
bilər.[65]
36.9.
İstehlakçının hüququnun müdafiəsi
haqqında iddialar iddiaçının yaşadığı
yerə görə, yaxud müqavilənin
bağlandığı və ya icra edildiyi yerə
görə verilə bilər.
36.10. Gəmilərin
toqquşması nəticəsində vurulan zərərin
ödənilməsinə dair, habelə dənizdə
kömək göstərilməsinə və xilas
etməyə görə mükafat alınması haqqında
iddialar cavabdehin gəmisinin olduğu yerə görə və
ya gəminin aid olduğu yerə görə də verilə
bilər.
36.11. İcra yeri
göstərilən müqavilələrdən
əmələ gələn iddialar müqavilənin icra
yerinə görə də verilə bilər.
36.12. Azərbaycan
Respublikasının vətəndaşı və yaxud
hüquqi şəxsi olan və başqa dövlətin
ərazisində yerləşən cavabdehə qarşı
iddia iddiaçının olduğu yerə və ya cavabdehin
əmlakının olduğu yerə görə verilə
bilər.
36.13. Bu Məcəllənin
39-cu maddəsində müəyyən edilmiş aidiyyət
istisna olunmaqla, bu
Məcəllənin 36.1-36.12-ci maddələrinə
görə işin aid olduğu məhkəmələrdən
birini seçmək hüququ iddiaçıya məxsusdur. [66]
Maddə 37. Hüquqi əhəmiyyəti olan
faktların müəyyən edilməsi üzrə
işlərin aidiyyәti
Tikintiyə, qurğuya, torpaq
sahəsinə sahiblik faktının müəyyən
edilməsinə dair həmin tikintinin, qurğunun, torpaq
sahəsinin olduğu yerdə baxılan işlər istisna olmaqla,
hüquqi əhəmiyyəti olan faktların
müəyyən edilməsi barədə işlərə
ərizəçinin olduğu yerdə baxılır.
Maddə 38. Fiziki və hüquqi şəxslərin
müflisləşməsinə (iflasına) dair işlərin
aidiyyəti
Müflisləşmə
(iflas) haqqında işlərə borclu fiziki şəxsin
yaşadığı yerin, hüquqi şəxsin
ünvanının olduğu yerin məhkəməsində baxılır.[67]
Maddə 39. Müstəsna aidiyyət
39.1. Daşınmaz əşyaya mülkiyyət hüququnun
tanınması, daşınmaz əşyanın başqasının qeyri-qanuni
sahibliyindən götürülməsi, mülkiyyət
hüququndan məhrum etmə ilə əlaqədar olmayan mülkiyyətçinin və yaxud başqa qanuni sahibin
hüquqlarının pozulmasını aradan qaldırmaq
haqqında iddialar daşınmaz əşyanın olduğu yerə görə
verilir.[68]KMQ3
39.2. Vərəsələr
tərəfindən vərəsəlik qəbul edilənə
qədər miras qoyanın kreditorları tərəfindən
verilən vərəsəlik hüquq münasibətləri
ilə əlaqədar iddialar miras qalan əmlakın və
yaxud onun əsas hissəsinin olduğu yerin
məhkəməsinə aiddir.
39.3. Yüklərin,
sərnişinlərin və ya baqajın daşınma
müqavilələrindən əmələ gələn
yük daşıyanlara qarşı iddialar nəqliyyat təşkilatı
idarəsinin olduğu yerə görə verilir.
Maddə 40. Müqavilə aidiyyəti
40.1. Ərazi aidiyyəti
qaydalarının pozulmasına yol verilmir.
40.2. Tərəflər öz
aralarındakı saziş ilə mübahisəli
işin ərazi aidiyyətini dəyişdirə
bilərlər. Saziş yazılı şəkildə
ifadə olunmalıdır.[69]
40.3. Saziş tərəflər
arasında gələcəkdə baş verə
biləcək konkret mübahisə ilə bağlı
əvvəlcədən, habelə məhkəmənin icraatında
olan müəyyən məhkəmə işi ilə
bağlı həmin iş üzrə məhkəmənin
hazırlıq iclası keçirilənədək bağlana
bilər.[70]
40.4. Mübahisə
üçün müstəsna aidiyyət nəzərdə
tutulduğu halda bu
Məcəllənin 40.1-40.3-cü maddələrinin
qaydaları tətbiq oluna bilməz.[71]
Maddə 41. Əmr icraatı qaydasında baxılan
iddianın aidiyyəti
Əmr icraatı qaydasında
işlərə baxılarkən ərizə bu fəsillə
müəyyən edilmiş aidiyyət üzrə
məhkəməyə verilir.
Maddə 41-1. Kiçik iddialara dair işlər
üzrə sadələşdirilmiş icraat qaydasında
baxılan iddianın aidiyyəti[72]
Kiçik iddialara dair işlər
üzrə sadələşdirilmiş icraat qaydasında
işlərə baxılarkən iddia ərizəsi bu
fəsillə müəyyən edilmiş aidiyyət
üzrə məhkəməyə verilir.
Maddə 42. Cinayət işindən əmələ
gələn iddia üzrə aidiyyət
Cinayət işindən
əmələ gələn mülki iddia, əgər o,
cinayət işinin icraatı zamanı
verilməmişdirsə və yaxud həll
olunmamışdırsa, bu Məcəllə ilə
müəyyən olunmuş mülki məhkəmə
icraatının qaydaları üzrə baxılmaq
üçün verilir.
Maddə 43. Biri-biri ilə əlaqədar olan bir
neçə işin aidiyyəti
43.1. Əgər müxtəlif
məhkəmələrin icraatında olan işlər biri-biri
ilə əlaqəlidirsə, ədalət mühakiməsinin
düzgün həyata keçirilməsi üçün
onlara birgə baxılmalı və qətnamə
çıxarılmalıdır. Bu
məqsədlə iş (işlər) bir-biri ilə
əlaqəli işlərdən birini ilkin olaraq icraata
qəbul etmiş məhkəməyə
göndərilməlidir. [73]
43.2. Bir-biri
ilə əlaqəli olan işlərin bir icraatda
birləşdirilməsi həm işdə iştirak edən
şəxslərin vəsatəti, həm də
məhkəmənin öz təşəbbüsü ilə
həyata keçirilə bilər. [74]
Maddə 44. Məhkəmənin öz icraatına
qəbul etdiyi işi başqa məhkəməyə
verməsi
44.1. Aidiyyət qaydalarına
riayət edilməklə məhkəmənin öz
icraatına qəbul etdiyi iş, sonradan başqa
məhkəməyə aid olsa da, mahiyyəti üzrə
həmin məhkəmədə həll edilməlidir.
44.2. Məhkəmə işi
aşağıdakı hallarda başqa məhkəmədə
baxılmağa verir:
44.2.1. əvvəlcə
yaşayış yeri məlum olmayan cavabdeh işi onun
yaşadığı yerin məhkəməsinə vermək
haqqında vəsatət verərsə;
44.2.2. iş həmin
məhkəmədə baxıldığı zaman onun
aidiyyət qaydalarının pozulması ilə icraata qəbul
edildiyi aşkar olarsa;
44.2.3. hakimlərdən
birinə və ya bir neçəsinə edilmiş etiraz
təmin edildikdən sonra, eləcə də digər ciddi
səbəblərdən həmin məhkəmədə onları
əvəz etmək və ya işə baxmaq mümkün
olmazsa;
44.2.4. iddia
həmin məhkəməyə qarşı
qaldırılmışdırsa;[75]
44.2.5. hər
iki tərəf işə sübutların əksər
hissəsinin olduğu yerin məhkəməsində
baxılması barədə vəsatət vermişdirsə;[76]
44.2.6. bu Məcəllənin
43-cü maddəsində nəzərdə tutulmuş hallarda.
Maddə 45. İşlərin başqa
məhkəməyə verilməsi və ərazi aidiyyəti məsələlərindən
şikayət vermə qaydası[77]
45.1. Məhkəmə mübahisənin
ərazi aidiyyəti ilə əlaqədar
məsələləri ərizənin məhkəmənin
icraatına qəbul edilməsi zamanı yoxlamalıdır.
Ərazi aidiyyəti ilə bağlı
məsələlərə məhkəmə
tərəfindən onun öz təşəbbüsü
və ya işdə iştirak edən şəxslərin
əsaslandırılmış vəsatəti ilə
baxılır.[78]
45.2. Məhkəmə mübahisənin
ərazi aidiyyəti ilə bağlı bu Məcəllənin 21-ci
fəslinin qaydalarına uyğun olaraq qərardad
çıxarır. Həmin qərardaddan işdə
iştirak edən şəxslər tərəfindən
qərardadın alındığı (verildiyi) andan 10 gün ərzində
şikayət verilə bilər.[79]
45.3. İşin bir
məhkəmədən başqa məhkəməyə
verilməsi həmin qərardaddan şikayət verilmə
müddəti başa çatdıqdan sonra icra edilir.
45.4. Bir məhkəmədən
digərinə göndərilən iş, onun
göndərildiyi məhkəmə tərəfindən
baxılmağa qəbul edilməlidir. Məhkəmələr
arasında ərazi aidiyyәtinә dair
mübahisələrə yol verilmir. Məhkəmələr
arasında fikir ayrılığı olduğu hallarda
apellyasiya instansiyası məhkəməsi
tərəfindən iş bir məhkəmədən
başqasına verilir.
45.5. İşin bu
Məcəllənin 44.2.3 və 44.2.4-cü
maddələrində nəzərdə tutulmuş hallarda aid
olduğu məhkəməyə verilməsi apellyasiya
instansiyası məhkəməsi tərəfindən
həyata keçirilir.
45.6.
Fövqəladə vəziyyətin tətbiq edildiyi
ərazidə ədalət mühakiməsinin birinci instansiya
məhkəməsi tərəfindən həyata
keçirilməsi qeyri-mümkün olduqda bu səlahiyyət
Azərbaycan Respublikasının Ali Məhkəməsi
tərəfindən başqa birinci instansiya
məhkəməsinə verilə bilər. [80]
Fəsil 5
İşdə
iştirak edən şəxslər və prosesin digər
iştirakçıları
Maddə 46. İşdə iştirak edən
şəxslərin tərkibi
Tərəflər,
üçüncü şəxslər,
ərizəçilər, maraqlı şəxslər,
pozulmuş və ya barəsində mübahisə edilən hüquqlarının
müdafiəsi üçün məhkəməyə
müraciət etmək hüququ olan ictimai təşkilatlar,
dövlət orqanları və digər orqanlar işdə iştirak
edən şəxslərdir.
Maddə 47. İşdə iştirak edən
şəxslərin hüquq və vəzifələri
47.1. İşdə iştirak
edən şəxslər, prosessual qanunvericiliklə onlara
verilmiş prosessual hüquqlardan vicdanla istifadə
etməyə borcludurlar.
47.2. İşdə iştirak
edən şəxslər işin materialları ilə
tanış olmaq, onlardan çıxarışlar etmək
və surət çıxarmaq, etirazlar vermək, sübutlar
təqdim etmək və onların tədqiqində iştirak
etmək, işdə iştirak edən digər
şəxslərə, şahidlərə, ekspertlərə
və mütəxəssislərə suallar vermək,
vəsatətlər, o cümlədən də əlavə
sübutların tələb edilməsi barədə
vəsatətlər vermək, məhkəməyə
şifahi və yazılı izahatlar vermək,
məhkəmə prosesinin gedişi vaxtı ortaya
çıxan bütün məsələlər
barədə dəlillər gətirmək, işdə
iştirak edən digər şəxslərin vəsatət
və dəlillərinə etiraz etmək, məhkəmə
qərarlarından şikayət etmək və mülki
məhkəmə icraatı barədə qanunvericilikdə
verilən digər prosessual hüquqlardan istifadə etmək
hüququna malikdirlər.
47.3. İşdə iştirak
edən şəxslər, mülki məhkəmə
icraatı barədə qanunvericiliklə nəzərdə
tutulan, icra olunmaması nəticə yarada bilən hallarda
prosessual vəzifələr daşıyırlar.
47.4. Məhkəmə işdə
iştirak edən şəxslərə onların prosessual
hüquq və vəzifələrinin izahı haqqında
bildiriş göndərir.[81]
Maddə 48. Mülki prosessual hüquq qabiliyyəti
Hər bir fiziki və hüquqi
şəxs eyni dərəcədə qanunla müəyyən
edilən və qanunla yol verilən mülki prosessual
hüquqlar əldə etmək və vəzifələr
daşımaq qabiliyyətinə (mülki-prosessual hüquq
qabiliyyəti) malikdir.
Maddə 49. Mülki prosessual fəaliyyət
qabiliyyəti
49.1. Öz fəaliyyəti
ilə məhkəmədə hüquqlarını həyata
keçirmək və vəzifələrini yerinə
yetirmək, işin aparılmasını
nümayəndəyə tapşırmaq qabiliyyəti
(mülki-prosessual fəaliyyət qabiliyyəti) tam
həcmdə yetkinlik yaşına çatmış hər
bir fiziki şəxsə və qanunvericiliklə
müəyyən edilmiş qaydada qeydə alınmış
hüquqi şəxsə məxsusdur.
49.2. On altı yaşı olan
yetkinlik yaşına çatmamış şəxs tam
fəaliyyət qabiliyyətli elan edildiyi halda (emansipasiya) o,
məhkəmədə şəxsən öz hüquq və
vəzifələrini həyata keçirə bilər.
49.3. Yetkinlik yaşına
çatmayan on dörd yaşından on səkkiz
yaşınadək şəxslərin, habelə məhdud
fəaliyyət qabiliyyətli hesab edilən
şəxslərin hüquq, azadlıq və qanunla qorunan
mənafeləri məhkəmədə onların qanuni
nümayəndələri tərəfindən qorunur. Lakin
məhkəmə yetkinlik yaşına çatmayanların
və ya məhdud fəaliyyət qabiliyyətli hesab edilən
şəxslərin özlərini bu işlərdə
iştirak etməyə cəlb edə bilər.
49.4. On dörd
yaşınadək yetkinlik yaşına çatmayanların,
habelə fəaliyyət qabiliyyəti olmayan hesab edilən
şəxslərin hüquq, azadlıq və qanunla qorunan
mənafelərini məhkəmədə onların qanuni
nümayəndələri qoruyurlar.
49.5. Qanunla nəzərdə
tutulan hallarda mülki, ailə, əmək, inzibati və
digər hüquq münasibətlərindən
əmələ gələn və alınmış
əmək haqqı və ya sahibkarlıq
fəaliyyətindən əldə edilən gəlirə
sərəncam verməklə əlaqədar olan əqdlər
üzrə öz hüquq, azadlıq və qanunla qorunan
mənafelərini yetkinlik yaşına çatmayanlar
məhkəmədə şəxsən özləri
müdafiə edirlər.[82]
Maddə 50. Tərəflər KMQ5
50.1. Prosesdə
tərəflər iddiaçı və cavabdeh hesab
edilirlər. Fiziki və hüquqi şəxslər, vəzifəli
şəxslər, dövlət orqanları və başqa
orqanlar iddiaçı və ya cavabdeh qismində
çıxış edə bilərlər.[83]
50.2. Özünün və ya
başqasının mənafeyi naminə iddia
qaldırmış fiziki və hüquqi şəxslər, habelə dövlət idarə
və təşkilatlarının və ya
təsisçisi dövlət və ya dövlət
idarəsi, yaxud təşkilatı olan hüquqi
şəxslərin müvafiq müraciəti olduğu hallarda
dövlət mənafeyinin müdafiəsi üçün
iddia qaldırmış prokuror iddiaçılar hesab
edilirlər.[84]
50.3. İddia tələbinin
yönəldiyi fiziki və hüquqi şəxslər cavabdeh
hesab olunurlar.
50.4. Qanunda nəzərdə
tutulan hallarda hüquqi şəxs olmayan təşkilatlar da
tərəf ola bilərlər.
50.5. Qanun üzrə
başqasının hüquq, azadlıq və qanunla qorunan
mənafeyinin müdafiəsi üçün
məhkəməyə müraciət etmək hüququ olan
şəxsin ərizəsi ilə mənafeyi üçün
iddia qaldırılmış şəxs, başlanmış
proses barədə xəbərdar edilir və
məhkəmə prosesində iddiaçı qismində
iştirak edir. Tərəflər prosessual hüquqlardan
bərabər istifadə edirlər və bərabər
prosessual vəzifələr daşıyırlar.
Maddə 51. İşdə bir neçə
iddiaçının və cavabdehin iştirakı
51.1. İddia
müştərək qaydada bir neçə iddiaçı
tərəfindən və ya bir neçə cavabdehə
qarşı qaldırıla bilər.
İddiaçıların və ya cavabdehlərin hər biri
digər tərəfə dair prosesdə müstəqil
çıxış edir.
51.2. Birgə
iştirakçılar işin aparılmasını həmin
iştirakçılardan birinə tapşıra
bilərlər.
51.3. Başqa cavabdeh işə
məhkəmə tərəfindən iddiaçının
yazılı vəsatəti əsasında və ya
məhkəmənin başqa cavabdehin cəlb edilməsinə
dair təklifinə iddiaçının yazılı
razılığı əsasında işin
məhkəmədə baxılmağa hazırlanması
yekunlaşana qədər cəlb edilir. Məhkəmə
baxışı zamanı başqa cavabdehin işə cəlb
edilməsinə o halda yol verilir ki, bunun üçün
əsaslar məhkəmə baxışı gedişində
əmələ gəlmiş olsun və ya iddiaçı bu
hərəkətlərin işin məhkəmədə
baxılmağa hazırlanması yekunlaşana qədər
edilməsinin ondan asılı olmayan səbəblərə
görə mümkün olmadığını
əsaslandırsın.[85]
Maddə 52. İddiadan imtina edilməsi, iddianın
etiraf edilməsi, barışıq sazişi
52.1. İddiaçı iddiadan
imtina edə bilər. İddiadan imtina etmə yazılı
formada ifadə edilməlidir.
52.2. Cavabdeh bu barədə
yazılı ərizə verilməklə və ya protokolda
qeyd edilməklə ona qarşı verilən iddianı tam
və ya qismən etiraf etmək hüququna malikdir.
52.3. Tərəflər
məhkəmə işini bilavasitə
özləri, yaxud mediasiya vasitəsilə barışıq sazişi
bağlamaqla qurtara bilərlər.[86]
52.4.
Məhkəmə prosesin istənilən
mərhələsində tərəflərə
mübahisənin hüquqi həlli ilə bağlı
məlumat və barışıq sazişi, yaxud mübahisənin mediasiya vasitəsilə
həlli üçün təkliflər
verməyə haqlıdır.[87]
52.5. İddiaçının
iddiadan imtina etməsi, iddianın cavabdeh tərəfindən
etiraf edilməsi və tərəflərin barışıq
sazişi qanuna zidd olarsa və ya hər hansı bir
şəxsin hüquqlarını və qanunla qorunan
mənafeyini pozarsa, məhkəmə belə
hərəkətləri qəbul etmir. Belə hallarda
məhkəmə mübahisəyə mahiyyəti üzrə
baxır.
Maddə 53. İddianın dəyişdirilməsi
İddiaçı işin
məhkəmədə baxılmağa hazırlanması
yekunlaşana qədər iddianın əsasını və
ya predmetini dəyişməyə, iddia tələbinin
həcmini artırmağa və ya azaltmağa haqlıdır.
Məhkəmə baxışı zamanı iddianın
əsasını və ya predmetini dəyişməyə,
iddia tələbinin həcmini artırmağa və ya
azaltmağa o halda yol verilir ki, bunun üçün əsaslar
məhkəmə baxışı gedişində
əmələ gəlmiş olsun və ya iddiaçı bu
hərəkətlərin işin məhkəmədə
baxılmağa hazırlanması yekunlaşana qədər
edilməsinin ondan asılı olmayan səbəblərə
görə mümkün olmadığını
əsaslandırsın.[88]
Maddə 54. Əsl olmayan tərəfin əvəz
edilməsi
54.1. İddia tələb hüququ
olmayan şəxs tərəfindən verildikdə və ya
iddiaya cavab verməli olmayan şəxsə verildikdə
məhkəmə işin məhkəmədə
baxılmağa hazırlanması yekunlaşana qədər
iddiaçının yazılı razılığı
ilə iddiaçını və ya cavabdehi əsl
iddiaçı və ya cavabdeh ilə əvəz edə
bilər. Məhkəmə baxışı zamanı iddiaçının
və ya cavabdehin əsl iddiaçı və ya cavabdeh ilə
əvəz edilməsinə o halda yol verilir ki, bunun
üçün əsaslar məhkəmə baxışı
gedişində əmələ gəlmiş olsun.[89]
54.2.
İddiaçı özünün əsl iddiaçı
ilə və ya cavabdehin əsl cavabdehlə əvəz
edilməsinə razı olmadıqda, məhkəmə
işə irəli sürülmüş tələblər
üzrə baxır.[90]
54.3. İddiaçı cavabdehin başqa şəxslə əvəz edilməsinə razı olmadıqda, məhkəmə bu şəxsi ikinci cavabdeh kimi işə cəlb edə bilər.[91]
54.4. Əsl olmayan tərəf
əvəz edildikdən sonra işə əvvəldən
baxılmağa başlanır.
Maddə 55. Mübahisə predmeti barəsində
müstəqil tələblər irəli sürən
üçüncü şəxslər
55.1. Mübahisə predmeti
barəsində müstəqil tələblər irəli
sürən üçüncü şəxslər işin məhkəmədə
baxılmağa hazırlanması yekunlaşana qədər bir tərəfə və yaxud
hər iki tərəfə qarşı iddia irəli
sürməklə işə qarışa bilərlər.[92]
55.2. Onlar bu Məcəllənin 4.3 ‒ 4.6-cı
maddələrində müəyyən edilmiş qaydalara əməl olunması
vəzifəsi istisna olmaqla, iddiaçının bütün
hüquqlarından istifadə edir və onun bütün
vəzifələrini daşıyırlar.[93]
Maddə 56. İşə bərpa etmək haqqında işlər üzrə üçüncü şəxslərin cəlb edilməsi
56.1. Qanunsuz olaraq işdən çıxarılan və ya
başqa işə keçirilən işçilərin işə bərpa edilməsi haqqında işlər üzrə sərəncamı ilə işçini işdən çıxarmış və ya
başqa işə keçirmiş vəzifəli şəxsi məhkəmə cavabdehin tərəfində üçüncü şəxs kimi
işdə iştirak etməyə cəlb edə bilər.
56.2. Məhkəmə
işçinin işdən çıxarılmasında
və ya başqa işə keçirilməsində qanunun
aşkar surətdə pozulduğunu müəyyən etdikdə,
çarəsizlikdən məcburi işburaxma müddəti
üçün və ya aşağı maaşlı
işin görüldüyü müddət üçün
haqq ödənilməsi ilə əlaqədar hüquqi
şəxsə vurulmuş zərəri və ya
işçiyə vurulmuş mənəvi zərəri
ödəmək vəzifəsini təqsirli vəzifəli
şəxsin üzərinə qoya bilər. Belə hallarda
vəzifəli şəxslərdən tutulmalı olan
məbləğin miqdarı əmək qanunvericiliyi ilə
müəyyən edilir. [94]
Maddə 57. Mübahisə predmeti barəsində
müstəqil tələblər irəli sürməyən
üçüncü şəxslər
57.1. Mübahisə predmeti
barəsində müstəqil tələblər irəli
sürməyən üçüncü şəxslər iş
üzrə birinci instansiya məhkəməsi
tərəfindən qətnamə çıxarılana
qədər, bu qətnamə tərəflərdən
birinə münasibətdə onların hüquq və
vəzifələrinə təsir edə biləcəyi
təqdirdə, prosesdə iddiaçının və ya
cavabdehin tərəfində iştirak edə bilərlər.
Onlar işdə iştirak edən şəxslərin
vəsatəti üzrə və ya məhkəmənin
təşəbbüsü ilə işdə iştirak
etməyə cəlb oluna bilərlər.[95]
57.2. Müstəqil
tələblər irəli sürməyən
üçüncü şəxslər iddianın
əsasını və predmetini dəyişdirmək, iddia
tələblərinin miqdarını artırmaq və ya
azaltmaq, iddiadan imtina etmək, iddianı etiraf etmək,
qarşılıqlı iddia vermək, məhkəmə
qətnaməsinin məcburi icrasını tələb
etmək hüquqları istisna olmaqla, tərəfin prosessual
hüquqlarından istifadə edir və onun prosessual
vəzifələrini daşıyırlar.[96]
Maddə 58. Prosessual hüquq varisliyi
58.1. Barəsində
mübahisə edilən hüquq münasibətində və
ya qətnamə ilə müəyyən edilən hüquq
münasibətində tərəflərdən biri sıradan
çıxdıqda (şəxs öldükdə, hüquqi
şəxs yenidən təşkil edildikdə, tələb
güzəşt edildikdə, borc
köçürüldükdə və maddi hüquq
münasibətlərində şəxslərin
dəyişməsinin digər hallarında) məhkəmə
həmin tərəfi onun hüquq varisi ilə əvəz
etməyə yol verir. Hüquq varisliyi prosesin hər hansı
mərhələsində mümkündür.
58.2. Hüquq varisi prosesə
daxil olana qədər prosesdə edilmiş bütün
hərəkətlər, onun əvəz etdiyi şəxs
üçün məcburi olduğu kimi, hüquqi varisi üçün
də məcburidir.
Maddə 59. Başqa şəxslərin
hüquqlarını və dövlət mənafeyini
müdafiə etmək üçün
məhkəməyə müraciət etmə
59.1. Qanunla nəzərdə
tutulmuş hallarda dövlət orqanları, ayrı-ayrı
fiziki və hüquqi şəxslər başqa
şəxslərin hüquqlarının, azadlıqlarının
və qanunla qorunan mənafelərinin müdafiəsi
üçün onların xahişi ilə və yaxud
digər şəxslərin mənafelərinin müdafiəsi
üçün iddia ilə məhkəməyə
müraciət edə bilərlər. Fəaliyyət
qabiliyyəti olmayan və ya yetkinlik yaşına çatmayan
şəxslərin mənafelərinin müdafiəsi
üçün maraqlı şəxslərin xahişi olmadan
iddia qaldırıla bilər.
59.2. Başqa
şəxslərin mənafelərinin müdafiəsi
üçün iddia qaldıran şəxslər mübahisənin mediasiya vasitəsilə
həllinə razılıq vermək və ya barışıq sazişi
bağlamaq hüquqlarından başqa, iddiaçının
bütün prosessual hüquqlarından istifadə edir və
vəzifələrini daşıyırlar. Həmin
şəxslərin və orqanların iddiadan imtina etməsi,
xeyrinə iddia qaldırılmış şəxsi
işə mahiyyəti üzrə baxılmasını
tələb etmək hüququndan məhrum etmir.[97]
59.3. Mənafeyi naminə iş
başlanmış şəxs tələbdən imtina
etdikdə məhkəmə iş üzrə icraata xitam verir.
Maddə 60. Dövlət orqanlarının və yerli
özünüidarə orqanlarının rəy vermək
üçün prosesdə iştirakı
Qanunla nəzərdə
tutulmuş hallarda məhkəmə qətnamə çıxaranadək
onlara tapşırılmış vəzifələrin
həyata keçirilməsi, fiziki şəxslərin
hüquqlarının, azadlıqlarının və qanunla
qorunan mənafelərinin, habelə dövlət və ictimai
mənafelərin müdafiəsi məqsədi ilə iş
üzrə rəy vermək üçün dövlət
orqanlarını və yerli özünüidarə
orqanlarını prosesdə iştirak etməyə cəlb
edə bilər.[98]
Maddə 61. Prosesin digər
iştirakçıları
İşdə iştirak
edən şəxslərdən başqa prosesdə
şahidlər, ekspertlər, mütəxəssislər,
tərcüməçilər, nümayəndələr
və vəkillər iştirak edə bilərlər.
Maddə 62. Şahid
62.1. Məhkəmə
tərəfindən mübahisənin düzgün həlli
məqsədi ilə işin halları barədə
məlumatı olan hər bir şəxs şahid qismində
dindirilə bilər.
62.2. Şahid qismində
məhkəməyə çağırılan şəxs
məhkəməyə gəlməyə və iş
üzrə ona məlum olan məlumatları və halları
bildirməyə borcludur.
62.3. Şahid düzgün
ifadə verməyə, hakimlərin və prosesdə
iştirak edən şəxslərin suallarına cavab
verməyə borcludur.
62.4. Şahid
bilərəkdən yalan ifadə verməyə və ifadə
verməkdən boyun qaçırmağa görə
cinayət məsuliyyəti daşıyır.
Maddə 63. Ekspert
63.1. Xüsusi biliyə malik
olan, bu Məcəllədə nəzərdə tutulmuş
hallarda rəy verməsi zəruri hesab edilən, məhkəmə
tərəfindən təyin edilən və ya işdə
iştirak edən şəxslərlə ekspertizanın
aparılması barədə müqavilə
bağlamış şəxs
məhkəmədə ekspert qismində çıxış
edə bilər. [99]
63.2. Ekspertizanın
aparılması tapşırılan şəxs
məhkəmənin çağırışı
üzrə gəlməyə və qarşısına qoyulan
suallar barədə obyektiv rəy verməyə borcludur. Ekspert
onun üzərinə qoyulan vəzifəni yerinə
yetirmək üçün zəruri biliyə malik
olmadıqda, rəy verməkdən imtina etməlidir.
63.3. Rəy vermək zəruri
olduqda, ekspert iş materialları ilə tanış olmaq,
məhkəmə iclaslarında iştirak etmək, suallar
vermək, əlavə materialların təqdim edilməsini
məhkəmədən xahiş etmək hüquqlarına
malikdir.
63.4. Ekspert bilə-bilə yalan rəy verməyə görə
və ya rəy verməkdən imtina etməyə
görə cinayət məsuliyyəti daşıyır. [100]
Maddə 64. Mütəxəssis
64.1. İşə
baxılarkən məhkəməyə kömək etmək
üçün zəruri texniki, digər bilik və
düşüncəyə malik olan şəxs
məhkəmədə mütəxəssis qismində
çıxış edə bilər.
64.2. Mütəxəssis
qismində məhkəməyə
çağırılmış şəxs
məhkəməyə gəlməyə, məhkəmənin
və tərəflərin verdiyi suallara cavab verməyə,
şifahi və yazılı məsləhətlər və
izahatlar verməyə, zəruri hallarda məhkəməyə
texniki kömək göstərməyə borcludur.
Maddə 65. Tərcüməçi
65.1. Dilləri bilən,
tərcümə etmək üçün zəruri biliyə
malik olan və bu Məcəllədə nəzərdə
tutulmuş hallarda məhkəmə tərəfindən
təyin edilmiş şəxs tərcüməçi hesab
olunur. Məhkəmə icraatında iştirak edən
əlilliyi olan şəxslər ixtisaslaşmış
vasitəçilərin (qiraətçilərin və
peşəkar surdo tərcüməçilərin)
köməyindən istifadə etdiyi hallarda, həmin
ixtisaslaşmış vasitəçilər
(qiraətçilər və peşəkar surdo
tərcüməçilər) bu Məcəllənin
məqsədləri üçün tərcüməçi
hesab olunurlar.[101]
65.2. Tərcüməçi
proses iştirakçıları tərəfindən
təklif olunan şəxslərdən təyin oluna bilər.
65.3. Prosesin digər
iştirakçıları dilləri bilsələr də,
tərcüməçi vəzifəsini öz
üzərinə götürə bilməzlər.
65.4. Tərcüməçi
məhkəmənin çağırışı
üzrə gəlməyə, tam, dəqiq və vaxtında
tərcümə etməyə borcludur.
65.5. Tərcüməçi
tərcüməni dəqiqləşdirmək
üçün proses iştirakçılarına suallar
verməyə haqlıdır.
65.6. Tərcüməçi
bilə-bilə yanlış
tərcüməyə görə cinayət məsuliyyəti
daşıyır. [102]
Maddə 66. Vəkil
Azərbaycan
Respublikasının ərazisində mülki prosesdə
vəkil kimi Azərbaycan Respublikasında müəyyən
olunmuş qaydada səlahiyyəti təsdiq olunmuş
vəkillər iştirak edirlər.
Maddə 67. Vəkilin prosesdə məcburi
iştirakı [103]
67.1. Kassasiya
və əlavə kassasiya şikayətləri, habelə
məhkəmə aktına yeni açılmış hallar
üzrə yenidən baxılması haqqında
ərizələr yalnız vəkil tərəfindən
tərtib edildikdə icraata qəbul edilir. Kassasiya və
əlavə kassasiya qaydasında, habelə məhkəmə
aktına yeni açılmış hallar üzrə
yenidən baxıldıqda işdə iştirak edən
şəxslər məhkəmə iclaslarında yalnız
vəkillə birgə iştirak edirlər.
67.2. Bu Məcəllə ilə vəkilin prosesdə
məcburi iştirakı tələb olunduğu hallarda
işdə iştirak edən şəxslərin vəkilin
xidmətlərini ödəmək üçün kifayət
qədər vəsaiti olmadıqda, məhkəmə
aktını qəbul etmiş məhkəmə işdə
iştirak edən şəxslərin yazılı müraciəti
əsasında vəkilin prosesdə iştirakını
təmin edir.[104]
Maddə 67-1. Vəkilin prosesdə dövlət
hesabına iştirakı
67-1.1. Bu Məcəllə ilə
vəkilin prosesdə məcburi iştirakı tələb
olunduğu hallarda işdə iştirak edən
şəxslərin vəkilin xidmətlərini ödəmək
üçün kifayət qədər vəsaiti olmadıqda,
işdə iştirak edən şəxslərin yazılı
müraciəti əsasında məhkəmə aktını
qəbul etmiş məhkəmə dövlət hesabına
vəkilin prosesdə iştirakını təmin edir.
67-1.2. Birinci və apellyasiya instansiya
məhkəmələrində mülki işlər
üzrə məhkəmə icraatında maraqlarının
təmsil olunması və prosessual hüquqlarının
həyata keçirilməsi məqsədilə peşəkar
hüquqi yardıma ehtiyacı olan, lakin kifayət qədər
vəsaiti olmayan şəxsin dövlət hesabına vəkil
ilə təmin olunması məsələsini
məhkəmə həll edir. Bu işlərə,
məhkəməyə müraciət etmək
üçün hüquqi yardıma ehtiyacı olan, lakin
kifayət qədər vəsaiti olmayan şəxsin
müraciətinə əsasən vəkil qurumunun
ərizəsi əsasında həmin qurumun yerləşdiyi
yer üzrə rayon (şəhər) məhkəməsi,
məhkəmə icraatı zamanı isə işdə
iştirak edən şəxsin yazılı müraciəti
əsasında işə baxan məhkəmə
tərəfindən baxılır.
67-1.3. Bu Məcəllənin 67-1.1-ci
maddəsində nəzərdə tutulmuş hallarda
məhkəmə bu Məcəllənin 67-1.4-cü
maddəsində göstərilən şəxslərin, habelə
vəkilin xidmətlərini ödəmək üçün
kifayət qədər vəsaiti olmayan işdə iştirak
edən digər şəxslərin vəkil
tərəfindən göstərilən hüquqi yardım
haqqını ödəməkdən azad edilməsi və
ödəmənin Azərbaycan Respublikasının
dövlət büdcəsi vəsaiti hesabına həyata
keçirilməsi və ya bundan imtina barədə
əsaslandırılmış qərardad qəbul edir.
67-1.4. Bu Məcəllənin 67-1.2-ci
maddəsində nəzərdə tutulmuş hallarda
məhkəmə iddia tələbinin kifayət qədər
əsaslılığına dair ilkin sübutların
mövcudluğunu nəzərə alaraq,
aşağıdakı şəxslərin vəkil
tərəfindən göstərilən hüquqi yardım haqqını
ödəməkdən azad edilməsi və
ödəmənin Azərbaycan Respublikasının
dövlət büdcəsi vəsaiti hesabına həyata
keçirilməsi və ya bundan imtina barədə
əsaslandırılmış qərardad qəbul edir:
67-1.4.1. orqanizmin funksiyalarının
61-100 faiz pozulmasına görə əlilliyi
müəyyən edilmiş və işləməyən,
eləcə də 18 yaşınadək əlilliyi müəyyən
edilmiş şəxslər;
67-1.4.2. insan alverinin qurbanları,
məişət zorakılığından zərər
çəkmiş şəxslər;
67-1.4.3. valideynini itirmiş və ya
valideyn himayəsindən məhrum olunmuş uşaqlar;
67-1.4.4. ünvanlı dövlət sosial
yardımı alan ailələrin üzvləri;
67-1.4.5. müvafiq icra hakimiyyəti
orqanında işsiz kimi qeydiyyatda olan şəxslər;
67-1.4.6. maddi vəziyyəti və orta
aylıq gəlirinin cari il üçün yaşayış
minimumundan əhəmiyyətli dərəcədə
aşağı olması məhkəmə tərəfindən
qiymətləndirilən digər şəxslər.
67-1.5. Məhkəmə bu
Məcəllənin 67-1.4-cü maddəsində
nəzərdə tutulmuş şəxslərin
müraciətinə əsasən vəkil qurumunun
ərizəsinə daxil olduğu vaxtdan 15 gün
müddətində, müraciət müvəqqəti
təminat tədbirlərinin tətbiqi ilə bağlı
olduqda isə təxirə salınmadan baxır. Ərizəyə
baxılmasının nəticəsi barədə
qərardaddan bu Məcəllə ilə müəyyən
edilmiş qaydada şikayət verilə bilər.
67-1.6. Məhkəmə müvafiq icra
hakimiyyəti orqanının müəyyən etdiyi
məbləğdə ödənilmiş vəsaitin
iddianın təmin edilmiş hissəsinə mütənasib
olaraq əleyhinə məhkəmə qərarı
çıxarılmış digər şəxsdən
tutularaq dövlət büdcəsinə ödənilməsini
iş üzrə yekun qərarında qət edə bilər.[105]
Maddə 68. Vəkilin hüquq və
vəzifələri
68.1. İş
məhkəmə baxışına hazırlandıqda və
həmin işə məhkəmədə baxıldıqda
vəkil ixtisaslı hüquqi yardım
göstərməyə borcludur.
68.2. Məhkəmə
tərəfindən işə buraxılmış vəkil
iş materialları ilə tanış olmaq, onlardan
çıxarışlar götürmək, surətlərini
çıxartmaq, sübutlar təqdim etmək və
sübutların tədqiqində iştirak etmək,
işdə iştirak edən başqa şəxslərə,
şahidlərə, ekspertlərə və
mütəxəssislərə suallar vermək, vəsatət
vermək, habelə əlavə sübutlar tələb
olunması barədə vəsatət vermək,
məhkəməyə şifahi və yazılı izahat
vermək, məhkəmə baxışı gedişində
baş verən bütün məsələlər
barədə öz dəlil və mülahizələrini
təqdim etmək, işdə iştirak edən digər
şəxslərin vəsatət və dəlillərinə
etiraz etmək hüququna malikdir.
68.3. İşdə iştirak
edən şəxslərin tapşırığı ilə
vəkalət əsasında vəkil məhkəmə
aktlarından şikayət verir və qanunla ona verilmiş sair
hüquqlardan istifadə edir.
Fəsil 6
Məhkəmədə
nümayəndəlik
Maddə 69. Nümayəndə vasitəsi ilə
işin aparılması
69.1. Hər bir fiziki və ya
hüquqi şəxs şəxsən, yaxud müvafiq qaydada
səlahiyyəti müəyyən edilmiş
nümayəndəsi vasitəsi ilə məhkəməyə
iddia verə bilər. Zəruri olduqda, məhkəmə izahat
vermək üçün tərəfi şəxsən
məhkəməyə çağırmaq hüququna malikdir.
69.1-1. Fiziki şəxsin
nümayəndəsi onun yaxın qohumu və ya vəkil (bu
Məcəllənin 71-ci maddəsində nəzərdə
tutulan şəxslər istisna olmaqla) ola bilər. Nümayəndənin
məhkəmədə iş aparmaq səlahiyyəti lazımi
qaydada rəsmiləşdirilməlidir.[106]
69.2. Hüquqi şəxsi
məhkəmədə qanunlarla, digər hüquqi aktlarla
və ya hüquqi şəxsin təsis sənədləri
ilə müəyyən edilmiş səlahiyyətli şəxsləri,
yaxud müvafiq qaydada səlahiyyət verilmiş və əsas
iş yeri həmin hüquqi şəxs olan
işçiləri və ya vəkillər təmsil edir.[107]
69.3. Təşkilat
rəhbərinin səlahiyyəti onun tərəfindən
məhkəməyə təqdim edilmiş xidməti vəzifəsini
bildirən sənədi, zəruri olduqda isə təsis
sənədləri ilə (nizamnamə, müqavilə ilə)
təsdiq olunur.
69.4. Ləğv edilən
hüquqi şəxsin adından məhkəmədə
ləğvetmə komissiyasının səlahiyyətli
nümayəndəsi (təsviyəçi, ləğvedici) çıxış edir.[108]
Maddə 70. Məhkəmədə nümayəndə
ola bilən şəxslər[109]
Bu Məcəllənin 71-ci
maddəsində sadalanan şəxslər istisna olmaqla,
məhkəmədə iş aparmaq üçün
səlahiyyəti lazımi qaydada rəsmiləşdirilmiş
hər hansı fəaliyyət qabiliyyətli şəxs
nümayəndə ola bilər.
Maddə 71. Məhkəmədə nümayəndə
ola bilməyən şəxslər
71.1. Tam fəaliyyət
qabiliyyəti olmayan, yaxud qəyyumluq və ya
himayəçilik altında olan şəxslər
məhkəmədə nümayəndə ola bilməzlər.
71.2. Hakimlər,
müstəntiqlər, prokurorlar, Azərbaycan Respublikası
Milli Məclisinin və Naxçıvan Muxtar Respublikası Ali
Məclisinin deputatları, onların prosesdə müvafiq orqanın
səlahiyyətli təmsilçiləri və ya qanuni
nümayəndələr kimi iştirak etdiyi hallar istisna
edilməklə, məhkəmədə nümayəndə ola
bilməzlər.
71.3. Şəxs, mənafeyi
təmsil edilənin mənafeyinə zidd olan
şəxslərə həmin iş üzrə hüquqi
yardım göstərirsə və ya əvvəllər
belə yardım göstərmişsə, yaxud hakim, prokuror,
ekspert, mütəxəssis, tərcüməçi,
şahid, hal şahidi və ya məhkəmə
iclasının katibi qismində iştirak etmişsə,
eləcə də o, işə baxılmasında iştirak
edən vəzifəli şəxslə qohumdursa,
nümayəndə ola bilməz.
71.3-1. Mediator mediasiya predmeti olan mübahisə
üzrə məhkəmə prosesində
tərəflərdən hər hansı birini təmsil edə
bilməz.
71.4. Bu Məcəllənin 19
və 20-ci maddələrində göstərilən hallar
və əsaslar olduqda işdə iştirak edən
şəxslər tərəfindən nümayəndəyə
etiraz oluna bilər.[110]KM2
71.5. Bu Məcəllənin 71.1–71.3-cü
maddələrində nəzərdə tutulmuş
şəxslərə verilən etirazların həlli qaydası bu
Məcəllənin 22-ci maddəsi ilə müəyyən
edilir.[111]
Maddə 72. Qanuni nümayəndələr
72.1. Fəaliyyət
qabiliyyəti olmayan, tam fəaliyyət qabiliyyəti olmayan
və ya məhdud fəaliyyət qabiliyyətli hesab edilən
fiziki şəxslərin hüquqlarını və qanunla
qorunan mənafelərini məhkəmədə onların
valideynləri, övladlığa götürənlər,
qəyyumları, himayəçiləri və başqa
şəxslər müdafiə edirlər.
72.2. Müəyyən
edilmiş qaydada xəbərsiz itkin düşmüş hesab
edilmiş fiziki şəxsin iştirak etməli olduğu
iş üzrə xəbərsiz itkin düşmüş
şəxsin əmlakının mühafizə və idarə
olunması üçün təyin edilmiş qəyyum
həmin şəxsin nümayəndəsi qismində
çıxış edir.
72.3. Ölmüş və ya
müəyyən olunmuş qaydada ölmüş elan
edilmiş şəxsin nümayəndəsi qismində
iştirak edən vərəsə, vərəsəlik heç
kim tərəfindən qəbul edilməmişsə, miras
əmlakın saxlanılması və idarə olunması
üçün təyin edilmiş şəxs və ya
himayəçi iş üzrə varisin nümayəndəsi
kimi çıxış edir.
72.4. Qanuni
nümayəndələr, qanunla nəzərdə tutulan
məhdudiyyətlərlə yerinə yetirilmə hüququ
təmsil edənə aid olan bütün prosessual
hərəkətləri təmsil edilən adından
yerinə yetirirlər. Onlar öz səlahiyyətlərini
bildirən sənədi məhkəməyə təqdim
edirlər.
72.5. Qanuni
nümayəndələr məhkəmədə işin
aparılmasını nümayəndə sifətində
seçdikləri bu Məcəllənin 69.1-1-ci maddəsində
nəzərdə tutulmuş şəxslərə tapşıra bilərlər.[112]
Maddə 73. Nümayəndənin səlahiyyətinin
rəsmiləşdirilməsi
73.1. Nümayəndənin
səlahiyyəti qanuna uyğun olaraq verilmiş və
rəsmiləşdirilmiş etibarnamədə əks
etdirilməlidir.
73.2. Fiziki şəxslər
tərəfindən verilmiş etibarnamələr notariat
qaydasında, yaxud Azərbaycan Respublikası Mülki
Məcəlləsinin 362.3-cü maddəsində müəyyən
edilən hallarda həmin maddədə nəzərdə
tutulmuş vəzifəli şəxslər
tərəfindən təsdiq edilir.[113]
73.3. Azadlıqdan
məhrumetmə yerində olan şəxsin verdiyi etibarnamə
müvafiq azadlıqdan məhrumetmə yerinin rəisi
tərəfindən təsdiq edilir. [114]
73.4. Hüquqi şəxs
adından etibarnamə onun rəhbərinin və ya təsis
sənədlərinə əsasən buna səlahiyyəti
olan digər şəxsin imzası ilə həmin hüquqi
şəxsin möhürü vurulmaqla verilir.
73.5. Vəkilin səlahiyyəti
qanunla müəyyən olunmuş qaydada təsdiq edilir.
Maddə 74. Nümayəndənin səlahiyyəti
74.1. Nümayəndənin
məhkəmədə səlahiyyəti təmsil olunanın
adından işin müvəffəqiyyətli həlli
üçün zəruri olan bütün prosessual hərəkətlərin
edilməsini özündə birləşdirir.
74.2. İddia ərizəsinin
imzalanması, işin arbitraj məhkəməsinə
verilməsi, iddia tələblərindən tam və ya
qismən imtina edilməsi, iddianın etiraf edilməsi, iddianın predmetinin və ya
əsasının dəyişdirilməsi, barışıq
sazişi bağlanması səlahiyyətinin başqa
şəxsə tapşırılması, mübahisənin mediasiya vasitəsilə
həllinə razılıq verilməsi, məhkəmə aktından
şikayət verilməsi, məhkəmə aktının
məcburi icrası tələbləri, qət olunmuş
əmlakın və ya pul məbləğinin alınması
ilə əlaqədar nümayəndənin
səlahiyyətləri təmsil olunan tərəfin verdiyi
etibarnamədə xüsusi göstərilməlidir. [115]
Maddə 75. Nümayəndənin
səlahiyyətinə xitam verilməsi
75.1. İşdə iştirak
edən şəxs istənilən vaxt etibarnaməni
ləğv edə bilər; müvəkkil edilmiş
istənilən vaxt etibarnamədən imtina etməklə etibarnaməyə
xitam verə bilər.
75.2. Qanunla müəyyən
olunmuş qaydada nümayəndənin səlahiyyətinə
xitam verildikdə, işdə iştirak edən şəxs
dərhal bu barədə məhkəməyə məlumat
verməli, yaxud çıxmış nümayəndəni
başqası ilə əvəz etməlidir.
Fəsil 7
Sübutlar
Maddə 76. Sübutlar
76.1. Tərəflərin
tələb və etirazlarını əsaslandıran
halların və işi düzgün həll etmək
üçün əhəmiyyəti olan başqa halların
mövcud olduğunu və ya olmadığını
məhkəmə müəyyən edərkən bu
Məcəllədə və başqa qanunlarda
müəyyən olunmuş qaydada əldə etdiyi
məlumatlar sübutlar hesab olunur.
76.2. Bu məlumatlar
yazılı və maddi sübutlarla, ekspertlərin
rəyləri ilə, yerində müayinə
keçirməklə, səs və video yazıları
ilə, şahidlərin ifadələri ilə, işdə
iştirak edən şəxslərin izahatları ilə
müəyyən edilir.
76.3. Qanunu pozmaqla əldə
edilmiş sübutlardan istifadə olunmasına yol verilmir.
Maddə 77. Sübut etmə vəzifəsi
77.1. Hər bir tərəf
öz tələblərinin və etirazlarının
əsası kimi istinad etdiyi halları sübut etməlidir.
77.2. Dövlət
orqanlarının, icra və s. orqanların aktlarının
etibarsız hesab edilməsi barədə
mübahisələrə baxıldıqda, həmin aktların
qəbul edilməsi üçün əsas olmuş
halları sübut etmək vəzifəsi bu aktı qəbul
etmiş orqanın üzərinə düşür.[116]
77.3. İşdə olan
sübutlar əsasında işə baxmaq mümkün
olmadıqda, məhkəmə zəruri əlavə
sübutlar təqdim etməyi tərəflərə təklif
edə bilər.
Maddə 78. Sübutların təqdim edilməsi və
tələb olunması
78.1. Sübutlar işdə iştirak
edən şəxslər tərəfindən birinci instansiya
məhkəməsinə işin məhkəmədə
baxılmağa hazırlanması yekunlaşana qədər
təqdim edilir. Məhkəmə baxışı zamanı
sübutların təqdim edilməsinə o halda yol verilir ki,
bunun üçün əsaslar məhkəmə baxışı
gedişində əmələ gəlmiş olsun və ya
işdə iştirak edən şəxslər işin
məhkəmədə baxılmağa hazırlanması
yekunlaşana qədər sübutların təqdim
edilməsinin onlardan asılı olmayan səbəblərə
görə mümkün olmadığını
əsaslandırsın.[117]
78.1-1. “Elektron məhkəmə”
informasiya sisteminin tətbiq olunduğu
məhkəmələrdə bu Məcəllənin
10-1.3-cü maddəsində nəzərdə tutulmuş
qaydada aparılan elektron məhkəmə icraatı zamanı
işdə iştirak edən şəxslər yazılı
sübutları yalnız “Elektron məhkəmə” informasiya
sistemində yaradılan elektron kabinet vasitəsilə
təqdim edirlər. Bununla belə bu qaydada təqdim olunmuş
yazılı sübutun həqiqiliyi şübhə
doğurarsa, məhkəmə həmin yazılı sübutun
əslinin və ya lazımi qaydada təsdiq olunmuş surətinin
təqdim olunmasını tələb edə bilər.[118]
78.2. İşdə iştirak
edən şəxsin işdə iştirak edən və
iştirak etməyən şəxslərdən və ya
orqanlardan onlarda olan zəruri sübutları müstəqil
əldə etmək imkanı olmadıqda o, həmin
sübutları tələb etmək barədə
vəsatətlə məhkəməyə müraciət
edə bilər. Vəsatətdə bu sübutlarla iş
üçün əhəmiyyətli olan hansı halların
müəyyən edilməsi, sübutların
əlamətləri və olduğu yer
göstərilməlidir. Hüquqi şəxsin nizamnamə kapitalında ən
azı 10 faiz paya (səhmə) malik olan işdə iştirak
edən şəxs vəsatətdə işdə iştirak
edən digər şəxsdə (hüquqi şəxsdə
və ya onun adından çıxış edən
şəxsdə) olan Azərbaycan Respublikası Mülki
Məcəlləsinin 49.4-cü maddəsində nəzərdə
tutulan hallarla bağlı bütün sənədlərin
(konkret sənəd göstərilmədən) və ya
məlumatların təqdim edilməsinin təmin
olunmasını məhkəmədən tələb edə
bilər. Zəruri olan
hallarda məhkəmə işdə iştirak edən
şəxsə sübutun əldə edilməsi
üçün sənəd verə bilər.
Məhkəmənin tələb etdiyi sübutu onda olan
şəxs bilavasitə məhkəməyə
göndərir, yaxud məhkəməyə çatdırmaq
üçün sorğunu təqdim edən şəxsə
verir.[119]
78.3. Sübut tələb olunan
şəxsin həmin sübutu təqdim etmək imkanı
olmadıqda və ya onu məhkəmənin müəyyən
etdiyi vaxtda təqdim edə bilmədikdə, o, səbəblərini
göstərməklə, sorğunu aldıqdan 5 gün
müddətində bu barədə məhkəməyə
məlumat verməlidir.
78.4. Tələb olunan sübutu
təqdim etmək vəzifəsi məhkəmə
tərəfindən üzürsüz hesab edilən
səbəblərə görə yerinə
yetirilmədikdə, sübutların olduğu şəxs iki min manatadək miqdarda cərimə olunur.[120]
78.5. Cərimənin qoyulması
tələb olunan sübuta malik şəxsi həmin sübutu
məhkəməyə təqdim etmə vəzifəsindən
azad etmir.
Maddə 79. Sübutların olduğu və
saxlanıldığı yerdə müayinə və
tədqiq edilməsi
79.1. Yazılı və ya maddi sübutları
məhkəməyə təqdim etmək mümkün
olmadıqda və ya məhkəməyə gətirmək
çətin olduqda, məhkəmə onları olduğu
və ya saxlandığı yerdə müayinə və
tədqiq edə bilər.
79.2. Məhkəmə
tərəfindən sübutların müayinəsi və
tədqiqi işdə iştirak edən şəxslərə
məlumat verilməklə aparılır. Onların gəlməməsi
müayinə və tədqiqatın aparılmasına mane
olmur.
79.3. Zəruri hallarda,
müayinə və tədqiqatda iştirak etmək
üçün ekspertlər, mütəxəssislər və şahidlər
çağırıla bilər.[121]
79.4. Sübutlar olduğu
yerdə müayinə və tədqiq edildikdən sonra
dərhal protokol tərtib edilir.
Maddə 80. Sübutların aid edilməsi
Məhkəmə işin
gedişində təqdim olunmuş ancaq o sübutları
qəbul edir və nəzərə alır ki, onlar
işdə tərəflərin tələblərini
müəyyən edən faktlarla və hallarla
əlaqədardır.
Maddə 81. Sübutların mümkünlüyü
Qanuna və ya digər normativ
hüquqi aktlara əsasən müəyyən sübutetmə
vasitələri ilə təsdiq edilməli olan işin
halları başqa sübutlarla təsdiq oluna bilməz.
Maddə 82. Sübut etməkdən azad olmaq
üçün əsaslar
82.1. Hamıya bəlli olan hallar
və ya faktlar mübahisə edilə bilməz və
onların sübuta ehtiyacı yoxdur.
82.2. Məhkəmənin qanuni
qüvvəyə minmiş qətnaməsi ilə
müəyyən edilən və işdə iştirak
edən şəxslərə aid olan hallar başqa işə
baxan məhkəmə üçün məcburidir. [122]
82.3. Bir
mülki iş üzrə qanuni qüvvəyə minmiş
məhkəmə qətnaməsi ilə müəyyən
edilmiş faktlar həmin işdə iştirak edən
şəxslər tərəfindən başqa
məhkəmə prosesində mübahisələndirilmir
və yenidən sübut edilmir. [123]
82.4. Məhkəmənin qanuni
qüvvəyə minmiş hökmü, habelə cinayət
təqibi üzrə qüvvəyə minmiş digər
qərarı mülki işə və kommersiya
mübahisəsinə baxılarkən məhkəmə
üçün hadisənin olub-olmaması və
şəxsin həmin hadisəyə aidiyyəti
hissəsində məcburidir.[124]
Maddə 83. Məhkəmə
tapşırıqları
83.1. İşə baxan
məhkəmə başqa şəhərdə və ya
rayonda sübutlar toplamaq lazım gəldikdə, müvafiq
məhkəməyə müəyyən prosessual hərəkətləri
etməyi tapşırmağa haqlıdır.
83.2. Məhkəmə
tapşırığı haqqında qərardadda baxılan
işin mahiyyəti qısa şərh edilir,
aydınlaşdırılmalı hallar,
tapşırığı yerinə yetirən
məhkəmənin toplamalı olduğu sübutlar
göstərilir.
83.3. Məhkəmə
tapşırığı haqqında qərardad onu icra
edən məhkəmə üçün məcburidir və
qərardad alındığı gündən sonra 10 gün müddətindən
gec olmayaraq yerinə yetirilməlidir.
83.4. Rayon
məhkəmələrinin başqa dövlətin
məhkəmələrinə göndərdiyi
tapşırıqlar “Məhkəmələr və hakimlər haqqında” Azərbaycan
Respublikası Qanununun 91-ci maddəsinə müvafiq olaraq
həyata keçirilir.
Maddə 84. Məhkəmə
tapşırıqlarının yerinə yetirilməsi
qaydası
84.1. Məhkəmə
tapşırığının yerinə yetirilməsi bu
Məcəllə ilə müəyyən olunmuş qaydalar
üzrə məhkəmə iclasında həyata keçirilir.
İşdə iştirak edən şəxslər iclasın
vaxtı və yeri haqqında xəbərdar edilir, onların
gəlməməsi iclasın keçirilməsinə mane
olmur.
84.2. Məhkəmə
tapşırığının yerinə yetirilməsi
haqqında qərardad qəbul edilir və həmin qərardad
dərhal bütün materiallarla birlikdə işə baxan
məhkəməyə göndərilir.
84.3. Tapşırığı
yerinə yetirən məhkəməyə izahat və ya
ifadə verən işdə iştirak edən
şəxslər və ya şahidlər məhkəmə
iclasına gəldikdə ümumi qaydada izahat və ifadə
verirlər.
Maddə 85. Sübutların təmin edilməsi
85.1. Özləri
üçün zəruri sübutların təqdim
edilməsinin nəticə etibarı ilə mümkün
olmayacağından və ya çətin olacağından
ehtiyat etməyə əsası olan şəxslər, o cümlədən arbitraj icraatının
tərəfləri və ya arbitraj məhkəməsi bu sübutların təmin
olunmasını məhkəmədən xahiş edə
bilərlər. [125]
85.2. Məhkəmədə
işə başlamamışdan əvvəl sübutların
təmin edilməsi qanunvericilikdə nəzərdə
tutulmuş qaydada notariuslar, konsul idarələrinin
vəzifəli şəxsləri və notarius
hərəkətlərini yerinə yetirən digər
şəxslər tərəfindən həyata keçirilir.
Maddə 86. Sübutların təmin edilməsi
haqqında ərizə
86.1. Sübutların təmin
edilməsi haqqında ərizə işə baxan və ya
sübutların təmini üzrə prosessual
hərəkətlərin yerinə yetirilməli olduğu
rayonun məhkəməsinə verilir. Arbitraj
icraatının tərəfləri və ya arbitraj
məhkəməsi ərizəni arbitrajın yeri üzrə
kommersiya məhkəməsinə, arbitrajın yeri
müəyyənləşdirilməmişdirsə və ya
xarici ölkədədirsə, yurisdiksiyası Bakı
şəhərini əhatə edən müvafiq kommersiya
məhkəməsinə də verə bilərlər. [126]
86.2. Ərizədə təmin
edilməli sübutlar, həmin sübutlarla təsdiq
edilməli olan hallar, təmin etmə haqqında xahişlə
müraciət etməyə ərizəçini vadar edən
səbəblər, habelə sübutların təmin
edilməsinin hansı iş üçün zəruri
olduğu göstərilməlidir. Arbitraj
icraatının tərəfləri və ya arbitraj
məhkəməsi tərəfindən sübutların
təmin edilməsi haqqında ərizənin verilməsinə
həmçinin bu Məcəllənin 479-cu və 480-ci
maddələrinin tələbləri tətbiq edilir. [127]
Maddə 87. Sübutların təmin edilməsi
qaydası
87.1. Sübutlar bu
Məcəllə ilə müəyyən edilmiş qaydada
hakim tərəfindən təmin edilir.
87.2. Məhkəmə
sübutları, xüsusən şahidləri
dindirməklə, ekspertiza təyin etməklə,
yazılı və maddi sübutları tələb və
müayinə etməklə təmin edir.
87.3. İşdə iştirak
edən şəxslər, həmçinin
arbitraj icraatının tərəfləri və ya
ərizənin arbitraj məhkəməsi tərəfindən
verildiyi halda arbitraj məhkəməsi sübutların təmin edilməsi
haqqında ərizəyə baxılmanın vaxtı və
yeri barədə xəbərdar edilirlər, onların
gəlməməsi isə sübutların təmin edilməsi
haqqında ərizəyə baxmağa mane olmur. [128]
87.4. Məhkəmə
sübutların təmin edilməsi haqqında qərardad
çıxarır və orada icra edilmə qaydaları və
üsullar göstərilir.
87.5. Protokollar və ya
sübutları təmin etmə qaydasında toplanmış
bütün materiallar işə baxan məhkəməyə, həmçinin ərizə arbitraj icraatının
tərəfləri və ya arbitraj məhkəməsi
tərəfindən verildikdə, arbitraj
məhkəməsinə göndərilir və işdə iştirak edən
şəxslərə və ya arbitraj
icraatının tərəfləri və yaxud arbitraj
məhkəməsinə bu barədə məlumat verilir. [129]
87.6. Sübutların təmin
edilməsi barədə qərardada onu çıxaran
məhkəmə tərəfindən yenidən baxıla
bilər.
Maddə 88. Sübutların qiymətləndirilməsi
Məhkəmə sübutlara
obyektiv, qərəzsiz, hərtərəfli və tam
baxdıqdan sonra həmin sübutlara tətbiq edilməli
hüquq normalarına müvafiq olaraq qiymət verir. Heç
bir sübutun məhkəmə üçün qabaqcadan
müəyyən edilmiş qüvvəsi yoxdur.
Maddə 89. Yazılı sübutlar
89.1. Yazılı
sübutlar—iş üçün əhəmiyyətli hallar
barədə məlumat verən, notariat qaydasında təsdiq
olunmuş sənədlər, aktlar, müqavilələr, arayışlar,
işgüzar yazışmalar və sair sənəd və
materiallardır.
89.2. Faks, elektron və ya
digər rabitə vasitəsi ilə, yaxud sair üsulla
əldə edilmiş materiallar məhkəmə
tərəfindən o şərtlə yazılı sübut
kimi qəbul edilə bilər ki, həmin sənədlərin
həqiqiliyini müəyyən etmək mümkün olsun.
89.3. Yazılı sübutların əsli və ya
lazımi qaydada təsdiq olunmuş surəti təqdim edilir.
Əgər baxılan işə sənədin yalnız bir
hissəsi aiddirsə, belə olan halda, bu sənəddən
təsdiq olunmuş çıxarış təqdim edilir.[130]
89.4. Sənədlərin
əsli qanunlara və ya digər normativ hüquqi aktlara
müvafiq olaraq, işin halları ancaq bu cür
sənədlərlə təsdiq edildikdə və ya
məhkəmənin tələbi ilə digər zəruri
hallarda təqdim edilir.
89.5. İşdə iştirak
edən şəxslər tərəfindən
məhkəməyə təqdim olunmuş yazılı
sübutların surətləri onlarda olmayan digər
işdə iştirak edən şəxslərə
göndərilir (verilir).
Maddə 90. Sənədlərin əslinin
qaytarılması
90.1. İşdə olan
sənədlərin əsli, məhkəmə qətnaməsi
qanuni qüvvəyə mindikdən sonra həmin
sənədləri təqdim etmiş şəxslərin xahişi
ilə onlara qaytarıla bilər.
90.2. Həmin şəxslər
bu sənədləri tələb etməklə eyni zamanda
onların lazımi qaydada təsdiq olunmuş surətlərini
məhkəməyə təqdim edir və ya işdə qalan
surətlərin həqiqiliyini təsdiq etməyi
məhkəmədən xahiş edirlər.
90.3. Qətnamə qanuni
qüvvəyə minənədək iş üzrə icraat
prosesində sənədlər onları təqdim edən
şəxslərə o şərtlə qaytarıla bilər
ki, məhkəmə bu sənədlərin
qaytarılmasının mübahisənin düzgün
həllinə xələl gətirməyəcəyinə
əmin olsun.
Maddə 91. Maddi sübutlar
Xarici
görünüşünə, xüsusiyyətlərinə,
olduğu yerə və digər əlamətlərinə
görə iş üçün əhəmiyyətli olan
halların müəyyən edilmə vasitəsi ola bilən
əşyalar maddi sübutlardır.
Maddə 92. Maddi sübutların saxlanılması
92.1. Maddi sübutlar
məhkəmədə saxlanılır.
92.2. Məhkəməyə
gətirilə bilməyən maddi sübutlar olduqları
yerdə saxlanılır. Onlar məhkəmə
tərəfindən müayinə edilməli,
müfəssəl təsvir olunmalı, möhürlənməli,
zəruri hallarda foto və ya video lentə
çəkilməlidir.
92.3. Maddi sübutların
saxlanılması üçün xərclər bu
Məcəllənin müddəalarına əsasən
tərəflər arasında bölüşdürülə
bilər.
92.4. Məhkəmə və
sübutları saxlayan şəxs maddi sübutların
dəyişməz vəziyyətdə qalması
üçün tədbirlər görür.
Maddə 93. Tez xarab olan maddi sübutların
müayinəsi və tədqiqi
93.1 Məhkəmə tez xarab
olan maddi sübutları onların olduqları yerdə
dərhal müayinə və tədqiq edir.
93.2. İşdə iştirak
edən şəxslər müayinə və tədqiqatın
aparıldığı yer və vaxt haqqında
xəbərdar edilirlər. Məlumat verilmiş işdə
iştirak edən şəxslərin gəlməməsi maddi
sübutların müayinəsinə və tədqiqinə
mane olmur.
93.3. Maddi sübutların
müayinəsi və tədqiqinə dair məlumatlar protokolda
yazılır.
Maddə 94. Maddi sübutlar üzərində
sərəncam verilməsi
94.1. Maddi sübutlar
məhkəmənin qətnaməsi qanuni qüvvəyə
mindikdən sonra alındığı şəxslərə
qaytarılır və ya məhkəmənin həmin şeylər
üzərində hüququnu təsdiq etdiyi
şəxslərə verilir, yaxud məhkəmənin
müəyyən etdiyi qaydada reallaşdırılır.
94.2. Qanunla fiziki
şəxslərin sahibliyində ola bilməyən
predmetlər müvafiq orqanlara verilir.
94.3. Maddi sübutlar
məhkəmə tərəfindən müayinə və
tədqiq edildikdən sonra sübutu vermiş
şəxslər onun qaytarılması barədə
vəsatət versələr və bu cür vəsatətin
təmin edilməsi işə baxılmasına zərər
vurmazsa, iş qurtarana qədər sübutlar həmin
şəxslərə qaytarıla bilər.
94.4 Maddi sübutlar
üzərində sərəncam verilməsi
məsələləri məhkəmənin
qətnaməsində və ya qərardadında
göstərilməlidir.
Maddə 95. Səs və video yazılar
95.1. Elektron və digər
daşıyıcılar üzərində səs və ya
video yazılar təqdim edən və ya onların
tələb olunması barədə vəsatət qaldıran şəxslər
həmin yazıların nə vaxt, kim tərəfindən
və hansı şəraitdə yazılmasını
göstərməyə borcludur.
95.2. Qanunla icazə verilən
hallardan başqa, gizli yolla əldə edilmiş səs və
ya video yazılardan sübut kimi istifadə oluna bilməz.
95.3. Məhkəmə
iclasında səs və video yazıların
aparılmasına bu Məcəllənin 10.9 və
10.10-cu maddəsinin tələblərinə
əməl edilməklə yol verilir.[131]
Maddə 96. Səs və video yazıların
saxlanılması və qaytarılması
96.1. Səs və video
yazılar məhkəmədə saxlanılır.
Məhkəmə onların dəyişməz
vəziyyətdə saxlanılması üçün
tədbirlər görür.
96.2. Müstəsna hallarda
məhkəmənin qətnaməsi qanuni qüvvəyə mindikdən
sonra səs və video yazılar onların
alındığı şəxslərə qaytarıla
bilər.
96.3. Səs və video
yazıların qaytarılması məsələləri
haqqında məhkəmə qərardad çıxarır.
Maddə 97. Məhkəmənin ekspertiza təyin
etməsi
97.1. İşə
baxılarkən xüsusi bilik tələb olunan sualları
izah etmək üçün məhkəmə işdə
iştirak edən şəxsin yazılı qaydada verilən
əsaslandırılmış vəsatəti və ya öz
təşəbbüsü ilə ekspertiza təyin edə
bilər. İşdə iştirak edən şəxsin
vəsatəti rədd edildikdə məhkəmə bu
barədə əsaslandırılmış qərardad
qəbul etməlidir.[132]
97.2. İşdə iştirak
edən şəxslər qarşılıqlı
razılığa əsasən konkret səlahiyyətli
şəxsin ekspert təyin edilməsini məhkəmədən
xahiş edə bilərlər.
97.3. İşdə iştirak
edən şəxslər ekspertiza keçirilən zaman
baxılmalı olan sualları məhkəməyə
təqdim etməyə haqlıdırlar.
97.4. Ekspert rəyinin
alınmasına dair sualların yekun məzmununu
məhkəmə müəyyən edir. İşdə
iştirak edən şəxslərin təqdim etdiyi
sualların rədd edilməsini məhkəmə
əsaslandırmağa borcludur.
97.4-1. İşdə
iştirak edən şəxslər ekspert
tədqiqatının obyekti kimi əşya və
sənədləri təqdim etmək hüququna malikdirlər.
Məhkəmə təqdim edilmiş əşya və
sənədləri ekspert tədqiqatının obyekti kimi
qəbul etmədikdə bu barədə
əsaslandırılmış qərardad qəbul
etməlidir.[133]
97.5. Tərəf ekspertizanın
keçirilməsində iştirak etməkdən imtina
edirsə və ya onun keçirilməsinə mane olursa
(ekspertizaya gəlmir, zəruri tədqiqat predmetlərini
ekspertə təqdim etmir, ekspertizanın aparılması
üçün tələb olunan xərcləri
ödəmir və s.) və işin hallarına görə bu
tərəfin iştirakı olmadan ekspertizanı
keçirmək mümkün deyilsə, məhkəmə
hansı tərəfin iştirak etməkdən imtina
etməsindən, habelə bunun onun üçün hansı
əhəmiyyət kəsb etməsindən asılı olaraq,
ekspertiza təyin edilən faktı, onun hüquqi nəticələrini
əsaslandırmaqla təsdiq olunmuş və yaxud rədd
edilmiş hesab edə bilər.
Maddə 98. Ekspertiza təyin edilməsi haqqında
qərardadın məzmunu
98.1. Ekspertiza təyin
edilməsi haqqında məhkəmə qərardad qəbul
edir.
98.2. Ekspertiza təyin etmək
barədə qərardadda məhkəmə tərəfindən
aşağıdakılar göstərilməlidir:
məhkəmənin adı; ekspertizanın təyin edilməsi
vaxtı; baxılan iş üzrə tərəflərin
adı; ekspertizanın adı; təsdiq edilməsi və ya
rədd edilməsi üçün ekspertiza keçirilən
faktlar; ekspertiza qarşısında qoyulan suallar; ekspertin
soyadı, adı və atasının adı və ya
ekspertizanın keçirilməsi tapşırılan
idarənin adı; ekspertə göndərilən materiallar;
ekspertizanın keçirilməsi və rəyin verilməsi
müddəti.
98.3. Qərardadda bilə-bilə yalan rəy
verməyə görə cinayət məsuliyyəti
daşıması haqqında ekspertin məhkəmə
tərəfindən xəbərdar edilməsi də
göstərilməlidir. [134]
Maddə 99. Ekspertizanın aparılması qaydası
99.1. Ekspertiza
çəkişmə prinsipinə və bu
Məcəllənin müddəalarında nəzərdə
tutulmuş işdə iştirak edən şəxslərin
hüquqlarına riayət olunmaqla keçirilir.
Məhkəmə və işdə iştirak
edən şəxslər ekspertizanın keçirilməsinin
gedişi haqqında məlumat əldə etməyə
haqlıdır. [135]
99.2. Ekspertiza məhkəmə
ekspertizası idarəsinin ekspertləri və ya özəl
məhkəmə ekspertləri tərəfindən
keçirilir. Ekspertizanın keçirilməsi bir neçə
ekspertə həvalə edilə bilər.[136]
99.3. Ekspertiza tədqiqatın
xarakterindən asılı olaraq zəruridirsə və ya
tədqiqat aparmaq üçün materialları
məhkəmə iclasına gətirmək mümkün deyilsə,
habelə çətinlik törədirsə,
məhkəmənin iclasında və ya məhkəmə
iclasından kənar keçirilə bilər. İşdə
iştirak edən şəxslərin məhkəmə
iclasından kənar ekspertizanın keçirilməsində
iştirakının ekspertlərin normal işinə
maneçilik törədə bilməsi halları istisna
olmaqla, onlar ekspertizanın keçirilməsində iştirak
edə bilərlər. Bu zaman işdə iştirak edən
şəxslər tətbiq edilmiş tədqiqat
üsullarının mahiyyətinin və alınmış
nəticələrin izahını ekspertdən tələb
edə və ekspertə izahlar verə bilərlər. [137]
99.4. Ekspertizanın
keçirilməsi iki və daha artıq ekspertə
tapşırılarsa, onlar öz aralarında
məsləhətləşə bilərlər. Ekspertlər
ümumi nəticəyə gəldikdə, onlar bir ümumi
rəy verirlər. Başqa ekspertlərlə
razılaşmayan ekspert ayrıca rəy verir.
99.5. Ekspertiza ekspert
idarələrində keçirildikdə rəy
üçün məsuliyyəti həmin idarənin
rəhbəri tərəfindən ekspertiza keçirilməsi
tapşırılan konkret ekspert və ekspertlər
daşıyırlar.
Maddə 100. Ekspertin hüquq və
vəzifələri
Ekspertin hüquq və
vəzifələri bu Məcəllənin 63-cü maddəsi
və Azərbaycan Respublikasının digər qanunları
ilə müəyyən edilir.
Maddə 101. Ekspert rəyi[138]
101.1. Ekspert ekspertiza təyin
edilməsi haqqında məhkəmənin
qərardadının məhkəmə ekspertizası
idarəsinə daxil olduğu gündən 1 ay, bu
Məcəllənin 172.1.1-ci maddəsində
nəzərdə tutulmuş işlərə
münasibətdə isə 10 gündən gec olmayaraq
yazılı formada rəy verir, onu öz imzası ilə
təsdiq edir və dərhal məhkəməyə
göndərir. Bu Məcəllənin 172.3-cü
maddəsində nəzərdə tutulmuş işlərə
münasibətdə isə ekspert rəyi 3 günədək
müddətdə verilir.[139]
101.2. Ekspertizanın
aparılmasını bu Məcəllənin 101.1-ci
maddəsində göstərilən müddətlərdə
təmin etmək mümkün olmadıqda, məhkəmə
ekspertizası idarəsinin rəhbəri tərəfindən
əsaslandırılmış səbəblər
göstərilməklə bu barədə
məhkəməyə dərhal məlumat verilir. Bu halda
tədqiqatların mürəkkəblik dərəcəsi
nəzərə alınmaqla ekspertizanın aparılması
müddəti məhkəmə ilə yazılı formada
razılaşdırılır.
101.3. Ekspert rəy verilməsi
üçün əlavə tədqiqat materiallarının
təqdim edilməsinə zərurət olduğunu
müəyyən etdikdə, ekspertiza təyin edilməsi
haqqında məhkəmənin qərardadının
məhkəmə ekspertizası idarəsinə daxil olduğu
vaxtdan 5 gündən gec olmayaraq bu barədə
məhkəməyə vəsatət göndərir.
Vəsatətdə tələb olunan tədqiqat
materiallarının dəqiq və tam siyahısı
göstərilir.
101.4. Məhkəmə
tərəfindən ekspertin həmin vəsatətinə 3
gün müddətində baxılır və əlavə
tədqiqat materiallarının əldə edilməsi müəyyən
vaxt tələb etdikdə məhkəmə ekspertizası
idarəsinin rəhbərinə məlumat verilməklə bu
Məcəllənin 101.1-ci maddəsində nəzərdə tutulan
müddətlər uzadılır.
101.5. Ekspertin həmin
vəsatəti bu Məcəllənin 101.4-cü
maddəsində nəzərdə tutulan müddətdə
təmin edilmədikdə məhkəmə ekspertizası
idarəsinin rəhbəri ekspertiza təyin edilməsi
haqqında məhkəmənin qərardadını icra
olunmadan geri qaytarmaq hüququna malikdir.
101.6. Ekspert rəyində
aparılmış tədqiqatların müfəssəl
təsviri, onlara əsasən çıxarılmış
nəticələr və məhkəmə tərəfindən
qoyulmuş suallara əsaslandırılmış cavablar
verilməlidir. Əgər ekspert ekspertiza apararkən iş
üçün əhəmiyyəti olan, haqqında sual
qoyulmayan halları müəyyən edirsə, o, bu hallar
barədə mülahizələrini öz rəyinə daxil
etməyə haqlıdır.
101.7. Ekspertin rəyi
məhkəmədə tədqiq olunur və digər
sübutlarla yanaşı qiymətləndirilir.
101.8. Bu Məcəllənin
101.1-ci və 101.2-ci maddələrində nəzərdə
tutulmuş müddətlərə riayət etmədikdə
məhkəmə ekspertizası idarəsi məhkəmə
tərəfindən yüz manat məbləğində
cərimə edilə bilər.
Maddə 101-1. İşdə iştirak
edən şəxslərin təşəbbüsü ilə
ekspertizanın aparılması[140]
101-1.1. İşdə
iştirak edən şəxslər onların
mənafelərinə xidmət edə biləcək
halların müəyyən edilməsi üçün
öz təşəbbüsləri ilə ekspertizanın
aparılmasını sifariş vermək üçün
məhkəmə ekspertizası idarəsinə və ya
özəl məhkəmə ekspertinə rəsmi
müraciət etmək hüququna malikdirlər.
101-1.2. İşdə
iştirak edən şəxsin sifarişi ilə ekspertiza
həmin şəxslə məhkəmə ekspertizası
idarəsinin rəhbəri və ya özəl məhkəmə
eksperti arasında bağlanan müqavilə əsasında
ekspertizanı sifariş edən şəxsin hesabına
həyata keçirilir. Müqavilədə ekspertin
bilə-bilə yalan rəy verməyə görə
məsuliyyət daşıması barədə
məlumatlandırıldığı onun imzası ilə
təsdiq edilməlidir. Ekspertizanı sifariş etmiş şəxs
ekspertə suallar siyahısını və tədqiqat
üçün obyektləri verir.
101-1.3. Ekspert ekspertizanı
sifariş etmiş şəxsə müqavilədə
göstərilən müddətdə yazılı rəy
verir. Ekspertiza aparmış ekspertlərin təqdim edilmiş
rəyləri məhkəmə tərəfindən materiallara
əlavə edilir və digər sübutlarla yanaşı
qiymətləndirilir.
Maddə 102. Əlavə və təkrar ekspertiza
102.1. Ekspertin rəyi kifayət
qədər aydın və ya tam olmadıqda,
məhkəmə əlavə ekspertiza təyin edə
bilər və onun keçirilməsini həmin və ya
başqa ekspertə tapşıra bilər.
102.2. Məhkəmə,
əsassızlığına görə ekspertin rəyi
ilə razılaşmadıqda, habelə bir neçə
ekspertin rəyləri arasında ziddiyyətlər olduqda, ekspertiza
aparılmasını başqa ekspertə və ya
ekspertlərə tapşırmaqla, təkrar ekspertiza təyin
edə bilər.
102.3. Məhkəmə
işdə iştirak edən şəxslərin
vəsatəti ilə əlavə və ya təkrar ekspertiza
təyin edə bilər. İşdə iştirak edən
şəxsin vəsatəti rədd edildikdə
məhkəmə bu barədə
əsaslandırılmış qərardad qəbul
etməlidir.[141]
Maddə 103. Ekspert rəyinin məhkəmə
tərəfindən qiymətləndirilməsi
103.1. Ekspertin rəyi
məhkəmə üçün məcburi deyildir və bu
Məcəllənin 88-ci maddəsində müəyyən
edilmiş qaydalar üzrə məhkəmələr tərəfindən
qiymətləndirilir.
103.2. Ekspertin rəyi ilə
məhkəmənin razılaşmaması iş üzrə
qətnamədə və ya qərardadda
əsaslandırılmalıdır.
Maddə 104. Şahid ifadələri
104.1. Şahid ona məlum olan
məlumatları və halları məhkəməyə
şifahi bildirir.
104.2. Məhkəmənin
tələbi ilə şahid öz ifadəsini yazılı
tərtib edə bilər.
104.3. Alınma mənbəyini
göstərə bilməyən şahid tərəfindən
verilən məlumatlar sübut hesab edilmir.
104.4. Aşağıdakılar
şahid qismində dindirilə bilməzlər:
104.4.1. azyaşlı olduğuna
görə, fiziki və ya psixi pozuntuları üzündən faktları
düzgün qavraya bilməyən və ya faktlar barədə
düzgün ifadə verə bilməyən
şəxslər;[142]
104.4.2. vəzifələrini
icra etməklə əlaqədar olaraq onlara məlum olan hallar
barədə—mülki işlər üzrə
nümayəndələr və cinayət işləri üzrə
müdafiəçilər;
104.4.3. ədalət
mühakiməsinin həyata keçirilməsi ilə
əlaqədar ona məlum olan məsələlər
üzrə— hakim;
104.4.4. dini etiqad ilə
əlaqədar olaraq onlara məlum olan məsələlər
üzrə—din xadimləri;
104.4.5. peşə borcunu
həyata keçirməklə əlaqədar onlara məlum
olan hallar barədə—vəkillər;
104.4.6. mediasiya zamanı məlum olan məlumatlar
barədə - “Mediasiya haqqında” Azərbaycan
Respublikasının Qanunu ilə müəyyən edilmiş
hallar istisna olmaqla, mediasiya iştirakçıları və
mediasiyada iştirak edən digər şəxslər;
104.4.7. arbitraj icraatı zamanı məlum olan hallar
barədə – arbitrlər.[143]
104.5. Aşağıdakılar
məhkəmədə ifadə verməkdən imtina edə
bilərlər:
105.5.1. şəxs
özünə qarşı;
105.5.2. ər-arvad bir-birinə
qarşı, uşaqlar valideynlərinə, valideynlər
uşaqlarına qarşı;
104.5.3. qardaş və
bacılar bir-birinə qarşı, nənə-baba
nəvələrinə, nəvələr baba və
nənələrinə qarşı;
104.5.4. vəzifələrinin
yerinə yetirilməsi ilə əlaqədar olaraq onlara
məlum olan məlumatlar üzrə Azərbaycan
Respublikası Milli Məclisinin və Naxçıvan Muxtar
Respublikası Ali Məclisinin deputatları.
104.6. Şahidin
çağırılması barədə vəsatət
qaldıran şəxs şahidin soyadını, adını,
atasının adını və yaşadığı yeri göstərməyə
borcludur.
Maddə 105. Şahidin hüquqları və
vəzifələri
105.1. Şahidin hüquq və
vəzifələri bu Məcəllənin 62-ci maddəsi
və Azərbaycan Respublikasının digər qanunları
ilə müəyyən edilir.
105.2. Şahid xəstəlik,
qocalıq, əlillik, o cümlədən sağlamlıq
imkanlarının məhdudluğu və ya sair üzürlü
səbəblər nəticəsində məhkəmənin
çağırışı üzrə gələ
bilmədikdə, olduğu yerdə məhkəmə
tərəfindən dindirilə bilər. [144]
105.3. Şahid
çağırılması ilə əlaqədar
çəkdiyi xərcləri və itirdiyi vaxta görə
pul əvəzinin ödənilməsini tələb etmək
hüququna malikdir.
Maddə 106. İşdə iştirak edən
şəxslərin izahatları
106.1. İşdə iştirak
edən şəxslərin iş üçün
əhəmiyyətli olan və onlara məlum olan faktlar
barədə izahatları iş üzrə toplanmış digər
sübutlarla yanaşı yoxlanılmalı və
qiymətləndirilməlidir.
106.2. Digər tərəf
sübutları özündə saxlayıb
məhkəmənin tələbi ilə təqdim
etmədikdə, məhkəmə tərəflərin
bildirdiyi məlumatlar əsasında iş üçün
əhəmiyyətli olan halları müəyyən
olunmuş hesab edə bilər.
106.3. Tərəfin tələb
və etirazlarının əsaslandırdığı
faktları digər tərəfin etiraf etməsi əks
tərəfi gələcəkdə bu faktları sübut
etmə vəzifəsindən azad edir. “Elektron məhkəmə” informasiya
sisteminin tətbiq olunduğu məhkəmələrdə
məhkəmə iclaslarının fasiləsiz audio
yazısının aparıldığı hallar istisna olmaqla
faktın etiraf
olunması məhkəmə iclasının protokoluna
yazılır və bu barədə etiraf edən tərəf
protokola imza edir. Faktın etirafı yazılı
ərizədə ifadə olunursa, həmin ərizə
işə tikilir.[145]
106.4. Məhkəmə
faktın etiraf olunmasının işin həqiqi
hallarının gizlədilməsi məqsədi ilə və
yaxud aldatma, zor, hədə və ya yanılma təsiri
nəticəsində baş verməsinə şübhə
edirsə, etirafı qəbul etmir. Bu halda həmin faktlar
ümumi qaydada sübut olunmalıdır.[146]
Fəsil 8
Məhkəmə
xərcləri
Maddə 107. Məhkəmə xərclərinin
tərkibi
Məhkəmə
xərcləri dövlət rüsumundan və işə
baxılması ilə əlaqədar olan
məsrəflərdən ibarətdir.
Maddə 108. Dövlət rüsumu
108.1. Mülki məhkəmə
icraatında dövlət rüsumu aşağıdakı hallarda
ödənilir:[147]
108.1.1. iddia ərizəsi verildikdə;
108.1.2. iddianın predmetinə dair
müstəqil tələb irəli sürən
üçüncü şəxslər işə qoşulmaq
barədə ərizə verdikdə;
108.1.3. xüsusi icraat qaydasında
baxılan işlər üzrə ərizə verildikdə;
108.1.4. məhkəmə əmri
haqqında ərizə verildikdə;
108.1.5. müvəqqəti təminat
tədbiri barədə ərizə verildikdə (arbitraj
icraatının başlanılmasına qədər və ya
arbitraj icraatı zamanı müvəqqəti təminat
tədbirinin tətbiqi haqqında ərizələr istisna
olmaqla); [148]
108.1.6. iş üzrə icraatın xitam
verilməsi, iddianın baxılmamış saxlanılması,
məhkəmə cərimələrinin qoyulması,
müvəqqəti təminat tədbirinin tətbiqi və ya
bundan imtina barədə qərardadlardan şikayət
verildikdə;
108.1.7. apellyasiya, kassasiya və ya
əlavə kassasiya şikayəti verildikdə;
108.1.8. qanuni qüvvəyə minmiş
məhkəmə aktlarına yeni açılmış hallar
üzrə yenidən baxılması üçün
ərizə verildikdə;
108.1.9. məhkəmə
aktlarının surətləri təkrarən verildikdə;
108.1.10. arbitraja münasibətdə yardım və
nəzarət funksiyalarının yerinə yetirilməsi
ilə bağlı ərizələr verildikdə; [149]
108.1.11. müvəqqəti təminat
tədbirlərinin tətbiqi barədə arbitraj
məhkəmələrinin qərarlarının
tanınması və icrası ilə bağlı
ərizələr verildikdə;
108.1.12. arbitraj məhkəmələrinin
qərarlarının ləğv edilməsi ilə
bağlı ərizələr verildikdə;
108.1.13. yerli arbitraj məhkəmələrinin
qərarlarının məcburi icrasının təmin
edilməsi ilə bağlı ərizələr verildikdə;
108.1.14. xarici arbitraj məhkəmələrinin
qərarlarının tanınması və icrası ilə
bağlı ərizələr verildikdə.
108.2.
Məhkəmələrdə baxılan işlər
üzrə dövlət rüsumunun əsasları,
ödənilmə qaydaları, məbləği və
dövlət rüsumu ödəməkdən azad edilmə
hallan qanunla müəyyən edilir.[150]
108.3. Dövlət rüsumu yalnız
elektron ödəniş sistemləri vasitəsilə ödənilməlidir.[151]
Maddə 109. Məhkəmə aktlarından
şikayət verilərkən dövlət rüsumu[152]
109.1.
Apellyasiya və kassasiya şikayəti verildikdə birinci
instansiya məhkəməsinə müraciət
edilərkən ödənilməsi müəyyən
edilmiş dövlət rüsumunun müvafiq olaraq 120 və
150 faizi məbləğində dövlət rüsumu
ödənilir.
109.2.
Qətnaməyə yenidən baxılması qaydasında
verilən şikayətə görə dövlət
rüsumu bir dəfə ödənilir.[153]
Maddə 110. Məhkəmə xərclərini
ödəməkdən azad olunma
110.1.
Məhkəmədə baxılan işlər üzrə
dövlət rüsumundan azad olunurlar:
110.1.1.
müəlliflik mübahisələri
üzrə—müəlliflər; müəlliflik hüququ,
ixtiralar, faydalı modellər, sənaye nümunələri,
habelə əqli mülkiyyətin digər növlərinə
dair hüquqlardan irəli gələn iddialar
üzrə—iddiaçılar;
110.1.2. aliment
alınması barədə iddialar
üzrə—iddiaçılar;
110.1.3.
şikəstlik, səhhətə digər
xəsarətlər yetirilməsi və ya ailəni
dolandıranın ölümü nəticəsində
dəyən ziyanın ödənilməsi barəsində
iddialar üzrə—iddiaçılar;
110.1.4.
zərərçəkənə və ya onun ailə
üzvlərinə ödənilmiş müavinət
məbləğinin ziyan vurandan tutulması barədə reqres
iddialar üzrə sosial sığorta və müdafiə
orqanları;
110.1.5. aliment
verməkdən, şikəstlik və ya sair xəsarət
yetirməkdən və ya ailəni dolandıranın
ölümü nəticəsində dəyən
zərəri ödəməkdən, vergilərin və
digər məcburi ödəmələrin tutulmasından boyun
qaçıran şəxslərin axtarışı ilə
əlaqədar xərclərin tələb olunması
üzrə—polis orqanları;
110.1.6. cinayət
nəticəsində vurulmuş maddi zərərin
ödənilməsi barədə iddialar
üzrə—iddiaçılar;
110.1.7. cinayət
nəticəsində dövlətə vurulmuş ziyanın
ödənilməsi barədə iddialar
üzrə—iddiaçı prokuror;
110.1.8.
hüquqlarının pozulması ilə əlaqədar iddialar
üzrə—istehlakçılar;
110.1.9. sosial
müdafiə vəsaitlərinin tələbi barədə
iddialar üzrə—iddiaçılar.
110.1.10. borcludan
tutulmalı olan, lakin hüquqi şəxsin, yaxud sahibkar olan
fiziki şəxsin təqsiri üzündən tutulmayan, yaxud
borcludan tutulan, lakin onların təqsiri üzündən borc tutan
şəxsə keçirilməyən məbləğin
alınması barədə iddialar
üzrə—iddiaçılar;
110.1.11. qanunsuz
olaraq qətimkan tədbiri kimi həbsə alınmaqla, yaxud
həbs və ya islah işləri növündə qanunsuz
olaraq inzibati tənbeh verilməsi ilə fiziki şəxsə
vurulmuş zərərin ödənilməsi ilə
əlaqədar mübahisələr
üzrə—tərəflər;
110.1.12. öz
hüquqlarının müdafiəsi barədə
ərizələrdən—yetkinlik yaşına çatmayanlar;
110.1.13. başqa
şəxslərin hüquqlarının,
azadlıqlarının və qanunla qorunan mənafelərinin,
dövlət mənafeyinin müdafiəsi üçün
verilən ərizələrdən—dövlət orqanları;
110.1.14.
məhkəmə qərardadlarından verilən şikayətlərdən—işdə
iştirak edən şəxslər;
110.1.15. qiyabi
icraat qaydasında qəbul edilmiş qərarlara yenidən
baxılması haqqında birinci instansiya
məhkəmələrinə verilən
ərizələrdən—tərəflər;
110.1.16. yeni
açılmış hallara görə qanuni
qüvvəyə minmiş məhkəmə aktlarına
yenidən baxılması barədə
ərizələrdən—tərəflər.
110.2. Qanunla
dövlət rüsumu ödəməkdən azad olunmanın
başqa halları da nəzərdə tutula bilər.
110.3. Məhkəmə
aktlarının surəti işdə iştirak edən
şəxslərə dövlət rüsumu alınmadan
verilir. Məhkəmə aktları təkrarən verildikdə
dövlət rüsumu alınır.[154]
Maddə 111. Məhkəmə xərclərinin
ödənilməsinə möhlət verilməsi,
hissə-hissə ödənilməsi və onların
məbləğinin azaldılması
Tərəflərin əmlak
vəziyyətindən asılı olaraq məhkəmə
tərəflərdən birinə və ya hər ikisinə
məhkəmə xərclərini ödəməyə
möhlət verə, hissə-hissə ödətdirə
və ya həmin xərclərin məbləğini azalda
bilər.[155]
Maddə 112. İddianın qiyməti
112.1. İddianın qiyməti
aşağıdakı qaydada müəyyən edilir:
112.1.1. pul vəsaiti
alınması haqqındakı iddialarda—alınan
məbləğlə;
112.1.2. əmlakın
tələb edilməsi haqqındakı iddialarda—tələb
edilən əmlakın dəyəri ilə;
112.1.3. aliment alınması
haqqındakı iddialarda—bir il ərzində
ödəmənin məcmusu ilə;
112.1.4. müddətli verilmə
və ya ödəmə haqqındakı iddialarda—bütün
vermə və ya ödəmələrin məcmusu ilə,
lakin 3 ildən artıq olmamaqla;
112.1.5. müddətsiz və ya
ömürlük ödəmələr haqqındakı
iddialarda—ödəmələrin 3 illik məcmusu ilə;
112.1.6. ödəmənin
azaldılması, yaxud artırılması haqqındakı
iddialarda—ödəmənin azaldıldığı və ya
artırıldığı məbləğdə, lakin bir
ildən artıq olmamaq şərti ilə;
112.1.7. ödəmə ya xitam
verilməsi haqqındakı iddialarda—qalan ödəmə
və ya vermənin məcmusu ilə, lakin bir ildən artıq
olmamaq şərti ilə;
112.1.8. əmlak icarəsi
müqaviləsinin vaxtından əvvəl pozulması
haqqındakı iddialarda—müqavilənin qüvvədə
olmasının qalan müddəti ərzində əmlakdan
istifadə etməyə görə ödəmənin
məcmusu ilə, lakin 3 ildən artıq olmamaq şərti
ilə;
112.1.9. fiziki
şəxslərə mülkiyyət hüququ üzrə
məxsus olan tikintilərə mülkiyyət hüququ
haqqındakı iddialarda—tikintilərin qiyməti ilə, lakin
inventar qiymətindən az olmamaq şərti ilə, bu
olmadıqda—sığorta müqaviləsi üzrə
məbləğdən az olmamaq şərti ilə, hüquqi
şəxslərə məxsus olan tikintilər
üçün isə balans qiymətindən az olmamaq
şərti ilə;
112.1.10. bir neçə
müstəqil tələbdən ibarət olan
iddialarda—bütün tələblərin ümumi
məbləği ilə;
112.1.11. tutulma mübahisəsiz
(akseptsiz) qaydada həyata keçirilən icra sənədinin
və digər sənədin icra edilməməli sənəd
hesab edilməsi barədəki iddialarda— barəsində
mübahisə edilən məbləğlə;
112.1.12. torpaq sahəsi
tələbi barədəki iddialarda—torpağın
müəyyən edilmiş qiyməti ilə, bu olmadıqda
isə bazar qiyməti ilə.
112.2. İddia qiymətinə
həm də iddia ərizəsində göstərilən
dəbbə pulu (cərimələr, penyalar) da daxil edilir.
112.3. Qarşılıqlı
iddia da əsas iddia qaydasında ödənilir.
112.4. İddianın qiyməti
iddiaçı tərəfindən göstərilir. İddianın
qiyməti düzgün göstərilmədikdə, həmin
qiymət məhkəmə tərəfindən
müəyyən edilir.[156]
112.5. İddianın qiyməti iddia
ərizəsi verilən vaxt mövcud olmuş bazar
qiymətlərinə uyğun olaraq iddia ərizəsinin
icraata qəbul edilməsi mərhələsində müəyyən
olunmalıdır.
112.6. İddianın qiyməti
açıq-aşkar əmlakın bazar qiymətinə
uyğun olmadıqda, onun dəyəri məhkəmə
tərəfindən müəyyən olunur.[157]
Maddə 113. Dövlət rüsumu kəsirinin
ödənilməsi
113.1. İddia verilən zaman
qiymət qoyulması çətinlik törədən iddialar
üzrə,
habelə iddianın qiyməti düzgün
göstərilmədiyi hallarda dövlət rüsumunun
miqdarı hakim tərəfindən müəyyən edilən
iddia qiymətinə müvafiq hesablanır, sonradan isə rüsumun
kəsiri məhkəmə tərəfindən iş həll
olunarkən müəyyən edilmiş iddia qiymətinə
müvafiq olaraq alınır.[158]
113.2. İddia
tələbləri artırıldıqda, rüsumun kəsir
məbləği artırılmış iddia qiymətinə
müvafiq olaraq ödənilir.
Maddə 114. Dövlət rüsumunun
qaytarılması
114.1. Ödənilmiş
dövlət rüsumu aşağıdakı hallarda
qaytarılır:
114.1.1. qüvvədə olan
qanunvericilik üzrə tələb edilən miqdardan artıq
dövlət rüsumu ödənilərsə;
114.1.2. bu Məcəllə
ilə nəzərdə tutulmuş əsaslarla ərizəni
baxılmaq üçün qəbul etməkdən imtina
edilərsə;
114.1.3. bu Məcəllə
ilə nəzərdə tutulmuş əsaslarla ərizə
geri qaytarılarsa;
114.1.4. bu Məcəllə
ilə nəzərdə tutulmuş əsaslarla iş
üzrə icraata xitam verilərsə;
114.1.5. bu Məcəllə
ilə nəzərdə tutulmuş əsaslarla ərizə
baxılmamış saxlanılarsa;
114.1.6. bu Məcəllə
ilə nəzərdə tutulmuş qaydada apellyasiya
şikayəti geri qaytarılarsa və ya apellyasiya icraatına
xitam verilərsə.
114.2. Bu Məcəllənin
114.1.1-ci maddəsində nəzərdə tutulmuş hallarda
dövlət rüsumunun artıq ödənilmiş
hissəsi geri qaytarılır. Dövlət rüsumu Azərbaycan
Respublikasının qanunları ilə nəzərdə
tutulmuş digər hallarda da geri qaytarılır.
Məhkəmə dövlət rüsumunun qaytarılması
məsələsi barədə qərardad
çıxarır, qərardadda dövlət rüsumunun tam
və ya qismən qaytarılmasının əsasları
göstərilir.
Maddə 115. İşə baxılması ilə
əlaqədar məsrəflər
115.0. İşə
baxılması ilə əlaqədar məsrəflərə
aşağıdakılar daxildir:
115.0.1. şahidlərə,
ekspertlərə, mütəxəssislərə,
tərcüməçilərə verilməli olan
məbləğlər;
115.0.2. yerində müayinə
keçirilməsi ilə əlaqədar olan xərclər;
115.0.3. tərəflərin
xəbərdar edilməsi və məhkəməyə
çağırılmaları ilə əlaqədar
xərclər;
115.0.4. tərəflərin
və üçüncü şəxslərin
məhkəməyə gəlmələri ilə
əlaqədar yol xərcləri və yaşayış
sahəsinin icarə xərcləri;
115.0.5.
nümayəndələrə etdikləri kömək
üçün ödənilən xərclər;
115.0.6. vəkillərə
etdikləri kömək üçün ödənilən
xərclər;
115.0.7. cavabdehin
axtarılması ilə əlaqədar xərclər;
115.0.8. qətnamənin
icrası ilə əlaqədar xərclər;
115.0.9. məhkəmə
tərəfindən zəruri hesab edilən digər
xərclər.
Maddə 116. Şahidlərə, ekspertlərə,
mütəxəssislərə,
tərcüməçilərə verilməli
məbləğlər
116.1. Şahidlərə,
ekspertlərə, mütəxəssislərə və
tərcüməçilərə məhkəməyə
gəlmələri ilə əlaqədar yol xərcləri
və yaşayış sahəsinin icarəsi ilə
əlaqədar xərclər ödənilir, habelə
sutkalıq xərclər verilir.
116.2. Məhkəmənin
tapşırığı ilə gördükləri
işlər ekspertlərin və mütəxəssislərin
xidməti vəzifəsinə aid deyildirsə, onlar
gördükləri işlərin əvəzinə haqq
alırlar. Ödənilən haqqın, yaşayış
sahəsinin icarə haqqının məbləği
məhkəmə tərəfindən işdə iştirak
edən şəxslərin razılığı ilə
məntiqli həddə müəyyən edilir.
116.3.
Tərcüməçilərin əmək haqqı və
məhkəməyə gəlməklə əlaqədar
çəkdikləri xərc dövlət büdcəsi
hesabına ödənilir. Məhkəməyə şahid
qismində çağırılan işçilərin
işdə olmadıqları müddət üçün
orta əmək haqları saxlanılır. Əmək
münasibətlərində olmayan şahidlər adi
məşğuliyyətlərindən ayrıldıqlarına
görə faktiki sərf olunmuş vaxt və əməyin
ödənilməsi üçün müəyyən
edilmiş minimum əmək haqqının məbləği
nəzərə alınmaqla əvəz alırlar.
Maddə 117. Şahidlərə, ekspertlərə
və mütəxəssislərə verilməli
məbləğin tərəflərdən alınması
117.1. Şahidlərə,
ekspertlərə və mütəxəssislərə
verilməli məbləği və iş üzrə digər
zəruri xərcləri xahiş etmiş tərəf əvvəlcədən
məhkəmənin depozit hesabına keçirir. Həmin
xahişi tərəflərin hər ikisi etdikdə, yaxud
şahidlərin çağırılması, ekspertlərin
təyin edilməsi, mütəxəssislərin cəlb
edilməsi və ödənilməli olan digər
hərəkətlər məhkəmənin
təşəbbüsü ilə edildikdə, tələb
olunan məbləği tərəflərin hər ikisi
bərabər qaydada məhkəmənin depozitinə
keçirirlər.
117.2. Bu Məcəllənin 117.1-ci maddəsində
göstərilən məbləği məhkəmə
xərclərindən azad edilmiş tərəf ödəmir
və həmin məbləğ dövlət hesabına aid
edilir. [159]
Maddə 118. Şahidlərə, ekspertlərə,
mütəxəssislərə və
tərcüməçilərə məbləğin
verilməsi
118.1. Şahidlərə,
ekspertlərə, mütəxəssislərə və
tərcüməçilərə məbləğ, onlar
öz vəzifələrini yerinə yetirdikdən sonra məhkəmə
tərəfindən depozit hesabından verilir.
118.2. Ödənilməli olan
məbləğlərin miqdarı və verilməsi
qaydası Azərbaycan Respublikasının müvafiq icra
hakimiyyəti orqanı tərəfindən müəyyən
edilir.
Maddə 119. Məhkəmə xərclərinin
tərəflər arasında
bölüşdürülməsi
119.1. Məhkəmə
xərcləri ödənilmiş tələblərin
məbləğinə mütənasib olaraq işdə iştirak edən
şəxslərə aid edilir.
119.2. İddiaçı
müəyyən olunmuş qaydada dövlət rüsumunu
ödəməkdən azad edilmişsə, dövlət
rüsumu iddianın təmin edilmiş hissəsinə mütənasib olaraq cavabdehdən tutularaq dövlət
gəlirlərinə alınır.[160]
119.3. İş, işdə
iştirak edən şəxslər tərəfindən
həmin kateqoriyadan olan mübahisələrin qanunla
nəzərdə tutulmuş məhkəməyə qədər
həlli qaydalarının və müqavilə
qaydalarının (tələbi cavabsız qoymaq, tələb
olunan sənədləri göndərməmək) pozulması
nəticəsində meydana gəlmişdirsə,
məhkəmə həmin xərcləri işin
nəticəsindən asılı olmayaraq müəyyən
edə bilər.
119.4. İşdə iştirak
edən şəxslər məhkəmə xərclərinin
bölüşdürülməsi barədə
razılığa gəldikləri halda məhkəmə bu
razılığa uyğun olaraq qərar qəbul edir.
119.5. Apellyasiya və kassasiya
şikayətləri verilməsi ilə əlaqədar
işdə iştirak edən şəxslərin
çəkdikləri məhkəmə xərcləri də bu Məcəllənin
119.1-119.4-cü maddələrində göstərilən
qaydaya uyğun bölüşdürülür. [161]
119.6. Yuxarı
məhkəmə instansiyası işi yeni baxışa
göndərmədən qətnaməni dəyişdirirsə
və ya yeni qətnamə çıxarırsa, o, müvafiq
olaraq məhkəmə xərclərinin
bölüşdürülməsini də dəyişdirir.
Maddə 120. İş vaxtını itirməyə
görə məbləğin tutulması
Məhkəmə,
vicdansızcasına əsassız iddia vermiş və ya
iddiaya qarşı mübahisə etmiş, yaxud işə
düzgün və tezliklə baxılmasına və onun
həll edilməsinə ardıcıl surətdə
maneçilik törətmiş tərəfdən, iş
vaxtının itirilməsi üçün digər
tərəfin və ya dövlətin xeyrinə
məbləğ tuta bilər. Həmin məbləğ
məhkəmə tərəfindən konkret hallar
nəzərə alınmaqla ağlabatan miqdarda
müəyyən edilir. [162]
Maddə 121. Nümayəndəyə və
vəkilə göstərdiyi yardıma görə
xərclərin ödənilməsi
121.1. Məhkəmə
nümayəndənin və ya vəkilin göstərdiyi
yardıma görə xərclərin, konkret hallar və təqdim edilmiş məlumatlar
qiymətləndirilməklə, digər tərəfdən ağlabatan
məbləğdə alınıb xeyrinə qətnamə
çıxarılan tərəfə verilməsini qərara
alır.[163]
121.2. Bu Məcəllənin 67-ci maddəsində
nəzərdə tutulmuş əsaslarla işdə iştirak
edən vəkil maddi vəziyyətinə görə öz
hesabına vəkil tutmaq imkanı olmayan
şəxslərə hüquqi yardımı
məhkəmənin qərarı ilə pulsuz, Azərbaycan
Respublikası dövlət büdcəsinin vəsaiti
hesabına göstərir. Qanunvericiliklə müəyyən
edilən məbləğdə ödənilmiş bu
vəsait iddianın təmin edilmiş hissəsinə
mütənasib olaraq əleyhinə məhkəmə
qərarı çıxarılmış şəxsdən
tutularaq dövlət büdcəsinə ödənilə
bilər.[164]
Maddə 122. İddiaçı iddiadan imtina etdikdə
və barışıq sazişi bağladıqda
məhkəmə xərcləri və yardım
üçün vəkilə ödənilən
xərclərin bölüºdürülməsi
122.1. İddiaçı iddiadan
imtina etdikdə, onun çəkdiyi xərclər cavabdeh
tərəfindən ödənilmir.
122.2. İddia verildikdən sonra
iddia tələblərinin cavabdeh tərəfdən
könüllü surətdə təmin edilməsi
nəticəsində iddiaçı öz
tələblərini müdafiə etməzsə,
iddiaçının xahişi ilə məhkəmə onun
çəkdiyi bütün xərcləri cavabdehdən
alır.
122.3. Tərəflər
barışıq sazişi bağladıqda məhkəmə
xərcləri və yardım göstərməyə
görə nümayəndəyə və vəkilə ödənilən
xərclər tərəflərin razılığına
uyğun olaraq bölüşdürülür.
Maddə 123. İddiadan imtina edildikdə
məhkəmə xərclərinin cavabdehə
ödənilməsi
Qanunla müəyyən
edilmiş qaydada başqa şəxsin hüquq və
azadlıqlarının, qanunla qorunan mənafeyinin
müdafiəsi üçün ərizə ilə
məhkəməyə müraciət edən şəxs
iddiadan tam və ya qismən imtina etdikdə, cavabdehə onun
işə baxılması üçün çəkdiyi
xərc tam və ya iddianın imtina edilmiş hissəsinə
mütənasib olaraq dövlət büdcəsi hesabına
ödənilir.
Maddə 124. İşə baxılarkən
məhkəmənin çəkdiyi xərclərin
ödənilməsi
124.1. İşə
baxılması ilə əlaqədar məhkəmənin
çəkdiyi xərclər və iddiaçının
ödəməkdən azad edildiyi dövlət rüsumu, iddia
tələblərinin təmin edilmiş hissəsinə
mütənasib olaraq dövlət mədaxilinə
cavabdehdən alınır.
124.2. İddia rədd
edildikdə işə baxılması ilə əlaqədar
məhkəmənin çəkdiyi xərclər
dövlət mədaxilinə məhkəmə
xərclərindən azad edilməyən iddiaçıdan
alınır.
124.3. İddia qismən təmin
edilmişsə, cavabdeh isə məhkəmə
xərclərini ödəməkdən azad olunmuşsa,
işə baxılması ilə əlaqədar məhkəmənin
çəkdiyi xərclər məhkəmə
xərclərini ödəməkdən azad edilmiş
iddiaçıdan tutularaq, iddia tələblərinin təmini
rədd edilmiş hissəyə münasib olaraq dövlət
mədaxilinə alınır.
Maddə 125. Məhkəmə xərcləri ilə
əlaqədar məsələlər üzrə
qərardaddan şikayət verilməsi
Məhkəmə
xərcləri ilə əlaqədar qərardadlardan
şikayət verilə bilər.
Fəsil 9
Məhkəmə
cərimələri
Maddə 126. Məhkəmə cərimələrinin
qoyulması
126.1. Məhkəmə
cərimələri bu Məcəllə ilə
nəzərdə tutulmuş hallarda və miqdarda
məhkəmə tərəfindən qoyulur.
126.2. İşin
məhkəmə baxışında iştirak edən və
iştirak etməyən dövlət orqanlarının,
hüquqi şəxslərin və digər təşkilatların
vəzifəli şəxslərinə qanunla
nəzərdə tutulmuş vəzifələrini pozmağa
görə məhkəmə tərəfindən qoyulan
cərimə onların şəxsi vəsaitlərindən
tutulur.
126.3. Cərimə qoyulması
barədə qərardad cərimənin qoyulması
barədə işə aiddir və həmin işə tikilir.
126.4. Cərimə qoyulması
barədə qərardadın surəti cərimə qoyulan
şəxsə göndərilir.
Maddə 127. Cərimənin götürülməsi
və ya azaldılması
127.1. Üzərinə
cərimə qoyulmuş şəxs, cərimə qoymuş
məhkəmədən qərardadı aldıqdan sonra iyirmi
gün ərzində cərimənin götürülməsini
və ya onun miqdarının azaldılmasını xahiş
edə bilər.
127.2. Bu ərizəyə
məhkəmə iclasında baxılır və
əlaqəli olduğu işin materiallarına tikilir.
Üzərinə cərimə qoyulmuş şəxs
iclasın vaxtı və yeri haqqında xəbərdar edilir.
Onun gəlməməsi məhkəmənin ərizəyə
baxmasına mane olmur.
127.3. Cəriməni
götürməkdən və ya onun miqdarını azaltmaqdan
imtina edilməsi barədə qərardaddan apellyasiya
qaydasında şikayət verilə bilər.
Fəsil 10
Prosessual
müddətlər
Maddə 128. Prosessual müddətlərin
müəyyən edilməsi və hesablanması
128.1. Prosessual
hərəkətlər bu Məcəllə ilə və
qanunlarla müəyyən edilmiş müddətlərdə
həyata keçirilir. Prosessual müddətlər qanunla
müəyyən edilmədiyi hallarda, onlar məhkəmə
tərəfindən təyin edilir.
128.2. Prosessual
hərəkətlərin edilməsi üçün
müddətlər, hökmən baş verməli hadisə
göstərilməklə, dəqiq təqvim tarixi ilə
və ya hərəkətin edilə biləcəyi vaxt
dövrü ilə müəyyən edilir.
128.3. İllərlə, aylarla
və ya günlərlə hesablanan prosessual müddətin
axını müddətin başlanğıcının
təyin edildiyi təqvim tarixindən və ya hadisənin
baş verməsindən sonrakı gündən
başlanır.
Maddə 129. Prosessual müddətlərin qurtarması
129.1. İllərlə hesablanan
müddət, müddətin son ilinin müvafiq ayında
və günündə qurtarır. Aylarla hesablanan
müddət, müddətin müvafiq son ayında və günündə
qurtarır. Aylarla hesablanan müddətin sonu müvafiq
günü olmayan aya düşərsə, müddət
həmin ayın son günündə qurtarır.
129.2. Müddətin son
günü qeyri-iş gününə düşərsə,
ondan sonrakı iş günü müddətin qurtarma
günü hesab olunur.
129.3. Edilməsi
üçün müddət müəyyən olunmuş
prosessual hərəkət, müddətin son günü saat
iyirmi dördə qədər yerinə yetirilə bilər.
Apellyasiya və kassasiya şikayətləri, digər
sənədlər və ya pul məbləğləri
müddətin son günü saat iyirmi dördə
qədər rabitə orqanlarına verilərsə,
müddət ötürülməmiş hesab olunur.
129.4. Prosessual hərəkət
bilavasitə məhkəmədə və ya digər
təşkilatda edilməlidirsə, müddət həmin
məhkəmədə və ya təşkilatlarda müəyyən
edilmiş qaydalar üzrə işin qurtardığı
və ya müvafiq əməliyyatların kəsildiyi saatda
qurtarır.
Maddə 130. Prosessual müddətlərin
buraxılmasının nəticələri
130.1. Qanunla müəyyən
edilmiş və ya məhkəmə tərəfindən
təyin edilmiş müddət keçdikdə, prosessual
hərəkətləri etmək hüququ keçmiş olur.
130.2. Prosessual
müddətlərin keçməsi prosessual
vəzifələri yerinə yetirməkdən azad etmir.
130.3. Prosessual müddətin
bərpa olunması barədə vəsatət
verilməmişsə, prosessual müddətlər
keçdikdən sonra verilən şikayətlərə
və sənədlərə baxılmır və onları
verən şəxsə qaytarılır.
Maddə 131. Prosessual müddətlərin
dayandırılması
131.1. İş üzrə
icraat dayandırıldıqda qurtarmayan bütün prosessual
müddətlərin axımı dayandırılır.
131.2. İcraat
təzələndiyi gündən prosessual
müddətlərin axımı davam edir.
Maddə 132. Prosessual müddətlərin
uzadılması
Məhkəmənin təyin
etdiyi müddətlər maraqlı şəxslərin
ərizəsi üzrə, habelə bu Məcəllənin
101.3-cü maddəsində nəzərdə tutulan ekspertin
vəsatəti əsasında məhkəmə tərəfindən
uzadıla bilər. [165]
Maddə 133. Prosessual müddətlərin
bərpası
133.1. Məhkəmə qanunla
müəyyən edilmiş müddətin
buraxılmasının səbəbini üzürlü hesab
edərsə, işdə iştirak edən şəxsin
ərizəsinə əsasən buraxılmış
müddəti bərpa edir.
133.2. Buraxılmış
müddətin bərpası haqqındakı ərizə
prosessual hərəkətlərin edilməli olduğu
məhkəməyə verilir və məhkəmə iclasında
baxılır. İşdə iştirak edən
şəxslərə məhkəmə iclasının
vaxtı və yeri barədə məlumat verilir. Onların
gəlməməsi məhkəmə qarşısında
qoyulmuş məsələnin həllinə maneçilik
törətmir.
133.3. Müddətin
bərpası haqqında ərizə verilməklə eyni
zamanda müddəti buraxılmış zəruri prosessual
hərəkət edilməlidir (ərizə, şikayət verilməli,
sənədlər təqdim edilməli və s.).
133.4. Buraxılmış
prosessual müddətin bərpası məhkəmənin
qətnaməsində, qərardadında və qərarında
göstərilməlidir.
133.5. Müddətin
bərpasından imtina barədə qərardad
çıxarılır.
133.6. Prosessual
müddətlərə dair məsələ üzrə
qərardaddan işdə iştirak edən şəxslər
şikayət verə bilər.
Fəsil 11.
Məhkəmə sənədlərinin
rəsmi qaydada verilməsi.
Məhkəmə bildirişləri[166]
Maddə 134. Rəsmi qaydada verilən
sənədlər
134.1. Məhkəmə
işdə iştirak edən şəxslərə
aşağıdakı məhkəmə
sənədlərini rəsmi qaydada verməlidir:[167]
134.1.1. iddia ərizəsini;
134.1.2. qarşılıqlı
iddia ərizəsini;
134.1.3. iddia
tələblərinin təsdiqi və ya ona qarşı etiraz
kimi tərəflərin hazırladığı
sənədlərin surətlərini;
134.1.4. məhkəmə bildirişini; [168]
134.1.5. birinci instansiya
məhkəməsinin, apellyasiya və kassasiya
məhkəmələrinin aktlarını;
134.1.6. iş üzrə
icraatın qurtardığını göstərən
qərardadı;
134.1.7. məhkəmə
əmrini;
134.1.8. apellyasiya
şikayətinin surətini;
134.1.9. kassasiya şikayətinin
surətini.
134.2. Zəruri hallarda
məhkəmə işə aid olan digər məhkəmə sənədlərini də rəsmi
qaydada verə bilər. [169]
Maddə 135. Məhkəmə
sənədlərinin çatdırılması və
rəsmi qaydada verilməsi
135.1. Bu
Məcəllənin 135.6-cı və 135.8-ci maddələrində
müəyyən edilmiş hallar istisna olmaqla, bu
Məcəllənin 134-cü maddəsində
sadalanan məhkəmə sənədləri “Poçt
haqqında” Azərbaycan Respublikasının Qanununda
nəzərdə tutulmuş sifarişli poçt
göndərişi (məktubu) ilə
çatdırılır. Zəruri hallarda məhkəmə
sənədinin çatdırılması hakim
tərəfindən məhkəmə işçisinə tapşırıla
və ya işdə iştirak edən şəxsin
razılığı ilə həmin şəxsə
həvalə edilə bilər.[170]
135.2.
Məhkəmə sənədləri məhkəməyə
qaytarılmalı olan, forması müvafiq qaydada təsdiq
edilmiş qəbzə və ya sənədin
kötüyünə imza etdirilməklə, ünvan
sahibinə rabitə orqanları, yaxud məhkəmə
sənədlərinin çatdırılması
tapşırılmış şəxslər
tərəfindən şəxsən verilir. Hüquqi
şəxsə ünvanlanmış məhkəmə
sənədləri müvafiq vəzifəli şəxsə
qəbzə və ya sənədin kötüyünə imza
etdirilməklə verilir. Məhkəmə
sənədlərinin rəsmi qaydada verilməsi
məhkəmədə də həyata keçirilə
bilər.
135.3.
Məhkəmə sənədlərinin
çatdırılması vəzifəsi üzərinə
düşən şəxs ünvan sahibini onun
yaşadığı, yaxud işlədiyi yer üzrə
tapmadıqda, həmin sənədlər ünvan sahibi ilə
birlikdə yaşayan yetkinlik yaşına çatmış
ailə üzvlərindən birinə (onların razılığı
ilə), onlar olmadıqda müvafiq icra hakimiyyəti
orqanına, ünvan sahibinin yaşadığı yer
üzrə yerli özünüidarə orqanına, yaxud onun
işlədiyi yer üzrə müdiriyyətə verilir.
Ünvan sahibinin əvəzinə məhkəmə
sənədlərini qəbul etmiş şəxs
qəbzdə və ya sənədin kötüyündə
öz soyadını, adını, atasının
adını, ünvan sahibinə münasibətini və ya
tutduğu vəzifəni göstərməli və imkan olan
kimi məhkəmə sənədlərini ünvan sahibinə
verməlidir.
135.4.
Məhkəmə sənədlərinin
çatdırılması vəzifəsi üzərinə
düşən rabitə orqanları, yaxud məhkəmə
sənədlərinin çatdırılması
tapşırılmış şəxslər bunu
məhkəmə sənədlərini aldıqları
tarixdən sonra gələn gündən gec olmayaraq yerinə
yetirməli və məhkəmə sənədlərinin
çatdırılması barədə bir gün
müddətində məhkəməyə xəbər
verməlidirlər.
135.5. Bu
Məcəllənin 135.2-ci, 135.3-cü, 135.6-cı və 135.8-ci
maddələrində nəzərdə tutulmuş hallarda
məhkəmə sənədi rəsmi qaydada verilmiş hesab
edilir.[171]
135.6. “Elektron məhkəmə”
informasiya sisteminin tətbiq olunduğu
məhkəmələrdə mülki işlər üzrə
işdə iştirak edən şəxslər “Elektron
məhkəmə” informasiya sistemində qeydiyyatdan
keçmişlərsə, məhkəmə
sənədləri bu şəxslərin həmin sistemdə
yaradılmış “elektron kabinet”lərində yerləşdirilir
və onlara bu barədə məlumat həmin sistem
vasitəsilə elektron qaydada (elektron poçt, SMS və s.
vasitəsilə) çatdırılır.
135.7. “Elektron məhkəmə”
informasiya sisteminin tətbiq olunduğu
məhkəmələrdə mülki işlər üzrə
işdə iştirak edən şəxslər “Elektron
məhkəmə” informasiya sistemində qeydiyyatdan
keçməmişlərsə, onlara məhkəmə
sənədləri barədə məlumat bu sistem
vasitəsilə şəxsin təqdim etdiyi mobil telefon
nömrəsinə SMS-lə çatdırılır. Bu halda
işdə iştirak edən şəxs məhkəmə
iclasının vaxtı və yeri haqqında lazımi qaydada
xəbərdar edilmiş hesab edilir. SMS-in işdə
iştirak edən şəxsə
çatdırıldığı vaxt barədə məlumat
“Elektron məhkəmə” informasiya sistemində qeyd edilir.[172]
135.8. Kommersiya
mübahisələri üzrə işdə iştirak
edən şəxslərin məhkəmə
sənədləri onların “Elektron məhkəmə”
informasiya sistemində yaradılmış “elektron
kabinet”lərində yerləşdirilir və onlara bu
barədə məlumat həmin sistem vasitəsilə elektron
qaydada (elektron poçt, SMS və s. vasitəsilə)
çatdırılır.[173]
Maddə 136. Qəbzin məzmunu
136.0. Bu
Məcəllənin 135-ci maddəsində nəzərdə
tutulmuş qəbzdə aşağıdakılar
göstərilməlidir:
136.0.1.
məhkəmənin adı və ünvanı;
136.0.2.
məhkəmə sənədlərinin verilməli olduğu
şəxsin soyadı, adı, atasının adı və ya
hüquqi şəxsin adı və yerləşdiyi ünvan;
136.0.3.
verilən məhkəmə sənədinin adı;
136.0.4.
verilmənin vaxtı (tarix və saat) və yeri;
136.0.5.
məhkəmə sənədinin verilməməsinin
səbəbləri (almaqdan imtina, göstərilən
ünvanda olmama, səhv ünvan və sair);
136.0.6.
məhkəmə sənədinin verildiyi şəxs;
136.0.7.
məhkəmə sənədinin çatdırılması
tapşırılmış şəxsin, yaxud rabitə
orqanının nümayəndəsinin imzası.
Maddə 137. Məhkəmə
sənədlərini qəbul etməkdən imtina
137.1.
Məhkəmə sənədlərinin
ünvanlandığı şəxs qanuni əsas olmadan
onları qəbul etməkdən imtina edərsə,
məhkəmə sənədləri verildiyi ünvanda
qalmalıdır. Bu halda məhkəmə sənədləri
rəsmi qaydada verilmiş hesab olunur.
137.2. Ünvan
sahibi və ya digər şəxs məhkəmə
bildirişini qəbul etməkdən imtina etdikdə, onu
təqdim edən şəxs məhkəmə
bildirişində müvafiq qeydlər etdikdən sonra onu
məhkəməyə qaytarır. Bu halda məhkəmə
bildirişi rəsmi qaydada verilmiş hesab olunur.
137.3.
Məhkəmə bildirişinin ünvan sahibi
tərəfindən qəbul edilməsindən imtina
barədə qeyd onun yaşayış yeri üzrə yerli
özünüidarə orqanı, müvafiq icra hakimiyyəti
orqanı və ya onun iş yerinin müdiriyyəti
tərəfindən təsdiq edilir.
137.4.
Məhkəmə bildirişinin ünvanlandığı
şəxs tərəfindən həmin sənədləri
qəbul etməkdən imtina edilməsi işə
baxılması üçün və ya ayrı-ayrı
prosessual hərəkətlərin edilməsi üçün
maneə deyildir.
Maddə 138. Məhkəmə
bildirişləri
138.1.
Məhkəmə işdə iştirak edən
şəxsləri məhkəmə iclasının vaxtı
və yeri, prosessual hüquq və vəzifələri, işə şifahi və ya
yazılı icraat qaydasında baxılması, habelə
ayrı-ayrı prosessual hərəkətlər haqqında
xəbərdar etməlidir.[174]
138.2.
İşdə iştirak edən şəxslər
məhkəmə iclasının vaxtı və yeri, prosessual hüquq və
vəzifələri, işə şifahi və ya
yazılı icraat qaydasında baxılması, habelə
ayrı-ayrı prosessual hərəkətlərin yerinə
yetirilməsi haqqında məhkəmə bildirişi
vasitəsilə xəbərdar edilir, şahidlər,
ekspertlər, mütəxəssislər və
tərcüməçilər isə məhkəmə
bildirişi vasitəsilə məhkəməyə
çağırılırlar.[175]
138.3.
İşdə iştirak edən şəxslərin öz
müdafiəsini hazırlamağa və
məhkəməyə vaxtında gəlmələrinə
imkan yaratmaq üçün məhkəmə bildirişi
onlara məhkəmə iclasının və ya müvafiq
prosessual hərəkətin tarixinə ən azı 10 gün
qalmış verilir.
138.4.
Zərurət olduqda və qanunla nəzərdə tutulmuş
hallarda işdə iştirak edən şəxslər və
prosesin digər iştirakçıları məhkəmə
bildirişinin məzmununun ötürülməsini təmin
edən rabitə vasitələrindən istifadə
edilməklə, eləcə də məhkəmənin
tapşırığı ilə məhkəmə
işçisi tərəfindən xəbərdar edilə,
yaxud çağırıla bilərlər.
138.5. İqtisadi
mübahisələr üzrə işdə iştirak edən
şəxslər “Elektron məhkəmə” informasiya
sistemində qeydiyyatdan keçmişlərsə,
məhkəmə bildirişləri bu şəxslərin
həmin sistemdə yaradılmış elektron
kabinetlərində yerləşdirilir və onlara bu
barədə məlumat elektron qaydada (elektron poçt və ya
SMS vasitəsilə) çatdırılır.[176]
Maddə 139. Məhkəmə
bildirişinin məzmunu
139.1.
Məhkəmə bildirişi məhkəmənin rəsmi
sənədi olmaqla müvafiq qaydada təsdiq olunmuş formada
tərtib edilir.
139.2.
Məhkəmə bildirişində aşağıdakılar
göstərilməlidir:
139.2.1.
məhkəmənin adı, ünvanı və əlaqə
üçün məlumatlar (indeks, telefon, faks və s.);
139.2.2.
gəlmə vaxtı (tarix və saat) və yeri;
139.2.3.
xəbər verilən, yaxud məhkəməyə
çağırılan şəxsin soyadı, adı,
atasının adı və ya hüquqi şəxsin adı;
139.2.4.
xəbər verilən, yaxud məhkəməyə
çağırılan şəxsin ünvanı və ya
hüquqi şəxsin yerləşdiyi ünvan;
139.2.5. ünvan
sahibinin kim qismində xəbərdar edilməsi və ya
çağırılması;
139.2.6. ünvan
sahibinin xəbərdar edildiyi, yaxud
çağırıldığı işin adı;
139.2.7.
işdə iştirak edən şəxslərə iş
üzrə onlarda olan bütün sübutların təqdim
edilməsinə dair təklif;
139.2.7-1. işdə iştirak edən
şəxslərin prosessual hüquq və
vəzifələrinin izahı;[177]
139.2.8. ünvan
sahibinin olmadığı təqdirdə məhkəmə
bildirişini qəbul edən şəxsin imkan olan kimi onu
ünvan sahibinə vermək vəzifəsinə dair qeyd;
139.2.9.
xəbər verilən və ya çağırılan
şəxsin məhkəməyə gəlməməsinin
nəticələrinə və gəlməmənin
səbəbləri barədə məhkəməyə
məlumat vermək vəzifəsinə dair qeyd.
139.3. Məhkəmə
bildirişində verilmiş apellyasiya və kassasiya
şikayətinin qərarın ləğv edilməsinə
yönəldiyi və ya şikayətdə ifadə olunmuş
dəlillərə əsasən mübahisənin predmetinin
bölünməz olduğu halda,
mübahisələndirilən hissə ilə bağlı
işdə iştirak edən digər şəxslərin
şikayət vermək hüquqlarından vaxtında
istifadə etməmələrinin, habelə dəlillərini
irəli sürməmələrinin sonradan şikayət
vermə hüquqlarını aradan qaldırması ilə
nəticələnəcəyi xüsusi olaraq izah
edilməlidir.
139.4. İşə yazılı icraat
qaydasında baxılması barədə bildirişdə bu
Məcəllənin 139.2.1, 139.2.3–139.2.8-ci
maddələrində nəzərdə tutulmuş məlumatlar,
apellyasiya və kassasiya instansiyası icraatında isə
həmçinin işdə iştirak edən
şəxslərə şikayətlərə dair onların
etiraz və ya izahatlarının təqdim edilməsinə dair
təklif göstərilməlidir.[178]
Maddə 140. Məhkəmə
sənədinin ünvan sahibinə çatdırmaq
üçün qəbul etməkdən imtinaya və ya
səhlənkarlıq nəticəsində çatdırılmamasına
görə məsuliyyət
Məhkəmə
sənədini ünvan sahibinə çatdırmaq
üçün qəbul etməkdən imtina edən və ya
onu səhlənkarlıq nəticəsində ünvan
sahibinə çatdırmayan orqanlar, vəzifəli
şəxslər, yaxud məhkəmə sənədinin
çatdırılması tapşırılmış
digər şəxslər bu Məcəllənin 126-cı
maddəsində nəzərdə tutulmuş qaydada iyirmi manat
miqdarında cərimə edilir.[179]
Maddə 141. Çağırış
vərəqəsi və ya bildirişin məzmunu
141.1.
Çağırış vərəqəsi və ya
bildiriş məhkəmənin rəsmi sənədi olub,
müvafiq qaydada təsdiq olunmuş formada tərtib edilir.
141.2. Çağırış
vərəqəsində və ya bildirişdə
aşağıdakılar göstərilməlidir:
141.2.1.
məhkəmənin adı və dəqiq ünvanı
(telefon, faks, indeks və s.);
141.2.2.
gəlmə vaxtı (tarix və saat) və yeri;
141.2.3.
xəbər verilən, yaxud məhkəməyə
çağırılan şəxsin göstəriciləri
(soyadı, adı, atasının adı);
141.2.4.
xəbər verilən, yaxud məhkəməyə
çağırılan şəxsin ünvanı (ev, yaxud
hüquqi şəxsin olduğu yer);
141.2.5.
ünvan sahibinin kim qismində xəbərdar edilməsi və
ya çağırılması;
141.2.6.
ünvan sahibinin xəbərdar edildiyi, yaxud
çağırıldığı işin adı;
141.2.7.
işdə iştirak edən şəxslərə iş
üzrə onlarda olan bütün sübutların təqdim
edilməsinə dair təklif;
141.2.8.
ünvan sahibinin olmadığı təqdirdə
çağırış vərəqəsini və
bildiriş vərəqəsini qəbul edən şəxsin
imkan olan ilk anda onu ünvan sahibinə vermək
vəzifəsinə dair göstəriş;
141.2.9.
xəbər verilən və çağırılan
şəxsin məhkəməyə gəlməməsinin
nəticələrinə və gəlməmənin
səbəbləri barədə məhkəməyə
məlumat vermək vəzifələrinə dair
göstəriş.
141.3.
Çağırış vərəqəsi ilə eyni
zamanda hakim cavabdehə iddia ərizəsinin surətini və
ərizəyə əlavə edilən sənədlərin
surətlərini göndərə bilər.
141.4.
İddiaçıya ünvanlanmış
çağırış vərəqəsi ilə
birlikdə hakim o halda cavabdehin yazılı izahatlarının
surətini və onlara əlavə olunmuş
sənədlərin surətlərini göndərir ki, onlar
məhkəməyə daxil olmuş olsun.
Maddə 142. Çağırış
vərəqələrinin çatdırılması
142.1.
Çağırış vərəqəsi poçt
vasitəsi ilə və ya hakimin tapşırdığı
şəxslər tərəfindən
çatdırılır. Ünvan sahibinə
çağırış vərəqəsinin verilməsi
vaxtı çağırış vərəqəsinin
məhkəməyə qaytarılmalı olan
kötüyündə qeyd edilir.
142.2.
Hakim işdə iştirak edən şəxsin
razılığı ilə ona iş üzrə
çağırılan və ya xəbər verilən
digər şəxsə çatdırmaq üçün
çağırış vərəqəsi verə
bilər.
142.3.
Çağırış vərəqələrini
çatdırmağa borclu olan orqanlar, yaxud onların
çatdırılması tapşırılmış
şəxs, çağırış vərəqəsini
aldıqları günün sonrakı günündən gec
olmayaraq bu hərəkəti etməyə borcludurlar.
142.4.
Səhlənkarlıq nəticəsində
çağırış vərəqəsini
çatdırmayan orqanlar yaxud vəzifəli
şəxslər, eləcə də çağırış
vərəqəsini çatdırmaq
tapşırılmış şəxs
məhkəməyə hörmətsizlik
göstərdiyinə görə müəyyən edilmiş
qaydada məsuliyyət daşıyırlar.
142.5.
Çağırış vərəqəsini
çatdırmağa borclu olan orqan, yaxud
çağırış vərəqəsini
çatdırmaq tapşırılmış şəxs,
çağırış vərəqəsinin
çatdırılmalı olduğu günün sonrakı
günündən gec olmayaraq çağırış
vərəqəsinin çatdırılmaması
barədə məhkəməyə məlumat
verməlidirlər.
Maddə 143. Çağırış
vərəqəsinin verilməsi
143.1.
Çağırış vərəqəsi onun
məhkəməyə qaytarılmalı olan
kötüyünün imzalanması ilə ünvanlanan
şəxsin özünə verilir. Təşkilata
ünvanlanmış çağırış
vərəqəsi müvafiq vəzifəli şəxsə
çağırış vərəqəsinin
kötüyünü imzalatmaqla verilir.
143.2.
Çağırış vərəqəsini aparan
şəxs xəbər verilən və ya
çağırılan şəxsin ünvanının
dəqiqliyini yoxladıqdan sonra iş üzrə xəbər
verilən və ya çağırılan fiziki şəxsi
yaşadığı və ya işlədiyi yerdə tapmazsa,
çağırış vərəqəsi xəbər
verilənlə və ya çağıranla bir yerdə
yaşayan böyük yaşlı ailə
üzvlərindən birinə onların
razılığı ilə verilir, onlar olmadıqda isə
müvafiq icra hakimiyyəti orqanına, ünvan sahibinin
yaşadığı yerin yerli özünüidarə
orqanına və ya onun iş yerinin müdiriyyətinə
verilir. Göstərilən hallarda çağırış
vərəqəsini qəbul edən şəxs
çağırış vərəqəsinin
kötüyündə soyadını, adını və
atasının adını, eləcə də tutduğu
vəzifəsini, ünvan sahibinə münasibətini
göstərməlidir. Çağırış
vərəqəsini qəbul edən şəxs imkanı olan
kimi yubatmadan onu ünvan sahibinə verməlidir.
143.3.
Ünvan sahibi müvəqqəti olmadığı
təqdirdə, çağırış
vərəqəsini aparan şəxs onun hara getdiyini və
nə vaxt qayıdacağını çağırış
vərəqəsinin kötüyündə qeyd etməlidir.
Bu hal müvafiq icra hakimiyyəti orqanı, onun
yaşadığı yer üzrə orqan və ya iş
yerinin müdiriyyəti tərəfindən yəqin
edilməli, təsdiq edilməli və bu barədə
dərhal məhkəməyə məlumat verilməlidir.
Maddə 144. Məhkəməyə gəlmənin
məcburiliyi
144.1.
Çağırış vərəqəsini alan ünvan
sahibi göstərilən vaxtda məhkəməyə
gəlməlidir.
144.2.
Ünvan sahibi məhkəməyə gələ bilmədiyi
halda bu barədə məhkəməyə məlumat
verməlidir.
144.3.
Şəxsin özünün və ya nümayəndəsi
vasitəsi ilə üzürlü səbəblər olmadan
məhkəmənin çağırışına
gəlməməsi onun irəli sürülən
tələblərlə sözsüz razı olduğunu
göstərir və işə baxılması
üçün maneə deyildir.
144.4.
Müstəsna hallarda məhkəmə müvafiq icra hakimiyyəti
orqanı vasitəsi ilə cavabdehin məhkəməyə
gətirilməsini təmin edə bilər.
Maddə 145. Çağırış
vərəqəsini və ya bildirişi qəbul
etməkdən imtina edilməsinin nəticələri
145.1.
Ünvan sahibi və ya digər şəxs
çağırış vərəqəsini və ya
bildirişi almaqdan imtina etdikdə, onları gətirən,
yaxud təqdim edən şəxs çağırış
vərəqəsində və ya bildirişdə müvafiq
qeydlər etdikdən sonra onları məhkəməyə
qaytarır.
145.2.
Çağırış vərəqəsi, yaxud
bildirişin ünvan sahibi tərəfindən qəbul
edilməsindən imtina barədə qeyd onun yaşayış
yeri üzrə yerli özünüidarə orqanı,
müvafiq icra hakimiyyəti orqanı və ya onun iş yerinin
müdiriyyəti tərəfindən təsdiq edilir.
145.3.
Ünvan sahibinin çağırış
vərəqəsini və ya bildirişi qəbul
etməkdən imtina etməsi ona qarşı irəli
sürülən tələblərlə sözsüz
razı olduğunu göstərir və işə
baxılması üçün və ya ayrı-ayrı
prosessual hərəkətlərin edilməsi üçün
maneə deyildir.
145.4.
Şəxsin çağırış vərəqəsini
ünvan sahibinə çatdırmaq üçün qəbul
etməkdən imtina etməsi məhkəməyə
hörmətsizlik kimi qiymətləndirilir və on bir manat
cərimə olunur.[180]
Maddə 146. İş üzrə icraat zamanı
ünvanın dəyişməsi
Məhkəmədə
iştirak edən şəxslər və
nümayəndələr iş üzrə icraat zamanı
öz ünvanlarını dəyişdirmələri
barədə məhkəməyə məlumat
verməlidirlər. Belə
məlumat olmadıqda, məhkəmə bildirişləri
məhkəməyə məlum olan axırıncı
ünvana çatdırılır və
çağırılan şəxs artıq həmin
ünvanda yaşamasa da, məhkəmə bildirişi rəsmi
qaydada verilmiş hesab edilir. [181]
Maddə 147. Cavabdehin olduğu yerin məlum olmaması
[182]
Cavabdehin faktiki olduğu yer
məlum olmadıqda, məhkəmə cavabdehin məlum olan
axırıncı yaşayış yeri üzrə yerli
özünüidarə orqanının, müvafiq icra
hakimiyyəti orqanının və ya cavabdehin məlum olan
axırıncı iş yeri üzrə müdiriyyətin məhkəmə bildirişini
aldığını təsdiq edən qeyd yazılmış
məhkəmə bildirişi
məhkəməyə daxil olduqdan sonra işə baxmağa
başlayır.
Maddə 148. Cavabdehin axtarışı
148.1. Dövlət mənafeyi
ilə əlaqədar irəli sürülən, habelə
aliment alınması, xəsarət
yetirmə və ya sağlamlığı başqa
şəkildə pozma, yaxud ailəni dolandıranın ölümü
ilə vurulan ziyanın ödənilməsi haqqında
tələblər üzrə cavabdehin olduğu yer məlum
olmadıqda, məhkəmə polis orqanları vasitəsi
ilə cavabdehin axtarışını elan etməyə
borcludur.[183]
148.2. Cavabdehin
axtarışı ilə əlaqədar xərclərin
tutulması axtarışın aparılması həvalə
edilən orqanın ərizəsinə əsasən
məhkəmə əmrinin verilməsi yolu ilə həyata
keçirilir.
İkinci
bölmə.
Birinci instansiya
məhkəməsində icraat
Birinci
yarımbölmə
İddia
icraatı
Fəsil 12
İddianın
verilməsi
Maddə 149. İddia ərizəsinin forması və
məzmunu
149.1. İddia ərizəsi
məhkəməyə yazılı şəkildə verilir.
O, iddiaçı və ya onun bunu imza etməyə
səlahiyyəti olan nümayəndəsi tərəfindən
imzalanır.
149.2. Ərizədə
aşağıdakılar göstərilməlidir:
149.2.1. ərizənin verildiyi
məhkəmənin adı;
149.2.2. iddiaçının, onun
nümayəndəsinin (əgər iddia ərizəsini
nümayəndə təqdim edirsə), cavabdehin və
işdə iştirak edən digər şəxslərin,
şahidin və məhkəmə iclasına dəvət
etmək istədiyi digər şəxslərin soyadı,
adı, atasının adı (hüquqi şəxsə
münasibətdə adı), şəxsiyyəti
eyniləşdirməyə imkan verən digər məlumatlar,
yaşayış yeri və ya olduğu yer (həm faktiki,
həm də rəsmi qeydə alındığı
ünvanı), yazışmaların aparılmasının
istənildiyi digər ünvan, olduğu halda – iş yerinin
ünvanı, telefon nömrələri, o cümlədən
mobil telefon nömrələri, elektron poçt ünvanı,
cavabdehin və işdə iştirak edən digər
şəxslərin eyniləşdirmə məlumatları
(şəxsiyyət vəsiqəsinin seriya nömrəsi
və ya VÖEN, əcnəbilərin və
vətəndaşlığı olmayan şəxslərin,
xarici hüquqi şəxslərin və ya onların nümayəndəsinin
eyniləşdirmə məlumatları);[184]
149.2.3. iddianın predmeti və
qiyməti, iddiaçının və ya
ərizəçinin tələbləri, onların öz
tələblərinin əsası kimi istinad etdiyi fakt və
hallar və onları təsdiq edən sübutların
siyahısı, iddia bir neçə cavabdehə verildikdə
isə onların hər birinə qarşı
yönələn tələb;[185]
149.2.4. müqavilə ilə
və ya həmin kateqoriya işlər üçün qanunla
bu nəzərdə tutulmuşsa, cavabdehlə
mübahisənin məhkəməyə qədər (pretenziya
qaydasında) nizama salınmasına riayət edilməsinə
dair məlumat;
149.2.4-1. “Mediasiya haqqında” Azərbaycan
Respublikasının Qanununa uyğun olaraq, tərəflərin
məhkəməyə müraciət etməzdən
əvvəl mediasiya prosesində iştirakı tələb
olunduğu halda, həmin tələbə riayət
edilməsinə dair məlumat;
149.2.5. ərizəyə
əlavə edilən sənədlərin siyahısı.
149.3. İddiaçı bir-biri
ilə bağlı olan bir neçə tələbi bir iddia
ərizəsində birləşdirməyə haqlıdır.
149.4. Ərizədə
mübahisənin düzgün həll edilməsi
üçün zəruri olan digər məlumatlar,
həmçinin iddiaçının vəsatətləri
də göstərilir.
Maddə 150. İddia ərizəsinə əlavə
edilən sənədlər[186]
150.1. İddia ərizəsinə
aşağıdakı sənədlər əlavə edilir:
150.1.1. cavabdehlərin və
üçüncü şəxslərin sayına
görə iddia ərizəsinin surətləri (iddia
ərizəsi elektron formada verildiyi hal istisna olmaqla);
150.1.2. dövlət rüsumunun
ödənilməsini təsdiq edən sənəd;
150.1.3. iddia ərizəsinin
səlahiyyətli şəxs tərəfindən
imzalanmasını təsdiq edən sənəd (iddia
ərizəsi elektron qaydada verildiyi halda belə
səlahiyyətin elektron imza ilə təsdiq edildiyi hal istisna
olmaqla);
150.1.4. bu Məcəllənin 150.2-ci
maddəsinə uyğun olaraq kommersiya mübahisələri
üzrə işdə iştirak edən digər
şəxslər tərəfindən iddia ərizəsinin
surətinin və ona əlavə edilmiş
sənədlərin alınması haqqında sənəd;
150.1.5. iddia ərizəsi elektron qaydada
verildiyi hal istisna olmaqla, iddia ərizəsində
göstərilən bütün yazılı sübutların
işdə iştirak edən şəxslərin sayına
görə surətləri;
150.1.6. müqavilə ilə və ya
həmin kateqoriya mübahisələr üçün qanunda
bu nəzərdə tutulmuşsa, cavabdehlə
mübahisənin məhkəməyə qədər və ya
pretenziya qaydasında nizama salınmasına riayət
edilməsini təsdiq edən sənəd (kommersiya
mübahisələri üzrə həmin sənədlər
bu Məcəllənin 150.2-ci maddəsinə uyğun olaraq
verilir);
150.1.7. “Mediasiya haqqında” Azərbaycan
Respublikasının Qanununa uyğun olaraq, tərəflərin
məhkəməyə müraciət etməzdən
əvvəl mediasiya prosesində iştirakı tələb
olunduğu halda, həmin tələbə riayət
edilməsini təsdiq edən sənəd.
150.2. Kommersiya mübahisələri
üzrə elektron qaydada verilən iddia ərizəsi və
ona əlavə edilmiş sənədlər işdə
iştirak edən digər şəxslərin “Elektron
məhkəmə” informasiya sistemində yaradılmış
elektron kabinetinə göndərilir və bu barədə
məlumat elektron qaydada (elektron poçt və SMS
vasitəsilə) onlara çatdırılır. Əgər
sahibkar olan cavabdeh “Elektron məhkəmə” informasiya
sistemində qeydiyyatdan keçməmişsə, bu halda
kommersiya mübahisələri üzrə elektron qaydada
verilən iddia ərizəsi barədə bildiriş və
“Elektron məhkəmə” informasiya sistemində qeydiyyatdan
keçmə qaydasına dair məlumat həmin şəxsin
müvafiq icra hakimiyyəti orqanının müəyyən
etdiyi orqanın (qurumun) informasiya sistemində
yaradılmış elektron kabinetinə göndərilir və
bu barədə məlumat elektron qaydada (elektron poçt və
SMS vasitəsilə) ona çatdırılır. Cavabdeh
qeyri-rezident olduğu halda iddia ərizəsi və ona
əlavə edilmiş sənədlər onun
nümayəndəsinin “Elektron məhkəmə” informasiya
sistemində yaradılmış elektron kabinetinə
göndərilir.
150.3. İddiaçı ondan
asılı olmayan səbəblərə görə hər
hansı konkret sübutu iddia ilə birgə təqdim edə
bilmədikdə, bunu iddia ərizəsində göstərməlidir.
Maddə 151. İddia ərizəsinin
mümkünlüyü
151.1. İddia ərizəsi bu
Məcəllənin tələblərinə riayət
edilməklə verildikdə, onun məhkəmə icraatı
mümkündür.
151.2. Zəruri hallarda iddia
ərizəsinin mümkünlüyü haqqında
məsələyə çəkişmə prinsipinə
riayət edilməklə, tərəflərin iştirakı ilə
baxıla bilər.
151.3. Məhkəmə iddia
ərizəsini (kiçik iddialara dair işlər üzrə
sadələşdirilmiş icraat qaydasında baxılan iddia
ərizələri istisna olmaqla), daxil olmasından 5 gün müddətində qaytarmayıbsa
və ya onu qəbul etməkdən imtina etməyibsə, o,
qəbul edilmiş sayılır.[187]
Maddə 152. İddia ərizəsinin
qaytarılması
152.1. Hakim iddia ərizəsini
və ona əlavə edilmiş sənədləri geri
qaytarır:
152.1.1. iddia ərizəsinin bu
Məcəllənin 149-cu maddəsi ilə müəyyən
olunmuş formasına və məzmununa riayət
edilmədikdə və ya bu Məcəllənin 150.1.1-ci
maddəsində göstərilən sənədlər iddia
ərizəsinə əlavə edilmədikdə;[188]
152.1.2. iddia ərizəsi
imzalanmadıqda və ya onu imzalamağa hüququ olmayan
şəxs tərəfindən, yaxud xidməti
vəziyyəti göstərilməyən şəxs
tərəfindən imzalandıqda;
152.1.3. əgər iş
ərazi və
ya məhkəmə aidiyyəti üzrə həmin
məhkəmədə baxılmalı deyildirsə;[189]
152.1.4. kommersiya mübahisələri üzrə işdə
iştirak edən digər şəxslər
tərəfindən iddia ərizəsinin alınmasına dair
sübut təqdim edilmədikdə;
152.1.5. müəyyən
edilmiş qaydada və məbləğdə dövlət
rüsumunun ödənilməsini təsdiq edən
sənəd təqdim edilmədikdə;
152.1.6. müqavilə ilə
və ya həmin kateqoriya işlər üçün qanunla
nəzərdə tutulmuşsa, iddiaçı cavabdehlə
mübahisənin məhkəməyə qədər (pretenziya
qaydasında) nizama salınmasına riayət edilməsinə
dair sənəd təqdim etmədikdə;
152.1.6-1. “Mediasiya haqqında” Azərbaycan
Respublikasının Qanununa uyğun olaraq, tərəflərin
məhkəməyə müraciət etməzdən
əvvəl mediasiya prosesində iştirakı tələb
olunduğu halda, həmin tələbə riayət
edilməsini təsdiq edən sənəd təqdim
edilmədikdə;
152.1.7. bir və ya bir
neçə cavabdehə bir-biri ilə əlaqədar olmayan
bir neçə tələb birləşdirildikdə;
152.1.8. cavabdehdən borcun
alınmasına dair iddialarda, əgər bu, qanuna, digər
normativ hüquqi akta və ya müqaviləyə əsasən
bank və ya digər kredit təşkilatı vasitəsi
ilə alınmalıdırsa, banka və ya digər kredit
təşkilatına müraciət edilməsinə dair
sübut təqdim edilmədikdə;
152.1.9. iddia ərizəsini
icraata götürmək haqqında qərardad
çıxarılana qədər iddiaçıdan iddia
ərizəsinin qaytarılmasına dair ərizə daxil
olduqda;
152.1.10. kommersiya mübahisələri
üzrə iddia ərizəsi bu Məcəllənin
10-1.3-cü maddəsinin tələblərinə uyğun
verilmədikdə.[190]
152.2. İddia ərizəsinin
qaytarılması haqqında hakim qərardad çıxarır.
152.3. İddia ərizəsinin
qaytarılması haqqında qərardaddan şikayət
verilə bilər. Qərardad ləğv edildikdə, iddia
ərizəsi məhkəməyə müraciət edildiyi
gündən verilmiş hesab edilir.
152.4. İddia ərizəsinin
qaytarılması nöqsanlar aradan qaldırıldıqdan
sonra ümumi qaydada ikinci dəfə məhkəməyə
müraciət etməyə mane olmur.
Maddə 153. İddianın yolverilməzliyinə
görə iddia ərizəsini qəbul etməkdən imtina
153.1. Məhkəməyə
daxil olan ərizə hökmən daxil olduğu gün
qeydiyyatdan keçməlidir.
153.2. Hakim
aşağıdakı hallarda iddianın
yolverilməzliyinə görə iddia ərizəsini qəbul
etməkdən imtina edir:
153.2.1. ərizəyə
məhkəmə qaydasında və ya mülki məhkəmə
icraatı qaydasında baxılmalı deyildirsə;[191]
153.2.2. eyni tərəflər
arasında, eyni predmet barəsində və eyni əsaslar
üzrə mübahisəyə dair məhkəmənin qanuni
qüvvəyə minmiş qətnaməsi və ya
iddiaçının iddiadan imtina etməsi ilə
əlaqədar iş üzrə icraata xitam edilməsi və
ya tərəflərin barışıq sazişinin təsdiq
edilməsi haqqında məhkəmənin qərardadı
olarsa;
153.2.3. məhkəmə, eyni tərəflər
arasında, eyni predmet barəsində və eyni əsaslar
üzrə mübahisəyə dair arbitraj
məhkəməsinin qərarının tanınmasından
və ya məcburi icrasının təmin edilməsindən
imtina etdiyi hallar istisna olmaqla, arbitraj məhkəməsinin
qanuni qüvvəyə minmiş qərarı olarsa;[192]
153.2.4. eyni tərəflər
arasında, eyni predmet barəsində və eyni əsaslar
üzrə mübahisəyə dair başqa
məhkəmənin icraatında iş olarsa.
153.3.Hakim ərizəni qəbul
etməkdən imtina barədə
əsaslandırılmış qərardad
çıxarır. İşə məhkəmə qaydasında
və
ya mülki məhkəmə icraatı qaydasında baxılmalı deyildirsə,
iddiaçının hansı orqana və ya məhkəməyə müraciət etməli
olmasını orada göstərir.[193]
153.4. Ərizəni qəbul
etməkdən imtina haqqında qərardad ərizəyə
əlavə olunmuş bütün sənədlərlə
birlikdə ərizəçiyə rəsmi qaydada verilməlidir.[194]
153.5. Ərizəni qəbul
etməkdən imtina edilməsi ərizəçiyə
həmin cavabdehə qarşı, həmin predmet
barəsində və həmin əsaslarla yenidən iddia
qaldırmağa mane olur.
153.6. İddia ərizəsini
qəbul etməkdən imtina barədə qərardaddan
şikayət verilə bilər. Qərardad ləğv
edildikdə, iddia ərizəsi məhkəməyə müraciət
edildiyi ilk gündən verilmiş hesab edilir.
Maddə 154. İddia ərizəsinə etiraz etmə[195]
154.1. İşdə iştirak edən
şəxs iddia ərizəsinin surətini aldıqdan sonra 20
gün ərzində iddiaya etirazını, qoyulmuş suallara
cavablarını və ərizəyə əlavə
olunmuş sənədlərə münasibətini,
həmçinin iddiaya etirazın və ona əlavə
olunmuş sənədlərin surətlərini
iddiaçıya və məhkəməyə təqdim edir.
154.2. İddiaya etirazda
aşağıdakılar göstərilməlidir:
154.2.1. etirazın göndərildiyi
məhkəmənin adı;
154.2.2. işdə iştirak edən
şəxsin, onun nümayəndəsinin (əgər
etirazı nümayəndə təqdim edirsə), şahidin
və məhkəmə iclasına dəvət etdiyi digər
şəxslərin soyadı, adı, atasının adı,
yaşayış yeri (həm faktiki, həm də rəsmi
qeydə alındığı ünvanı), olduğu halda –
iş yerinin ünvanı, telefon nömrələri, o
cümlədən mobil telefon nömrələri, elektron
poçt ünvanı, cavabdehin və işdə iştirak
edən digər şəxslərin eyniləşdirmə
məlumatları (şəxsiyyət vəsiqəsinin seriya
nömrəsi və ya VÖEN, əcnəbilərin və
vətəndaşlığı olmayan şəxslərin,
xarici hüquqi şəxslərin və ya onların
nümayəndəsinin eyniləşdirmə
məlumatları);
154.2.3. iddianı etiraf
edib-etməməsi, əgər qismən etiraf edirsə
hansı hissədə;
154.2.4. iddianı etiraf etmirsə, onun
etirazının əsaslandığı fakt və hallar;
154.2.5. istinad etdiyi fakt və halları
təsdiq edən sübutların siyahısı;
154.2.6. olduğu halda
vəsatətlər (hakimə etiraz etmə,
üçüncü şəxslərin və (və ya)
başqa cavabdehin cəlb edilməsi, əsl olmayan
tərəfin əvəz edilməsi, iddia
tələblərinin birləşdirilməsi və ya
ayrılması, sübutların tələb edilməsi,
şahidlərin çağırılması, ekspertizanın
təyin olunması və s. barədə);
154.2.7. əlavə olunmuş
sənədlərin siyahısı.
154.3. İddiaya etirazda ardıcıl
və tam şəkildə iddiaçının
göstərdiyi hər bir dəlilə münasibət
bildirilməli, işin faktiki halları və sübutlara dair
dəlillər əks olunmalıdır. İşdə
iştirak edən şəxs iddiada göstərilən
hər hansı halla razılaşmadıqda bunun
səbəblərini və əsaslandırılmış
dəlillərini göstərməlidir.
154.4. İşdə iştirak edən
şəxs iddiaya etirazda göstərilən bütün
sübutların siyahısını təqdim etməlidir.
Ondan asılı olmayan səbəblərə görə
hər hansı sübut barədə məlumatın iddiaya
etiraz ilə birgə təqdim edilməsi mümkün
olmadıqda, işdə iştirak edən şəxs bunu
göstərməlidir.
154.5. İddiaya etiraz işdə
iştirak edən şəxs və ya onun
nümayəndəsi tərəfindən imzalanır.
Nümayəndənin imzaladığı etiraza onun işi
aparmağa səlahiyyətini təsdiq edən
sənədlər əlavə edilir.
Maddə 155. Qarşılıqlı iddianın
verilməsi KMQ4
155.1. Cavabdeh ilk iddia ilə birlikdə baxılmaq
üçün iddiaçıya qarşılıqlı
iddia verməyə haqlıdır. Qarşılıqlı
iddia bu
Məcəllənin 154.1-ci maddəsində nəzərdə
tutulmuş müddət ərzində verilməlidir.[196]
155.2. Bu Məcəllənin 154.1-ci
maddəsində nəzərdə tutulmuş müddətin
keçməsindən sonra və ya məhkəmə
baxışı zamanı qarşılıqlı iddia o halda
verilə bilər ki, onun verilməsi üçün
əsaslar həmin dövrdə əmələ gəlmiş
olsun və ya cavabdeh qarşılıqlı iddianın
həmin müddətdə təqdim edilməsinin ondan
asılı olmayan səbəblərə görə
mümkün olmadığını əsaslandırsın.
Bu Məcəllənin 154.1-ci maddəsində nəzərdə
tutulmuş müddətin keçməsindən sonra bu
Məcəllənin 156.1.3-cü maddəsində
nəzərdə tutulmuş əsaslarla
qarşılıqlı iddianın verilməsinə yol
verilmir.[197]
155.3. Qarşılıqlı
iddianın verilməsi iddia verilməsinin ümumi qaydaları
əsasında həyata keçirilir.
Maddə 156. Qarşılıqlı iddianın
qəbul edilməsi şərtləri
156.1. Hakim
qarşılıqlı iddianı aşağıdakı
hallarda qəbul edir:
156.1.1. qarşılıqlı
tələb ilk tələbin qarşılıqlı
ödənilməsinə yönəlmişsə;
156.1.2. qarşılıqlı
iddianın təmin edilməsi ilk iddianın tam və ya
qismən təmin edilməsini aradan qaldırırsa;
156.1.3. qarşılıqlı
və ilk iddia arasında qarşılıqlı əlaqə
vardırsa və onlara birlikdə baxılması
mübahisələrə daha tez və düzgün baxmaqla
nəticələnərsə.
156.2. Qarşılıqlı
iddianın qəbul edilməsi məsələsinə
zəruri hallarda və yaxud iddia verən şəxsin
vəsatəti üzrə iddianı verən şəxsin və
yaxud işdə iştirak edən şəxslərin
iştirakı ilə baxıla bilər.
Fəsil
13.
Müvəqqəti
təminat tədbirləri[198]
Maddə 157. Müvəqqəti təminat
tədbirlərinin tətbiqi[199]
157.1. Maraqlı şəxslərin və ya arbitraj mübahisəsi
tərəfinin ərizəsi ilə məhkəmə
müvəqqəti təminat tədbirlərinin tətbiqi
barədə qərardad qəbul edə bilər. [200]
157.2. Müvəqqəti təminat
tədbirləri cavabdehin,
arbitraj mübahisəsi tərəfinin və ya digər
şəxslərin hərəkətləri
(hərəkətsizliyi) nəticəsində mövcud
vəziyyətin dəyişəcəyi təqdirdə
ərizəçinin hüquqlarının qorunmasının
(təmin və ya bərpa edilməsinin) mümkün
olmayacağı və ya əhəmiyyətli
dərəcədə çətinləşəcəyinin
qarşısını almaq məqsədilə tətbiq
edilir. [201]
157.3. Müvəqqəti təminat
tədbirinin tətbiqi haqqında ərizə
məhkəmədə iddia ərizəsi
verilənədək, iddia ilə eyni vaxtda və ya
məhkəmə icraatının gedişində, habelə mübahisənin arbitraj
məhkəməsi tərəfindən həll edilməsi
üçün arbitraj icraatının
başlanılmasına qədər və ya arbitraj icraatı
zamanı verilə bilər. [202]
157.4. İddia ərizəsi
verilənədək və ya
arbitraj icraatının başlanılmasına qədər
müvəqqəti təminat tədbirinin tətbiqi
haqqında ərizə verildikdə məhkəmə 1 aydan
çox olmayan müddətə müvəqqəti təminat
tədbirlərinin tətbiqi barədə qərardad qəbul
edə bilər. Qərardadda müvəqqəti təminat
tədbirinin qüvvədən düşəcəyi tarix qeyd
edilməlidir. Bu müddət ərzində iddia ərizəsi
verilərsə və ya
arbitraj icraatı başlanarsa, müvəqqəti
təminat tədbirlərinin tətbiqi
məsələsinə müvafiq vəsatət
əsasında yenidən baxılır və qərardad
qəbul edilir. [203]
157.5. Müvəqqəti təminat
tədbirinin tətbiqi haqqında ərizədə
aşağıdakılar əsaslandırılmalıdır:
157.5.1. müvəqqəti təminat
tədbiri tətbiq edilmədən bu Məcəllənin
157.2-ci maddəsində nəzərdə tutulmuş
məqsədlərə nail olmağın mümkün
olmadığı;
157.5.2. iddia tələbinin kifayət
qədər əsaslılığına dair ilkin
sübutların mövcudluğu.
157.6. Müvəqqəti təminat
tədbirləri bu Məcəllənin 157.2-ci maddəsində
göstərilən məqsədlərə mütənasib
olmalı və əks tərəfin hüquqlarının
lüzumsuz məhdudlaşdırılması ilə
nəticələnməməlidir.
157.7. Məhkəmənin
müvəqqəti təminat tədbirinin tətbiqi
barədə qərardadı müvəqqəti xarakter
daşıyır və işin qabaqcadan mahiyyəti
üzrə həll edilməsi hesab edilmir.
157.8. Arbitraj icraatının başlanılmasına
qədər və ya arbitraj icraatı zamanı
müvəqqəti təminat tədbirinin tətbiqi
haqqında ərizə verilən məhkəmə belə
ərizəni vermiş arbitraj mübahisəsi tərəfindən
uyğun təminatın verilməsini tələb edə
bilər. Təminat məhkəmənin mülahizəsinə
əsasən bank qarantiyası formasında və ya təminat
üçün müəyyən edilmiş pul
məbləğinin notariusun depozit hesabına qoyulması yolu
ilə təqdim edilə bilər. Belə təminatın
təqdim edilməməsi müvəqqəti təminat
tədbirinin tətbiqi barədə ərizənin rədd
edilməsi üçün əsasdır. [204]
157.9. Arbitraj icraatının başlanılmasına
qədər və ya arbitraj icraatı zamanı
müvəqqəti təminat tədbirinin tətbiqi
haqqında ərizəyə həmçinin bu
Məcəllənin 479-cu maddəsində müəyyən
edilmiş tələblər tətbiq edilir.
Maddə 158. Müvəqqəti təminat
tədbirlərinin növləri və həmin
tədbirlərə riayət edilməməsinin
nəticələri[205]
158.1. Aşağıdakı
müvəqqəti təminat tədbirləri tətbiq
edilə bilər:[206]
158.1.1. cavabdehdə və ya arbitraj mübahisəsi tərəfində və ya digər
şəxslərdə olan cavabdehə və ya arbitraj mübahisəsi tərəfinə məxsus əmlak üzərinə
həbs qoymaq; [207]
158.1.2. müəyyən
hərəkətləri etməyi cavabdehə və ya arbitraj mübahisəsi tərəfinə qadağan etmək; [208]
158.1.3. mübahisə
predmetinə aid olan müəyyən hərəkətləri
etməyi başqa şəxslərə qadağan etmək;
158.1.4. əmlakı
həbsdən azad etmək haqqında iddia təqdim
edildikdə əmlakın satılmasını dayandırmaq;
158.1.5. borclu
tərəfindən məhkəmə qaydasında qanuniliyi
barəsində mübahisə edilən tələbin icra
sənədi üzrə alınmasını dayandırmaq;
158.1.6. icrası
mübahisəsiz qaydada aparılmalı olan tutulmalar
üzrə qanuniliyi iddiaçı tərəfindən
məhkəmə qaydasında barəsində mübahisə
edilən tələbin icra sənədi və ya digər
sənəd üzrə alınmasını dayandırmaq;
158.1.7. “Daşınar əmlakın
yüklülüyü haqqında” Azərbaycan
Respublikasının Qanununda müəyyən edilmiş
hallarda debitor borcların xüsusi hesaba ödənilməsini
və orada saxlanılmasını təmin etmək.[209]
158.2. Məhkəmə zəruri hallarda
digər müvəqqəti təminat tədbirlərini də
tətbiq edə bilər. Məhkəmə
müvəqqəti təminat tədbirlərinin bir neçə
növünü birlikdə tətbiq edə bilər.[210]
158.3. Əmlak üzərinə
həbs qoyulması aşağıdakı
ardıcıllıqla həyata keçirilir:
158.3.1. birinci növbədə
— cavabdehin və ya arbitraj mübahisəsi
tərəfinin bilavasitə
istehsalda iştirak etməyən əmlakı: qiymətli
kağızlar, cavabdehin hesabında olan pul vəsaitləri,
valyuta sərvətləri, minik avtonəqliyyatı,
ofislərin dizayn predmetləri və sairə: [211]
158.3.2. ikinci növbədə —
hazır məhsul (əmtəə), habelə bilavasitə
istehsalatda istifadə edilməyən və istifadəsi
nəzərdə tutulmayan maddi sərvətlər;
158.3.3. üçüncü
növbədə — daşınmaz əmlak obyektləri,
habelə xammal və materiallar, dəzgahlar, avadanlıqlar,
bilavasitə istehsalatda istifadəsi nəzərdə tutulan
digər əsas vəsaitlər;
158.3.4. dördüncü
növbədə — başqa şəxslərə verilmiş
əmlak.
158.4. Cavabdehin və ya arbitraj mübahisəsi tərəfinin əmlakı iddia tələbi
həddində siyahıya alınır. [212]
158.5. Bu Məcəllənin
158.1.2-ci və 158.1.3-cü maddələrində
göstərilən qadağaların pozulması hallarında
fiziki və hüquqi şəxslərdən dövlətin
xeyrinə aşağıdakı miqdarda cərimələr
tutulur:
158.5.1. qiymətləndirilən
iddialar üzrə — iddia qiymətinin 50 faizinədək miqdarda;[213]
158.5.2.
qiymətləndirilməyən iddialar üzrə — iki yüz iyirmi manat.[214]
158.6. Maraqlı şəxslər və ya arbitraj
mübahisəsində maraqlı şəxslər
müvəqqəti təminat tədbirlərinin tətbiqi
barədə qərardadın icra edilməməsi
nəticəsində dəymiş ziyanın
ödənilməsini məhkəmə qaydasında
tələb etməyə haqlıdır.[215]
Maddə 159. Müvəqqəti təminat
tədbirləri haqqında ərizəyə
baxılması[216]
159.1. Müvəqqəti təminat
tədbirləri haqqında əsaslandırılmış ərizəyə
mübahisəni həll edən hakim tərəfindən, daxil
olduğu gündən sonra təxirə salınmadan ayrıca icraatda baxılır.[217]
159.2. Hakim ərizəyə
baxılması nəticəsi barədə qərardad
çıxarır.
159.3. Qəbul edilmiş
qərardad barədə işə onların iştirakı
olmadan baxılmış işdə iştirak edən
şəxslərə və
ya arbitraj mübahisəsi tərəfinə dərhal xəbər verilir. [218]
159.4. Məhkəmə
aşağıdakı hallarda müvəqqəti təminat
tədbirlərinin görülməsinə dair ərizənin
geri qaytarılması haqqında qərardad qəbul edir:
159.4.1. ərizəyə
müəyyən edilmiş qaydada dövlət rüsumunun
ödənilməsini təsdiq edən sənəd
əlavə edilmədikdə;
159.4.2. ərizə imzalanmadıqda
və ya onu imzalamağa hüququ olmayan şəxs
tərəfindən, yaxud xidməti vəziyyəti
göstərilməyən şəxs tərəfindən imzalandıqda;
159.4.3. arbitraj icraatının başlanılmasına
qədər və ya arbitraj icraatı zamanı
müvəqqəti təminat tədbirinin tətbiqi
haqqında ərizə bu Məcəllənin 479-cu
maddəsində müəyyən edilmiş
tələblərə cavab vermədikdə. [219]
159.5. Bu Məcəllənin 159.4.1 – 159.4.3-cü
maddələrində göstərilən hallar aradan
qaldırıldıqdan sonra yenidən ərizə ilə
məhkəməyə müraciət edilə bilər.[220]
Maddə 160. Müvəqqəti təminat
tədbirləri haqqında qərardadın icra
edilməsi[221]
160.1. Müvəqqəti təminat
tədbirləri haqqında
qərardad dərhal icra edilir.[222]
160.2. Müvəqqəti təminat
tədbirlərinin görülməsi haqqında qərardad
icra edilməsi üçün aidiyyəti orqanlara
göndərilir və ya həmin qərardad əsasında
icra vərəqəsi verilir. Qərardad və ya icra vərəqəsinin
təsdiq olunmuş surəti aidiyyəti orqana təqdim
edilməsi üçün ərizəçinin
tələbi ilə ona verilə bilər.[223]
Maddə 161. Müvəqqəti təminat
tədbirinin bir növünün digəri
ilə əvəz edilməsi[224]
161.1. İşdə iştirak
edən şəxsin və ya arbitraj
mübahisəsi tərəfinin ərizəsinə əsasən müvəqqəti təminat tədbirinin bir
növünün digəri ilə əvəz edilməsinə
yol verilir.[225]
161.2. Arbitraj mübahisəsi tərəfləri
müvəqqəti təminat tədbirlərinin tətbiqi
üçün əsas olmuş hallarda baş vermiş
əhəmiyyətli dəyişikliklər, habelə arbitraj
icraatının başa çatması və mübahisəni
mahiyyəti üzrə həll edən yekun arbitraj
qərarının çıxarılması barədə
məhkəməyə dərhal məlumat verməlidirlər.
Məhkəmə bu halları qiymətləndirdikdən sonra
öz mülahizəsi əsasında müvəqqəti təminat
tədbirinin bir növünün digəri ilə əvəz
edilməsi barədə qərardad qəbul edə bilər. [226]
161.3. Müvəqqəti təminat tədbirinin bir növünün digəri
ilə əvəz edilməsi məsələsi
məhkəmə iclasında həll edilir. İşdə
iştirak edən şəxslər və
ya arbitraj mübahisəsi tərəfləri iclasın vaxtı və yeri
barədə xəbərdar edilirlər, lakin onların
gəlməməsi müvəqqəti təminat tədbirinin növünün əvəz
edilməsi haqqında məsələyə baxmağa mane
olmur.[227]
161.4. Pul məbləğinin alınması
haqqında iddia təmin edildikdə cavabdeh yol verilmiş
təmin tədbirləri əvəzinə iddiaçı
tərəfindən tələb olunan məbləği
məhkəmənin depoziti hesabına verməyə
haqlıdır.
Maddə 162. Müvəqqəti təminat
tədbirinin ləğv olunması[228]
162.1. Müvəqqəti təminat
tədbirləri məhkəmənin
təşəbbüsü ilə və ya
tərəflərin, işdə iştirak edən
şəxslərin, arbitraj
mübahisəsi tərəflərinin, yaxud işdə
iştirak etməyə cəlb edilməyən, lakin qəbul
edilən qərardad onların hüquq və
vəzifələrinə toxunan hallarda digər
şəxslərin ərizəsi ilə həmin
məhkəmənin özü tərəfindən
ləğv oluna bilər.[229]
162.2. Müvəqqəti təminat
tədbirinin ləğv
olunması məsələsi məhkəmə iclasında
həll edilir. İşdə iştirak edən
şəxslər və ya arbitraj mübahisəsinin
tərəfləri iclasın
vaxtı və yeri barədə xəbərdar edilirlər.
Lakin həmin şəxslərin gəlməməsi müvəqqəti təminat
tədbirinin ləğv
olunması haqqındakı məsələyə baxmağa
mane olmur.[230]
162.3. İddia rədd edildikdə,
baxılmamış saxlanıldıqda və ya iş
üzrə icraata xitam verildikdə məhkəmənin
tətbiq etdiyi müvəqqəti təminat tədbiri məhkəmə
aktı qanuni qüvvəyə minənə qədər
saxlanılır. Məhkəmə qətnamə ilə eyni
zamanda və ya qətnamə çıxarıldıqdan sonra,
müvəqqəti təminat tədbirinin ləğv
edilməsi haqqında qərardad çıxara bilər.[231]
162.4. İddia təmin
edildikdə müvəqqəti təminat tədbirləri məhkəmə
aktının icrasına qədər öz qüvvəsini
saxlayır.[232]
162.5. Arbitraj mübahisəsi tərəfləri müvəqqəti
təminat tədbirlərinin tətbiqi üçün
əsas olmuş hallarda baş vermiş əhəmiyyətli
dəyişikliklər, habelə arbitraj icraatının başa
çatması və mübahisəni mahiyyəti üzrə
həll edən yekun arbitraj qərarının
çıxarılması barədə
məhkəməyə dərhal məlumat verməlidirlər.
Məhkəmə bu halları qiymətləndirdikdən sonra
öz mülahizəsi əsasında müvəqqəti
təminat tədbirinin ləğvi, habelə müvəqqəti
təminat tədbirinin nə zaman qüvvədən
düşəcəyi barədə qərardad qəbul edir.[233]
Maddə 163. Müvəqqəti təminat
tədbirinin tətbiqi barədə qərardaddan şikayət verilməsi[234]
163.1. Müvəqqəti təminat
tədbirləri üzrə
bütün qərardadlardan şikayət vermək olar.[235]
163.2. Müvəqqəti təminat tədbiri haqqında qərardad
şikayət verən şəxsə xəbər
verilmədən çıxarılmışsa, şikayət
vermək müddəti həmin qərardadın ona məlum olduğu
gündən hesablanır.[236]
163.3. Müvəqqəti təminat tədbiri haqqında qərardaddan
şikayət verilməsi həmin qərardadın
icrasını dayandırmır.[237]
163.4. Müvəqqəti təminat
tədbirini ləğv
etmək haqqında və yaxud müvəqqəti təminat tədbirinin bir növünü digəri
ilə əvəz etmək haqqında qərardaddan
şikayətin verilməsi qərardadın icrasını
dayandırır.[238]
Maddə 164. Müvəqqəti təminat tədbirinin
tətbiqi nəticəsində vurulmuş zərərin
ödənilməsi[239]
164.1.İşi mahiyyəti üzrə
həll edən məhkəmə aktı qüvvəyə
mindikdən sonra, habelə məhkəmədə iddia
ərizəsi verilənədək müvəqqəti
təminat tədbirinin tətbiqi barədə qərardad
qəbul edildikdə, lakin iddia ərizəsi bu
Məcəllənin 157.4-cü maddəsində
müəyyən edilmiş müddətdə
verilmədikdə maraqlı şəxslər
məhkəmə tərəfindən təyin edilmiş
müvəqqəti təminat tədbirlərinin tətbiqi
nəticəsində vurulmuş zərəri
məhkəmə qaydasında tələb etməyə
haqlıdır.
164.2. Müvəqqəti təminat tədbirlərinin
tətbiqi üçün əsasların olmadığı
sonradan müəyyən edilərsə, arbitraj
mübahisəsində maraqlı şəxs məhkəmə
tərəfindən təyin edilmiş müvəqqəti
təminat tədbirlərinin tətbiqi nəticəsində
vurulmuş zərərin əvəzinin ödənilməsini
bu tədbirlərin tətbiq edilməsi üçün
məhkəməyə ərizə vermiş
tərəfdən məhkəmə qaydasında tələb
edə bilər.[240]
Fəsil 14
İşlərin
məhkəmədə baxılmağa hazırlanması
Maddə 165. İşlərin məhkəmədə
baxılmağa hazırlanması vəzifəsi
Hakim çəkişmə
prinsipinə əməl etməklə işlərin
məhkəmə iclasında məhkəmə
araşdırmaları aparılmasına, mahiyyəti
üzrə işə baxılıb qətnamə qəbul edilməsinə
yönələn bütün lazım olan
hərəkətləri etməlidir.
Maddə 166. İşi məhkəmədə
baxılmağa hazırlamaq haqqında qərardad
166.1. İşin
məhkəmədə baxılmağa hazırlanması
haqqında hakim qərardad çıxarır.
166.2. Qərardadda işin
hazırlanması barədə ediləcək
hərəkətlər, işin məhkəmə iclasında
baxılmağa təyin edilməsi, onun keçirilmə yeri və
vaxtı göstərilir.
166.3. Məhkəmənin hazırlıq
iclası ərizə məhkəməyə daxil olduqdan sonra
40 (qırx) gündən gec olmayaraq keçirilir. Sonrakı
müddətdə işin xüsusiyyətlərindən
asılı olaraq daha bir neçə hazırlıq iclası
keçirilə bilər.[241]
166.4. İşdə iştirak edən
şəxslərə hazırlıq iclası barədə
həmin iclasın keçirilməsinə ən azı 5
(beş) iş günü qalmış bu
Məcəllədə nəzərdə tutulmuş qaydada
məlumat verilməlidir.[242]
Maddə 167. İşin məhkəmədə
baxılmağa hazırlamaq üzrə hakimin
hərəkətləri
167.1. Hakim
çəkişmə prinsipinə əməl etməklə,
işi məhkəmədə baxılmağa hazırlamaq
qaydasında aşağıdakı hərəkətləri
edir:
167.1.1. işdə iştirak
edən şəxslərə işin icraatı barədə
məlumat verir, onların iştirakı ilə işin məhkəmə
baxışına təyin edilməsi məsələsi müzakirə edilir;[243]
167.1.2. tərəflərə təqdim
olunmuş yazılı sənədləri tamamlamağı,
zərurət olduqda təqdim olunmuş yazılı
materiallarla bağlı izahlar verməyi, habelə iş
üçün əhəmiyyətli olan sənədləri
və digər sübutları işin məhkəmədə
baxılmağa hazırlanması yekunlaşana qədər
təqdim etməyi təklif edir;[244]
167.1.3. cavabdehi
çağırır, iddiaçının iştirakı
ilə ondan işin halları barədə izahat alır,
iddiaya qarşı nə kimi etirazlar olduğunu və həmin
etirazların hansı sübutlarla təsdiq edilə
biləcəyini aydınlaşdırır, xüsusi ilə
mürəkkəb işlər üzrə işə dair
yazılı sübutları müəyyən olunmuş
müddətdə və surəti iddiaçıya
verilməklə təqdim etməyi cavabdehə təklif edir,
ona prosessual hüquq və vəzifələrini izah edir;[245]
167.1.4. birgə cavabdehlərin
və birgə iddiaçıların və ya
üçüncü şəxslərin işə daxil
olması məsələsini, habelə əsl olmayan tərəfin
əvəz edilməsi məsələsini həll edir;
167.1.5. mübahisəni həll
etmək üçün tərəflərin arbitraj məhkəməsinə
müraciət etmək hüququnu və bu hərəkətin
nəticələrini onlara izah edir;
167.1.5-1. tərəflərə mübahisənin
mediasiya vasitəsilə ilə həllinə dair təklif
verir;
167.1.6. tərəflərin
barışması üçün tədbirlər
görür;
167.1.7. işin
nəticəsində maraqlı olan fiziki və hüquqi
şəxslərə onun baxılma yeri və vaxtı
barədə məlumat verir;
167.1.8. şahidlərin
çağırılması məsələsini həll
edir;
167.1.9. tərəflərin
vəsatəti və ya öz təşəbbüsü
ilə ekspertiza təyin edir, habelə prosesdə iştirak
etmək üçün mütəxəssis və tərcüməçi
cəlb edilməsi məsələsini həll edir;
167.1.10. Bu Məcəllənin 78.2-ci
maddəsinə uyğun olaraq işdə iştirak edən
şəxslərin əsaslandırılmış
vəsatəti ilə fiziki və hüquqi şəxslərdən
və ya orqanlardan sübutlar tələb edir;[246]
167.1.11. təxirə
salınmamalı hallarda işdə iştirak edən
şəxslərə xəbər verməklə maddi və
yazılı sübutların yerində müayinəsini
aparır;[247]
167.1.12. məhkəmə
tapşırıqları göndərir;
167.1.13. iddianın təmin
edilməsi üçün tədbirlər görür.
167.2. Hakim işin düzgün
və vaxtında həll edilməsinə yönələn
digər hərəkətləri də edir.
Maddə 168. Ərizənin və ona əlavə
edilmiş sənədlərin cavabdehə
göndərilməsi
168.1. Hakim iddia ərizəsini icraata
götürdükdən sonra 5 gün müddətində
iddia ərizəsinin surətinin və ona əlavə
edilmiş sənədlərin işdə iştirak edən
şəxslərə göndərilməsini və ya
rəsmi qaydada verilməsini təmin edir.[248]
168.2. Mülki iş üzrə
iddia ərizəsinin surətinin və ona əlavə
edilmiş sənədlərin cavabdehə rəsmi qaydada verilməsi iddiaçı
tərəfindən də edilə bilər. Bu halda
iddiaçı məhkəməyə göndərilən
sənədlərin rəsmi
qaydada verilməsini təsdiq edən sənəd təqdim
etməlidir.[249]
Maddə 169. Bir neçə iddia tələbinin
birləşdirilməsi və ayrılması
169.1. Hakim
tələblərə ayrıca baxılmasını
məqsədə müvafiq hesab edərsə,
tələblərdən birini və ya bir neçəsini
ayrıca icraata ayırmağa haqlıdır.
169.2. Bir neçə
iddiaçı iddia verərsə və ya bir neçə
cavabdehə qarşı iddia verilərsə, hakim
tələblərə ayrıca baxılmasını
məqsədə müvafiq hesab edərsə, bir və ya bir
neçə tələbi ayrıca icraata ayırmağa
haqlıdır.
169.3. Hakim həmin
məhkəmənin icraatında eyni tərəflərin
iştirak etdiyi eyni növlü bir neçə işin, yaxud
bir iddiaçının müxtəlif cavabdehlərə, yaxud
müxtəlif iddiaçıların eyni cavabdehə
iddiaları üzrə bir neçə işin olduğunu
müəyyən etdikdə, bu işlərin
birləşdirilməsini məqsədə müvafiq hesab
edərsə, onları birlikdə baxılmaq üçün
bir icraatda birləşdirməyə haqlıdır.
169.4. Bu Məcəllənin 169.1-169.3-cü
maddələrində göstərilən
hərəkətləri hakim çəkişmə
prinsipinə əməl etməklə həmin
məsələ üzrə işdə iştirak edən
şəxsləri dinlədikdən sonra edə bilər. [250]
Maddə 170. İşin məhkəmə
baxışına hazırlanması zamanı iş
üzrə icraatın dayandırılması, xitam
verilməsi və ərizənin qaytarılması
170.1. Bu Məcəllənin 254,
255, 261.0.1—261.0.3 və 261.0.6—261.0.8-ci maddələrində
göstərilən əsaslar olduqda, məhkəmə
baxışına hazırlığın icraatı
dayandırıla və ya xitam edilə bilər, yaxud
iddiaçının vəsatəti ilə ərizə
qaytarıla bilər.
170.2. İşin
məhkəmə baxışına hazırlanmasının
dayandırılması və ya xitam verilməsi zamanı hakim
qərardad çıxarır.
170.3. Bu Məcəllənin 170.1-ci və 170.2-ci
maddələrində göstərilən qaydada qəbul
edilmiş qərardaddan şikayət verilə bilər. [251]
Maddə 171. İşin məhkəmə
baxışına təyin edilməsi
Hakim işi kifayət
qədər hazırlanmış hesab etdikdə, işdə
iştirak edən şəxslərə prosesin vaxtı və
yeri haqqında məlumat verməklə, onun məhkəmə
iclasında baxılmağa təyin edilməsi haqqında
qərardad çıxarır.
Fəsil 15
Məhkəmə
baxışı
Maddə 172. İşlərin baxılması və
həll edilməsi müddətləri
172.1. İşə ağlabatan
müddətdə, lakin ərizə məhkəməyə
daxil olduğu vaxtdan aşağıdakı
müddətlərdən gec olmayaraq baxılmalı və işin
həllinə dair qətnamə və ya qərardad
çıxarılmalıdır:[252]
172.1.1 işə bərpa, aliment
tutulmasına dair işlərə - 2 ay;
172.1.2 ipoteka müqaviləsindən
irəli gələn mübahisələrə və iflas
haqqında işlərə - 3 ay;
172.1.3. digər
mübahisələrə dair işlərə - 4 ay
müddətində.
172.2. İşdə iştirak edən
şəxslərin sayının çoxluğu və ya
baxışın təşkilinin xüsusilə
mürəkkəb olması ilə əlaqədar bu Məcəllənin
172.1.3-cü maddəsində nəzərdə tutulmuş
müddət məhkəmənin
əsaslandırılmış qərardadı ilə 2 aydan
artıq olmayan müddətə uzadıla bilər.[253]
172.3. Ayrı-ayrı kateqoriya
işlərə baxılması və onların həllinə dair qətnamə və ya
qərardad çıxarılması üçün bu Məcəllə ilə qısaldılmış
müddətlər müəyyən edilə bilər.[254]
Maddə 173. Məhkəmə iclası[255]
Bu Məcəllədə
nəzərdə tutulmuş hallarda işlərə
yazılı icraat qaydasında baxıldığı hallar
istisna olmaqla, işə məhkəmə iclasında baxılır.
İşdə iştirak edən şəxslər
məhkəmə iclası barədə həmin iclasa ən
azı 5 (beş) iş günü qalmış
xəbərdar edilməlidirlər.
Maddə 174. Məhkəmə iclasına sədrlik
edən
174.1. İşə
təkbaşına baxan hakim sədrlik edən sayılır.
174.2. Sədrlik edən işin
bütün hallarının, tərəflərin hüquq
və vəzifələrinin tam, hərtərəfli və
obyektiv surətdə aydınlaşdırılmasını
təmin edərək məhkəmə iclasına
rəhbərlik edir, baxılan işə aidiyyəti olmayan
hər şeyi məhkəmə baxışından
çıxarır.
174.3. Prosesdə iştirak
edən şəxslərdən hər hansı biri sədrlik
edənin hərəkətlərinə qarşı etiraz
etdiyi hallarda, bu etiraz məhkəmə iclasının
protokolunda yazılır. Sədrlik edən öz
hərəkətləri ilə bağlı şərhlər
verir.
174.4. Sədrlik edən
məhkəmənin iclasında müvafiq qaydaya riayət
olunmasını təmin etmək üçün zəruri
tədbirlər görür. Onun göstərişləri
prosesin bütün iştirakçıları, habelə
məhkəmə iclası zalında olan şəxslər
üçün məcburidir.
174.5. Məhkəmə, işə
düzgün və tezliklə baxılmasına və onun
həll edilməsinə aşkar surətdə maneçilik
törədən, o cümlədən dəfələrlə
açıq-aşkar əsassız vəsatət və ya
şikayətlər verən işdə iştirak edən
şəxsləri, onların nümayəndələrini
və ya vəkillərini 500 manatadək cərimə edə
bilər. Cərimənin məbləği məhkəmə
tərəfindən konkret hallar nəzərə alınmaqla
ağlabatan miqdarda müəyyən edilir.[256]
Maddə 175. Məhkəmə baxışının
bilavasitəliyi və şifahiliyi
175.1. Məhkəmə
işə baxarkən iş üzrə sübutları
bilavasitə tədqiq etməyə, tərəflərin və
üçüncü şəxslərin izahatlarını,
şahidlərin ifadələrini, ekspertlərin
rəylərini öyrənməyə, yazılı sübutlarla tanış
olmağa, maddi sübutları müayinə etməyə,
səs yazılarına qulaq asmağa, video yazılara
baxmağa və işə baxılması ilə
əlaqədar digər hərəkətləri etməyə
borcludur.[257]
175.2. Zəruri hallarda iş
üzrə sübutların tədqiqi zamanı
məhkəmə mütəxəssisin məsləhəti
və şərhini dinləyir.
175.3. İşə hakimlərin
dəyişilməz tərkibində baxılır. Bu
Məcəllədə nəzərdə tutulmuş hallar
istisna olmaqla, işə şifahi dinləmələr keçirilməklə
baxılır.[258]
Maddə 176. Məhkəmə iclasında qayda
176.1. Məhkəmə (hakim)
iclas zalına daxil olduqda məhkəmə iclası katibi “məhkəmə
gəlir” elan edir və məhkəmə iclasında iştirak
edənlərin hamısı ayağa qalxır. İclas
zalında olan bütün şəxslər məhkəmə
qətnaməsini və ya iş qətnamə
çıxarılmadan qurtardıqda məhkəmə
qərardadlarını ayaq üstə duraraq
dinləyirlər.
176.2. Prosesdə iştirak
edən şəxslər hakimə “möhtərəm hakim” sözləri
ilə müraciət edir, ifadə və izahat verərkən
ayaq üstə dayanırlar. Bu qaydadan kənara
çıxmağa yalnız hakimin icazəsi ilə yol
verilə bilər.
176.3. İşə
məhkəmənin normal işləməsini və proses
iştirakçılarının təhlükəsizliyini
təmin edən şəraitdə baxılır. Bu şəraitin
təmin edilməsi üçün zəruri hallarda
işə icra məmurları
cəlb edilir. [259]
176.4. Məhkəmə
iclası başlanandan sonra sədrlik edənin
razılığı olmadan məhkəmə iclası
zalına daxil olmaq və oradan çıxmaq olmaz.
176.5. İşdə iştirak
edən şəxslərin və açıq
məhkəmə iclasında olan şəxslərin
məhkəmə iclası zalında
əyləşdikləri yerdən məhkəmə
baxışının gedişini yazılı formada , həmçinin
məhkəmənin icazəsi ilə kompyuterdən istifadə
etməklə istifadə etməklə qeydə almaq
hüququ vardır. Məhkəmə
iclasında qeydlərin səsyazan vasitələrdən
istifadə etməklə aparılmasına, habelə kino
və fotoçəkilişə, videoyazıya, canlı
yayıma (o cümlədən, mobil rabitə vasitələri
ilə) işdə iştirak edən şəxslərin
rəyi nəzərə alınmaqla məhkəmənin icazəsi
ilə yol verilir. Göstərilən
hərəkətlər məhkəmə
baxışının normal gedişinə mane
olmamalıdır və vaxtla məhdudlaşdırıla
bilər.[260]
176.5-1. Məhkəmə iclasının
audio, video və digər yazan texniki vasitələrdən
istifadə etməklə qeydə alınması və
iclasın real vaxt rejimində müşahidə edilməsi
imkanı, habelə proses iştirakçılarının
iclasa gəlmədən texniki vasitələrdən
istifadə olunmaqla iclasda iştirak etmək imkanı “Elektron
məhkəmə” informasiya sistemi vasitəsilə təmin
olunur.[261]
176.6. İşdə iştirak
edən şəxslər, prosesin digər
iştirakçıları və məhkəmə iclası
zalında olan bütün şəxslər sədrlik
edənin müəyyən etdiyi qaydaya və
tapşırıqlara riayət etməyə borcludur.
Maddə 177. Məhkəmə iclasında qaydanı
pozan şəxslər haqqında görülən
tədbirlər
177.1. Məhkəmə
iclasına vaxtında gəlməyən və yaxud
məhkəmə iclasında qaydanı pozan
şəxslərə sədrlik edən məhkəmənin
adından xəbərdarlıq edir.
177.2. Qaydanı təkrar pozan
şəxs sədrlik edənin qərardadı ilə
məhkəmə iclası zalından
çıxarılır.
177.3. Sədrlik edən
məhkəmə iclasında qaydanı kobud surətdə
pozan və ya məhkəməyə açıq
surətdə hörmətsizlik edən şəxslər
barəsində qərardad çıxararaq, onları beş yüz manatadək cərimə etməyə
və yaxud 3 saatdan 24 saata kimi tutmağa haqlıdır.[262]
177.4. Məhkəmə
iclasında qaydanı pozan şəxsin əməlində
cinayət tərkibi olarsa, hakim onun barəsində cinayət
işi başlamaq üçün materialları müvafiq
orqanlara göndərir.
177.5. Məhkəmə
iclasında olan şəxslər tərəfindən qaydalar
kütləvi şəkildə pozulduqda, hakim işdə
iştirak etməyən bütün şəxsləri məhkəmə
iclası zalından çıxara bilər.
177.6. İşdə iştirak
edən şəxs tərəfindən qaydalar təkrar
pozulduqda, onlar məhkəmənin qərardadı ilə
məhkəmə baxışının bütün müddətində
və yaxud bir hissəsində məhkəmə iclası
zalından çıxarıla bilər. Yenidən
məhkəmə iclası zalına buraxılan şəxs
onun iştirakı olmadan həyata keçirilən prosessual
hərəkətlərlə tanış ola bilər.
Maddə 178. Məhkəmə iclasının
açılması
İşə baxılması
üçün təyin olunmuş vaxtda hakim
məhkəmə iclasını açır və
məhkəmənin hansı işə baxmalı olduğunu
elan edir.
Maddə 179. Məhkəmə prosesi
iştirakçılarının gəlməsini yoxlama
179.1. Məhkəmə
iclasının katibi həmin iş üzrə
çağırılanlardan kimin gəldiyini,
gəlməyənlərə məhkəmə
bildirişlərinin verilib-verilmədiyini və onların
gəlməmələrinin səbəbləri barədə
nə kimi məlumatlar olduğunu məhkəməyə
məruzə edir.[263]
179.2. Sədrlik edən
prosesə gələn iştirakçıların
şəxsiyyətini müəyyən edir, vəzifəli
ºəxslərin, nümayəndələrin və vəkillərin səlahiyyətlərini
yoxlayır.[264]
Maddə 180. Tərcüməçiyə onun
vəzifələrinin izah edilməsi
180.1. Sədrlik edən
məhkəmə icraatının aparıldığı dili
bilməyən şəxslərin izahatlarını,
ifadələrini, vəsatətlərini tərcümə etmək,
həmin şəxslərə isə işdə iştirak
edən şəxslərin və şahidlərin
ifadələrini, izahatlarını, vəsatətlərini,
işdə olan və elan edilən sənədlərin,
səsyazmaların, ekspert rəylərinin,
mütəxəssis məsləhətlərinin məzmununu,
habelə sədrlik edənin sərəncamlarını,
məhkəmə qərardad və qətnamələrini
tərcümə etmək vəzifəsini ona izah edir.
180.2. Sədrlik edən
tərcüməçiyə, bilə-bilə düzgün
edilməyən tərcüməyə görə cinayət
məsuliyyəti barədə xəbərdarlıq edir, bu
barədə tərcüməçinin iltizamı
məhkəmə iclasının protokoluna əlavə edilir.
180.3. Tərcüməçi
məhkəməyə gəlməkdən və ya öz
vəzifəsini icra etməkdən boyun qaçırdıqda,
ona yüz on manatadək
cərimə tətbiq edilə bilər.[265]
180.4. Bu maddənin qaydaları
kar və lalların işarələrini izah edən
(surdotərcüməçi) şəxslərə də
aiddir. [266]
Maddə 181. Şahidlərin məhkəmə
iclası zalından çıxarılması
Gəlmiş şahidlər
məhkəmə iclası zalında xüsusi
ayrılmış otağa çıxarılırlar.
Sədrlik edən dindirilmiş şahidlərin
dindirilməmiş şahidlərlə əlaqə
saxlamaması üçün tədbirlər görür.
Maddə 182. Məhkəmə tərkibinin elan
olunması və etiraz etmək hüququnun izah edilməsi
182.1. Sədrlik edən
məhkəmə tərkibini elan edir, kimin ekspert,
mütəxəssis, tərcüməçi,
məhkəmə iclası katibi kimi iştirak etdiyini bildirir
və işdə iştirak edən şəxslərin onlara
etiraz etmək hüququnu izah edir.
182.2. Etiraz əsaslı
olmalı və yazılı formada verilməlidir. Etiraz
etməyin səbəbləri prosesin hazırlıq
mərhələsində deyil, müstəqil olaraq
məhkəmə iclasında göstərilir.
182.3. Etiraz üçün
əsaslar, edilən etirazın həlli qaydası və bu
cür etirazın təmin edilmə nəticələri bu
Məcəllənin 19—23-cü maddələri ilə
müəyyən olunur.
Maddə 183. İşdə iştirak edən
şəxslərə onların hüquq və
vəzifələrinin izah olunması
Sədrlik edən işdə iştirak
edən şəxslərə prosessual hüquq və
vəzifələrinin izahı barədə bildirişin
çatdırılıb-çatdırılmadığını
müəyyən edir. Hüquq və vəzifələrin
izahı haqqında bildiriş alınmadığı
təqdirdə, məhkəmə iclasında hüquq və vəzifələrinin
izahı haqqında bildiriş işdə iştirak edən
hər bir şəxsə yazılı qaydada təqdim olunur
və o, bunu öz imzası ilə təsdiq edir. Sədrlik
edən eyni zamanda tərəflərə, mübahisəni
həll etmək üçün arbitraj məhkəməsinə müraciət
etmək hüquqlarını və bunun nəticələrini
izah edir. Məhkəmə iclasına gəlmiş işdə
iştirak edən şəxslərin müraciəti ilə
məhkəmə onların hüquq və
vəzifələrini izah etməlidir.[267]
Maddə 184. İşin və mübahisənin
vəziyyətinin müzakirə edilməsi. İşdə
iştirak edən şəxslərin vəsatətlərinin
həlli
184.1. Hakim
tərəflərlə işin və mübahisənin
vəziyyətini müzakirə edir, onların bütün
sübutları təqdim edib-etməmələrini, iş
materialları ilə tanış olub-olmamalarını
aydınlaşdırır.[268]
184.2. İşdə iştirak edən
şəxslərin iddia ərizəsinə etirazı və ya sübutları təqdim
etməməsi işdə olan mövcud materiallar
əsasında işə baxılmasına mane olmur.[269]
184.3. Hakim yeni sübutun təqdim və
ya tələb edilməsi barədə vəsatəti
yalnız o halda təmin edir ki, bunun üçün
əsaslar məhkəmə baxışı gedişində
əmələ gəlmiş olsun və ya işdə iştirak
edən şəxslər işin məhkəmədə
baxılmağa hazırlanması yekunlaşana qədər
həmin vəsatətin verilməsinin onlardan asılı
olmayan səbəblərə görə mümkün
olmadığını əsaslandırsın.[270]
184.4. İşə
baxılması ilə əlaqədar olan
məsələlərə dair işdə iştirak edən
şəxslərin vəsatətləri işdə iştirak
edən digər şəxslərin fikirləri
dinlənildikdən sonra məhkəmə qərardadları
ilə həll olunur.
184.5. İşdə iştirak edən
şəxslərin vəsatətləri
əsaslandırılmalıdır. Hakim işin
baxılmasını yubatmaq məqsədilə verilmiş vəsatətləri
rədd edir.[271]
Maddə 185. İşdə iştirak edən
şəxslərin, nümayəndələrinin və
vəkillərinin məhkəmə iclasına
gəlməməsinin nəticələri[272]
185.1. İşdə iştirak
edən şəxslər, məhkəməyə
gəlməyə və ya gəlməməyin səbəbini
və ya mümkünsüzlüyünü bildirməyə
və bu səbəblərin üzürlü olması
barədə sübutlar təqdim etməyə borcludurlar.
185.2. İşdə iştirak
edən şəxslərdən hər hansı biri
məhkəmə iclasına gəlmədikdə, onlara məhkəmə bildirişi
verilməsi haqqında məlumat olmadıqda, işə
baxılması təxirə salınır. [273]
185.3. Əgər işdə
iştirak edən şəxslər məhkəmə
iclasının vaxtı və yeri haqqında lazımi qaydada
xəbərdar ediliblərsə, məhkəmə gəlməməyin
səbəblərini üzürlü hesab etdikdə
işə baxılmasını təxirə salır.
185.4. Tərəflər və
yaxud iddiaçı məhkəmə baxışının
vaxtı və yeri haqqında lazımi qaydada xəbərdar
edilib, lakin onlar məhkəmə iclasına təkrar
gəlmədikdə məhkəmə həmin işə
baxmağa haqlıdır. Belə hallarda bu
Məcəllənin müvafiq olaraq 259.0.6-cı və
259.0.7-ci maddələri tətbiq edilir.
185.5. Məhkəmə
iclasının vaxtı və yeri haqqında lazımi qaydada
xəbərdar edilmiş cavabdehin gəlməməsinin
səbəbləri haqqında məlumat olmadıqda və ya
məhkəmə gəlməməyin səbəblərini
üzürsüz hesab etdikdə, yaxud məhkəmə
cavabdehin icraatı qəsdən
yubandırdığını aşkar etdikdə, işə
baxmağa haqlıdır. Bu halda qətnamə
çəkişmə şəraitində qəbul edilmiş
kimi qiymətləndirilərək cavabdehə apellyasiya
qaydasında şikayət etmək hüququ verilir.
185.6. İşdə iştirak
edən şəxsin nümayəndəsinin, yaxud vəkilinin gəlməməsi işə
baxılmasına mane olmur. Hakim işdə iştirak edən
şəxsin vəsatəti ilə onun nümayəndəsinin, yaxud vəkilinin üzürlü
səbəbdən gəlməməsi ilə əlaqədar
işin baxılmasını təxirə sala bilər.[274]
185.7. Tərəflər
məhkəmədən işə onların iştirakı
olmadan baxılmasını xahiş etməkdə haqlı
olsalar da, məhkəmə onların gəlməsini məcburi
hesab edə bilər.[275]
Maddə 186. Şahidlərin, ekspertin və
mütəxəssisin məhkəmə iclasına
gəlməməsinin nəticələri
186.1. Şahidlər,
ekspertlər və ya mütəxəssislər
məhkəmə iclasına gəlmədikdə,
məhkəmə onların iştirakı olmadan işə
baxmağın mümkün olması haqqında işdə
iştirak edən şəxslərin mülahizəsini
dinləyir və məhkəmə araşdırmasını
davam etdirmək və ya işə baxılmasını
təxirə salmaq haqqında qərardad çıxarır.
186.2.
Çağırılmış şahid, ekspert və ya
mütəxəssis məhkəmə tərəfindən
üzürsüz hesab edilən səbəblərə
görə məhkəmə iclasına gəlmədikdə,
o, yüz on manatadək
cərimə edilə bilər. Şahid üzürsüz
səbəbdən ikinci dəfə gəlmədikdə
məcburi qaydada gətirdilə bilər.[276]
Maddə 187. Ekspertə və mütəxəssisə
onların hüquq və vəzifələrinin izah edilməsi
Sədrlik edən ekspertə
və mütəxəssisə onların hüquq və
vəzifələrini izah edir, habelə eksperti bilə-bilə
yalan rəy verməyə görə cinayət məsuliyyəti
daşıması barədə xəbərdar edir.
Ekspertdən məsuliyyət və vəzifələrinin izah
edilməsi barədə iltizam alınır. İltizam
məhkəmə iclasının protokoluna əlavə edilir.[277]
Maddə 188. İşə baxılmasının
təxirə salınması
188.1. İşə
baxılmasının təxirə salınmasına
məhkəmənin əsaslandırılmış
qərardadı ilə, qabaqcadan nəzərdə tutula
bilməyən aşağıdakı müstəsna hallarda
yol verilir:[278]
188.1.1. işdə iştirak edən
şəxslərdən hər hansı biri və ya
tərcüməçi gəlmədikdə;
188.1.2. iddianın əsasını
və ya predmetini dəyişmək üçün
ərizə verildikdə;
188.1.3. qarşılıqlı iddia
verildikdə;
188.1.4. əlavə sübutlar təqdim
və tələb etmək zərurəti yarandıqda;
188.1.5. işdə iştirak
etməyə digər şəxs cəlb edildiyinə
görə məhkəmə həmin iclasda işə
baxılmasını qeyri-mümkün hesab etdikdə;
188.1.6. bu Məcəllədə
nəzərdə tutulmuş digər hallarda.
188.2. İşə
baxılması təxirə salındıqda, proses
iştirakçılarını çağırmaq və ya
sübutlar tələb etmək üçün zəruri olan
vaxt nəzərə alınmaqla, məhkəmə
iclasının yeni günü təyin edilərək,
gəlmiş şəxslərə imzalatmaqla, bu barədə
xəbər verilir. Gəlməmiş və işdə
iştirak etməyə yeni cəlb edilmiş
şəxslərə yeni məhkəmə iclasının
vaxtı və yeri haqqında müəyyən olunmuş
qaydada xəbər verilir.
188.3. İşə baxılması 3
dəfədən artıq təxirə salına bilməz.[279]
Maddə 189. İşə baxılması
təxirə salındıqda şahidin dindirilməsi və
prosessual hərəkətlərin edilməsi
Tərəflər
məhkəmə iclasında olarsa, işə baxılması
təxirə salındıqda məhkəmə gəlmiş
şahidləri dindirə və prosessual hərəkətlər
edə bilər. Həmin şahidlərin yeni
məhkəmə iclasına ikinci dəfə
çağırılması və ya təkrar prosessual
hərəkətlərin edilməsinə yalnız zəruri
hallarda yol verilir.
Maddə 190. İşə mahiyyəti üzrə
baxılmağa başlanması
İşə mahiyyəti
üzrə baxılması sədrlik edənin məruzəsi
ilə başlanır. Bundan sonra sədrlik edən iddianı və iddiaya
etirazda göstərilmiş işin faktiki hallarını,
işin mübahisəsiz hallarını və
tərəflərin mübahisələndirdiyi halları,
həmçinin tərəflərin təqdim etdiyi
sübutları elan edir. İşin məruzəsindən sonra
sədrlik edən əlavələrin və ya
dəqiqləşdirmələrin olub-olmamasını
aydınlaşdırır.[280]
Maddə 191. İddiaçının iddiadan imtina
etməsi, cavabdehin iddianı etiraf etməsi və
tərəflərin barışıq sazişi
191.1. İddiaçının
iddiadan imtina etməsi, iddia tələbinin
dəyişdirilməsi, cavabdehin iddianı etiraf etməsi, mübahisənin mediasiya vasitəsilə
həllinə dair tərəflərin razılığı və ya tərəflərin
barışıq sazişi şərtləri
məhkəmə iclasının protokoluna yazılır
və protokolu müvafiq surətdə iddiaçı, cavabdeh
və ya hər iki tərəf imzalayır. İddiadan imtina
etmə, iddianın dəyişdirilməsi, cavabdehin iddianı
etiraf etməsi, mübahisənin mediasiya
vasitəsilə həllinə dair tərəflərin
razılığı və ya tərəflərin barışıq
sazişi, bu hərəkətlərin nəticəsi aydın
surətdə şərh olunan, məhkəməyə
göndərilən yazılı ərizələrdə də ifadə oluna bilər. [281]
191.2. Hakim iddiaçının
iddiadan imtina etməsini, cavabdehin iddianı etiraf etməsini
və tərəflərin barışıq sazişini
təsdiq edənə qədər onlara müvafiq prosessual
hərəkətlərin nəticələrini izah edir.
İddiaçı iddiadan imtina etdikdə və bu,
məhkəmə tərəfindən təsdiq edildikdə
və ya tərəflərin barışıq sazişini
təsdiq etdikdə məhkəmə bu barədə
qərardad çıxararaq, bu qərardadla eyni zamanda iş
üzrə icraata xitam verir. Tərəflərin məhkəmə
tərəfindən təsdiq edilən barışıq
sazişinin şərtləri qərardadda
göstərilməlidir.
191.2-1. Tərəflər arasında mübahisə
mediasiya vasitəsilə həll edildikdə, barışıq
sazişi, həll edilmədikdə isə mediasiya prosesinin
nəticələri barədə protokol
məhkəməyə təqdim olunur. Tərəflərin
barışıq sazişini təsdiq etdikdə
məhkəmə bu barədə qərardad çıxararaq,
bu qərardadla eyni zamanda iş üzrə icraata xitam verir.
Məhkəmə tərəfindən təsdiq edilən
barışıq sazişinin şərtləri qərardadda
göstərilməlidir.[282]
191.3. Cavabdeh
tərəfindən iddia etiraf edildikdə və bu,
məhkəmə tərəfindən təsdiq edildikdə,
məhkəmə iddiaçının irəli
sürdüyü tələblərin təmin olunması
barədə qətnamə çıxarır.
191.4. Məhkəmə iddiaçının iddiadan
imtina etməsini, cavabdehin iddianı etiraf etməsini qəbul
etmədikdə, tərəflərin barışıq
sazişini təsdiq etmədikdə və ya mübahisə
mediasiya vasitəsilə həll edilmədikdə bununla
bağlı əsaslandırılmış qərardad
çıxarır və işə mahiyyəti üzrə
baxılmasını davam etdirir.[283]
Maddə 192. İşdə iştirak edən
şəxslərin izahatları
192.1. İşi məruzə
etdikdən sonra hakim iddiaçını və onun
tərəfində iştirak edən üçüncü şəxsi,
cavabdehi və onun tərəfində iştirak edən
üçüncü şəxsi, habelə işdə
iştirak edən digər şəxsləri dinləyir.
İşdə iştirak edən şəxslər sədrlik
edənin icazəsi ilə bir-birinə suallar verməyə
haqlıdırlar.
192.2. İşdə iştirak
edən şəxslərin yazılı izahatları və bu
Məcəllənin 83 və 85-ci maddələri ilə
nəzərdə tutulan qaydada məhkəmənin
aldığı sübutlar sədrlik edən
tərəfindən elan olunur.
192.3. Uşaqların hüquq və
mənafeləri ilə bağlı mübahisələrin
həlli zamanı mübahisə ilə mənafelərinə
toxunulan uşaqların fikrinin öyrənilməsi
uşağın təhsil aldığı
müəssisənin nümayəndəsinin iştirakı
ilə aparılır. Zəruri halda həmin iclasda
uşağın valideynləri, övladlığa
götürənlər, qəyyum və ya himayəçi
də iştirak edə bilər. Göstərilən
şəxslər sədrlik edənin icazəsi ilə
uşağa suallar verə bilərlər.[284]
Maddə 193. Sübutların tədqiq edilmə
ardıcıllığının müəyyən
olunması
193.1. Hakim işdə iştirak
edən şəxslərin izahatlarını dinləyib
onların mülahizəsini nəzərə alaraq,
sübutların tədqiq edilməsinin
ardıcıllığını müəyyən edir.
193.2. “Elektron məhkəmə”
informasiya sisteminin tətbiq olunduğu
məhkəmələrdə bu Məcəllənin
10-1.3-cü maddəsində nəzərdə tutulmuş
qaydada aparılan elektron məhkəmə icraatında bu
Məcəllənin 78.2-ci maddəsində nəzərdə
tutulmuş qaydada məhkəmənin tələbi
əsasında işdə iştirak etməyən
şəxslər tərəfindən təqdim olunmuş
yazılı sübutlar, məhkəmə
araşdırması gedişində təqdim olunmuş ekspert
rəyi, mütəxəssisin məsləhəti,
dövlət orqanlarının və yerli
özünüidarə orqanlarının rəyləri, bu
Məcəllənin 83-cü, 85-ci və 167.1.11-ci
maddələrində nəzərdə tutulmuş qaydada
toplanmış yazılı sübutlar və ya onların
müayinə protokolları, 105.2-ci maddəsində
nəzərdə tutulmuş qaydada toplanmış şahid
ifadələri işə baxan məhkəmə
tərəfindən elektron məhkəmə icraatı
materiallarına əlavə edildikdən sonra tədqiq edilə
bilər.[285]
Maddə 194. İfadə verməkdən imtina etmək
və bilə-bilə yalan ifadə verməyə görə
məsuliyyət haqqında şahidə xəbərdarlıq
etmək
194.1. Sədrlik edən
şahidi dindirməzdən əvvəl onun
şəxsiyyətini müəyyən edib, hüquq və
vəzifələrini izah edir, ifadə verməkdən qanunsuz
imtina etməyə və bilə-bilə yalan ifadələr
verməyə görə məsuliyyəti barədə ona
xəbərdarlıq edir. Şahidin vəzifələrinin
və məsuliyyətinin ona izah edilməsi haqqında
şahiddən iltizam alınır. İltizam
məhkəmə iclasının protokoluna əlavə edilir.
194.2. Sədrlik edən
qanunvericiliklə cinayət məsuliyyətinə cəlb
olunmaq üçün müəyyən olunmuş yaş
həddinə çatmamış şahidə iş üzrə
ona məlum olan hər şeyi düzgün danışmaq
vəzifəsini izah edir, lakin ifadə verməkdən imtina
etməyə və bilə-bilə yalan ifadə verməyə
görə məsuliyyət barədə ona
xəbərdarlıq edilmir.
Maddə 195. Şahidi dindirmə qaydası
195.1. Hər bir şahid
ayrılıqda dindirilir.
195.2. Sədrlik edən,
şahidin işdə iştirak edən
şəxslərlə olan münasibətlərini aydınlaşdırır
və işin halları üzrə ona şəxsən
məlum olan hər şeyi məhkəməyə
bildirməsini təklif edir.
195.3. Bundan sonra şahidə
suallar verilə bilər. Şahidə birinci olaraq,
tələbi ilə onu çağırtdıran şəxs
və onun nümayəndəsi, sonra isə işdə iştirak
edən digər şəxslər və onların
nümayəndələri suallar verir.
195.4. Hakim şahidin dindirildiyi
hər bir vaxt ona suallar verməyə haqlıdır.
195.5. Məhkəmə,
zəruri halda, həmin və ya sonrakı iclasda şahidi
ikinci dəfə dindirə, habelə şahidlərin
ifadələri arasında olan ziddiyyətləri
aydınlaşdırmaq üçün onları
üzləşdirə bilər.
195.6. Məhkəmə icazə
vermədiyi hallar istisna edilməklə, dindirilmiş şahid
işin araşdırılması qurtarana qədər iclas
zalında qalır.
Maddə 196. Şahidin yazılı materiallardan
istifadə etməsi
Şahid ifadələr
verərkən, bu ifadələr hər hansı hesablamalarla
və ya yadda çətin saxlanıla bilən digər
məlumatlarla əlaqədar olduqda, yazılı qeydlərdən
istifadə edə bilər. Bu materiallar məhkəməyə
və iştirak edən şəxslərə təqdim edilir
və məhkəmənin qərardadı üzrə
işə əlavə edilə bilər.
Maddə 197. Yetkinlik yaşına çatmamış
şahidin dindirilməsi
197.1. On dörd yaşına
qədər olan şahidin və məhkəmənin
mülahizəsi ilə on dörd yaşından on altı
yaşına qədər olan şahidlərin dindirilməsi
təhsil aldığı müəssisənin
nümayəndəsinin iştirakı ilə aparılır.
Zəruri halda məhkəməyə yetkinlik yaşına
çatmamış şahidin valideynləri,
övladlığa götürənlər, qəyyum və ya
himayəçi də çağırılır.
Göstərilən şəxslər sədrlik edənin
icazəsi ilə şahidə suallar verə, habelə
şahidin şəxsiyyətinə, verdiyi ifadənin
məzmununa münasibətdə öz mülahizələrini
söyləyə bilərlər.
197.2. Müstəsna hallarda
işin hallarını müəyyən etmək
zərurəti olduqda, işdə iştirak edən bu və ya
digər şəxs, habelə iclas zalında olan hər hansı
bir şəxs yetkinlik yaşına çatmamış
şahid dindirilərkən məhkəmənin
qərardadı ilə məhkəmə iclası zalından
çıxarıla bilər. İclas zalından
çıxarılmış işdə iştirak edən
şəxs iclas zalına qayıtdıqdan sonra ona yetkinlik
yaşına çatmamış şahidin ifadəsinin məzmunu
bildirilməli və onun şahidə suallar verməsinə
imkan yaradılmalıdır.
Maddə 198. Şahid ifadələrinin elan edilməsi
Bu Məcəllənin 83, 85,
105.2 və 189-cu maddələri ilə nəzərdə
tutulan qaydada toplanmış şahid ifadələri
məhkəmə iclasında elan edilir. Bundan sonra işdə
iştirak edən şəxslər bu ifadələr
üzrə izahatlar verməyə haqlıdırlar.
Maddə 199. Yazılı sübutların tədqiq
edilməsi
Bu Məcəllənin 83, 85-ci
maddələri, 167.1.11-ci maddəsi ilə nəzərdə
tutulmuş qaydada tərtib edilmiş yazılı sübutlar
və ya onların müayinə protokolları
məhkəmə iclasında elan edilir və işdə
iştirak edən şəxslərə,
nümayəndələrə, zəruri hallarda isə
ekspertlərə, mütəxəssislərə və
şahidlərə təqdim edilir. İşdə iştirak
edən şəxslər bundan sonra izahat verə
bilərlər.
Maddə 200. Şəxsi yazışmaların elan
edilməsi[286]
Şəxsi yazışmaların
gizliliyini qorumaq məqsədi ilə bu yazışmalar
yalnız onların ünvanlandığı
şəxslərin razılığı ilə açıq
məhkəmə iclasında açıqlana bilər.
Əgər belə razılıq olmazsa həmin
sübutların elan və tədqiq edildiyi məhkəmə
iclasları qapalı keçirilir.
Maddə 201. Maddi sübutların tədqiq edilməsi
201.1. Maddi sübutlar
məhkəmə tərəfindən müayinə edilir
və işdə iştirak edən şəxslərə,
nümayəndələrə, zəruri hallarda isə ekspertlər,
mütəxəssislər və şahidlərə təqdim
olunur.
201.2. Maddi sübutların
təqdim edildiyi şəxslər məhkəmənin
diqqətini müayinə ilə əlaqədar olan bu və ya
başqa hallara cəlb edə bilərlər. Bu təkliflər
məhkəmə iclasının protokoluna yazılır.
201.3. Maddi sübutların
müayinəsinin protokolları məhkəmə iclasında
elan olunur və bundan sonra işdə iştirak edən
şəxslər izahat verə bilər.
Maddə 202. Yerində müayinə
202.1. Məhkəməyə
gətirilə bilməyən və ya gətirilməsi
çətin olan maddi və yazılı sübutlar,
olduqları və ya saxlandıqları yerdə müayinə
və tədqiq edilir. Məhkəmə, yerində
müayinə aparılması haqqında qərardad
çıxarır.
202.2. İşdə iştirak
edən şəxslər və nümayəndələr
yerində müayinənin vaxtı və yeri haqqında
xəbərdar edilirlər, lakin onların gəlməməsi
müayinənin aparılmasına mane olmur. Zəruri hallarda
ekspertlər, mütəxəssislər və şahidlər
də çağırılır.
202.3. Müayinənin
nəticələri məhkəmə iclasının
protokoluna yazılır. Müayinə zamanı tərtib
olunmuş və yoxlanılmış planlar, sxemlər,
çertyojlar, hesablamalar, sənədlərin surətləri,
müayinə zamanı çəkilmiş videoyazılar,
yazılı və maddi sübutların
fotoşəkilləri, habelə ekspertin yazılı rəyi
və mütəxəssisin şərhi protokola əlavə
edilir.
Maddə 203. Səsyazma və videoyazının
səsləndirilməsi və tədqiqi
203.1. Şəxsi məlumat
xarakterli səsyazma və videoyazının
səslənməsi, habelə onların tədqiqinə bu
Məcəllənin 200-cü maddəsində təsbit olunan
qaydalar tətbiq olunur.
203.2. Səs yazısı və
videoyazı materialının xüsusi əlamətləri
və səsləndirmə vaxtı məhkəmə
iclası protokolunda əks olunmaqla məhkəmə iclası
zalında və ya bunun üçün xüsusi avadanlıq
qurulmuş başqa otaqda səsləndirilə bilər. Bundan
sonra məhkəmə işdə iştirak edən
şəxslərin izahatlarını dinləyir.
203.3. Zəruri hallarda
səsyazma və videoyazı təkrarən tam və ya
qismən səsləndirilə bilər.
203.4. Səs yazıları
və videoyazılar səslənərkən onlarda olan
məlumatları aydınlaşdırmaq üçün
mütəxəssis cəlb edilə bilər. Zəruri hallarda
məhkəmə ekspertiza təyin edə bilər.
Maddə 204. Sübutun saxtalığı
barədə ərizə
204.1. İşdə olan
sübutun saxtalığı barədə məlumat
verildikdə, həmin sübutu təqdim etmiş şəxs
onu sübutlar içərisindən çıxarmağı
və işi başqa sübutlara əsasən həll
etməyi xahiş edə bilər.
204.2. Məhkəmə
sübutun saxtalığını yoxlamaq üçün
ekspertiza təyin edə bilər, habelə
tərəflərə başqa sübutlar təqdim etməyi
təklif edə bilər.
Maddə 205. Ekspert rəyinin tədqiqi
205.1. Ekspertin rəyi
məhkəmə iclasında elan edilir. Ekspertin rəyini
aydınlaşdırmaq və tamamlamaq üçün
ekspertə suallar verilə bilər. Xahişi üzrə
ekspert təyin etdirən şəxs və onun
nümayəndəsi birinci olaraq, sonra isə işdə
iştirak edən digər şəxslər və onların
nümayəndələri suallar verirlər.
Məhkəmənin təşəbbüsü ilə
təyin olunmuş ekspertə birinci olaraq iddiaçı
və onun nümayəndəsi suallar verir.
205.2. Hakim ekspertin dindirildiyi
hər bir vaxt ona suallar verməyə haqlıdır.
Maddə 206. Əlavə və təkrar ekspertiza
təyini
206.1. Ekspertin rəyi
məhkəmə iclasında tədqiq edilir və digər
sübutlarla birgə qiymətləndirilir və onun
məhkəmə üçün qabaqcadan heç bir
qüvvəsi yoxdur. Ekspertin rəyi ilə
məhkəmənin razılaşmaması iş üzrə
qətnamədə, yaxud əlavə və ya təkrar
ekspertiza təyini haqqında qərardadda əsaslandırılmalıdır.
206.2. Əlavə və
təkrar ekspertiza bu Məcəllənin 102-ci maddəsində
nəzərdə tutulan hallarda təyin edilir.
Maddə 207. Mütəxəssisin məsləhəti
207.1. Zəruri hallarda
yazılı və ya maddi sübutları müayinə
edərkən, səsyazmaları dinləyərkən,
videoyazılara baxarkən, ekspertiza təyin edərkən,
şahidləri dindirərkən, sübutların təmini
üçün tədbirlər görərkən
məhkəmə məsləhət, şərh və
bilavasitə texniki kömək göstərmək
üçün (şəkil çəkmək, plan və
sxem tərtib etmək, ekspertiza üçün
nümunələr seçmək, əmlakı
qiymətləndirmək və s.) işə
mütəxəssis cəlb edə bilər.
207.2. Mütəxəssisin
yazılı formada verdiyi məsləhət məhkəmə
iclasında elan edilir və işə əlavə olunur.
Mütəxəssisin şifahi məsləhəti və
şərhi məhkəmə iclasının protokoluna
yazılır.
207.3. Məsləhəti
aydınlaşdırmaq və tamamlamaq məqsədi ilə
mütəxəssisə suallar verilə bilər.
Mütəxəssisin cəlb olunması barədə vəsatət
vermiş şəxs və onun nümayəndəsi birinci
olaraq, sonra isə işdə iştirak edən digər
şəxslər və onların nümayəndələri
suallar verirlər. Məhkəmənin
təşəbbüsü ilə cəlb olunmuş
mütəxəssisə birinci olaraq iddiaçı və onun
nümayəndəsi suallar verirlər.
207.4. Hakim mütəxəssisin
dindirildiyi hər bir vaxt ona suallar verməyə
haqlıdır.
Maddə 208. Dövlət orqanlarının və yerli
özünüidarə orqanlarının rəyləri
Məhkəmə
tərəfindən işdə iştirak etməyə
buraxılmış dövlət orqanları və yerli
özünüidarə orqanlarının rəyləri bu
Məcəllənin 60-cı maddəsinə müvafiq olaraq
məhkəmə iclasında elan edilir. Hakim, habelə
işdə iştirak edən şəxslər və
nümayəndələr rəyi aydınlaşdırmaq
və tamamlamaq üçün həmin orqanın
nümayəndəsinə suallar verə bilərlər.
Maddə 209. İşə mahiyyəti üzrə
baxmağın qurtarması
209.1. Bütün sübutlar tədqiq
edildikdən sonra, sədrlik edən işdə iştirak
edən şəxslər və onların
nümayəndələrinin bu barədə mövqeyini öyrənməklə
iş üzrə halların tədqiqinin
qurtardığını elan edir və məhkəmə
çıxışlarına keçir.[287]
209.2. İşdə iştirak
edən şəxslər məhkəmə iclasında onlara
məlum olmuş yeni faktlarla əlaqədar şərhlər
və əlavə sübutlar təqdim etmək
üçün işə baxılmasını
növbəti iclasa keçirilməsini xahiş edə
bilərlər. Belə halda bu Məcəllənin 188-ci
maddəsi tətbiq edilir.[288]
209.3. İşə mahiyyəti
üzrə baxılmasının qurtardığı elan
edilənədək işdə iştirak edən
şəxslər tərəfindən onlara məlum olan hallar
və sübutlar təqdim olunmamışsa, işə
mahiyyəti üzrə baxılmasının
qurtardığı elan edildikdən sonra heç kəs
məhkəmə iclasında araşdırılmamış
hallara və sübutlara istinad etməyə haqlı deyildir.
Maddə 210. Məhkəmə
çıxışları
210.1. Məhkəmə
çıxışları işdə iştirak edən
şəxslərin, onların nümayəndələrinin
və vəkillərinin nitqlərindən ibarətdir.
210.2. Əvvəlcə
iddiaçı və onun nümayəndəsi, sonra cavabdeh
və onun nümayəndəsi çıxış edir.
Artıq başlanmış prosesdə mübahisə predmetinə
dair müstəqil tələblər irəli sürən
üçüncü şəxs və onun
nümayəndəsi tərəflərdən və onların
nümayəndələrindən sonra çıxış
edir. Mübahisə predmetinə dair müstəqil
tələblər irəli sürməyən
üçüncü şəxs və onun
nümayəndəsi, tərəfində
üçüncü şəxsin işdə iştirak
etdiyi iddiaçıdan, yaxud cavabdehdən sonra
çıxış edir. İşdə iştirak edən
şəxslərin vəkilləri də həmin
ardıcıllıqla çıxış edirlər.
210.3. Digər
şəxslərin qanunla qorunan hüquq və
mənafelərinin müdafiəsi üçün
məhkəməyə müraciət etmiş dövlət
orqanının və yerli özünüidarə
orqanının nümayəndələri məhkəmə
çıxışlarında birinci çıxış
edirlər.
Maddə 211. Replikalar
Çıxışların
bütün iştirakçılarının
nitqlərindən sonra onlar nitqlərdə
deyilənlərlə əlaqədar olaraq
çıxış edə bilərlər. Son replika
hüququ cavabdehə və onun nümayəndəsinə
məxsusdur.
Maddə 212. Mahiyyəti üzrə işə
baxılmasının təzələnməsi
Məhkəmə
çıxışları zamanı və bundan sonra,
məhkəmə iş üçün əhəmiyyətli
olan yeni halların
aydınlaşdırılmasını və ya yeni
sübutları yenidən tədqiq
etməyi zəruri hesab edərsə, o, işə mahiyyəti
üzrə baxmağın təzələnməsi
barədə qərardad çıxarır, həmin
qərardad protokola yazılır. İşə mahiyyəti
üzrə baxılması qurtardıqdan sonra
məhkəmə çıxışları ümumi qaydada
olur.[289]
Maddə 213. Hakimin qətnamə
çıxarılması üçün müşavirə
otağına getməsi
İclas zalında iştirak
edənlərə elan etməklə hakim, məhkəmə
çıxışlarından sonra qətnamə
çıxarmaq üçün müşavirə otağına
gedir.
Maddə 214. Qətnamənin elan edilməsi
214.1. Qətnaməni qəbul etdikdən
sonra hakim məhkəmə iclası zalına qayıdır
(tərəflərin məhkəmə iclasına
gəlmədiyi hallar istisna olmaqla), qətnamənin giriş
və nəticə hissələrini elan edir,
qətnamədən şikayət etmə qaydası və
müddətini, habelə tərəflərin müraciəti
olduğu halda qətnamənin nəticə hissəsini izah
edir.[290]
214.2. Qətnamə işdə
iştirak edən şəxslərin bilmədiyi dildə
tərtib edildikdə, həmin qətnamənin nəticə hissəsi onlara məhkəmə
iclasında iştirak edən tərcüməçinin
iştirakı ilə onların doğma dilində və yaxud
onların bildikləri dildə oxunmalıdır.[291]
214.3. Mürəkkəb
işlər üzrə hakim ancaq qətnamənin
nəticə hissəsini elan edə bilər.[292]
214.4. Qətnamənin elan
edilmiş nəticə hissəsi yazılı formada tərtib
edilməli, hakim və ya hakimlər tərəfindən imzalanmalı
və işə əlavə edilməlidir. Qətnamənin
nəticə hissəsi elan edildikdən sonra sədrlik edən
işdə iştirak edən şəxslərə və nümayəndələrə
qətnamənin tam mətni ilə tanış olmanın
vaxtını bildirməlidir. İşdə iştirak edən
şəxslərin tələbi ilə qətnamənin
giriş və nəticə hissələrini əks etdirən
çıxarış elan olduğu gün həmin
şəxslərə rəsmi qaydada verilir.[293]
Maddə 215. Qətnamənin elan edilməsinin
təxirə salınması
Müstəsna hallarda
xüsusilə mürəkkəb işlər üzrə
qətnamə qəbul edildikdə, hakim qətnamənin nəticə hissəsini
məhkəmə baxışı qurtardıqdan sonra 3
gündən gec olmayaraq elan edə bilər.[294]
Fəsil 16
Məhkəmənin
qətnaməsi
Maddə 216. Qətnamənin
çıxarılması və
elan edilməsi[295]
216.1. İşi mahiyyəti
üzrə həll edən birinci instansiya
məhkəməsinin aktı qətnamə formasında
çıxarılır.
216.2. Məhkəmə
qətnaməni Azərbaycan Respublikası adından
çıxarır.
216.3. Qətnamə
məhkəmə iclasında işə baxıldıqdan sonra
hakimlərin ayrıca müşavirə otağında
çıxarılır. İşə kollegial formada baxıldıqda,
qətnamə səs çoxluğu ilə qəbul olunur.
Qətnamə çıxarıldığı zaman
müşavirə otağında yalnız işə baxan
hakim, yaxud məhkəmə ola bilər. Başqa şəxsin
müşavirə otağında olmasına yol verilmir.
216.4. Müşavirədən sonra hakimlər qəbul
edilmiş qətnaməni elan edirlər.[296]
216.5. “Elektron məhkəmə”
informasiya sisteminin tətbiq olunduğu
məhkəmələrdə qətnamənin elan edilmiş
nəticə hissəsi barədə məlumat həmin gün
hakimin elektron imzası ilə təsdiq edilməklə “Elektron
məhkəmə” informasiya sistemində yerləşdirilir.[297]
Maddə 217. Qətnamənin qanuniliyi və
əsaslılığı
217.1. Məhkəmənin
qətnaməsi qanuni və əsaslı olmalıdır.
217.2.
Qətnamə mübahisəli hüquq münasibətinin
yarandığı zaman qüvvədə olan maddi hüquq
normalarına və işin baxılması zamanı
qüvvədə olan prosessual hüquq normalarına uyğun
çıxarılmalıdır.[298]
217.3. Qətnamə iş
üzrə müəyyən edilmiş həqiqi hallara
və tərəflərin qarşılıqlı
münasibətinə uyğun
əsaslandırılmalıdır.[299]
217.4. Məhkəmə (hakim)
öz qətnaməsini yalnız məhkəmə iclasında
tədqiq olunmuş sübutlarla əsaslandırır.
217.5. Bu Məcəllənin 10-1.3-cü
maddəsində nəzərdə tutulmuş
məhkəmə icraatında işə baxan
məhkəmə öz qətnaməsini yalnız elektron
məhkəmə icraatı materiallarına əlavə
edilmiş və məhkəmə iclasında tədqiq
olunmuş sübutlarla əsaslandırır.[300]
Maddə 218. Qətnamə çıxarıldıqda
həll edilən məsələlər
218.1. Qətnamə
çıxarıldıqda hakim sübutları
qiymətləndirir, iş üçün
əhəmiyyətli olan nə kimi halların
müəyyən edildiyini, nə kimi halların
müəyyən edilmədiyini, tərəflərin hansı
hüquqi münasibətdə olmalarını, həmin iş
üzrə hansı qanunun tətbiq edilməli olduğunu
və iddianın təmin olunub-olunmadığını
müəyyən edir.
218.2. Hakim, işə
əhəmiyyəti olan halları əlavə olaraq
aydınlaşdırmağı və ya sübutları
əlavə olaraq tədqiq
etməyi zəruri hesab edərsə, məhkəmə
iclasının təzələnməsi haqqında qərardad
çıxarır. İşə mahiyyəti üzrə
baxılması başa çatdıqdan sonra hakim yenidən
tərəflərin çıxışlarını
dinləyir.[301]
218.3. Hakim işdə iştirak
edən şəxslərin verdiyi tələblər
üzrə qətnamə çıxarır. Lakin hakim qanunda
göstərilən müstəsna hallarda iddia tələblərindən
kənara çıxa bilər.
Maddə 219. Qətnamənin tərtib olunması
219.1. Qətnamə sədrlik
edən və yaxud işə kollegial qaydada baxıldıqda,
hakimlərin biri tərəfindən yazılı
surətdə tərtib edilir.
219.2. Məhkəmənin
qətnaməsi işə təkbaşına işə
baxdıqda hakim, kollegial qaydada baxıldıqda isə
bütün hakimlər tərəfindən imzalanır.
219.3. Qətnamədə
düzəlişlər hakimlərin, yaxud hakimin imzası
ilə təsdiq edilməlidir.
Maddə 220. Qətnamənin məzmunu
220.1. Qətnamə
anlaşılan ifadələrdən istifadə
edilməklə tərtib olunmalıdır.
220.2. Qətnamə giriş,
təsviri, əsaslandırıcı və nəticə
hissələrindən ibarətdir.
220.3. Qətnamənin giriş
hissəsində onun çıxarılma vaxtı və yeri,
qətnamə çıxaran məhkəmənin adı,
hakim, məhkəmə iclası katibi, tərəflər,
işdə iştirak edən digər şəxslər, nümayəndələr və
vəkillər,
mübahisənin predmeti və ya irəli sürülən
tələb göstərilməlidir. Qətnamənin
təsviri hissəsində iddiaçının tələbi,
cavabdehin etirazları və ya mülahizələri
və işdə iştirak edən digər
şəxslərin izahatları göstərilməlidir.[302]
220.4. Qətnamənin
əsaslandırıcı hissəsində işin
məhkəmə tərəfindən müəyyən
edilən halları, işin halları barədə
məhkəmənin əsaslandırıldığı
sübutlar və məhkəmənin bu və ya digər
sübutları və iclasda iştirak edən
şəxslərin istinad etdiyi qanun və digər hüquqi aktları rədd etmək
üçün gətirdiyi dəlillər, habelə
məhkəmənin qətnamə çıxararkən
rəhbər tutduğu qanunlar və digər hüquqi aktlar göstərilməlidir.
Cavabdeh tərəfindən iddia tələbi etiraf edildikdə
qətnamənin əsaslandırıcı hissəsində
yalnız iddianın etiraf edilməsi və onun
məhkəmə tərəfindən qəbul edilməsi
göstərilə bilər.[303]
220.5. Qətnamənin
nəticə hissəsində iddianın tam və ya qismən
təmin edilməsi və ya rədd edilməsi haqqında
məhkəmənin hansı nəticəyə gəldiyi,
məhkəmə xərclərinin
bölüşdürülməsi, qətnamədən
şikayət vermə müddəti və qaydası
göstərilməlidir; işə qiyabi baxıldığı
halda qətnamənin nəticə hissəsində cavabdehin
qətnamənin ləğvi üçün ərizə
vermə qaydası da əks olunmalıdır.
220.6. Məhkəmə
qətnamənin icra qaydası və müddətini
müəyyən etdiyi və ya onun icrasının təmin
edilməsi üçün tədbirlər gördüyü
hallarda, bunu qətnamənin nəticə hissəsində
göstərməlidir.[304]
Maddə 221. Dövlət orqanlarının yerli
özünüidarə orqanlarının, sair orqan və
təşkilatların, vəzifəli şəxslərin
qərarlarının və hərəkətlərinin
(hərəkətsizliyinin) qanunsuz hesab edilməsinə dair
məhkəmə qətnaməsi
221.1.
Dövlət orqanının, yerli özünüidarə
orqanının, sair orqan və təşkilatın və ya
vəzifəli şəxsin aktının etibarsız hesab
edilməsi haqqında qətnamənin nəticə
hissəsində aşağıdakılar
göstərilməlidir:
221.1.1.
həmin aktın adı, sıra sayı, qəbul olunma tarixi,
aktın digər zəruri rekvizitləri və onu verən
orqan barədə məlumatlar;
221.1.2.
aktın tam və ya qismən etibarsız hesab edilməsi,
habelə həmin aktın qəbul edildiyi andan etibarsız
olması barədə göstəriş.
221.2.
Dövlət qeydiyyatından imtinanın və ya belə
qeydiyyatın aparılmasından yayınmanın qanunsuz hesab
edilməsi barədə tələbi təmin edərkən
məhkəmə qətnamənin nəticə
hissəsində müvafiq dövlət orqanının
üzərinə həmin qeydiyyatın aparılması
vəzifəsini qoyur.
221.3. Normativ aktı və ya
onun haqqında verilmiş məlumatı qanunsuz hesab edən
məhkəmə qətnaməsi normativ aktın nəşr
olunduğu kütləvi informasiya vasitəsində və ya
məhkəmənin belə qətnaməni dərc etməyi
zəruri saydığı kütləvi informasiya
vasitələrində nəşr edilməlidir. [305]
Maddə 222. Əmlakın alınması və ya pul
vəsaitlərinin tutulması haqqında qətnamə
222.1. Məhkəmə
əmlakın natura şəklində alınmasını
qət etdikdə onun adını, alınmalı əmlak
qətnamə icra olunan vaxt mövcud olmasa, cavabdehdən alınmalı
əmlakın dəyərini, habelə alınmalı
əmlakın yerləşdiyi yeri və ya əmlaka
görə iddiaçıya verilməsi qət olunmuş
məbləğin cavabdehin bankdakı hansı hesabından
silinməli olmasını qətnamənin nəticə
hissəsində göstərir.
222.2. Pul vəsaitlərinin
tutulması haqqında iddianı təmin edərkən hakim
əsas borcu, faiz borcunu, zərər və dəbbə pulunu (cərimə,
penya) ayrı-ayrılıqda müəyyən etməklə,
alınmalı olan ümumi məbləği
qətnamədə göstərir.[306]
Maddə 223. Cavabdehi müəyyən
hərəkətləri etməyə məcbur edən
qətnamə
223.1. Məhkəmə
əmlakın və ya pul məbləğlərinin
verilməsi ilə əlaqədar olmayan müəyyən
hərəkətləri etməyə cavabdehi məcbur
edən qətnamə çıxardıqda, qətnamənin
nəticə hissəsində kimin, harada, nə vaxt və ya
hansı müddətdə həmin hərəkəti
etməyə borclu olmasını göstərir.
223.2. Cavabdeh müəyyən
edilmiş vaxt ərzində qətnaməni icra etməsə,
məhkəmə zəruri hesab etdikdə
iddiaçının cavabdehdən zəruri xərcləri
almaqla, həmin hərəkətləri cavabdehin hesabına
etməyə haqlı olmasını qətnamədə
göstərə bilər.
223.3. Həmin
hərəkətlər yalnız cavabdeh tərəfindən
edilə bilərsə, məhkəmə qətnamənin icra
edilmə müddətini qətnamədə göstərir.
Maddə 224. İcra və ya digər
sənədlərin icra edilməməli hesab olunmasına dair
qətnamə
Notariusun icra qeydi əsasında
ödənilmə daxil olmaqla, ödənilməsi
mübahisəsiz (akseptsiz) qaydada həyata keçirilən
icra və ya digər sənədlərin icra edilməməli
hesab olunmasına dair mübahisələri həll
edərkən qətnamənin nəticə hissəsində
icra edilməli olmayan sənədin adı, sıra sayı
və tarixi, habelə silinməli olmayan məbləğ
göstərilməlidir.
Maddə 225. Müqavilənin bağlanması və
dəyişdirilməsi haqqında qətnamə
Müqavilənin
bağlanması və dəyişdirilməsi zamanı yaranan
mübahisələr üzrə qətnamənin nəticə
hissəsində müqavilənin hər bir mübahisəli
şərti üzrə qərar göstərilməlidir,
müqavilənin bağlanmasını məcbur edən
mübahisə üzrə isə tərəflərin
bağlamağa borclu olduqları müqavilənin
şərtləri göstərilir.
Maddə 226. Bir neçə iddiaçının
xeyrinə və ya bir neçə cavabdehə qarşı
çıxarılan qətnamə
226.1. Məhkəmə bir
neçə iddiaçının xeyrinə qətnamə
çıxardıqda, onlardan hər birinə aid olan
hissəni və ya tələb hüququnun müştərək
olmasını göstərir.
226.2. Məhkəmə bir
neçə cavabdehin əleyhinə qətnamə
çıxardıqda, cavabdehlərdən hər birinin
qətnaməni hansı hissədə yerinә yetirməli
olmasını və ya onların məsuliyyətlərinin
müştərək olmasını göstərir.
Maddə 227. Qətnamənin tərtibi
227.1. Məhkəmə qətnaməsi elan
edilənədək tərtib olunmalıdır.[307]
227.2. Qətnamənin nəticə
hissəsi elan edildikdən sonra
əsaslandırılmış qətnamənin tərtib
edilməsi 10 iş günü müddətinədək
başa çatdırılmalıdır.[308]
227.3. Məhkəmənin
qətnaməsi işdə iştirak edən
şəxslərə tərtib edildikdən sonra 3 gün
ərzində rəsmi qaydada
verilməlidir.[309]
227.4. “Elektron məhkəmə”
informasiya sisteminin tətbiq olunduğu
məhkəmələrdə hakim qətnaməni tərtib etdikdən
sonra onu elektron imzası ilə təsdiq etməklə 3
(üç) gün ərzində işdə iştirak
edən şəxslərin “Elektron məhkəmə”
informasiya sistemində yaradılmış elektron
kabinetlərində yerləşdirilməsini təmin edir.[310]
Maddə 228. Qətnamədə və qərardadda yanlışlıqların və ya açıq hesab
səhvlərinin düzəldilməsi[311]
228.1.
Çıxarılmış qətnaməni elan etmiş
hakim, bu Məcəllənin 249 və 250-ci
maddələrində nəzərdə tutulmuş əsaslarla
ləğv edilmiş qiyabi qətnamə istisna
edilməklə, onu ləğv etməyə və ya
dəyişdirməyə haqlı deyildir.
228.2. Hakim işdə iştirak
edən şəxslərə xəbər verməklə,
öz təşəbbüsü ilə və ya işdə
iştirak edən şəxslərin ərizəsi
üzrə, qətnamədə və ya qərardadda buraxılmış
yanlışlıqları və açıq hesab
səhvlərini düzəldə bilər.
Düzəlişlər etmək məsələsi
məhkəmə iclasında həll edilir. İşdə
iştirak edən şəxslər məhkəmə
iclasının vaxtı və yeri haqqında xəbərdar
edilirlər, lakin onların gəlməməsi düzəlişlər
etmək məsələsinə baxmağa mane olmur.[312]
228.3. Düzəlişlər
etmək barəsində məhkəmə qərardadından
şikayət verilə bilər.
Maddə 229. Əlavə qətnamə və əlavə qərardad[313]
229.1. İş üzrə
qətnamə və ya qərardad çıxarmış hakim,
işdə iştirak edən şəxslərin
ərizəsi ilə və ya onları xəbərdar
edərək öz təşəbbüsü ilə
aşağıdakı hallarda əlavə qətnamə və ya əlavə qərardad çıxara bilər:[314]
229.1.1. işdə iştirak
edən şəxslər tələblərdən hər
hansı biri üzrə sübutlar təqdim etmiş və
izahatlar vermişlərsə, bu tələblər barədə
qətnamə və ya qərardad çıxarılmamışsa;[315]
229.1.2. hüquq barədə
məsələ həll etmiş hakim alınmalı
məbləğin, verilməli əmlakın miqdarını,
yaxud cavabdehin etməli olduğu hərəkətləri göstərməmişsə;
229.1.3. məhkəmə
xərcləri haqqında məsələ hakim
tərəfindən həll edilməmişsə.
229.2. Əlavə
qətnamənin və ya əlavə qərardadın çıxarılması
barədə məsələyə qətnamənin və ya qərardadın qanuni qüvvəyə
minməsinə qədər baxıla bilər. Əlavə
qətnamə və ya əlavə qərardad məsələnin
məhkəmə iclasında müzakirəsindən sonra
məhkəmə tərəfindən
çıxarılır. İşdə iştirak edən
şəxslər məhkəmə iclasının vaxtı
və yeri haqqında xəbərdar edilirlər, lakin
onların gəlməməsi məsələyə baxmağa mane olmur.[316]
229.3. Əlavə qətnamə
və
ya əlavə qərardad çıxarmaqdan imtina barədə qərardaddan və ya
əlavə qətnamədən və ya əlavə qərardaddan şikayət verilə
bilər.[317]
Maddə 230. Qətnamənin və
ya qərardadın izah edilməsi[318]
230.1. İşə
baxmış hakim işdə
iştirak edən şəxslərin ərizəsi
əsasında ləğv
edilməmiş qətnaməsini, onun məzmununu
dəyişdirmədən izah etməyə haqlıdır.[319]
230.2. Birinci instansiya və apellyasiya
instansiyası məhkəməsinin qətnaməsi və ya
qərardadı dəyişirsə və yeni
məhkəmə aktı çıxarılırsa, onun izah
edilməsini iş üzrə son qətnaməni və ya
qərardadı çıxarmış məhkəmə
həyata keçirir.[320]
230.3. Qətnamə və ya qərardad icra edilməmişsə və
məcburi qaydada icra ediləcəyi müddət
keçməmişsə, onun izah edilməsinə yol
verilir.[321]
230.4. Qətnamənin və ya qərardadın izah edilməsi
məsələsi məhkəmə iclasında həll olunur.
İşdə iştirak edən şəxslər
məhkəmə iclasının vaxtı və yeri
barədə xəbərdar edilirlər. Lakin onların
gəlməməsi məsələyə baxmağa mane olmur.[322]
230.5. Qətnamənin və ya qərardadın izah edilməsi
məsələsi üzrə məhkəmə
qərardadından şikayət verilə bilər.
Maddə 231. Qətnamənin icrasına möhlət
verilməsi və ya onun hissə-hissə icra edilməsi,
qətnamənin icra üsulunun və qaydasının
dəyişdirilməsi icra
üzrə icraatın dayandırılması, borclunun
ölkədən getmək hüququnun müvəqqəti
məhdudlaşdırılması[323]
231.1. İşə
baxmış hakim, işdə iştirak edən
şəxslərin ərizəsi üzrə
tərəflərin əmlak vəziyyətinə və
digər hallara əsasən qətnamənin icrasına
möhlət verməyə və ya qətnaməni
hissə-hissə icra etdirməyə, habelə onun icra
üsulunu və qaydasını dəyişdirməyə haqlıdır.
231.2. Həmin
ərizələrə məhkəmə iclasında
baxılır. İşdə iştirak edən
şəxslər iclasın vaxtı və yeri haqqında
xəbərdar edilirlər, lakin onların gəlməməsi
məhkəmə qarşısında qoyulmuş
məsələnin həll edilməsinə mane olmur.
231.3. “İcra haqqında” Azərbaycan Respublikası
Qanununun 21.2-ci maddəsi ilə müəyyən edilmiş
əsaslara uyğun olaraq icra sənədi üzrə
icraatın məhkəmələr tərəfindən
dayandırılmalı olduğu hallarda icra üzrə
icraatın dayandırılması (bundan sonra - icra üzrə
icraatın dayandırılması)
məsələləri, habelə borclunun ölkədən
getmək hüququnun müvəqqəti
məhdudlaşdırılması icra məmurunun
təqdimatına əsasən həll edilir. Məhkəmələrin
verdiyi icra sənədinə əsasən başlanmış
icraat icra məmurunun olduğu yer üzrə
məhkəmə tərəfindən, kommersiya məhkəməsinin verdiyi icra
sənədinə əsasən başlanmış icraat
isə həmin kommersiya məhkəməsi və ya icra
məmurunun olduğu yer üzrə müvafiq kommersiya məhkəməsi
tərəfindən dayandırılır. Borclunun
ölkədən getmək hüququnun müvəqqəti
məhdudlaşdırılması məsələsinə icra
məmurunun olduğu yer üzrə məhkəmə
tərəfindən baxılır. İcra üzrə
icraatın dayandırılması , habelə borclunun
ölkədən getmək hüququnun müvəqqəti məhdudlaşdırılması
haqqında təqdimatlara bu Məcəllənin 231.2-ci
maddəsi ilə nəzərdə tutulmuş qaydada
baxılır.[324]
231.4. Qətnamə icrasına
möhlət verilməsi və ya onun hissə-hissə icra
edilməsi, qətnamənin icra üsulunun və
qaydasının dəyişdirilməsi icra üzrə icraatın
dayandırılması, borclunun
ölkədən getmək hüququnun müvəqqəti
məhdudlaşdırılması barədə
məhkəmə qərardadından şikayət verilə
bilər. [325]
231.5. Qanunla
nəzərdə tutulmuş hallar istisna olmaqla, ipoteka
predmetinə tutmanın yönəldilməsi barədə
məhkəmə qərarının icrasına möhlət
verilməsinə, məhkəmə qətnaməsinin
hissə-hissə icra edilməsinə, icra üsulunun və
qaydasının dəyişdirilməsinə, habelə icra
üzrə icraatın dayandırılmasına yalnız
ipoteka saxlayanın razılığı ilə yol verilir. [326]
Maddə 232. Ödənilməli pul
məbləğlərinin indeksasiyası
232.1. Tərəflərin
ərizəsi üzrə işə baxmış
məhkəmə qətnamənin icrası zamanı
tutulmalı pul məbləğlərinin müvafiq
indeksasiyasını həyata keçirə bilər.
232.2. Ödənilməli pul
məbləğlərinin indeksasiyası barədə
ərizəyə məhkəmə iclasında baxılır.
İşdə iştirak edən şəxslər məhkəmə
iclasının vaxtı və yeri haqqında xəbərdar
edilirlər, lakin onların gəlməməsi
məhkəmə qarşısında qoyulmuş
məsələnin həll edilməsinə mane olmur.
232.3. Ödənilməli pul
məbləğlərinin indeksasiyası barədə
məhkəmə qərardadından şikayət verilə
bilər.
Maddə 233. Məhkəmə qətnaməsinin qanuni
qüvvəyə minməsi
233.1. Bu Məcəllənin 355-7.4-cü, 355-13.4-cü,
355-17.3-cü, 355-18.4-cü, 355-19.3-cü və 355-22.4-cü
maddələrində qeyd olunan hallar istisna olmaqla,
məhkəmə
qətnaməsindən şikayət verilməmişdirsə, işdə iştirak edən
şəxslərə rəsmi qaydada verildiyi gündən 1 ay
keçdikdən sonra qanuni qüvvəyə minir.[327]
233.2. Apellyasiya şikayəti
ilə ləğv edilməmiş qətnamə apellyasiya
instansiyasının qərar qəbul etdiyi andan qanuni
qüvvəyə minir.[328]
233.3. Qətnamə qanuni
qüvvəyə mindikdən sonra tərəflər və
işdə iştirak edən digər şəxslər,
habelə onların hüquq varisləri məhkəmədə
eyni iddia tələblərini, eyni əsas üzrə
yenidən irəli sürə bilməzlər, habelə
məhkəmə tərəfindən müəyyən
edilmiş faktlara və hüquq münasibətlərinə
qarşı başqa prosesdə mübahisə edə
bilməzlər.
233.4. Cavabdehdən
vaxtaşırı ödəmələrin
alınmasını qət edən qətnamə qanuni
qüvvəyə mindikdən sonra, ödəmələrin
miqdarını müəyyənləşdirən və ya
onların davam etməsinə təsir edən hallar
dəyişərsə, hər bir tərəf yeni iddia
vermək yolu ilə ödəmələrin miqdarını
və müddətlərini dəyişdirməyi tələb
etməyə haqlıdır.
Maddə 234. Qətnamənin icra edilməsi[329]
234.1. Bu Məcəllənin 234.2-ci
maddəsində nəzərdə tutulmuş hallar istisna
olmaqla, qətnamə qanuni qüvvəyə mindikdən sonra
icra edilir.
234.2. Aşağıdakı
qətnamələr dərhal icra olunur:
234.2.1. şəxsin saxlanılması
üçün vəsaitlərin, o cümlədən
alimentlərin alınması haqqında;
234.2.2. məişət
zorakılığından zərər çəkmiş
şəxsə uzunmüddətli mühafizə orderinin
verilməsi haqqında.
Maddə
235. Dərhal icra
olunmalı qətnamələr
235.1.
Aşağıdakı qətnamələr dərhal icra
edilməlidir:
235.1.1.
şəxsin saxlanılması üçün
vəsaitlərin, o cümlədən alimentlərin
alınması haqqında;
235.1.2.
işçiyə əmək haqqı ödənilməsi
haqqında;
235.1.3.
dövlət orqanları aktlarının etibarsız hesab
edilməsi, habelə barışıq sazişini təsdiq
edən iqtisad məhkəməsinin qərardadları;
235.1.4. qanunda müəyyən edilmiş digər hallarda.
235.2.
Hakim tərəflərin xahişi ilə qətnamənin
icrasının ləngidilməsinin tələbkar
üçün böyük zərərə səbəb ola
biləcəyi, yaxud icranın özünün mümkün
ola bilməyəcəyi xüsusi hallarda qətnaməni
dərhal icraya yönəldə bilər.
235.3.
Qətnamənin dərhal icra edilməsinə yol verildikdə,
məhkəmə qətnaməsi ləğv edildiyi halda, hakim
onun icrasının dönüşünün təmin
edilməsini tərəfdən tələb edə bilər.
235.4.
Qətnamənin dərhal icra edilməsinə yol vermək
haqqında məsələyə məhkəmə
iclasında baxılır. İşdə iştirak edən
şəxslər məhkəmə iclasının vaxtı
və yeri haqqında xəbərdar edilirlər, lakin
onların gəlməməsi məhkəmə
qətnaməsini dərhal icra etmək haqqında məsələni
həll etməyə mane olmur.
235.5. Qətnamənin dərhal
icra edilməsi haqqında məhkəmə qərardadından
ºikayət verilə bilər. Qətnaməni dərhal icra
etmək haqqındakı qərardaddan şikayət
verilməsi həmin qərardadın icrasını
dayandırmır.[330]
Maddə 236. Qətnamənin icrasının təmini[331]
Məhkəmə
qətnamənin icrasını bu Məcəllənin 13-cü
fəslində müəyyən olunmuş qaydada təmin
edə bilər.
Maddə 236-1. İcrada dönüş[332]
236-1.1. İcra edilmiş qətnamə
ləğv edildikdə və işə yenidən
baxıldıqdan sonra iddianın tamamilə və ya onun bir
hissəsinin rədd edilməsi haqqında qətnamə, yaxud
iş üzrə icraata xitam verilməsi, yaxud da iddianın
baxılmamış saxlanması haqqında qərardad
çıxarıldıqda bu aktı qəbul etmiş
məhkəmə icrada dönüş edilməsi
barədə tədbirlər görməli, o
cümlədən ləğv edilmiş qətnamə
üzrə bir tərəfin xeyrinə alınanları
digər tərəfə qaytarmalı, əmlakı qaytarmaq
mümkün olmadıqda isə, həmin əmlakın
dəyərini tutmalıdır.
236-1.2. Məhkəmə öz
təşəbbüsü ilə icrada dönüş
haqqında məsələyə baxmalı və iş
üzrə icraatın yekunlaşdığı yeni qətnamədə,
yaxud qərardadda onu həll etməlidir.
236-1.3. Məhkəmə ləğv
edilmiş qətnamənin icrasında dönüş
haqqındakı məsələni həll etməzsə,
işdə iştirak edən şəxslərin, yaxud
işdə iştirak etməyə cəlb edilməyən,
lakin ləğv edilmiş qətnamə və ya qərardad
əsasında aparılmış icra onların hüquq
və vəzifələrinə toxunan hallarda digər
şəxslərin icrada dönüş haqqında
ərizəsi üzrə məhkəmə qərardad
qəbul edir. Bu ərizəyə işdə iştirak
edən şəxslər xəbərdar edilməklə,
məhkəmə iclasında baxılır. Lakin həmin
şəxslərin gəlməməsi məhkəmə
qarşısında qoyulmuş məsələni həll
etməyə mane olmur.
236-1.4. İcrada dönüş
haqqında məsələ üzrə məhkəmə
qərardadından şikayət verilə bilər.
236-1.5. İşə kassasiya,
əlavə kassasiya, hüquq və azadlıqların
pozulması ilə bağlı yeni hallar üzrə və
qanuni qüvvəyə minmiş məhkəmə aktlarına
yeni açılmış hallar üzrə yenidən
baxılması üzrə məhkəmə icraatı
qaydasında baxan məhkəmə, yeni qərar qəbul
edirsə və ya iş üzrə icraata xitam verirsə, yaxud
iddianı baxılmamış saxlayırsa, qətnamənin
icrasında dönüş barədə məsələni
həll etməli, yaxud da onu apellyasiya instansiyası
məhkəməsinin həllinə verməlidir.
236-1.6. Bu maddənin müddəaları
ilə müəyyən edilmiş qaydalar icra edilmiş
məhkəmə qərardadlarına münasibətdə
müvafiq olaraq tətbiq edilir.
Maddə 237.
İşdə iştirak edən şəxslərə
qətnamələrin surətlərinin göndərilməsi
Məhkəmə iclasına
gəlib-gəlməməsindən asılı olmayaraq,
məhkəmə qətnaməsi tam şəkildə
çıxarıldıqdan sonra növbəti gün işdə
iştirak edən şəxsə göndərilir və ya
məhkəməyə gələrsə ona təqdim edilir.[333]
Fəsil 17
Qiyabi icraat
və qiyabi qətnamə
Maddə 238. Qiyabi icraatın əsasları
238.1. İclasın vaxtı
və yeri haqqında lazımi qaydada xəbərdar edilmiş
cavabdeh məhkəmə iclasına gəlmədikdə və
gəlməməsinin səbəbləri barədə
məlumat vermədikdə, iddiaçı buna etiraz
etmədikdə, işə qiyabi icraat qaydasında baxıla
bilər.
238.2. İşdə bir
neçə cavabdeh iştirak etdikdə, məhkəmə
iclasına bütün cavabdehlər gəlmədikdə
işə qiyabi icraat qaydasında baxılması mümkündür.
238.3. İşdə cavabdehin
lazımi qaydada xəbərdar edilməsi barədə
məlumatlar olmalıdır.
238.4. İşə qiyabi
baxılmasına iddiaçının razılığı
yazılı formada olmalıdır.
238.5. İşə qiyabi icraat
qaydasında baxılması barədə məhkəmə
qərardad çıxarır.
Maddə 239. Gəlmiş tərəfin hüququ
Məhkəmə iclasına
gəlmiş iddiaçı işə cavabdehin
iştirakı olmadan qiyabi icraat qaydasında baxılmasına
razı olmadıqda, məhkəmə işin baxılmasını
təxirə salır və cavabdehə yeni məhkəmə
iclasının yeri və vaxtı barədə məhkəmə bildirişi
göndərir.[334]
Maddə 240. Qiyabi qətnamənin yolverilməzliyi
240.1. İşə qiyabi
icraatda baxılmasına aşağıdakı hallarda yol
verilmir:
240.1.1. gəlməmiş
tərəf bu Məcəllə ilə müəyyən
olunmuş qaydada xəbərdar edilməmişsə;
240.1.2. tərəf
üzürlü səbəbdən məhkəməyə
gəlmədikdə və ya məhkəməyə
gəlməməyin səbəblərinin təbii
fəlakətlə və ya digər
qarşısıalınmaz hadisə ilə əlaqədar
olması məhkəmədə aşkar məlum olduqda.
240.2. Bu hallarda işə
baxılması təxirə salınır.
Maddə 241. Qiyabi icraat qaydası
241.1. Qiyabi icraat qaydasında
işə baxarkən hakim, tərəflərin təqdim etdiyi
sübutların tədqiqi ilə kifayətlənir, onların
dəlillərini və vəsatətlərini
nəzərə alır və qiyabi adlanan qətnamə
çıxarır.
241.2. Qətnaməni tərtib
edərkən hakim bu Məcəllənin 16-cı fəslinin
müddəalarını rəhbər tutur.
241.3. İşə qiyabi icraat
qaydasında baxılarkən iddianın əsasları və
ya predmeti dəyişdirilə və ya iddia
tələblərinin məbləği artırıla
bilməz.
241.4. İddiaçının
tələbi əsaslı olduqda, məhkəmə onun
iddiasını qiyabi qətnamə ilə təmin edir.
241.5. İddiaçının
dəlilləri iddia tələblərini tamamilə və ya
qismən təsdiq etməsə, məhkəmə iddianın və ya onun hissəsinin
rədd olunmasına dair qətnamə çıxarır
və belə qətnamə, cavabdehin gəlməməsinə
baxmayaraq, qiyabi hesab edilmir. [335]
Maddə 242. Qiyabi qətnamənin məzmunu
Qiyabi qətnamənin məzmunu
bu fəslin və bu Məcəllənin 16-cı fəslinin
qaydaları ilə müəyyən edilir. Qiyabi
qətnamənin nəticə hissəsində qətnaməyə
yenidən baxılması üçün ərizə
vermə vaxtı və qaydası göstərilməlidir.
Maddə 243. Qiyabi
qətnamənin surətinin rəsmi qaydada verilməsi
243.1. Qiyabi
qətnamə çıxarıldıqdan sonra 10 gündən
gec olmayan müddətdə işdə iştirak edən
şəxslərə rəsmi qaydada verilir.[336]
243.2. “Elektron məhkəmə”
informasiya sisteminin tətbiq olunduğu
məhkəmələrdə hakim qiyabi qətnaməni elektron
imzası ilə təsdiq etməklə qiyabi qətnamə
çıxarıldığı vaxtdan 10 (on) gündən
gec olmayan müddətdə işdə iştirak edən
şəxslərin “Elektron məhkəmə” informasiya
sistemində yaradılmış elektron kabinetlərində
yerləşdirilməsini təmin edir.[337]
Maddə 244. Qiyabi qətnamədən şikayət
verilməsi
Cavabdeh qətnamənin ona rəsmi qaydada verilməsindən
sonra 10 gün müddətində həmin qətnamənin
ləğvi üçün qiyabi qətnaməni
çıxartmış məhkəməyə ərizə
verməyə haqlıdır.[338]
Maddə 245. Qiyabi qətnamənin ləğvi
haqqında ərizənin məzmunu
245.1. Qiyabi qətnamənin
ləğvi haqqında ərizədə
aşağıdakılar göstərilməlidir:
245.1.1. qiyabi qətnamə
çıxaran məhkəmənin adı;
245.1.2. ərizə verən
şəxsin adı;
245.1.3. cavabdehin
məhkəmə iclasına üzürlü
səbəbdən gəlməməsini əks etdirən hallar
və bu halları təsdiq edən sübutlar;
245.1.4. ərizə verən
şəxsin xahişi;
245.1.5. ərizəyə
əlavə edilmiş materialların siyahısı.
245.2. Qiyabi qətnamənin
ləğvi haqqında ərizə cavabdeh və ya onun
səlahiyyətli nümayəndəsi və işdə
iştirak edən şəxslərin sayına müvafiq surətdə
tərtib edilərək, işə baxan
məhkəməyə təqdim edilir.
245.3. Ərizədən
dövlət rüsumu alınmır.
Maddə 246. Qiyabi qətnamənin ləğvi
haqqında ərizədən imtina
Qiyabi qətnamənin
ləğvi haqqında ərizədən imtina edildikdə
apellyasiya şikayətindən imtina edilməsi haqqında
qaydalar tətbiq edilir.
Maddə 247. Ərizəni qəbul etdikdən sonra
hakimin hərəkətləri
Məhkəmə
ərizənin baxılma yeri və vaxtı barədə
işdə iştirak edən şəxslərə
xəbər verir və onlara ərizənin və
ərizəyə əlavə edilmiş materialların
surətlərini göndərir.
Maddə 248. Ərizəyə baxılması
Qiyabi qətnamənin
ləğvi haqqında ərizəyə hakim, həmin
ərizə məhkəməyə daxil olduğu vaxtdan 10
gün müddətində məhkəmə iclasında baxır.
Məhkəmə iclasının vaxtı və yeri
haqqında xəbərdar edilmiş şəxslərin
məhkəmə iclasına gəlməməsi
ərizəyə baxılmasına mane olmur.
Maddə 249. Məhkəmənin
səlahiyyətləri
Hakim, qiyabi qətnamənin
ləğvi haqqında ərizəyə baxaraq,
ərizənin təmin olunmaması haqqında, yaxud qiyabi
qətnamənin ləğv edilməsi və işin
təzələnərək mahiyyəti üzrə
baxılması barədə qərardad çıxarır.
Maddə 250. Qiyabi qətnamənin ləğvi
üçün əsaslar
Əgər məhkəmə
cavabdehin iclasın vaxtı və yeri haqqında lazımi
qaydada xəbərdar edilməməsini və ya cavabdehin
üzürlü səbəblərdən məhkəmə
iclasına gəlməməsini vaxtında
məhkəməyə bildirməyə imkanının
olmamasını müəyyən etsə, qiyabi
məhkəmə qətnaməsi ləğv edilməlidir.
Maddə 251. İşə
baxılmanın təzələnməsi[339]
Qiyabi məhkəmə
qətnaməsini ləğv edərkən hakim işə
mahiyyəti üzrə baxılmasını
təzələyir. Məhkəmə iclasının yeri
və vaxtı haqqında lazımi qaydada xəbərdar
edilmiş cavabdeh gəlmədikdə, işə yenidən
baxılarkən çıxarılan məhkəmə
qətnaməsi qiyabi qətnamə hesab edilmir. Cavabdehin qiyabi
icraat qaydasında bu qətnaməyə yenidən
baxılması üçün təkrar ərizə
vermək hüququ yoxdur.
Maddə 252. Qiyabi qətnamənin qanuni
qüvvəyə minməsi
Qiyabi qətnamə bu
Məcəllənin 233-cü maddəsində
nəzərdə tutulmuş qaydalar əsasında
qüvvəyə minir.
Maddə 253. Qiyabi icraat qaydasında qəbul edilmiş
məhkəmə aktlarından şikayət verilməsi
253.1. Qiyabi məhkəmə
qətnaməsi ziyanına ləğv olunmuş tərəf
çıxarılmış qərardaddan apellyasiya
qaydasında şikayət verə bilməz.
253.2. Apellyasiya qaydasında
aşağıdakılardan şikayət verilə bilər:
253.2.1. bu Məcəllənin
241.5-ci və 251-ci
maddələrində nəzərdə tutulmuş qaydada
qətnamə qəbul edildikdə; [340]
253.2.2. cavabdehin ərizəsi
ilə qiyabi məhkəmə qətnaməsinin
ləğvindən imtina edildikdə;
253.2.3. ikinci qiyabi
qətnamədən. [341]
253.3. Qiyabi qətnamədən
tərəflər, bu qətnamənin ləğvi
üçün ərizə verilməsi
və ona baxılması
müddəti bitdikdən sonra şikayət verə
bilərlər.
Fəsil 18
İş
üzrə icraatın dayandırılması
Maddə 254. Məhkəmənin icraatı
dayandırmaq vəzifəsi
254.1. Məhkəmə aşağıdakı hallarda
iş üzrə icraatı dayandırmalıdır:[342]
254.1.1. işdə tərəf
olan şəxs öldükdə və ya hüquqi
şəxs yenidən təşkil edildikdə,
barəsində mübahisə edilən hüquq
münasibəti hüquq varisliyinə və ya işdə
tərəf olan hüquqi şəxsin ləğv
edilməsinə yol verərsə;
254.1.2. tərəf
fəaliyyət qabiliyyətini itirərsə;
254.1.3. iddiaçı, yaxud
cavabdeh Azərbaycan Respublikasının Silahlı
Qüvvələrinin və başqa silahlı
birləşmələrinin hərbi əməliyyatlarında
olduqda;
254.1.4. Konstitusiya
Məhkəməsinin icraatı qaydasında, mülki,
cinayət, inzibati xəta və
ya inzibati mübahisə üzrə məhkəmə
icraatı qaydasında baxılan başqa bir iş həll
edilməyincə işə baxmaq mümkün olmazsa; KM1
254.1.5. Azərbaycan
Respublikası Ali Məhkəməsinin icraatında eyni
tərəflər arasında, eyni predmet barəsində və
eyni əsaslar üzrə mübahisəyə dair xarici dövlətin
məhkəməsinin qərarının tanınması
və icra edilməsi haqqında ərizə olarsa.
254.1.6.
məhkəmə bu məcəllənin 13.6-cı
maddəsinə uyğun olaraq Azərbaycan Respublikası
Konstitusiyasının və qanunlarının şərh
edilməsi haqqında Azərbaycan Respublikasının
Konstitusiya Məhkəməsinə müraciət etdikdə.[343]
254.1.7. “Mediasiya haqqında” Azərbaycan
Respublikasının Qanunu ilə müəyyən edilmiş
qaydada mediasiya prosesinin tətbiqi barədə müqavilə
bağlandıqda.
254.2. Məhkəmə qanunla
nəzərdə tutulan digər hallarda da iş üzrə
icraatı dayandırır.[344]
Maddə 255. Məhkəmənin icraatı
dayandırmaq hüququ
255.0. Məhkəmə işdə iştirak edən
şəxslərin ərizəsi üzrə və ya öz
təşəbbüsü ilə aşağıdakı
hallarda iş üzrə icraatı dayandıra bilər:[345]
255.0.1. tərəf Azərbaycan
Respublikasının Silahlı Qüvvələrində və
başqa silahlı birləşmələrində
çağırış üzrə hərbi xidmətdə
olduqda və ya digər dövlət vəzifəsini yerinə
yetirməyə cəlb edildikdə;
255.0.2. tərəf
uzunmüddətli qulluq ezamiyyətində olduqda;
255.0.3. tərəf
müalicə müəssisəsində olduqda;
255.0.4. bu Məcəllə
ilə nəzərdə tutulan hallarda cavabdeh
axtarıldıqda;
255.0.5. məhkəmə
tərəfindən ekspertiza təyin olunduqda;
255.0.6. xarici
dövlətlərin məhkəmələrinə
məhkəmə tapşırığı
göndərildikdə;[346]
255.0.7.
qəyyumluq və himayəçilik orqanının iş
üzrə rəy verməsi tələb olunduqda; [347]
255.0.8. arbitraj qərarının ləğv
edilməsi üçün müraciət edilən
məhkəmənin arbitraj məhkəməsinə arbitraj
icraatını yenidən başlamaq və ya arbitraj
məhkəməsinin mövqeyinə əsasən, arbitraj qərarının
ləğv edilməsinə əsas olan halları aradan
qaldıracaq digər hərəkətləri etmək
imkanı verməyi məqsədəuyğun hesab etdiyi
hallarda.[348]
Maddə 256. İcraatı dayandırma
müddətləri
256.0. İş üzrə
icraat aşağıdakı müddətdə dayandırılır:[349]
256.0.1. bu Məcəllənin
254.1.1 və 254.1.2-ci maddələrində nəzərdə
tutulmuş hallarda çıxmış şəxsin hüquq
varisi müəyyən edilənə və ya fəaliyyət
qabiliyyəti olmayan şəxs üçün
nümayəndə təyin edilənədək;
256.0.2. bu Məcəllənin
254.1.3-cü və 255-ci maddələri ilə
nəzərdə tutulmuş hallarda tərəfin Azərbaycan
Respublikası Silahlı Qüvvələrinin, digər qoşunların
və qoşun birləşmələrinin tərkibində
olub dövlət vəzifəsini yerinə yetirməsi
qurtaranadək, qulluq ezamiyyətindən qayıdanadək,
tərəfin müalicə müəssisəsindən
buraxılmasınadək, cavabdehin axtarışının
nəticələri məlum olanadək, ekspertin rəyi
və ya qəyyumluq və himayəçilik orqanının
rəyi məhkəməyə təqdim edilənədək, məhkəmə
tapşırıgına cavab alınanadək; [350]
256.0.3. bu Məcəllənin
254.1.4-cü maddəsi ilə nəzərdə tutulan halda
məhkəmənin qərarı, qətnaməsi,
hökmü, qərardadı qüvvəyə minənə
qədər, yaxud inzibati qaydada baxılan iş üzrə
qərar çıxarılana qədər;
256.0.4. bu Məcəllənin
254.1.5-ci maddəsi ilə nəzərdə tutulan halda
Azərbaycan Respublikasının Ali Məhkəməsi
tərəfindən ərizəyə baxılanadək.
256.0.5. bu
məcəllənin 254.1.6-cı maddəsi ilə
nəzərdə tutulan halda məhkəmə müraciəti
üzrə Azərbaycan Respublikası Konstitusiya
Məhkəməsinin qərarı dərc olunanadək; [351]
256.0.6. bu Məcəllənin 254.1.7-ci maddəsində
nəzərdə tutulan halda barışıq sazişi və
ya mediasiya prosesinin nəticələri barədə protokol
təqdim edilənədək.
Maddə 257. İcraatın təzələnməsi
İşin
dayandırılmasına səbəb olmuş hallar aradan
qaldırıldıqda və ya bu Məcəllənin
101.3-cü maddəsində nəzərdə tutulan ekspertin
vəsatətinə baxılması zərurəti
yarandıqda, işdə iştirak edən şəxslərin
ərizəsi üzrə və ya məhkəmənin
təşəbbüsü ilə iş üzrə icraat
təzələnir.[352]
Maddə 258. İş üzrə icraatın
dayandırılması və təzələnməsi
qaydası
258.1. İş üzrə
icraatın dayandırılması və onun
təzələnməsi barədə məhkəmə
qərardad çıxarır.
258.2. İş üzrə
icraatın dayandırılması barədə
məhkəmənin qərardadından şikayət verilə
bilər.
Fəsil 19
Ərizənin
baxılmamış saxlanması
Maddə 259. Ərizənin baxılmamış
saxlanmasının əsasları
259.0. Məhkəmə
aşağıdakı hallarda ərizəni
baxılmamış saxlayır:
259.0.1. məhkəməyə
müraciət etmiş iddiaçı mübahisənin
qabaqcadan məhkəmədən kənar (pretenziya
qaydasında) həll edilməsi barəsində müəyyən
kateqoriyadan olan işlər üçün qanunla
müəyyən edilmiş, yaxud tərəflər
arasında müqavilə ilə nəzərdə tutulmuş
qaydaya əməl etməmişsə və bu qaydanı
tətbiq etmək imkanı itirilməmişsə;
259.0.2. ərizə
fəaliyyət qabiliyyəti olmayan şəxs
tərəfindən verilmişsə;
259.0.3. ərizə
imzalanmadıqda, yaxud buna səlahiyyəti olmayan şəxs
və ya vəzifəsi göstərilməyən şəxs
tərəfindən imzalandıqda;
259.0.4. eyni tərəflər
arasında, eyni predmet barəsində və eyni əsaslarla
mübahisə üzrə iş həmin və ya digər
məhkəmənin icraatında varsa;
259.0.5. qanuna müvafiq olaraq
tərəflər arasında həmin mübahisənin arbitraj məhkəməsində baxılması
üçün arbitraj sazişi bağlanmışsa və işə
mahiyyəti üzrə baxılmasından əvvəl
mübahisənin məhkəmədə həll
edilməsinə dair tərəflərdən
hər hansı biri
tərəfindən etiraz daxil olarsa,
yaxud belə etiraz məhkəmə baxışı zamanı
daxil olarsa, o şərtlə ki, tərəflər işə
baxılmasına qədər etirazın edilməsinin ondan
asılı olmayan səbəblərə görə
mümkün olmadığını əsaslandırsın; [353]
259.0.6. işə onların
iştirakı olmadan baxmağı xahiş etməmiş
tərəflər məhkəməyə
gəlmədikdə;
259.0.7. işə onun
iştirakı olmadan baxmağı xahiş etməmiş
iddiaçı məhkəmənin birinci
çağırışında gəlmədikdə, cavabdeh
isə işin mahiyyəti üzrə baxılmasını
tələb etmədikdə;
259.0.8. qanuna, digər normativ
hüquqi akta və müqaviləyə əsasən bank
və kredit müəssisəsi vasitəsi ilə almalı
olduğu halda iddiaçı cavabdehdən borcun alınması
barədə banka, yaxud digər kredit
müəssisəsinə müraciət etməmişsə;
259.0.9. dövlət
qeydiyyatından imtina edilməsi, yaxud boyun
qaçırılması barəsində
ərizələrə baxıldıqda hüquq haqqında
mübahisə yarandığı aşkar edilərsə;[354]
259.0.10. hüquqi
əhəmiyyətli faktların müəyyən edilməsi
barəsindəki ərizələrə baxıldıqda
hüquq haqqında mübahisə yarandığı aşkar
edilərsə;
259.0.11. iddia ərizəsinin
qaytarılması barəsində ərizə verildikdə
və cavabdeh işin mahiyyəti üzrə həll
olunmasını tələb etmədikdə;
259.0.12. ərizə bu
Məcəllənin 149-cu maddəsində nəzərdə
tutulmuş tələblər göstərilmədən,
eləcə də bu Məcəllənin 150.1.2-ci və ya 150.1.3-cü maddələrində
göstərilən sənədlər əlavə
edilmədən verildikdə iddiaçı hakim
tərəfindən müəyyən edilmiş
müddətdə işin mahiyyəti üzrə
baxılmasına və həll edilməsinə maneçilik
törədən həmin nöqsanları aradan
qaldırmadıqda.[355]
259.0.13. “Mediasiya haqqında” Azərbaycan Respublikası
Qanununun 21.9-cu maddəsində göstərilən hallarda.
Maddə 260. Ərizənin baxılmamış
saxlanması qaydası və nəticələri
260.1. İddianın
baxılmamış saxlanması haqqında məhkəmə
qərardad çıxarır.
260.2. Qərardadda bu
Məcəllənin 259-cu maddəsində qeyd edilən
işin baxılmasına mane olan halların necə aradan
qaldırılması göstərilməlidir.
260.3. Qərardadda işdə
iştirak edən şəxslərin arasında
məhkəmə xərclərinin bölünməsi,
büdcədən dövlət rüsumunun qaytarılması
məsələləri həll edilə bilər.
260.4. İddianın
baxılmamış saxlanması üçün səbəb
olan şərait aradan qaldırıldıqdan sonra maraqlı
şəxs ümumi qaydada ərizə ilə
məhkəməyə yenidən müraciət etməyə
haqlıdır.
260.5. Məhkəmə
iddiaçı və ya cavabdehin vəsatəti üzrə,
onlar məhkəmə iclasında iştirak
etməmələrinin və bu haqda məhkəməyə
məlumat verməmələrinin üzürlü
səbəblərdən baş verməsi haqqında
sübutlar təqdim etdikdə, bu Məcəllənin 259.0.6
və 259.0.7-ci maddələrində göstərilən
əsaslarla ərizənin baxılmamış saxlanması
barəsində öz qərardadını ləğv edir.
260.6. İddianın
baxılmamış saxlanması haqqında məhkəmə
qərardadından şikayət verilə bilər.
Fəsil 20
İş
üzrə icraata xitam verilməsi
Maddə 261. İcraata xitam verilmə əsasları
261.0. Hakim iş üzrə
icraata aşağıdakı hallarda xitam verir:
261.0.1. iş
məhkəmədə və ya mülki məhkəmə icraatı
qaydasında
baxılmalı deyildirsə;[356]
261.0.2. eyni tərəflər
arasında, eyni predmet barəsində və eyni əsaslar
üzrə məhkəmənin qanuni qüvvəyə
minmiş qətnaməsi və ya iddiaçının iddiadan
imtina etməsi və ya tərəflərin barışıq
sazişinin təsdiq olunması ilə әlaqәdar iş
üzrə icraata xitam edilməsi haqqında
məhkəmənin qərardadı olarsa;
261.0.3. eyni tərəflər
arasında, eyni predmet barəsində və eyni əsaslar
üzrə mübahisəyə dair xarici dövlətin
məhkəməsinin qanuni qüvvəyə minmiş qətnaməsi
varsa və həmin qətnamə Azərbaycan
Respublikasının Ali Məhkəməsi
tərəfindən tanınmış və icraya qəbul
edilmişsə;
261.0.4. iddiaçı iddiadan
imtina etmişsə və bu imtina məhkəmə
tərəfindən qəbul olunmuşsa;
261.0.5. tərəflər
barışıq sazişi bağlamışlarsa və bu
saziş məhkəmə tərəfindən təsdiq
edilmişsə;
261.0.6. eyni tərəflər arasında, eyni predmet
barəsində və eyni əsaslar üzrə
mübahisəyə dair məhkəmənin arbitraj
məhkəməsinin qərarının tanınmasından
və ya məcburi icrasının təmin edilməsindən
imtina etdiyi hallar istisna olmaqla, arbitraj məhkəməsinin
qanuni qüvvəyə minmiş qərarı olarsa;[357]
261.0.7. iş üzrə
tərəflərdən biri olan şəxs
öldükdən sonra barəsində mübahisə
edilən hüquq münasibəti hüquq varisliyinə yol
verməzsə;
261.0.8. işdə iştirak
edən hüquqi şəxs ləğv olunmuşsa;
261.0.9. məhkəməyə
müraciət etmiş maraqlı şəxs mübahisənin
qabaqcadan məhkəmədən kənar həll edilməsi
barəsində müəyyən kateqoriyadan olan işlər
üçün qoyulmuş qaydaya əməl
etməmişsə və bu qaydanı tətbiq etmək
imkanı itirilmişsə.
Maddə 262. İcraata xitam verilmə qaydası və
nəticələri
262.1. İş üzrə
icraata xitam verilməsi barədə məhkəmə
qərardad çıxarır.
262.2. Məhkəmənin
qərardadında işdə iştirak edən
şəxslər arasında məhkəmə
xərclərinin bölüşdürülməsi,
büdcədən dövlət rüsumunun qaytarılması
haqqında məsələlər həll edilə bilər.
262.3. Bu Məcəllənin 261.0.1-ci və ya
261.0.8-ci maddələrində nəzərdə tutulmuş əsaslar
üzrə icraata xitam verilərsə, məhkəmə
ərizəçinin hansı orqana müraciət etməli
olmasını göstərməlidir.[358]
262.4. İşin icraatına
xitam verildikdə, eyni tərəflər arasında, eyni predmet
haqqında və eyni əsaslar üzrə mübahisə
barəsində məhkəməyə müraciət
edilməsinə yol verilmir.
262.5. İş üzrə
icraata xitam verilməsi haqqında məhkəmənin
qərardadından şikayət verilə bilər.
Fəsil 21
Məhkəmə
qərardadları
Maddə 263. Qərardadın
çıxarılması qaydası
263.1. İş mahiyyəti
üzrə həll edilmədikdə, məhkəmə
aktları qərardad formasında çıxarılır.
263.2. Məhkəmə iş
üzrə icraatı dayandırdıqda, icraata xitam
verdikdə, iddianı baxılmamış saxladıqda,
habelə bu Məcəllə ilə nəzərdə tutulmuş
digər hallarda qərardad çıxarır.
263.3. Qərardad
müşavirə otağında müstəqil akt
şəklində qəbul edilir, hakim, yaxud hakimlər
tərəfindən imzalanır və qəbul edildikdən
dərhal sonra həmin məhkəmə iclasında elan olunur.
263.4. Məhkəmə
mürəkkəb olmayan məsələləri
məhkəmə iclasında həll etdikdə,
müşavirə otağına getməyib, yerində
müşavirə edərək, ayrıca akt
şəklində tərtib olunmadan qərardad çıxara
bilər.
263.5. Qərardad şifahi elan
olunur və məhkəmənin iclas protokoluna yazılır.
Qərardadda onun hansı məsələ üzrə
çıxarıldığı, məhkəmənin
gəldiyi nəticələrin səbəbləri və
baxılan məsələ üzrə nəticə
göstərilir.
263.5-1. “Elektron məhkəmə”
informasiya sisteminin tətbiq olunduğu
məhkəmələrdə elan olunmuş qərardad
barədə məlumat həmin gün hakimin elektron imzası
ilə təsdiq edilməklə “Elektron məhkəmə”
informasiya sistemində yerləşdirilir.[359]
263.6. Məhkəmə
tərəfindən qərardad, işdə iştirak edən
şəxslərin çəkişmə, hüquq
bərabərliyi prinsipinin təmin edildiyi, bu Məcəlləyə
müvafiq olaraq məhkəmə baxışının
ümumi müddəalarına əməl olunduğu bir
şəraitdə qəbul edilir.
Maddə 264. Qərardadın məzmunu
264.0. Ayrıca akt
şəklində qəbul edilən qərardadda
aşağıdakılar göstərilməlidir:
264.0.1. qərardadın
çıxarılma vaxtı və yeri;
264.0.2. qərardadı
çıxaran məhkəmənin adı, hakim və ya
məhkəmənin tərkibi və məhkəmənin iclas
katibi;
264.0.3. işdə iştirak
edən şəxslər, mübahisənin predmeti və ya
irəli sürülmüş tələb;
264.0.4. qərardadın hansı
məsələ barədə çıxarılması;
264.0.5. məhkəmənin
gəldiyi nəticələrin səbəbləri və
məhkəmənin rəhbər tutduğu qanunlara istinad
edilməsi;
264.0.6. baxılan
məsələ üzrə nəticə;
264.0.7. qərardaddan
şikayət verilə bilərsə, şikayət vermə
qaydası və müddəti.
Maddə 265. Məhkəmənin xüsusi
qərardadları KM
265.1.
Məhkəmə mübahisəyə baxarkən, hüquqi
şəxsin, dövlət, yerli özünüidarə
orqanının və digər orqanın, vəzifəli
şəxsin və ya fiziki şəxsin
fəaliyyətində qanunların və digər normativ
hüquqi aktların pozulduğunu aşkar etdikdə, xüsusi
qərardad çıxarmağa haqlıdır.
265.2.
Xüsusi qərardadlar müvafiq hüquqi
şəxslərə, vəzifəli şəxslərə,
dövlət və yerli özünüidarə orqanlarına
və digər orqanlara, fiziki şəxslərə
göndərilir. Onlar gördükləri tədbirlər
barədə 1 ay müddətində məhkəməyə
məlumat verməlidirlər.
265.3.
Görülmüş tədbirlər barədə məlumat
verilmədiyi halda, təqsirkar vəzifəli
şəxslər müəyyən olunmuş yüz on
manatadək cərimə oluna bilərlər.
Cərimənin qoyulması
müvafiq vəzifəli şəxsi məhkəmənin
xüsusi qərardadına əsasən görülmüş
tədbirlər haqqında məlumat vermək vəzifəsindən
azad etmir.
265.4. Məhkəmə
işə baxarkən, proses iştirakçılarının və ya
digər şəxslərin əməllərində cinayətin
əlamətlərini aşkara çıxararsa, o, bu
barədə xüsusi qərardad çıxarmaqla prokurora
xəbər verir.[360]
265.5. Qanuni qüvvəyə
minmiş məhkəmə qətnaməsi icra olunmadıqda,
məhkəmə bir ay müddətində bununla bağlı
cinayət işinin başlanması haqqında xüsusi
qərardad çıxarmaqla, prokurora xəbər verir.
265.6. Prokuror cinayət işinin
başlanmasını istisna edən halları aşkar
etməzsə, məhkəmənin xüsusi qərardadı
üzrə cinayət işi başlamaqdan imtina etməyə
haqlı deyildir. Bu məsələ üzrə
əsaslandırılmış qərar qəbul edən
prokuror, həmin qərarı xüsusi qərardadı
çıxarmış məhkəməyə
göndərir. Məhkəmə prokurorun qərarı ilə
razılaşmadığı halda, zəruri təsir
tədbirləri görülməsi məqsədi ilə, yuxarı
prokurorun diqqətini aşağı prokurorun
qərarının qanunsuzluğuna və ya
əsassızlığına yönəldə bilər.[361]
Maddə 266. Məhkəmə qərardadının
surətlərinin işdə iştirak edən
şəxslərə rəsmi
qaydada verilməsi[362]
266.1. Məhkəmənin
ayrıca akt şəklində çıxardığı müvəqqəti təminat
tədbirinin tətbiqi və ya ləğvi barədə qərardadı
həmin gündən gec olmayaraq, digər qərardadları
isə qərardad
çıxarıldıqdan sonra 5 gün müddətində
işdə iştirak edən şəxslərə,
aidiyyəti olan digər şəxslərə rəsmi qaydada verilir.[363]
266.2. Bu Məcəlləyə
müvafiq olaraq şikayət verilə bilən qərardadlar
işdə iştirak edən şəxslərə və
aidiyyəti olan digər şəxslərə rəsmi qaydada verilərkən, bu
barədə məhkəməyə məlumat verilməlidir.[364]
266.3. “Elektron məhkəmə”
informasiya sisteminin tətbiq olunduğu
məhkəmələrdə hakim müvəqqəti
təminat tədbirləri haqqında qərardadı
çıxardıqdan sonra dərhal, digər
qərardadları isə 5 (beş) gün müddətində
elektron imzası ilə təsdiq etməklə işdə
iştirak edən şəxslərin “Elektron
məhkəmə” informasiya sistemində yaradılmış
elektron kabinetlərində yerləşdirilməsini təmin
edir.[365]
Maddə 267. Qərardadlardan şikayət verilməsi
267.1. Məhkəmə
tərəfindən ayrıca akt şəklində qəbul
edilmiş qərardaddan bu Məcəllədə
göstərilmiş hallarda şikayət verilə bilər.
267.2. İşdə iştirak
edən şəxslər və qərardadın bilavasitə
aid olduğu digər şəxslər şikayət vermək
hüququna malikdirlər.
267.3. Şikayət
yazılı şəkildə qərardadı qəbul
edən məhkəməyə verilir.
Maddə 268. Şikayətin verilmə müddəti
268.1. Şikayət qərardad
tərəfə rəsmi qaydada
verildikdən sonra 10 gün müddətində verilir.[366]
268.2. Qərardad ondan
şikayət vermək hüququna malik olan şəxslərin
yanında elan edilmişdirsə, şikayət vermə
müddəti qərardadın elan olunduğu vaxtdan hesablanır.[367]
Maddə 269. Şikayətə baxılması
269.1. Şikayətə
qərardadı qəbul etmiş birinci instansiya
məhkəməsi tərəfindən 3 gün
müddətində yazılı icraat qaydasında baxılır.[368]
269.2. Şikayət
əsaslıdırsa, hakim qərardadı dəyişdirir
və ya ləğv edir və mübahisəyə
baxılması üçün tərəflərlə
birlikdə sonrakı prosessual hərəkətləri
yerinə yetirir.
269.3. Əks təqdirdə bu
şikayət baxıldıqdan sonra 7 gün
müddətində işlə birlikdə apellyasiya
instansiyası məhkəməsinə, bu Məcəllənin 32.5-ci
maddəsində nəzərdə tutulmuş qaydada aidiyyət
haqqında qərardaddan şikayət verildikdə isə həmin şikayət bu
Məcəllənin 403-1.5-ci maddəsinin tələbləri
izah edilməklə işdə iştirak edən
şəxslərə rəsmi qaydada verilir və iş kasasiya instansiyası məhkəməsinə göndərilir.[369]
Fəsil 22
Protokollar
Maddə 270. Protokolun tərtib edilməsinin
məcburiliyi
Məhkəmə iclasında,
habelə məhkəmə iclasından kənar hər bir
ayrıca prosessual hərəkət barədə protokol
tərtib edilir.
Maddə 271. Protokolun məzmunu
271.1. Protokol məhkəmə iclasının və ya ayrıca prosessual
hərəkətin bütün mühüm anlarını
əks etdirməlidir.[370]
271.2. Məhkəmə
iclasının protokolunda aşağıdakılar
göstərilir:
271.2.1. məhkəmə
iclasının ili, ayı, günü və yeri;
271.2.2. məhkəmə
iclasının başlanma və qurtarma vaxtı;
271.2.3. işə baxan
məhkəmənin adı, hakim, məhkəmənin
tərkibi və məhkəmə iclasının katibi;
271.2.4. işin adı;
271.2.5. işdə iştirak
edən şəxslərin, nümayəndələrin, vəkillərin, şahidlərin,
ekspertlərin, mütəxəssislərin,
tərcüməçilərin gəlməsi haqqında
məlumatlar;[371]
271.2.6. işdə iştirak
edən şəxslərin anket məlumatları (doğum
tarixi, iş və yaşayış yeri);
271.2.7. işdə iştirak
edən şəxslərə, nümayəndələrə,
habelə tərcüməçiyə, ekspertlərə,
mütəxəssislərə onların prosessual hüquq
və vəzifələrinin bildirilməsinə və ya elan edilməsinə dair
məlumatlar;[372]
271.2.8. sədrlik edənin
sərəncamları və iclas zalından çıxmadan
məhkəmə tərəfindən
çıxarılmış qərardadlar;
271.2.9. işdə iştirak
edən şəxslərin, nümayəndələrin və vəkillərin ərizələri,
vəsatətləri və izahatları;[373]
271.2.10. şahidlərin
ifadələri, ekspertlərin öz rəyləri
barədə şifahi izahatları,
mütəxəssislərin izahları;
271.2.11. yazılı
sübutların elan edilməsinə dair məlumatlar, maddi
sübutların müayinəsinə, səs
yazılarının dinlənilməsinə, videoyazılara
baxılmasına dair məlumatlar;
271.2.12. dövlət
orqanlarının və yerli özünüidarə
orqanlarının nümayəndələrinin rəyləri;
271.2.13. məhkəmə
çıxışlarının məzmunu;
271.2.14. qətnamənin və
qərardadların elan edilməsi və məzmununun izah
edilməsi, şikayət vermə qaydasının və
müddətlərinin izah edilməsi haqqında məlumatlar;
271.2.15. işdə iştirak
edən şəxslərə protokolla tanış olmaq və
ona dair qeydlər vermək hüquqlarının izah
olunmasına dair məlumatlar;
271.2.16. protokolun tərtib olunma
tarixi.
271.3. Bu Məcəllə
ilə nəzərdə tutulmuş hallarda
məhkəmənin mülahizəsinə əsasən
protokolu tərəflər imzalaya bilərlər.
Maddə 272. Protokolun tərtib olunması
272.1. Protokolun tərtib
edilməsinə məhkəmə katibi cəlb olunur.
Məhkəmə katibin cəlb olunmasından imtina edə
bilər. Protokolu hakim özü, məhkəmə
iclasında sədrlik edən və ya işə baxan
məhkəmə tərkibinin digər hakimi tərtib edə
bilər. Bu zaman onlar kompüterdən və ya digər
köməkçi vasitələrdən istifadə edə
bilərlər.
272.2. Bu Məcəllənin
272.1.-ci maddəsi məhkəmə iclasından kənar
məhkəmənin qəbul etdiyi prosessual
hərəkətlərə də şamil olunur.[374]
272.3. Protokol asan oxunan
yazılı formada tərtib olunmalıdır.
272.4. Protokolun tərtib
olunmasının tamlığını təmin etmək
üçün məhkəmə səsyazma
vasitələrindən istifadə edə bilər.
272.4-1. Kommersiya
mübahisələri üzrə, həmçinin
“Elektron məhkəmə” informasiya sisteminin tətbiq
olunduğu məhkəmələrdə məhkəmə
iclaslarının fasiləsiz video-audio yazısı aparılır.
Məhkəmə iclasında sədrlik edən
tərəfləri və işdə iştirak edən
digər şəxsləri bu barədə xəbərdar edir.
Məhkəmə iclasının video-audio yazısına dair
məlumat məhkəmə iclasının protokolunda
göstərilir və həmin yazı maddi
daşıyıcıda protokola əlavə olunur. İşdə
iştirak edən şəxslər məhkəmə
iclasının video-audio yazısı ilə tanış olmaq
hüququna malikdirlər.[375]
272.5. İşdə iştirak
edən şəxslər və nümayəndələr
protokolun hər hansı hissəsinin elan edilməsinə,
iş üçün əhəmiyyətli hesab etdikləri
hallar barədə məlumatların protokolda qeyd
edilməsinə dair vəsatətlər verə
bilərlər.
272.6. Hərəkət və ya
mülahizələr mübahisəyə aid olmadıqda
məhkəmə onları protokola qeyd etməkdən imtina
edə bilər. Bu məsələ ilə əlaqədar
məhkəmənin qərarı barəsində
mübahisə edilə bilməz, o, protokola qeyd edilməlidir.
272.7. Protokol məhkəmə
iclası qurtardıqdan sonra 10 gündən gec olmayaraq,
ayrıca prosessual hərəkətlər barədə protokol
isə onun edildiyindən sonrakı gündən gec olmayaraq
tərtib edilməli və imzalanmalıdır.
272.8. Protokol hakim
tərəfindən tərtib edildiyi halda onun
tərəfindən, katib tərəfindən tərtib
edildikdə isə hakim və ya işə kollegial
baxıldığı halda sədrlik edən və katib
tərəfindən imzalanmalıdır. Protokolda
dəyişikliklər, əlavələr və
düzəlişlər əvvəlcədən
razılaşdırılmalı və onların imzaları
ilə təsdiq edilməlidir.
Maddə 273. Protokola dair qeydlər
İşdə iştirak
edən şəxslər və nümayəndələr, həmçinin vəkillər protokolla tanış olmağa
haqlıdırlar və onun imzalandığı andan 3 gün
ərzində onda yol verilmiş yanlışlıqları
və ya natamamlığı göstərməklə protokol
barədə yazılı qeydlər təqdim edə
bilərlər.[376]
Maddə 274. Protokola dair qeydlərə baxılması
274.1. Protokola dair qeydlərə
onu imzalamış hakim və ya iş üzrə sədrlik
edən baxır, qeydlərlə razılaşarsa, onların
düzgünlüyünü təsdiq edir, razılaşmadıqda
isə onların tamamilə və ya qismən rədd
edilməsinə dair əsaslı qərardad
çıxarır. Hər bir halda qeydlər işə
əlavə edilir.
274.2. Protokola dair qeydlərə
onların verilməsindən 3 gündən gec olmayaraq
baxılmalıdır.
274.3. Zəruri hallarda protokola
dair qeydlər vermiş şəxslər və ya işdə
iştirak edən şəxslər və prosesin digər
iştirakçıları məhkəmə iclasına
çağırılırlar.
Fəsil 23
Əmr
icraatı
Maddə 275. Məhkəmə əmri
275.1. Müəyyən pul
məbləğinin ödənilməsi tələbləri
və ya əmlakın tələb edilməsi üzrə
işlərə baxılmasının bu fəslə uyğun
olaraq sadələşdirilmiş qaydasına yol verilir.
275.2. Bu işlər üzrə
hakimin aktı məhkəmə əmri formasında
çıxarılır və bu akt icra sənədi hesab
edilir.
Maddə 276. Məhkəmə əmri verilə
bilən tələblərin əsasları
276.1. Kreditorun tələbi
aşkardırsa və ya həmin tələb borclunun
barəsində mübahisə edilməyən
vəzifəsinə əsaslanırsa, bu hallarda
məhkəmə əmri verilə bilər.
276.2. Məhkəmə əmri
aşağıdakı hallarda verilə bilər:
276.2.1. tələb notariat
qaydasında təsdiq edilmiş əqdə əsaslanırsa;
276.2.2. tələb sadə
yazılı formada bağlanmış əqdə (lisenziyalaşdırılan
telekommunikasiya xidmətlərinin göstərilməsi ilə
bağlı müqavilələr, kredit təşkilatları
ilə bağlanmış kredit müqavilələri və
məişətdə istehlak edilmiş təbii qaz, su, elektrik
və ya istilik enerjisinin haqqının ödənilməsi
barədə tələblər istisna olmaqla) əsaslanırsa;[377]
276.2.3. tələb
ödənilməmiş, aksept olunmamış və ya aksept
tarixi qoyulmamış veksellərə dair notarius
tərəfindən verilmiş protestə əsaslanırsa;
276.2.4. tələb alimentin
alınması, o cümlədən atalığın
müəyyən edilməsi və ya üçüncü
şəxslərin cəlb edilməsi ilə bağlı
olmadan yetkinlik yaşına çatmayan şəxslərə
alimentin alınması haqqında verilmişdirsə;
276.2.5. tələb
hesablanmış, lakin işçiyə
ödənilməmiş əmək haqqı barəsində
verilmişdirsə;
276.2.6. tələb polis
orqanları tərəfindən cavabdehin və ya borclunun
axtarışı üzrə xərclərin alınması
haqqında verilmişdirsə;
276.2.7. tələb fiziki
şəxslərdən vergilər və dövlət
məcburi sığortası üzrə qalığın
alınması haqqında verilmişdirsə.
276.2.8. tələb məişətdə istehlak
edilmiş təbii qaz, su, elektrik və ya istilik enerjisinin
haqqının ödənilməsi barəsində
verilmişdirsə.[378]
Maddə 277. Ərizənin verilməsi
277.1. Məhkəmə əmri
haqqında ərizə bu Məcəllənin 4-cü
fəslində müəyyən edilmiş ümumi aidiyyət
qaydalarına əsasən verilir.
277.2. Məhkəmə əmri haqqında
ərizənin verilməsi üçün on manat
dövlət rüsumu ödənilir.[379]
Maddə 278. Ərizənin forması və məzmunu
278.1. Məhkəməyə
ərizə yazılı formada verilir.
278.2. Ərizədə
aşağıdakılar göstərilməlidir:
278.2.1. ərizənin verildiyi
məhkəmənin adı;
278.2.2. kreditor haqqında
məlumatlar: soyadı, adı, atasının adı,
yaşayış yeri və ya olduğu yer (həm faktiki, həm də rəsmi
qeydə alındığı ünvanı), olduğu halda –
iş yerinin ünvanı, telefon nömrələri, o
cümlədən mobil telefon nömrələri, elektron
poçt ünvanı, həmin şəxslərin
eyniləşdirmə məlumatları (şəxsiyyət
vəsiqəsinin və ya VÖEN nömrəsi,
əcnəbilərin və vətəndaşlığı
olmayan şəxslərin, xarici hüquqi şəxslərin
və ya onların nümayəndəsinin
eyniləşdirmə məlumatları);
278.2.3. borclu haqqında
məlumatlar: soyadı, adı, atasının adı, iş
yeri, yaşayış yeri və ya olduğu yer (həm faktiki, həm də rəsmi
qeydə alındığı ünvanı), olduğu halda –
iş yerinin ünvanı, telefon nömrələri, o
cümlədən mobil telefon nömrələri, elektron
poçt ünvanı, həmin şəxslərin
eyniləşdirmə məlumatları (şəxsiyyət
vəsiqəsinin və ya VÖEN nömrəsi,
əcnəbilərin və vətəndaşlığı
olmayan şəxslərin, xarici hüquqi şəxslərin
və ya onların nümayəndəsinin
eyniləşdirmə məlumatları);[380]
278.2.4. kreditorun tələbi
və onun əsaslandığı hallar;
278.2.5. tələbin
əsaslığını təsdiq edən
sənədlər;
278.2.6. əlavə edilən
sənədlərin siyahısı.
278.3. Ərizə kreditor və
ya onun nümayəndəsi tərəfindən imzalanır.
Nümayəndə tərəfindən verilən
ərizəyə onun səlahiyyətlərini təsdiq edən
sənəd və kreditorun əsaslandığı
sənədlər əlavə edilməlidir.
278.4. Ərizənin bu
Məcəllənin 278.1-ci və 278.2-ci maddələri
ilə müəyyən olunmuş formasına və
məzmununa riayət edilmədikdə, yaxud bu
Məcəllənin 152.1.2-152.1.9-cu maddələrində
müəyyən edilmiş əsaslar olduqda hakim
ərizəni və ona əlavə olunmuş
sənədləri geri qaytarır. Ərizənin
qaytarılması həmin nöqsanlar aradan
qaldırıldıqdan sonra əmr icraatı qaydasında
yenidən məhkəməyə müraciət etməyə
mane olmur.[381]
Maddə 279. Baxılmanın
sadələşdirilmiş qaydasının yolverilməzliyi
279.1. Məhkəmə,
məhkəmə əmrinin verilməsi haqqında
ərizənin qəbul olunmasından bu Məcəllənin
153-cü maddəsi ilə müəyyən edilmiş
əsaslar olduqda imtina edir.
279.2. Bundan başqa,
aşağıdakı hallar da imtina üçün
əsasdır:
279.2.1. verilmiş tələb
bu Məcəllənin 276-cı maddəsi ilə
nəzərdə tutulmamışdırsa;
279.2.2. verilmiş tələbi
təsdiq edən sənədlər təqdim
olunmamışdırsa;
279.2.3. ərizənin
əsaslandığı tələb etmə hüququ
barədə mübahisə vardırsa.
279.3. Ərizə
məhkəməyə daxil olduğu gündən 3 gün
müddətində məhkəmə ərizənin qəbul
edilməsindən imtina haqqında qərardad çıxarır.
Bu qərardaddan şikayət verilə bilməz.
279.4. Məhkəmə
əmrinin verilməsi haqqında ərizənin qəbul
edilməsindən imtina olunması kreditorun həmin
tələb üzrə iddia icraatı qaydasında iddia
verməsinə mane olmur. Bu halda kreditor tərəfindən
ödənilmiş dövlət rüsumu ödənilməli
olan dövlət rüsumuna hesablanır.
Maddə 280. Məhkəmə əmrinin
çıxarılması qaydası
Məhkəmə əmri,
irəli sürülmüş tələb
məhkəməyə daxil olan gündən 3 gün
ərzində, məhkəmə baxışı
keçirilmədən və izahatları dinlənilmək
üçün tərəflər
çağırılmadan çıxarılır.
Maddə 281. Məhkəmə əmrinin məzmunu
281.1. Məhkəmə
əmrində aşağıdakılar
göstərilməlidir:
281.1.1. icraatın nömrəsi
və əmrin çıxarılma tarixi:
281.1.2. məhkəmənin
adı, əmri vermiş hakimin soyadı, adı,
atasının adı;
281.1.3. kreditor və borclu fiziki
şəxsin soyadı, adı, atasının adı, fərdi
identifikasiya nömrəsi (əcnəbilərin və ya
vətəndaşlığı olmayan şəxslərin
müvəqqəti, yaxud daimi yaşamaq üçün
icazə vəsiqələrinin, habelə qaçqın
vəsiqəsinin seriyası və nömrəsi),
yaşayış yeri və olduğu yer, doğum tarixi,
işlədiyi halda borclu fiziki şəxsin iş yeri,
sahibkarlıq fəaliyyəti ilə məşğul olduqda
VÖEN-i, kreditor və borclu hüquqi şəxsin adı,
hüquqi və faktiki ünvanları, VÖEN-i;[382]
281.1.4. tələbin
ödənilməsinin hüquqi əsası;
281.1.5. alınmalı olan pul
məbləği və ya dəyəri
göstərilməklə alınmalı olan əmlak;
281.1.6. dəbbə pulunun
məbləği, əgər onun alınması qanunla və
ya müqavilə ilə nəzərdə tutulmuşdursa;
281.1.7. borcludan kreditorun
xeyrinə və ya dövlət büdcəsinə
tutulmalı olan dövlət rüsumunun məbləği.
281.2. Yetkinlik yaşına
çatmayan uşaqlar üçün aliment alınması
haqqında məhkəmə əmrində bu
Məcəllənin 281.1.1-281.1.5-ci maddələrində
nəzərdə tutulmuş məlumatlarla yanaşı: borclunun
anadan olduğu gün və yer, onun iş yeri,
saxlanmaları üçün aliment müəyyən
edilən hər bir uşağın adı və anadan
olduğu gün, hər ay borcludan tutulan
ödəmələrin məbləği və onların
tutulma müddəti göstərilir.[383]
281.3. Məhkəmə əmri
hakim tərəfindən imzalanır və 3 gün
müddətində onun surəti təqdimetmə haqqında
bildirişlə borcluya təqdim olunur və ya göndərilir.
281.4. “Elektron məhkəmə”
informasiya sisteminin tətbiq olunduğu
məhkəmələrdə hakim məhkəmə əmrini
elektron imzası ilə təsdiq etməklə 3 (üç)
gün müddətində işdə iştirak edən
şəxslərin “Elektron məhkəmə” informasiya
sistemində yaradılmış elektron kabinetlərində
yerləşdirilməsini təmin edir.[384]
Maddə 282. Etiraz
Borclu məhkəmə
əmrini aldığı gündən 10 gün
müddətində verilmiş tələbə və ya onun
hissəsinə qarşı əmri vermiş
məhkəməni yazılı xəbərdar etməklə
etiraz edə bilər.
Maddə 283. İddia icraatına keçid
Borclunun etirazı vaxtında
verilmişdirsə, hakim əmrin ləğv edilməsi və
işə iddia icraatı qaydasında baxılması
barədə qərardad çıxarır. Həmin qərardaddan
şikayət verilə bilməz.[385]
Maddə 284. Məhkəmə əmrinin icra
edilməsi
284.1. Məhkəmə əmri
qətnamə qüvvəsinə malikdir. Məhkəmə
əmrindən şikayət verilə bilməz.
284.2. Əgər
müəyyən edilmiş müddətdə
məhkəməyə borclunun etirazı daxil olmazsa, hakim
kreditora dərhal məhkəmənin möhürü ilə
təsdiq edilmiş icrası məcburi olan məhkəmə
əmrinin surətini verir.
Fəsil 23-1[386]
Kiçik
iddialara dair işlər üzrə
sadələşdirilmiş icraat
Maddə 284-1. Kiçik iddialara dair işlər
üzrə sadələşdirilmiş icraat
Mülki işlər üzrə
iddianın qiyməti beş min manatdan, kommersiya
mübahisələrinə dair işlər üzrə
iddianın qiyməti on min manatdan az olan iddialar (kiçik
iddialar) üzrə işlərə bu fəslə uyğun
olaraq sadələşdirilmiş qaydada baxılmasına yol
verilir.[387]
Maddə 284-2. Ərizənin verilməsi
Kiçik iddialara dair işlərdə
ərizə bu Məcəllənin 4-cü fəslində
müəyyən edilmiş ümumi aidiyyət qaydalarına
əsasən verilir.
Maddə 284-3. Ərizənin forması və
məzmunu
284-3.1. Ərizə
məhkəməyə ümumi qaydada verilir. “Elektron
məhkəmə” informasiya sisteminin tətbiq olunduğu
məhkəmələrdə ərizə həmin sistemdə
qeydiyyatdan keçmiş mülki işlər üzrə
işdə iştirak edən şəxslər, habelə kommersiya mübahisələri
üzrə işdə iştirak edən şəxslər
tərəfindən “Elektron məhkəmə” informasiya
sistemində yaradılmış elektron kabinet vasitəsilə
göndərilir.
284-3.2. Ərizədə
aşağıdakılar göstərilməlidir:
284-3.2.1. ərizənin verildiyi
məhkəmənin adı;
284-3.2.2. iddiaçının, onun
nümayəndəsinin (əgər ərizəni
nümayəndə verirsə), cavabdehin soyadı, adı,
atasının adı, yaşayış yeri (həm faktiki,
həm də rəsmi qeydə alındığı
ünvanı), olduğu halda – iş yerinin ünvanı,
telefon nömrələri, o cümlədən mobil telefon
nömrələri, elektron poçt ünvanı, həmin
şəxslərin eyniləşdirmə məlumatları
(şəxsiyyət vəsiqəsinin seriya nömrəsi
və ya VÖEN, əcnəbilərin və vətəndaşlığı
olmayan şəxslərin, xarici hüquqi şəxslərin
və ya onların nümayəndəsinin
eyniləşdirmə məlumatları);[388]
284-3.2.3. iddiaçının
tələbi və onun əsaslandığı hallar;
284-3.2.4. tələbin
əsaslığını təsdiq edən
sənədlər, əmlakın verilməsi
tələbləri üzrə tələb olunan
əmlakın dəyərinə dair sübutlar;[389]
284-3.2.5. əlavə edilən
sənədlərin siyahısı.
284-3.3. Ərizə ümumi qaydada
verildikdə, iddiaçı və ya onun nümayəndəsi
tərəfindən imzalanır və iddiaçının
əsaslandığı sənədlər ona əlavə
edilir. Nümayəndə tərəfindən verilən
ərizəyə onun səlahiyyətlərini təsdiq
edən sənəd də əlavə edilməlidir.
284-3.4. Ərizə “Elektron
məhkəmə” informasiya sistemində yaradılmış
elektron kabinet vasitəsilə göndərildikdə
iddiaçının və ya onun nümayəndəsinin elektron
imzası ilə təsdiq olunur. Ərizəyə əlavə
edilən sənədlər “Elektron imza və elektron
sənəd haqqında” Azərbaycan Respublikasının
Qanununda nəzərdə tutulmuş qaydada elektron sənəd
formasında təqdim edilir.
284-3.5. Ərizənin bu
Məcəllənin 284-3.1-ci və 284-3.2-ci maddələri
ilə müəyyən olunmuş formasına və
məzmununa riayət edilmədikdə, yaxud bu Məcəllənin
152.1.2-152.1.9-cu maddələrində müəyyən
edilmiş əsaslar olduqda hakim iddia ərizəsini və ona
əlavə olunmuş sənədləri geri qaytarır.
Ərizənin qaytarılması həmin nöqsanlar aradan
qaldırıldıqdan sonra kiçik iddialar üzrə
sadələşdirilmiş icraat qaydasında yenidən
məhkəməyə müraciət etməyə mane olmur.[390]
Maddə 284-4. İşə baxılmasının
sadələşdirilmiş qaydasının yolverilməzliyi
284-4.1. Məhkəmə kiçik
iddialara dair işlərə sadələşdirilmiş
qaydada baxılması ilə əlaqədar ərizənin
qəbul olunmasından aşağıdakı hallarda imtina
edir:
284-4.1.1. bu Məcəllənin 153.2-ci
maddəsində nəzərdə tutulmuş hallar
müəyyən edilmişdirsə;
284-4.1.2. verilmiş tələb bu
Məcəllənin 284-1-ci maddəsinə uyğun
deyildirsə;
284-4.1.3. verilmiş tələbi
təsdiq edən sənədlər təqdim
olunmamışdırsa.
284-4.1.4.
ərizənin əsaslandığı tələbetmə
hüququ barədə mübahisə vardırsa.[391]
284-4.2. Bu Məcəllənin 284-4.1-ci
maddəsində nəzərdə tutulmuş hallarda
məhkəmə ərizənin daxil olduğu gündən 5
(beş) iş günü müddətində onun qəbul
edilməsindən imtina haqqında
əsaslandırılmış qərardad
çıxarır. Məhkəmə bu müddət
ərzində ərizəni qəbul etməkdən imtina
etməyibsə, o, qəbul edilmiş sayılır.
Ərizəni qəbul etməkdən imtina barədə
qərardaddan şikayət verilə bilməz.
284-4.3. Ərizənin qəbul
edilməsindən imtina olunması iddiaçının
həmin tələb üzrə iddia icraatı qaydasında
iddia verməsinə mane olmur. Bu halda iddiaçı
tərəfindən ödənilmiş dövlət rüsumu
ödənilməli olan dövlət rüsumuna hesablanır.
Maddə 284-5. Ərizəyə baxılması
qaydası
284-5.1. Ərizənin qəbulundan imtina
olunmamışdırsa, onun məhkəməyə daxil
olduğu vaxtdan 5 (beş) iş günü ərzində
işə baxan hakim cavabdehə rəsmi qaydada bildiriş
göndərir. Bildirişdə iddiaçının
tələbinə dair cavabdehin
əsaslandırılmış etirazının olduğu halda
öz dəlillərini və onları təsdiq edən
sənədləri təqdim etməli olduğu qeyd edilir.
284-5.2. Cavabdeh bildirişi rəsmi qaydada
aldığı gündən 10 (on) iş günü
müddətində iddiaya qarşı
əsaslandırılmış etirazını və ona
əlavə olunmuş sənədləri, elektron qaydada
verildikdə isə elektron imza ilə təsdiq edilmiş
etirazını və ona əlavə olunmuş, “Elektron imza
və elektron sənəd haqqında” Azərbaycan
Respublikasının Qanununda nəzərdə tutulmuş
qaydada elektron sənəd formasında tərtib edilmiş
sənədləri məhkəməyə göndərə
bilər.
284-5.3. Ərizə
məhkəməyə daxil olduğu gündən 30 (otuz)
iş günü ərzində işə
tərəflərin təqdim etdiyi sənədlər
əsasında, məhkəmə baxışı
keçirilmədən və tərəflər izahatları
dinlənilmək üçün çağırılmadan
baxılmalı və həmin işin həllinə dair
qətnamə çıxarılmalıdır.
284-5.4. Məhkəmə
aşağıdakı hallarda işə iddia icraatı
qaydasında baxılması haqqında
əsaslandırılmış qərardad
çıxarır:[392]
284-5.4.1. qarşılıqlı iddia
verilərsə;
284-5.4.2. üçüncü
şəxsin işə daxil olması barədə
vəsatəti təmin edilərsə;
284-5.4.3. tərəflərin təqdim
etdiyi sənədlər iş üzrə yekun qərarın
çıxarılması üçün kifayət
etmirsə;
284-5.4.4. iş üzrə əlavə
araşdırmanın, o cümlədən sübutların
yerində müayinəsi, tərəfləri
çağıraraq izahatların alınması, yaxud
şahidlərdən ifadələrin və ya
ekspertlərdən rəyin alınması zərurəti
yaranırsa.
284-5.5. Bu Məcəllənin
284-5.4-cü maddəsində nəzərdə tutulan
qərardaddan şikayət verilə bilməz.[393]
Maddə 284-6. Ərizə üzrə
məhkəmə qətnaməsi
284-6.1. İşə mahiyyəti
üzrə baxan hakim tərəfindən iddianın tam və
ya qismən təmin və ya rədd edilməsi haqqında
qətnamə qəbul edilir.[394]
284-6.2. Məhkəmə
qətnaməsindən bu Məcəllə ilə
nəzərdə tutulmuş qaydada apellyasiya şikayəti
verilə bilər.
284-6.3. Kiçik
iddialara dair işlər üzrə
sadələşdirilmiş icraat qaydasında
baxılmış işlər üzrə
çıxarılmış məhkəmə qətnaməsindən
şikayət verilməmişdirsə, qətnamə qəbul
edildiyi gündən 1 (bir) ay keçdikdən sonra qanuni
qüvvəyə minir.[395]
İkinci
yarımbölmə. [396]
Ümumi
hüquqi münasibətlərdən əmələ
gələn işlər üzrə icraat (xüsusi iddia
icraatı)
Ləğv
edilmişdir
Fəsil 24.
Ümumi
müddəalar
Maddə 285. Məhkəmə tərəfindən
baxılan ümumi hüquqi münasibətlərdən
əmələ gələn işlər
285.0. Bu fəsildə
göstərilən qaydada məhkəmə xüsusi iddia
icraatı qaydasında aşağıdakı
işlərə baxır:
285.0.1. seçki
hüquqlarının müdafiəsi barədə
ərizələr üzrə; [397]
285.0.2. müvafiq icra
hakimiyyəti orqanlarının və onların vəzifəli
şəxslərinin inzibati hüquq pozuntuları
barədə qərarlarına dair ərizələr
üzrə;
285.0.3. müvafiq icra
hakimiyyəti və yerli özünüidarə
orqanlarının, sair orqan və təşkilatların,
onların vəzifəli şəxslərinin
qərarlarından və hərəkətlərindən
(hərəkətsizliyindən) olan ərizələr
üzrə;
285.0.4. hərbi vəzifəli
şəxslərin və hərbi idarə orqanlarının
qərarlarından və hərəkətlərindən
(hərəkətsizliyindən) olan ərizələr
üzrə;
285.0.5. normativ aktların
qanuniliyinin mübahisə edilməsi haqqında
ərizələr üzrə.[398]
Maddə 286. Ərizənin verilməsi
286.1. Ərizə bu
Məcəllənin 4-cü fəsli ilə müəyyən
edilmiş ümumi aidiyyət qaydalarına əsasən
verilir.
286.2. Məhkəməyə
ərizənin təqdim edilməsi, məhkəmə
tərəfindən onun qəbul edilməsi və mahiyyəti
üzrə həll edilməsi üçün maraqlı
şəxslərin yuxarı orqanlarına ilkin müraciəti
məcburi şərt deyildir. [399]
286.3. Ərizənin verilmə
müddətinin buraxılması, tənbehin edilmə
müddətinin, habelə qərarın icra müddətinin
ötməsi ərizənin məhkəmə baxışına
qəbul edilməsindən imtina üçün əsas
deyildir.
286.4. Müddətlər,
işin düzgün həlli üçün onların
əhəmiyyəti, ərizənin məzmunundan asılı
olmayaraq, məhkəmə tərəfindən yoxlanılır.
286.5. İddia ərizəsinin
məzmunu və ona əlavə edilən sənədlər bu
Məcəllənin 149 və 150-ci maddələri ilə
nəzərdə tutulmuş tələblərə cavab
verməlidir. Ərizədə əmlak tələbləri,
şikayət olunan aktın, hərəkətin
(hərəkətsizliyin) əsası göstərilə
bilər.
Maddə 287. Sübut etmə vəzifəsi
Dövlət hakimiyyəti
və yerli özünüidarə orqanlarının,
habelə başqa orqanların aktlarının və
qərarlarının qəbul edilməsi üçün
əsas olmuş halları sübut etmək vəzifəsi
aktı və ya qərarı qəbul etmiş orqanın
üzərinə düşür.
Maddə 288. İşlərə baxılması
və həll edilməsi qaydası
Məhkəmə
tərəfindən ümumi hüquq
münasibətlərindən əmələ gələn
işlər bu Məcəllənin 24—29-cu fəsilləri
və digər qanunlarla müəyyən edilmiş
xüsusiyyətlər nəzərə alınmaqla, ümumi
iddia icraatı qaydasında baxılır və həll edilir.
Maddə 289. Şikayət etmə qaydası
Bu Məcəllənin 24-29-cu
fəsillərinə müvafiq olaraq qəbul edilmiş
məhkəmə aktlarından (qətnamələrindən,
qərardadlarından) bu Məcəllə ilə müəyyən
edilmiş qaydada şikayət verilir.[400]
Fəsil 25
Seçki
hüquqlarının müdafiəsi haqqında
ərizələrə dair İcraat[401]
Maddə 290. Seçki (referendumda
iştirak)
hüquqlarının müdafiəsi haqqında
ərizələrin verilməsi [402]
Seçki
(referendumda iştirak) hüquqlarının
müdafiəsinə dair ərizələr apellyasiya
instansiyası məhkəmələrinə Azərbaycan
Respublikasının Seçki Məcəlləsi ilə
müəyyən edilmiş qaydada verilir. [403]
Maddə 291. Seçki (referendumda
iştirak)
hüquqlarının müdafiəsi haqqında
ərizələrə baxılması [404]
291.1. Seçki (referendumda iştirak)
hüquqlarının müdafiəsinə dair işlər
üzrə daxil olmuş ərizələrə
məhkəmə tərəfindən 3 gün müddətinə
(seçkilər günü və həmin gündən sonra
daxil olmuş ərizələrə isə - dәrhal)
baxılır.
291.2. Məhkəmə tərəfindən
ərizəyə ərizəçinin, müvafiq seçki
komissiyasının və ya digər maraqlı
şəxslərin iştirakı ilə baxılır.
Məhkəmə iclasının vaxtı və yeri
haqqında lazımi qaydada xəbərdar edilmiş
göstərilən şəxslərin
məhkəməyə gəlməməsi işə
baxılmasına və onun həll edilməsinə mane olmur.
291.3. Ərizəyə baxılması
üzrə məhkəmənin çıxardığı
qətnamə dərhal icra edilməlidir. [405]
Maddə 292. Məhkəmənin qərarından
şikayət verilməsi
Məhkəmənin qərarından yuxarı
instansiya məhkəməsinə 3 gün müddətində
bu Məcəllə ilə müəyyən edilmiş qaydada
şikayət verilə bilər. Bu şikayətə 3 gün
müddətində (seçki günü və həmin
gündən sonra daxil olmuş ərizələrə isə
- dərhal) baxılır və məhkəmənin qəbul
etdiyi qərar qətidir. [406]
Fəsil 26[407]
Müvafiq icra
hakimiyyəti orqanlarının və onların vəzifəli
şəxslərinin inzibati hüquqpozmalar haqqında
qərarları ilə əlaqədar
mübahisələrə dair işlər üzrə icraat Ləğv edilmişdir[408]
Maddə 293. Ərizənin verilməsi
293.1. İnzibati
məsuliyyətə cəlb edilmiş hər hansı
şəxs inzibati hüquqpozmalar haqqında işlərə
baxmağa səlahiyyəti olan orqanın (inzibati orqanın)
və ya vəzifəli şəxsin tənbeh edilməsi
barədə qərarı ilə əlaqədar
məhkəmədə mübahisə qaldıra bilər. [409]
293.2. İnzibati hüquqpozmadan
zərər çəkmiş şəxsin də inzibati
tənbeh barədə qərardan məhkəmədə
şikayət etmək hüququ vardır. [410]
293.3. Ərizə şəxsin
yaşayış yeri üzrə məhkəməyə,
inzibati tənbehin verilməsi barədə qərarın
surətinin təqdim edildiyi və ya onun şəxsə elan
edildiyi gündən 10 gün müddətində verilir.
293.4. Ərizədə bu
Məcəllənin 149-cu maddəsində nəzərdə
tutulmuş məlumatlar, habelə konkret olaraq hansı
qərardan şikayət edildiyi barədə məlumatlar, onun
çıxarıldığı, surətinin təqdim
edildiyi və ya şəxsə elan edildiyi tarix
göstərilməlidir.
293.5. Ərizənin
məhkəməyə verilməsi inzibati tənbeh haqqında
qərarın icrasını dayandırır.
293.6. Ərizənin
məhkəməyə verilməsi, məhkəmə
tərəfindən onun qəbul edilməsi və
baxılması üçün maraqlı şəxsin tabelik
qaydasında yuxarı orqanlara və ya yuxarı vəzifəli
şəxsə ilkin müraciəti məcburi şərt
deyildir.
Maddə 294. Ərizəyə baxılması
294.1. Ərizəyə
məhkəmə tərəfindən 10 gün
müddətində baxılır. Ərizə vermiş
şəxs, habelə hərəkətindən
(hərəkətsizliyindən) şikayət edilən inzibati
hüquqpozmalar haqqında işlərə baxmağa
səlahiyyəti olan orqan və ya vəzifəli şəxs
məhkəmə iclasının vaxtı və yeri
barədə məhkəmə tərəfindən
xəbərdar edilir, lakin onların gəlməməsi
işə baxılması və onun həlli üçün
maneə deyildir. [411]
294.2. İşə baxarkən
məhkəmə inzibati tənbeh barədə qərarın
qanuniliyini və əsaslılığını yoxlayır
və müəyyən edir: qərar qanun əsasında
və səlahiyyətli orqan və ya vəzifəli
şəxs tərəfindən qəbul edilmişdirmi;
şəxsin inzibati məsuliyyətə cəlb edilməsinin
və ya onun üzərinə qoyulmuş vəzifələrin
yerinə yetirilməsinin müəyyən edilmiş
qaydalarına əməl edilmişdirmi; şəxs
qanunvericiliyə müvafiq olaraq məsuliyyətə
səbəb olan inzibati hüquq pozuntusu törətmişdirmi
və o, bu pozuntunun törədilməsində
təqsirkardırmı. [412]
Maddə 295. Məhkəmənin qətnaməsi
295.1. Məhkəmə inzibati
hüquqpozma tərkibi və hadisəsi olmadığına
görə, habelə İnzibati hüquqpozmalar haqqında
Azərbaycan Respublikası Məcəlləsində sadalanan
inzibati hüquqpozma haqqında iş üzrə icraatı
istisna edən digər hallara görə şəxsin
əsassız inzibati məsuliyyətə cəlb edildiyi
qənaətinə gələrsə, məhkəmə
qərarın ləğv edilməsi və inzibati
hüquqpozmalar haqqında işə xitam verilməsi
barədə qətnamə çıxarır. [413]
295.2. Məhkəmə,
törədilmiş inzibati hüquqpozmanın xarakterini,
hüquqpozanın şəxsiyyətini, onun təqsirlik
dərəcəsini, əmlak vəziyyətini, məsuliyyəti
yungülləşdirən digər halları
nəzərə alaraq tənbeh tədbirini dəyişə
bilər. [414]
295.3. Məhkəmə inzibati
tənbehi gücləndirə bilməz.
295.4. Məhkəmə inzibati orqanın
və ya vəzifəli şəxsin inzibati tənbehin
tətbiqi üzrə hərəkətlərinin qanuni və
əsaslı olduğunu müəyyən edərsə,
qərarı dəyişiklik etmədən, ərizəni
isə təmin etmədən saxlayır.
295.5. Məhkəmə inzibati
hüquqpozma haqqında iş üzrə qərarın inzibati
orqan və ya vəzifəli şəxs tərəfindən
onların səlahiyyətlərinin aşması ilə
çıxarıldığını müəyyən
edərsə, qərarı ləğv edir və inzibati
tənbehin müddəti keçməmişsə, işi
baxılmaq üçün yuxarı orqana və ya
vəzifəli şəxsə göndərir, yaxud inzibati
tənbehi tətbiq etmə müddəti
ötmüşsə, iş üzrə icraata xitam verir. [415]
Fəsil 27
Maddə
296. Ərizənin
verilməsi
296.1.
Maraqlı şəxs müvafiq icra hakimiyyəti
orqanının və yerli özünüidarə
orqanının, sair orqan və təşkilatların,
onların vəzifəli şəxslərinin qərarı,
hərəkəti (hərəkətsizliyi) ilə
əlaqədar mübahisə qaldıra bilər.
296.2.
Yuxarı orqanlara və vəzifəli şəxslərə
ilkin müraciət ərizənin məhkəməyə
təqdim edilməsi, onun məhkəmə
tərəfindən qəbul edilməsi və mahiyyəti
üzrə həll edilməsi üçün məcburi
şərt deyildir.
296.3.
Ərizə bu Məcəllənin 4-cü fəsli ilə
müəyyən edilmiş aidiyyət üzrə
məhkəməyə verilir. Baxılması rayon
məhkəməsinə aid olan ərizə fiziki şəxs
tərəfindən onun yaşayış yeri üzrə
məhkəməyə, yaxud hərəkətindən
şikayət edilən orqanın, təşkilatın, vəzifəli
şəxsin yerləşdiyi yerin məhkəməsinə
verilir.
Maddə 297. Müvafiq icra hakimiyyəti orqanlarının, yerli
özünüidarə orqanlarının, sair orqan və
təşkilatların, onların vəzifəli
şəxslərinin məhkəmədə baxılmalı
olan qərarları və hərəkətləri
(hərəkətsizliyi)
297.1.
Müvafiq icra hakimiyyəti orqanlarının, yerli
özünüidarə orqanlarının, sair orqan və
təşkilatların, onların vəzifəli
şəxslərinin məhkəmədə mübahisə
edilən qərarlarına, hərəkətlərinə
(hərəkətsizliyinə) elə kollegial və
təkbaşına qərarlar, hərəkətlər
(hərəkətsizlik) aiddir ki, onların
nəticəsində:
297.1.1.
şəxsin hüquq və azadlıqları pozulmuş olsun;
297.1.2.
şəxsin hüquq və azadlıqlarını həyata
keçirməyə maneçilik yaransın;
297.1.3.
şəxsin üzərinə qanunsuz olaraq hər hansı
vəzifə qoyulmuş olsun və ya o, qanunsuz olaraq
məsuliyyətə cəlb edilsin.
297.2.
Göstərilən orqanların, təşkilatların,
onların vəzifəli şəxslərinin
aşağıdakı qərar və
hərəkətlərindən (hərəkətsizliyindən)
bu fəslə uyğun olaraq məhkəməyə
şikayət verilə bilməz:
297.2.1.
Azərbaycan Respublikasının Konstitusiyasına uyğun
olaraq yoxlanılması Azərbaycan Respublikası Konstitusiya
Məhkəməsinin müstəsna səlahiyyətinə aid
olan fərdi və normativ hüquqi aktlar;
297.2.2.
qanunla məhkəmə qaydasında onlardan şikayət
etmənin başqa qaydası nəzərdə tutulan fərdi
və normativ hüquqi aktlar.
Maddə
298. Ərizə
ilə məhkəməyə müraciət etmək
üçün müddət
Şəxs
özünün hüquq və azadlığının
pozulduğu barədə ona məlum olan gündən qanunda
başqa müddət müəyyən edilməyibsə 1 ay
müddətində ərizə ilə
məhkəməyə müraciət etmək hüququna
malikdir. [416]
Maddə 299.
Ərizəyə baxılması
299.1.
Ərizəyə məhkəmə tərəfindən 1 ay
müddətində şəxsin qərar və
hərəkətindən (hərəkətsizliyindən)
şikayət edilən müvafiq icra hakimiyyəti və ya
yerli özünüidarə orqanlarının, sair orqan və
təşkilatların vəzifəli şəxslərinin
iştirakı ilə baxılır.
299.2.
Məhkəmə iclasının yeri və vaxtı
barədə lazımi qaydada xəbərdar edilmiş
şəxslərdən hər hansı birinin
məhkəmə iclasına gəlməməsi
ərizəyə baxılmasına mane olmur. Lakin hakim
məhkəmə iclasında şəxsin
iştirakını məcburi hesab edə bilər.
Maddə 300. Məhkəmənin qətnaməsi
və onun icrası
300.1.
Hakim ərizəni əsaslı hesab etdikdə müvafiq icra
hakimiyyəti və yerli özünüidarə
orqanlarının, sair orqan və təşkilatların,
onların vəzifəli şəxslərinin yol verdikləri
hüquq və azadlıqların pozulmasına və ya
məhdudlaşdırılmasına dair halların onlar
tərəfindən tamamilə aradan qaldırılması
vəzifələri barədə qətnamə
çıxarır.
300.2.
Mübahisə edilən qərar və
hərəkətlər (hərəkətsizlik)
nəticəsində şəxsin hüquq və ya
azadlığının pozulmadığı müəyyən
edilərsə, hakim ərizəni təmin etməkdən
imtina edir.
300.3.
Məhkəmənin qətnaməsi qərar və
hərəkətindən (hərəkətsizliyindən)
şikayət edilən orqanın rəhbərinə,
vəzifəli şəxsə, yaxud tabelik qaydasında
yuxarı orqana və ya vəzifəli şəxsə
qətnamənin qanuni qüvvəyə minməsindən sonra
3 gün müddətində göndərilir.
300.4.
Qətnamənin icrası barədə onun rəsmi qaydada
verildiyi gündən 1 aydan gec olmayaraq məhkəməyə
və şəxsə məlumat verilməlidir.
Qətnamənin icra edilməməsinə görə
təqsirkar vəzifəli şəxslər Azərbaycan
Respublikasının qanunvericiliyi ilə nəzərdə
tutulmuş məsuliyyət daşıyırlar. [417]
Fəsil 28
Maddə 301. İşə baxılması
Hərbi
vəzifəli şəxslərin və hərbi idarə
orqanlarının qərarları və
hərəkətləri (hərəkətsizliyi) ilə
əlaqədar mübahisələrdən yaranan
işlərə bu Məcəllənin 27-ci fəslində
müəyyən edilmiş qaydada baxılır.
Fəsil 29
Maddə
302. Ərizənin
verilməsi
302.1.
Müvafiq icra hakimiyyəti orqanının, sair dövlət
orqanlarının və ya vəzifəli şəxsin qanunla
nəzərdə tutulmuş qaydada qüvvəyə minmiş
normativ xarakterli aktı ilə özlərinin Azərbaycan
Respublikasının Konstitusiyası və digər qanunları
ilə təsbit və təmin edilmiş hüquq və
azadlıqlarının pozulduğunu hesab edən, normativ
aktın qüvvəsi şamil olunan şəxslər
həmin aktın və ya onun ayrıca hissəsinin qanuna zidd
hesab edilməsi barədə ərizə ilə məhkəməyə
müraciət etmək hüququna malikdir. [419]
302.2.
Yoxlanılması Azərbaycan Respublikası Konstitusiya
Məhkəməsinin müstəsna səlahiyyətinə aid
edilmiş normativ aktların qanuniliyinin yoxlanılması
barədə ərizələrə məhkəmələrdə
baxıla bilməz.
302.3.
Ərizə bu Məcəllənin 4-cü fəsli ilə
müəyyən edilmiş aidiyyət üzrə verilir.
302.4.
Şəxsin ərizəsi bu Məcəllənin 149-cu
maddəsində nəzərdə tutulmuş
tələblərə uyğun olmalı, ərizədə
normativ xarakterli aktı qəbul etmiş müvafiq icra
hakimiyyəti orqanının, sair dövlət
orqanlarının və ya vəzifəli şəxsin adı,
aktın qəbul edildiyi tarix, həmin aktla və ya onun
ayrı-ayrı müddəaları ilə şəxsin, yaxud
şəxslərin qeyri-müəyyən dairəsinin
hansı konkret hüquq və azadlıqlarının
pozulduğu, mübahisəyə çıxarılan aktın
Azərbaycan Respublikası Konstitusiyasının və
digər qanunlarının hansı maddələrinə zidd
olduğu barədə məlumatlar göstərilməlidir. [420]
302.5.
Ərizəyə mübahisə olunan aktın və ya onun
hissəsinin surəti əlavə edilir. [421]
302.6. Ərizənin
məhkəməyə verilməsi normativ xarakterli aktın
qüvvəsini dayandırmır. [422]
302.7.
Müvafiq icra hakimiyyəti orqanının, sair dövlət
orqanının və ya vəzifəli şəxsin,
qüvvəsi şəxslərin qeyri-müəyyən
dairəsinə şamil edilən normativ xarakterli
aktının qanuniliyinin yoxlanılması barədə qanuni
qüvvəyə minmiş məhkəmə qətnaməsi
olarsa, məhkəmə ərizəni qəbul etməkdən
imtina
edir. [423]
Maddə
303.
Ərizəyə baxılması
303.1.
Ərizə ilə məhkəməyə müraciət
etmiş şəxs, habelə normativ xarakterli aktı qəbul
etmiş müvafiq icra hakimiyyəti orqanı, sair
dövlət orqanı və ya vəzifəli şəxs
məhkəmə iclasının vaxtı və yeri
barədə xəbərdar edilirlər. [424]
303.2.
İşə ərizə verilən gündən 1 ay
müddətində şəxsin və ya onun
nümayəndəsinin, normativ xarakterli aktı qəbul
etmiş müvafiq icra hakimiyyəti orqanının, sair
dövlət orqanının nümayəndəsinin və ya
vəzifəli şəxsin məcburi iştirakı ilə
baxılır. Lakin işin hallarından asılı olaraq
məhkəmə işə maraqlı şəxslər
gəlmədikdə də baxa bilər. [425]
303.3.
Məhkəmə iclasında məhkəmə normativ
xarakterli aktı qəbul edən orqanın və ya
vəzifəli şəxsin səlahiyyətini,
bütövlükdə normativ aktın və ya onun bir
hissəsinin Azərbaycan Respublikasının
Konstitusiyasına, digər qanunlara uyğunluğunu
yoxlayır. [426]
303.4.
Normativ xarakterli aktın qanuna zidd hesab edilməsi barədə
ərizəyə baxılarkən həmin aktın qəbul
edilməsi üçün əsas olmuş halları
sübut etmək vəzifəsi aktı qəbul etmiş
müvafiq icra hakimiyyəti orqanının, sair dövlət
orqanının və ya vəzifəli şəxsin
üzərinə düşür.[427]
Maddə
304. Ərizə
üzrə məhkəmənin qətnaməsi
304.1.
Ərizəni əsassız hesab edən hakim onun təmin
edilməməsi barədə qətnamə
çıxarır.
304.2.
Ərizə əsaslı hesab edildikdə hakim
qətnamənin nəticə hissəsində qeyd
etməklə, normativ xarakterli aktı bütövlükdə
və ya qismən, onun qəbul edildiyi gündən
qüvvədən düşmüş hesab edir. [428]
304.3.
Ərizə təmin edildiyi halda hakim qətnamənin
nəticə hissəsində göstərməlidir ki,
qüvvədən düşmüş hesab edilmiş normativ
xarakterli aktı dərc etmiş kütləvi informasiya
vasitəsi redaksiyası, məhkəmənin təyin etdiyi
müddət ərzində məhkəmənin qanuni
qüvvəyə minmiş qətnaməsi barədə
məlumat dərc etməyə borcludur. [429]
304.4.
Normativ xarakterli aktın bütövlükdə və ya
qismən qüvvədən düşmüş hesab
edilməsi barədə məhkəmənin qətnaməsi
normativ xarakterli aktı qəbul etmiş müvafiq icra
hakimiyyəti orqanı, sair dövlət orqanı və ya
vəzifəli şəxs üçün, habelə
vətəndaş və ya dairəsi qeyri-müəyyən
olan və mübahisə olunan normativ aktın qüvvəsi
hüquq və vəzifələrinə şamil olunan
şəxslər üçün məcburidir. Həmin
qətnamə preyudisial qüvvəyə malikdir və
digər şəxslər tərəfindən normativ xarakterli
aktın qanuniliyi aktın yalnız məhkəmə yoxlamasının
obyekti olmayan hissəsi üzrə yenidən mübahisə
edilə bilər. [430]
Üçüncü
yarımbölmə
Xüsusi icraat
Fəsil 30
Ümumi
müddəalar
Maddə 305. Məhkəmənin xüsusi icraat
qaydasında baxdığı işlər
305.1. Məhkəmə
xüsusi icraat qaydasında aşağıdakı
işlərə baxır:
305.1.1. hüquqi
əhəmiyyəti olan faktların müəyyən
edilməsi haqqında;
305.1.2. şəxsin
xəbərsiz itkin düşmüş hesab edilməsi və
ya şəxsin ölmüş elan edilməsi haqqında;
305.1.3. şəxsin məhdud
fəaliyyət qabiliyyətli və ya fəaliyyət
qabiliyyəti olmayan hesab edilməsi haqqında;
305.1.4. daşınar
əşyanın sahibsiz hesab edilməsi və daşınmaz
əşya üzərində dövlət mülkiyyəti
hüququnun tanınması haqqında;
305.1.5. itirilmiş adsız sənədli qiymətli kağızlar üzrə hüquqların
bərpa edilməsi haqqında (çağırış
icraatı);[431]
305.1.6. şəxsin psixiatriya
stasionarına məcburi yerləşdirilməsi haqqında;
305.1.7. vətəndaşlıq
vəziyyəti aktlarının qeydiyyatının
düzgün olmamasının müəyyən edilməsi
haqqında;[432]
305.1.8. notariat
hərəkətlərindən və ya həmin
hərəkətlərin aparılmasından imtinaya dair
şikayətlər üzrə;AM 1
305.1.9. övladlığa
götürmə haqqında ərizələrə.
305.1.10.
şəxsin narkoloji-tibb müəssisəsinə məcburi
yerləşdirilməsi haqqında; [433]
305.1.11.
məişət zorakılığından zərər
çəkmiş şəxsə uzunmüddətli
mühafizə orderinin verilməsi haqqında;[434]
305.1.12. vergi ödəyicisi və ya sığortaedən olan fiziki
şəxslərin və ya hüquqi şəxslərin icra
orqanının rəhbərinin ölkədən getmək
hüququnun müvəqqəti
məhdudlaşdırılması haqqında;[435]
305.1.13. şəxsin Azərbaycan
Respublikası vətəndaşlığını
itirməsi haqqında;[436]
305.1.14.
terrorçuluğun maliyyələşdirilməsinə
qarşı mübarizə çərçivəsində
aktivlərin dondurulması haqqında;[437]
305.1.15. bankın öhdəliklərinin
könüllü restrukturizasiyası haqqında;[438]
305.1.16. yayılması qanunla qadağan edilən informasiyanın
internet informasiya ehtiyatından götürülməsi və
ya internet informasiya ehtiyatına müraciətin
məhdudlaşdırılması haqqında.[439]
305.1.17. mediasiya prosesi nəticəsində
bağlanılmış barışıq sazişinin
təsdiq edilməsi haqqında.
305.2. Azərbaycan
Respublikasının qanunları ilə xüsusi icraat qaydasında
başqa işlərə baxılması da nəzərdə
tutula bilər.
Maddə 306. Xüsusi icraat işlərinə
baxılması qaydası
306.1. Məhkəmələr
tərəfindən xüsusi icraat işlərinə, bu
Məcəllənin 30 - 40-6-cı fəsillərində ikinci
bölməsinin üçüncü
yarımbölməsində müəyyən edilmiş
xüsusiyyətlərlə, iddia icraatı qaydasında
baxılır.[440]
306.2. Xüsusi icraat
işləri ərizəçilər tərəfindən
qaldırılır, ərizəçinin və maraqlı
şəxsin iştirakı ilə məhkəmədə baxılır.
306.3.
Dövlət idarə və təşkilatlarının və
ya təsisçiləri dövlət və ya
dövlət idarələri, yaxud təşkilatları olan
hüquqi şəxslərin müvafiq müraciəti
olduğu halda dövlət mənafeyinin müdafiəsi üçün
prokuror aşağıdakı işlər üzrə
ərizə verə bilər: [441]
306.3.1. mülkiyyət hüququ
üzrə əmlaka sahiblik, ondan istifadə və onun barəsində
sərəncam vermək haqqında işlər üzrə;
306.3.2. daşınar
əşyanın sahibsiz hesab edilməsi və daşınmaz
əşya üzərində dövlət mülkiyyəti
hüququnun tanınması haqqında işlər üzrə.
306.4. Xüsusi icraat
qaydasında işlərə baxarkən
məhkəməyə aid hüquq haqqında
mübahisənin olduğu müəyyən edilərsə,
hakim ərizənin baxılmamış saxlanılması
haqqında qərardad çıxarır və maraqlı
şəxslərə onların ümumi əsaslarla iddia
vermək hüququnu izah edir.
Fəsil 31
Hüquqi
əhəmiyyəti olan faktların müəyyən
edilməsi
Maddə 307. Hüquqi əhəmiyyəti olan
faktların müəyyən edilməsi haqqında
işlər
307.1. Məhkəmə fiziki
və hüquqi şəxslərin şəxsi və ya
əmlak hüquqlarının əmələ gəlməsi,
dəyişməsi, xitam verilməsinin asılı olduğu
faktları müəyyən edir.
307.2. Məhkəmə
aşağıdakıların müəyyən edilməsi
barədə işlərə baxır:
307.2.1. şəxslərin
qohumluq münasibətlərinin;
307.2.2. şəxsin
öhdədə olması faktının;
307.2.3. doğumun,
övladlığa götürmənin, nikahın,
boşanmanın, ölümün qeyd edilmə
faktının;
307.2.4. ər-arvaddan birinin
vəfat etməsi nəticəsində müvafiq icra
hakimiyyəti orqanında nikah qeydə alına bilməzsə,
qanunla müəyyən edilmiş hallarda faktiki nikah
münasibətlərində olma faktının;
307.2.5. şəxsin
sənəddə göstərilən adı, atasının
adı və ya soyadı onun şəxsiyyətini təsdiq edən
sənəddə göstərilən adı,
atasının adı və ya soyadı ilə düz
gəlmədiyi halda hüquq müəyyənedici
sənədlərin (həmkarlar ittifaqı və digər
ictimai birliklərin, siyasi partiyaların bileti, hərbi
sənədlər, pasport və müvafiq icra hakimiyyəti
orqanları tərəfindən verilən
şəhadətnamələrdən başqa) həmin
şəxsə məxsus olması faktının; [442]
307.2.6. mülkiyyət hüququ
üzrə daşınmaz əmlaka sahiblik, ondan istifadə
etmək və onun barəsində sərəncam vermək
faktının;
307.2.7. bədbəxt hadisə
faktının;
307.2.8. müvafiq icra
hakimiyyəti orqanlarının imtina etdiyi hallarda,
şəxsin müəyyən vaxtda, müəyyən
şəraitdə vəfat etməsi faktının;
307.2.9. mirasın qəbul
edilməsi faktının və vərəsəliyin
açılma yerinin;
KMQ2
307.2.10. atalığın etiraf
olunması faktının;
307.2.10-1. “Azərbaycan
Respublikasının vətəndaşlığı
haqqında” Azərbaycan Respublikası Qanununun 14-cü
maddəsinin dördüncü hissəsinə uyğun olaraq
şəxsin heç bir dövlətin
vətəndaşlığına mənsub olmaması,
habelə Azərbaycan Respublikasında daimi yaşaması
faktının;[443]
307.2.11. qanunvericilikdə
müəyyən edilməsinin başqa qaydası
nəzərdə tutulmamışsa, hüquqi
əhəmiyyəti olan digər faktların.
Maddə 308. Hüquqi əhəmiyyəti olan
faktların müəyyən edilməsi üçün
zəruri olan şərtlər
Məhkəmə hüquqi
əhəmiyyəti olan faktları o zaman müəyyən
edə bilər ki, ərizəçi həmin faktları
təsdiq edən lazımi sənədləri başqa qaydada
ala bilməsin, yaxud itirilmiş sənədlərin
bərpası mümkün olmasın.
Maddə 309. Ərizənin verilməsi
309.1. Hüquqi
əhəmiyyəti olan faktların müəyyən
edilməsi haqqında ərizələr ərizəçinin
yaşadığı yerin məhkəməsinə verilir.
309.2. Mülkiyyət hüququ
üzrə daşınmaz əmlaka sahiblik, ondan istifadə
etmək və onun barəsində sərəncam vermək
faktının müəyyən edilməsi haqqında
ərizələr daşınmaz əmlakın
yerləşdiyi yerin məhkəməsinə verilir.
Maddə 310. Ərizənin məzmunu və ərizəyə baxılması[444]
310.1. Ərizədə həmin
faktın müəyyən edilməsinin
ərizəçiyə nə məqsəd üçün
lazım olduğu, habelə lazımi sənədləri
ərizəçinin ala bilməməsini, yaxud itən
sənədlərin bərpasının
mümkünsüzlüyünü təsdiq edən
sübutlar göstərilməlidir.
310.2. Bu Məcəllənin 307.2.10-1-ci
maddəsində nəzərdə tutulan faktın
müəyyən edilməsi haqqında ərizədə
şəxsin Azərbaycan Respublikasına gəlməsi tarixi
və səbəbləri göstərilməli, həmin
ərizəyə müvafiq faktları təsdiq edən
sənədlər (olduğu halda), həmçinin
Azərbaycan Respublikasının
vətəndaşlığına mənsubiyyətinin
tanınmaması barədə müvafiq icra hakimiyyəti
orqanının arayışı və doğulduğu
(əvvəllər daimi yaşadığı) ölkənin
vətəndaşı hesab edilməməsini təsdiq
edən sənəd əlavə edilməlidir. Həmin
ərizəyə baxılmasında müvafiq icra
hakimiyyəti orqanının nümayəndəsinin
iştirakı məcburidir.[445]
Maddə 311. Məhkəmənin ərizə
üzrə qətnaməsi
Məhkəmənin
qətnaməsi faktı təsdiq edən sənədi,
qeydə alınmalı faktlar üzrə isə qeydiyyatı
həyata keçirən orqanların verdiyi sənədləri
əvəz etməməklə, belə qeydəalınma
üçün əsasdır.
Fəsil 32
Şəxsin
xəbərsiz itkin düşmüş hesab edilməsi və
ölmüş elan edilməsi
Maddə 312. Ərizənin verilməsi
Şəxsin xəbərsiz
itkin düşmüş hesab edilməsi və şəxsin
ölmüş elan edilməsi haqqında ərizə
ərizəçinin yaşadığı yer üzrə
məhkəməyə verilir.
Maddə 313. Ərizənin məzmunu
Ərizədə şəxsi
xəbərsiz itkin düşmüş hesab etməyin və
onun ölmüş elan edilməsinin ərizəçiyə
nə məqsəd üçün lazım olduğu
göstərilməli, habelə şəxsin xəbərsiz
itkin düşməsini təsdiq edən hallar, yaxud
xəbərsiz itkin düşənin ölüm
təhlükəsi qarşısında olmasını və
ya onun müəyyən bədbəxt hadisədən həlak
olmasını güman etməyə əsas verən hallar
şərh edilməlidir. Hərbi əməliyyatlar zamanı
hərbi qulluqçuların və ya digər
şəxslərin xəbərsiz itkin düşməsi
barədə ərizədə hərbi əməliyyatın
qurtardığı vaxt göstərilməlidir.
Maddə 314. Ərizə verildikdən sonra hakimin
hərəkətləri
314.1. Hakim işi
məhkəmə baxışına hazırladıqda
hansı şəxslərin itkin düşən barədə
məlumat verə biləcəyini aydınlaşdırır,
habelə itkin düşənin məlum son yaşayış
yeri və iş yeri üzrə müvafiq təşkilatlardan,
polis orqanlarından onun haqqında olan məlumatları
alır.
314.2. Hakim ərizəni
qəbul etdikdən sonra, itkin düşən şəxsin
əmlakının yerləşdiyi yer üzrə müvafiq
icra hakimiyyəti orqanına onun əmlakını idarə
etmək üçün şəxs (qəyyum) təyin
etməyi təklif edə bilər.
Maddə 315. Məhkəmənin ərizə
üzrə qətnaməsi
315.1. Şəxsin
xəbərsiz itkin düşmüş hesab edilməsi
barədə məhkəmə qətnaməsi itkin
düşənin əmlakının idarə olunması
üçün müvafiq icra hakimiyyəti orqanının
müqavilə bağladığı şəxsə
verilməsi üçün (zəruri halda daimi idarə
üçün) əsasdır.
315.2.
Şəxsin ölmüş
elan edilməsinə dair məhkəmə qətnaməsi müvafiq
icra hakimiyyəti orqanının
müəyyən
etdiyi orqan (qurum) tərəfindən ölümün
qeydə alınması
üçün
əsasdır.[446]
Maddə 316. Xəbərsiz itkin düşmüş
hesab edilən şəxsin gəlməsinin və ya olduğu
yerin aşkar edilməsinin nəticələri
Xəbərsiz itkin
düşmüş hesab edilən və ya ölmüş
elan edilən şəxs gəldikdə və ya onun olduğu
yer aşkar edildikdə, məhkəmə yeni qətnamə
ilə özünün əvvəl çıxarmış
olduğu qətnaməsini ləğv edir. Bu
qətnamə müvafiq
olaraq əmlakın
idarə edilməsinin və şəxsin
ölümü
haqqında
vətəndaşlıq
vəziyyəti akt qeydinin ləğvi
üçün
əsasdır.[447]
Fəsil 33
Şəxsin
məhdud fəaliyyət qabiliyyətli və ya
fəaliyyət qabiliyyəti olmayan hesab edilməsi
Maddə 317. Ərizənin verilməsi
317.1. Spirtli
içkilərdən, narkotik
vasitələrdən və ya psixotrop maddələrdən
sui-istifadə etməsinə görə şəxsin
məhdud fəaliyyət qabiliyyətli hesab edilməsi
haqqında iş onun ailə üzvlərinin, müvafiq icra
hakimiyyəti orqanının ərizəsi üzrə qaldırılır.[448]
317.2. Məhkəmədə
psixi pozuntularına görə şəxsin
fəaliyyət qabiliyyəti olmayan hesab edilməsi haqqında
iş, ailə üzvlərinin birgə yaşamasından
asılı olmayaraq, yaxın qohumların (valideynlərin,
uşaqların, qardaş-bacıların), müvafiq icra
hakimiyyəti orqanının, psixiatriya (psixonevroloji)
müəssisəsinin ərizəsi üzrə qaldırılır.[449]
317.3. Şəxsin məhdud
fəaliyyət qabiliyyətli və ya fəaliyyət
qabiliyyəti olmayan hesab edilməsi barədə ərizə
həmin şəxsin yaşayış yeri üzrə məhkəməyə,
əgər şəxs psixiatriya (psixonevroloji)
müəssisəsində yerləşdirilmişsə,
həmin müəssisənin olduğu yerin
məhkəməsinə verilir.
Maddə 318. Ərizənin məzmunu
318.1. Şəxsin məhdud
fəaliyyət qabiliyyətli hesab edilməsi haqqında
ərizədə spirtli içkilərdən, narkotik vasitələrdən və
ya psixotrop maddələrdən sui-istifadə etməsi
nəticəsində şəxsin öz ailəsini
ağır maddi vəziyyətdə qoymasını təsdiq
edən hallar şərh edilməlidir. [450]
318.2. Şəxsin
fəaliyyət qabiliyyəti olmayan hesab edilməsi haqqında
ərizədə psixi pozuntunun nəticəsində
şəxsin öz hərəkətlərinin
mənasını anlaya bilməməsini və ya öz
hərəkətlərini idarə edə bilməməsini
təsdiq edən hallar şərh edilməlidir.[451]
Maddə 319. Şəxsin psixi vəziyyətini
müəyyən etmək üçün ekspertizanın
təyin edilməsi
Hakim işi
məhkəmədə baxmağa hazırlayarkən
şəxsin psixi pozuntusu haqqında kifayət qədər
məlumat olduqda onun psixi vəziyyətini müəyyən
etmək üçün məhkəmə-psixiatriya
ekspertizası təyin edir. Fəaliyyət qabiliyyəti olmayan
hesab edilməsi haqqında iş qaldırılmış
şəxs açıq surətdə ekspertizadan boyun
qaçırdıqda, məhkəmə psixiatrın
iştirakı ilə məhkəmə iclasında
şəxsin məcburi olaraq məhkəmə-psixiatriya
ekspertizasına göndərilməsi haqqında qərardad
çıxara bilər.[452]
Maddə 320. Ərizəyə baxılması
320.1. Məhkəmə
şəxsin məhdud fəaliyyət qabiliyyətli hesab
edilməsi haqqında işə, şəxsin, səhhəti
buna imkan verərsə onun özünün, qəyyumluq və
himayəçilik orqanının iştirakı ilə
baxır.
320.2. Şəxsin
fəaliyyət qabiliyyəti olmayan hesab edilməsi haqqında
işə məhkəmə qəyyumluq və
himayəçilik orqanının nümayəndəsinin
məcburi iştirakı ilə baxır. Fəaliyyət
qabiliyyəti olmayan hesab edilməsi haqqında işinə
baxılan şəxs, səhhəti yol verirsə,
məhkəmə iclasına çağırılır.
320.3. Məhkəmə,
ərizə vermiş şəxslərin bilə-bilə
əsassız olaraq şəxsin fəaliyyət
qabiliyyətini məhdudlaşdırmaq və ya şəxsi
fəaliyyət qabiliyyətindən məhrum etmək
üçün vicdansız hərəkətlərini
müəyyən etdikdə, məhkəmə
xərclərini onlardan tutur və yüz
on manatadək cərimə edir. [453]
Maddə 321. Məhkəmənin ərizə
üzrə qətnaməsi
321.1. Şəxsin məhdud
fəaliyyət qabiliyyətli hesab edilməsinə dair
məhkəmə qətnaməsi müvafiq icra hakimiyyəti
orqanı tərəfindən fəaliyyət qabiliyyəti
məhdudlaşdırılan şəxs üzərində
himayəçi təyin etmək üçün
əsasdır.
321.2. Şəxsin
fəaliyyət qabiliyyəti olmayan hesab edilməsinə dair
məhkəmə qətnaməsi fəaliyyət qabiliyyəti
olmayan hesab edilən şəxs üzərində qəyyum
təyin etmək üçün əsasdır.
Maddə 322. Şəxsin fəaliyyət
qabiliyyətinin məhdudlaşdırılmasının
ləğv edilməsi və onun fəaliyyət qabiliyyətli
hesab edilməsi
322.1. Azərbaycan
Respublikasının mülki qanunvericiliyi ilə
nəzərdə tutulmuş hallarda məhkəmə
şəxsin özünün, onun ailə üzvlərinin,
himayəçinin, müvafiq icra hakimiyyəti
orqanının, psixiatriya (psixonevroloji) müəssisəsinin
ərizəsi üzrə şəxsin fəaliyyət
qabiliyyətinin məhdudluğunun ləğvi barədə
qətnamə çıxarır. Məhkəmənin
qətnaməsi əsasında onun üzərində
müəyyən edilmiş himayəçilik ləğv
edilir.
322.2. Azərbaycan
Respublikasının mülki qanunvericiliyi ilə
nəzərdə tutulmuş hallarda məhkəmə
müvafiq icra hakimiyyəti orqanının, ailə
üzvlərinin, psixiatriya (psixonevroloji)
müəssisəsinin, qəyyumluq və himayəçilik
orqanının ərizəsi üzrə,
məhkəmə-psixiatriya ekpertizasının müvafiq
rəyinə əsasən şəxsin fəaliyyət
qabiliyyətli hesab edilməsi haqqında qətnamə
çıxarır. Məhkəmənin qətnaməsi
əsasında onun üzәrindә müəyyən edilmiş
qəyyumluq ləğv edilir.
Fəsil 34
Daşınar
əşyaların sahibsiz hesab edilməsi və
daşınmaz əşyalar üzərində dövlətin
mülkiyyət hüququnun tanınması
Maddə 323. Ərizənin verilməsi
323.1. Daşınar
əşyaların sahibsiz hesab edilməsi haqqında
ərizə məhkəməyə bu əşyaya sahiblik
etməyə başlamış şəxsin
yaşadığı və ya olduğu yerin
məhkəməsinə verilir.
323.2. Paylanmayan
poçt göndərişlərinin açılmasına
razılıq alınmasına dair ərizə 3 (üç)
ayda bir dəfədən az olmayaraq, ünvan sahibinə və
ya göndəriciyə çatdırılması mümkün
olmayan poçt göndərişlərinin
içərisindəki əşyalar, mallar və pul
vəsaitlərinin sahibsiz hesab edilməsinə dair
ərizə isə “Poçt rabitəsi haqqında”
Azərbaycan Respublikasının Qanunu ilə
müəyyən edilmiş 6 (altı) aylıq saxlama
müddəti başa çatdıqdan sonra poçt
rabitəsi operatoru tərəfindən məhkəməyə
verilir. [454]
323.3. Daşınmaz
əşyalar üzərində dövlət mülkiyyəti
hüququnun tanınması haqqında ərizə,
dövlət əmlakını idarə etməyə vəkil
edilmiş orqan tərəfindən həmin əşyanın
olduğu yerin məhkəməsinə verilir.
323.4. Dövlət
əmlakını idarə etməyə vəkil edilmiş
orqan daşınmaz əşya üzərində hüququn
tanınması barədə ərizə ilə dövlət
qeydiyyatını həyata keçirən orqan
tərəfindən həmin əşyanın uçota
alındığı gündən bir il ötənə
qədər məhkəməyə müraciət
edərsə, məhkəmə daşınmaz əşyalar
üzərində dövlət mülkiyyəti hüququnun
tanınması haqqında ərizəni qəbul etməkdən
imtina edir.
Maddə 324. Ərizənin məzmunu
324.1. Daşınar
əşyanın sahibsiz hesab edilməsi haqqında
ərizədə hansı əşyanın sahibsiz hesab
edilməli olması göstərilməli, onun əsas
fərqləndirici əlamətləri təsvir edilməli,
habelə mülkiyyətçi tərəfindən
əşyanın üzərində mülkiyyət
hüququnu saxlamaq niyyətinin olmaması və ərizəçinin
əşyaya sahiblik etməyə başlaması barədə
sübutlar göstərilməlidir.
324.2. Daşınmaz əşya
üzərində dövlət mülkiyyəti hüququnun
tanınması haqqında dövlət əmlakını
idarə etməyə vəkil edilmiş orqanın
ərizəsində daşınmaz əmlakın kim
tərəfindən və nə vaxt sahibsiz kimi uçota
götürüldüyü göstərilməli, habelə
mülkiyyətçi tərəfindən həmin
əşya üzərində mülkiyyət hüququnu
saxlamaq niyyətinin olmaması barədə sübutlar
göstərilməlidir.
Maddə 325. Ərizəyə baxılması
325.1.Məhkəmə
daşınar əşyanın sahibsiz hesab edilməsi
haqqında və ya daşınmaz əşya
üzərində dövlət mülkiyyəti hüququnun
tanınması haqqında ərizəyə iş üzrə
bütün maraqlı şəxslərin iştirakı
ilə baxır.
325.2.
Məhkəmə paylanmayan poçt
göndərişlərinin açılmasına
razılıq alınması haqqında ərizəyə 5
(beş) iş günü ərzində baxmalıdır. [455]
Maddə 326. Məhkəmənin ərizə
üzrə qətnaməsi
326.1. Məhkəmə hesab
etsə ki, daşınar əşyanın
mülkiyyətçisi yoxdur, yaxud mülkiyyətçi
tərəfindən əşya onun üzərində
mülkiyyət hüququnu saxlama niyyəti olmadan sahibsiz
qoyulmuşdur, onda daşınar əşyanın sahibsiz hesab
edilməsi və onun sahiblik etməyə başlamış
şəxsin mülkiyyətinə verilməsi barədə
qətnamə çıxarır.
326.2.
Məhkəmə paylanması mümkün olmayan poçt
göndərişlərinin açılmasına
razılıq verilməsinə dair ərizəyə baxaraq onu
təmin etdikdə, belə razılığın verilməsi
barədə, ünvan sahibinə və ya
göndəriciyə çatdırılması mümkün
olmayan və qanunla müəyyən edilmiş 6 (altı)
aylıq saxlama müddəti başa çatmış
poçt göndərişinin içərisindəki
əşyaların, malların və pul vəsaitlərinin
sahibsiz hesab edilməsinə dair ərizəyə baxaraq onu
təmin etdikdə, həmin əşyaların, malların
və pul vəsaitlərinin sahibsiz hesab edilməsi
barədə qətnamə çıxarır. [456]
326.3. Məhkəmə
daşınmaz əşyanın mülkiyyətçisinin
olmadığını, yaxud əşyanın
mülkiyyətçisi tərəfindən onun
üzərində mülkiyyət hüququnu saxlama niyyəti
olmadan qoyulduğunu və müəyyən edilmiş qaydada
uçota alındığını müəyyən
edərsə, daşınmaz əşyanın sahibsiz hesab
edilməsi və onun üzərində dövlət
mülkiyyəti hüququnun tanınması barədə
qətnamə çıxarır.
Fəsil 35
İtirilmiş
sənədlər üzrə hüquqların bərpa edilməsi (çağırış
icraatı)[457]
Maddə 327. Ərizənin verilməsi
327.1. Adsız sənədli qiymətli kağızı (bundan sonra—sənəd)
itirmiş şəxs, qanunda göstərilmiş hallarda,
itirilmiş sənədin etibarsız hesab edilməsi və
həmin sənədlər üzrə hüquqların
bərpa edilməsini məhkəmədən xahiş edə
bilər. Sənəd üzrə hüquqlar, həmçinin
onun lazımi qaydada saxlanılmaması nəticəsində
və ya digər səbəbdən sənədin
ödəmə qabiliyyətini göstərən
əlamətlər itirildikdə, bərpa edilə bilər.[458]
327.2. İtirilmiş adsız
sənədin etibarsız hesab edilməsi haqqında
ərizə həmin sənədin emitentinin olduğu yerin
məhkəməsinə verilir.[459]
Maddə 328. Ərizənin məzmunu
Ərizədə itirilmiş
sənədin fərqləndirici əlamətləri, emitentin adı
göstərilməli, habelə sənədin itirildiyi
şərait şərh edilməlidir.[460]
Maddə 329. Ərizəni qəbul etdikdən sonra
hakimin hərəkətləri
329.1. Hakim sənədin
itirilməsi haqqında ərizəni qəbul etdikdən sonra,
sənəd üzrə ödəniş
edilməsini və ya vəsait verilməsini emitentə qadağan etmək, habelə
ərizəçinin hesabına mətbuatda elan vermək
barədə qərardad çıxarır və
qərardadın surətini emitentə,
Azərbaycan Respublikasının Mərkəzi Bankına
və mərkəzi depozitara göndərir.[461]
329.2. Qərardadda elanın
məzmununa dair aşağıdakılar
göstərilməlidir:
329.2.1. sənədin
itirilməsi haqqında ərizənin daxil olduğu
məhkəmənin adı;
329.2.2. ərizə vermiş
şəxs və onun ünvanı;
329.2.3. sənədin adı
və fərqləndirici əlamətləri;
329.2.4. itirilməsi
barədə müraciət edilmiş sənədə dair
elan verilən gündən 3 ay müddətində həmin
sənədə dair öz hüquqları haqqında
məhkəməyə ərizə verməyin sənədi
saxlayana təklif edilməsi.
329.3. Qərardad
çıxarmaqdan imtina etməkdən xüsusi
şikayət verilə bilər.[462]
Maddə 330. Sənədi saxlayanın ərizəsi
İtirilməsi haqqında
ərizə verilmiş sənədi saxlayan, elan verilən
gündən 3 ay müddətində qərardad
çıxarmış məhkəməyə, sənədə
dair öz hüquqları haqqında ərizə verməli
və bu zaman sənədin əslini təqdim etməlidir.
Maddə 331. Sənədi saxlayandan ərizə daxil
olduqdan sonra hakimin hərəkəti
331.1. Elan verilən
gündən 3 aylıq müddət qurtarana qədər
məhkəməyə sənədi saxlayandan ərizə
daxil olduqda, məhkəmə sənədi itirmiş
şəxsin ərizəsini baxılmamış saxlayır
və emitent tərəfindən sənəd
üzrə ödəmə və verməni müəyyən
müddətdə qadağan edir.[463]
331.2. Hakim eyni zamanda
ərizəçiyə həmin sənədi saxlayana
qarşı həmin sənədi tələb etmək
barədə ümumi qaydada iddia vermək hüququnu,
sənədi saxlayana isə hakimin qadağanedici
tədbirlərlə vurulmuş zərəri onun
ərizəçidən almaq hüququnu izah edir.
331.3.
Bu Məcəllənin 331.1-ci və 331.2-ci maddələrində
göstərilən məsələlər üzrə
məhkəmənin qərardadından xüsusi şikayət
verilə bilər. [464]
Maddə 332. İtirilmiş sənədin etibarsız
hesab edilməsi haqqında ərizəyə baxılması
Hakim itirilmiş sənədin
etibarsız hesab edilməsi haqqında işə,
sənədi saxlayanın bu Məcəllənin 330-cu
maddəsində göstərilmiş ərizəsi daxil
olmazsa, elanın dərc edildiyi gündən 3 ay
keçdikdən sonra baxır.
Maddə 333. Ərizə üzrə
məhkəmənin qətnaməsi
Məhkəmə
ərizəçinin xahişini təmin etdikdə,
itirilmiş sənədi etibarsız hesab edən
qətnamə çıxarır. Bu qətnamə
ərizəçiyə əmanətin və ya
etibarsız hesab edilən sənədin əvəzində
yenisini vermək üçün əsasdır.[465]
Maddə 334. Sənədi saxlayanın əmlakı
əsassız əldə etmə barədə iddia təqdim
etmək hüququ
Sənədi saxlayan həmin
sənəd üzrə öz hüquqları haqqında
hər hansı səbəbə görə vaxtında
məlumat verməmişsə, sənədin etibarsız hesab
edilməsi haqqında məhkəmə qətnaməsi qanuni
qüvvəyə mindikdən sonra itirilmiş sənədin
əvəzində yeni sənəd almaq hüququ verilən
şəxsə əmlakın əsassız əldə
edilməsi və saxlanması haqqında iddia verə bilər.
Fəsil 36
Şəxsin
psixiatriya stasionarına qeyri-könüllü
yerləşdirilməsi barədə işlər üzrə
icraat
Maddə 335. Ərizənin verilməsi
335.1. Şəxsin psixiatriya
stasionarına qeyri-könüllü
yerləşdirilməsi barədə ərizə ailə
üzvləri, qəyyum və ya himayəçi, habelə
psixiatriya müəssisəsinin rəhbəri
tərəfindən şəxsin yaşadığı yer
üzrə və ya müəssisənin yerləşdiyi yer
üzrə məhkəməyə təqdim olunur. [466]
335.2. Ərizədə
şəxsin psixiatriya stasionarına qeyri-könüllü yerləşdirilməsinə
aid qanunla nəzərdə tutulmuş əsaslar
göstərilməlidir.
335.3. Psixiatriya
müəssisəsinin rəhbərliyi tərəfindən
ərizə verildikdə, ərizəyə həkim-psixiatr
komissiyasının əsaslandırılmış rəyi
də əlavə edilməlidir.
Maddə 336. Ərizənin verilmə müddəti
336.1. Şəxs psixiatriya
stasionarında yerləşdirildikdə onun qeyri-könüllü yerləşdirilməsi
barədə ərizə şəxsin psixiatriya stasionarına
yerləşdirildiyi andan 48 saat ərzində verilməlidir. [467]
336.2. Hakim ərizəni
qəbul etdikdə, eyni zamanda şəxsin psixiatriya
stasionarında saxlanılmasını işə
məhkəmədə baxılmalı olduğu
müddətə kimi uzadır.
Maddə 337. Ərizəyə baxılması
337.1. Şəxsin psixiatriya
stasionarına qeyri-könüllü
yerləşdirilməsi barədə ərizəyə hakim
iş başlanılan vaxtdan 5 gün ərzində
baxmalıdır. İşə baxıldıqda onun psixi
vəziyyəti məhkəmə iclasında iştirak
etməyə imkan verirsə, barəsində işə
baxılan şəxs məhkəmə iclasında iştirak
edə bilər. [468]
337.2. Ərizəyə
baxılmasında təşəbbüsü ilə iş
başlanmış psixiatriya müəssisəsi
nümayəndəsinin və həmin müəssisədə
yerləşdirilməsi haqqında məsələ həll
olunan şəxsin nümayəndəsinin iştirakı
məcburidir.
337.3. Məhkəmə
iclası psixiatriya müəssisəsinin binasında
keçirilə bilər.
Maddə 338. Ərizə üzrə
məhkəmənin qətnaməsi
338.1. İşə mahiyyəti
üzrə baxan hakim ərizənin rədd edilməsi və
yaxud təmin edilməsi barədə qətnamə qəbul
edir. [469]
338.2. Ərizənin təmin
edilməsi barədə qətnamə şəxsin psixiatriya
stasionarına qeyri-könüllü
yerləşdirilməsi və sonradan, qanunla müəyyən
edilən müddətə, orada saxlanılması
üçün əsasdır.
Maddə 338-1. Şəxsin
psixiatriya stasionarına qeyri-könüllü
yerləşdirilməsi müddətinin uzadılması[470]
Şəxsin
psixiatriya stasionarına qeyri-könüllü
yerləşdirilməsi müddətinin uzadılması
həkim-psixiatriya komissiyasının rəyi əsasında
müalicəni həyata keçirən psixiatriya
müəssisəsinin müdiriyyətinin müalicənin
başlandığı gündən hər altı aydan bir
qaldırılan vəsatəti ilə
müəssisənin yerləşdiyi yer üzrə
məhkəmə tərəfindən həyata keçirilir. Məhkəmə bu barədə
qərardad çıxarır və həmin qərardaddan
şikayət verilə bilər.[471]
Fəsil 37
Vətəndaşlıq
vəziyyəti aktları qeydiyyatının düzgün
olmamasının müəyyən edilməsi
Maddə 339. Ərizənin verilməsi
339.1. Müvafiq icra
hakimiyyəti orqanları hüquq haqqında mübahisə
olmadıqda, edilmiş qeydə düzəliş və ya
dəyişikliklər etməkdən imtina etdikdə hakim vətəndaşlıq
vəziyyəti aktlarının qeydiyyatı kitablarında (akt
kitablarında) qeydlərin düzgün olmamasının
müəyyən edilməsi haqqında işlərə
baxır.
339.2. Vətəndaşlıq
vəziyyəti aktlarının qeydiyyatı kitabında
qeydlərin düzgün olmamasının müəyyən
edilməsi haqqında ərizə ərizəçinin
yaşadığı yerin məhkəməsinə verilir.
Maddə 340. Ərizənin məzmunu
Ərizədə
vətəndaşlıq vəziyyəti aktlarının
qeydiyyatı kitablarında qeydlərin düzgün
olmamasının nədən ibarət olması, nə vaxt və vətəndaşlıq
vəziyyəti aktlarının dövlət
qeydiyyatını aparan hansı orqanın edilmiş qeydi
düzəltməkdən imtina etməsi
göstərilməlidir.[472]
Maddə 341. Ərizə üzrə
məhkəmənin qətnaməsi
Vətəndaşlıq
vəziyyəti aktlarının qeydiyyatı kitablarında
qeydin düzgün olmamasını müəyyən edən
məhkəmənin qanuni qüvvəyə minmiş qətnaməsi
müvafiq icra hakimiyyəti orqanları tərəfindən
qeydin düzəldilməsi və ya dəyişdirilməsi
üçün əsasdır.
Fəsil 38 [473]
Maddə
342.
Şikayətin verilməsi
342.1.
Maraqlı şəxs aparılmış notariat
hərəkətlərini və ya notariat
hərəkətlərini aparmaqdan imtinanı düzgün
hesab etmədikdə, notariusun və ya notariat
əməliyyatını yerinə yetirən orqanın
yerləşdiyi yerin məhkəməsinə bu barədə
şikayət vermək hüququna malikdir.
342.2.
Vəsiyyətnamə və etibarnamələrin
qanunvericilikdə sadalanan vəzifəli şəxslər
tərəfindən düzgün təsdiq
edilməməsinə və ya onları təsdiq
etməkdən imtina olunmasına dair şikayətlər
müvafiq surətdə xəstəxananın, digər
stasionar müalicə-profilaktika müəssisəsinin,
sanatoriyanın, qocalar əlillər və ya sağlamlıq
imkanları məhdud uşaqlar evinin, xüsusi təhsil
müəssisəsinin, ekspedisiyanın, qospitalın, hərbi
təlim müəssisəsinin, hərbi hissənin,
birləşmənin, idarənin, təşkilatın,
azadlıqdan məhrumetmə yerinin olduğu yer üzrə
məhkəməyə verilir. [474]
342.3.
Azərbaycan Respublikasının Bayrağı altında
üzən dəniz gəmisinin və ya daxili səfər
gəmisinin kapitanının vəsiyyətnaməni
düzgün təsdiq etməməsindən və ya onu
təsdiq etməkdən imtina etməsindən
şikayətlər gəminin qeydiyyatda olduğu limanın
yerləşdiyi yer üzrə məhkəməyə verilir.
342.4.
Məhkəməyə şikayət, notariat
hərəkəti və ya bu cür hərəkəti
yerinə yetirməkdən imtina edilməsi
ərizəçiyə məlum olan gündən hesablanmaqla,
10 gün müddətində verilir.
342.5.
Aparılmış notariat hərəkəti əsasında
hüquq barədə maraqlı şəxslər arasında
yaranmış mübahisəyə məhkəmə
tərəfindən iddia icraatı qaydasında baxılır.
Maddə
343.
Şikayətə baxılması
Şikayətə
ərizəçinin və ya hərəkətindən
şikayət verilən notariusun və ya orqanın
nümayəndəsinin iştirakı ilə
məhkəmə tərəfindən baxılır, lakin
onların gəlməməsi işin həll edilməsinə
mane olmur.
Maddə
344. Şikayət
üzrə məhkəmənin qətnaməsi
Ərizəçinin
şikayətini təmin edən məhkəmə
qətnaməsi aparılmış notariat əməliyyatını
ləğv edir və ya bu cür əməliyyatın
yerinə yetirilməsini tapşırır.
Fəsil 39
Uşağın
övladlığa götürülməsi
Maddə 345. Ərizənin verilməsi
Uşağın
övladlığa götürülməsi barədə
ərizə uşağı övladlığa
götürmək istəyən şəxslər
(şəxs) tərəfindən övladlığa
götürülən uşağın
yaşadığı (olduğu) yer üzrə
məhkəməyə verilir.
Azərbaycan
Respublikasının vətəndaşı olan uşaq
əcnəbilər və ya vətəndaşlığı
olmayan şəxslər tərəfindən
övladlığa götürüldüyü zaman
ərizə uşağın yaşadığı
(olduğu) yer üzrə məhkəməyə uşağı
övladlığa götürmək istəyən
şəxslər (şəxs) tərəfindən və ya
onların müraciəti əsasında akkreditə edilmiş
orqan tərəfindən verilir .
[475]
Maddə 346. Ərizənin məzmunu
346.0. Uşağın
övladlığa götürülməsi barədə
ərizədə aşağıdakılar
göstərilməlidir:
346.0.1. övladlığa
götürənlərin (götürənin) soyadı,
adı, atasının adı, doğulduğu il,
yaşayış yeri, məşğuliyyət növü;
346.0.2. övladlığa
götürülən uşağın soyadı, adı,
atasının adı, onun yaşayış yeri (olduğu
yer), valideynləri barədə məlumat, qardaş və
bacılarının olub-olmaması;
346.0.3. uşağın
övladlığa götürülməsi haqqında
övladlığa götürənlərin
(götürənin) xahişini əsaslandıran hallar, bu
halları təsdiq edən sübutlar;
346.0.4. övladlığa
götürülən uşağın soyadının,
adının, atasının adının, onun doğulduğu
tarixin (1 yaşınadək uşaqlar övladlığa
götürüldükdə) dəyişdirilməsi,
övladlığa götürənlərin
(götürənin) valideynlər (valideyn) kimi
uşağın doğulması haqqında akt qeydində
yazılması barədə xahiş.
Maddə 347. Ərizəyə əlavə edilən
sənədlər
347.1. Övladlığa
götürmə barədə ərizəyə
aşağıdakılar əlavə olunmalıdır:
347.1.1. uşaq nikahda olmayan
şəxs (Azərbaycan Respublikasının
vətəndaşı, habelə qohum (bacı-qardaş,
nənə-baba, valideynlərinin bacıları,
qardaşları, onların övladları) olan əcnəbi
və vətəndaşlığı olmayan şəxs) tərəfindən
övladlığa
götürüldükdə—övladlığa
götürənin doğum haqqında
şəhadətnaməsinin surəti;[476]
347.1.2. uşaq nikahda olan
şəxslər (şəxs) tərəfindən
övladlığa
götürüldükdə—övladlığa
götürənlərin (götürənin) nikah haqqında
şəhadətnaməsinin surəti;
347.1.3. uşaq ər-arvaddan biri
tərəfindən övladlığa
götürüldükdə—digərinin
razılığı və ya ər-arvadın ailə
münasibətlərinə xitam verməklə 1 ildən
artıq müddətdə birgə
yaşamadıqlarını təsdiq edən sənəd.
Müvafiq sənədi ərizəyə əlavə etmək
mümkün olmadıqda ərizədə həmin faktları
təsdiq edən sübutlar göstərilməlidir;
347.1.4. övladlığa
götürənlərin (götürənin)
səhhətinin vəziyyəti barədə tibbi rəy;
347.1.5. övladlığa
götürənlərin (götürənin) tutduğu
vəzifə və əmək haqqı barədə iş yerindən
arayış və ya gəlirlər haqqında digər
sənəd;
347.1.6. yaşayış
yerindən istifadə etmək hüququnu və ya
yaşayış yerinə mülkiyyət hüququnu
təsdiq edən sənəd;
347.1.7. müvafiq icra hakimiyyəti
orqanının övladlığa götürmənin
övladlığa götürülən uşağın
mənafeyinə uyğunluğu barədə rəyi.[477]
347.2. Azərbaycan
Respublikasının vətəndaşı olan
uşağın əcnəbilər
və ya vətəndaşlığı olmayan
şəxslər tərəfindən övladlığa
götürülməsi haqqında ərizəyə bu
Məcəllənin 347.1.1-347.1.7-ci maddələrində göstərilən
sənədlər, müvafiq
icra hakimiyyəti orqanının razılığı,
habelə övladlığa götürənlərin
vətəndaşları olduqları dövlətin (uşaq
vətəndaşlığı olmayan şəxslər
tərəfindən övladlığa
götürüldükdə həmin şəxslərin daimi
yaşayış yeri olan dövlətin) səlahiyyətli
orqanının onların həyat şəraiti və övladlığa
götürmək imkanları barədə rəyi, həmin ölkələrdə
məhkumluğuna və barəsində cinayət təqibinin
olmamasına dair sənəd, müvafiq dövlətin
səlahiyyətli orqanının övladlığa
götürülən uşağın onun ərazisinə
gəlməsinə və orada yaşamasına icazəsi əlavə
olunur. [478]
347.3. Əcnəbi və vətəndaşlığı
olmayan şəxs olan uşağın Azərbaycan
Respublikasının vətəndaşları, əcnəbilər və
vətəndaşlığı olmayan şəxslər tərəfindən
övladlığa götürülməsi haqqında
ərizəyə bu Məcəllənin 347.1.1—347.1.6-cı
maddələrində göstərilən sənədlər,
habelə uşağın qanuni nümayəndəsinin və vətəndaşı olduğu
(daimi yaşadığı) dövlətin
səlahiyyətli orqanının razılığı və
göstərilən dövlətin qanunvericiliyinə və
Azərbaycan Respublikasının tərəfdar çıxdığı
beynəlxalq müqaviləyə əsasən tələb
olunduqda, uşağın övladlığa
götürülməyə razılığı
əlavə olunur. [479]
347.4. Azərbaycan Respublikasının tərəfdar
çıxdığı beynəlxalq
müqavilələrdə nəzərdə tutulmuş hallar istisna olmaqla,
övladlığa götürən əcnəbilər
və ya vətəndaşlığı olmayan
şəxslərin sənədləri müəyyən
edilmiş qaydada leqallaşdırılmalıdır.
Leqallaşdırıldıqdan sonra onlar Azərbaycan dilinə
tərcümə edilməli və tərcümə notariat
qaydasında təsdiq edilməlidir.[480]
Maddə 348. İşin məhkəmədə
baxılmağa hazırlanması
348.1. İşi məhkəmədə
baxılmağa hazırlayarkən hakim ərizəyə
övladlığa götürmənin uşağın
mənafeyinə uyğunluğu barədə müvafiq icra
hakimiyyəti orqanının rəyinin əlavə
olunub-olunmadığını yoxlayır.
348.2. Məhkəməyə təqdim
edilmiş müvafiq icra hakimiyyəti orqanının
rəyinə aşağıdakılar əlavə olunur:
348.2.1. müvafiq icra hakimiyyəti
orqanının tərtib etdiyi övladlığa
götürənlərin (götürənin)
maddi-məişət şəraitinin müayinə aktı;[481]
348.2.2. övladlığa
götürülən uşağın səhhətinin
vəziyyəti, fiziki və əqli inkişafı haqqında
tibbi rəy;
348.2.3. övladlığa
götürülən uşağın doğum haqqında
şəhadətnaməsi;
348.2.4. on yaşına
çatmış övladlığa götürülən
uşağın övladlığa
götürülməsinə, eləcə də onun
adının, soyadının və atasının
adının mümkün dəyişikliklərinə və
övladlığa götürənlərin
(götürənin) onun valideynləri kimi yazılmasına
razılığı (qanuna əsasən belə
razılıq tələb olunmayan hallar istisna olmaqla);
348.2.5. qanunda valideynlərin, qəyyumun
(himayəçinin) razılığı olmadan uşağın
övladlığa götürülməsinə yol
verilən hallardan başqa, uşağın valideynlərinin, ögey valideynlərinin,
qəyyumunun (himayəçisinin) onun övladlığa götürülməsinə notariat qaydasında
təsdiq edilmiş razılığı; [482]
348.2.6. valideyn
himayəsindən məhrum olmuş uşağın
övladlığa götürülməsinə dair həmin
uşağın yerləşdiyi müəssisənin
rəhbərinin rəyi və ya uşağın
tərbiyə olunduğu himayədar ailənin yazılı
ifadə olunmuş fikri;[483]
348.2.7. uşaq onun qohumları
olmayan, Azərbaycan Respublikasının hüdudlarından
kənarda daimi yaşayan Azərbaycan Respublikasının
vətəndaşları tərəfindən övladlığa
götürüldükdə, habelə Azərbaycan
Respublikasının vətəndaşı olan uşaq
əcnəbilər və ya vətəndaşlığı
olmayan şəxslər tərəfindən övladlığa
götürülərkən, övladlığa
götürülənin və övladlığa
götürənin (götürənlərin) müvafiq icra
hakimiyyəti orqanında vahid elektron uçotda olmasını, habelə
vətəndaşlığından və yaşayış
yerindən asılı olmayaraq, uşağın öz
qohumları tərəfindən övladlığa götürülməsinin
qeyri-mümkünlüyünü təsdiq edən
sənəd. [484]
348.3. Zəruri hallarda
məhkəmə digər məlumatları da tələb
edə bilər.
348.4. Qəyyumluq və himayəçilik
orqanının rəyi məhkəməyə daxil olduqdan
sonra hakimin qərardadı ilə iş üzrə icraat
təzələnir və iş məhkəmə iclasında
baxılmağa təyin edilir.
348.5. Azərbaycan Respublikasının
vətəndaşı olan uşaq əcnəbilər və
ya vətəndaşlığı olmayan şəxslər
tərəfindən övladlığa
götürüldüyü zaman məhkəmə müvafiq
icra hakimiyyəti orqanından razılığa əsas
olmuş qəyyumluq və himayəçilik orqanı
tərəfindən verilmiş
vətəndaşlığından və yaşayış
yerindən asılı olmayaraq uşağın öz
qohumları (bacıları, qardaşları,
nənələri, babaları, valideynlərinin
bacıları, qardaşları, onların övladları)
tərəfindən övladlığa
götürülməsinin qeyri-mümkünlüyünü
təsdiq edən sənədləri və övladlığa
götürmənin uşağın mənafeyinə uyğun
olması barədə rəyi, həmçinin
övladlığa götürülənin ümumi
uçotda olmasını və övladlığa
götürənin vətəndaşı olduğu (daimi
yaşadığı) dövlətin səlahiyyətli
orqanının təqdim etdiyi müvafiq sənədləri
tələb edir.
[485]
Maddə 349. Ərizəyə baxılması
İşə qapalı
məhkəmə iclasında, ögey ata (ögey ana)
tərəfindən övladlığa
götürülmə halları istisna olmaqla, övladlığa
götürənlərin (götürənin), qəyyumluq
və himayəçilik orqanı nümayəndəsinin, Azərbaycan Respublikasının
vətəndaşı olan uşaq əcnəbilər və
ya vətəndaşlığı olmayan şəxslər
tərəfindən övladlığa götürüldükdə müvafiq icra hakimiyyəti
orqanı nümayəndəsinin mütləq, zəruri
hallarda isə digər maraqlı şəxslərin və on
yaşına çatmış uşağın
özünün iştirakı ilə baxılır. [486]
Maddə 350. Ərizə üzrə
məhkəmənin qərarı
350.1. Məhkəmə
ərizəyə baxaraq, uşağın övladlığa
götürülməsi haqqında övladlığa
götürənlərin (götürənin) xahişinin
təmin və ya rədd edilməsi haqqında qətnamə qəbul edir. Övladlığa
götürmə haqqında xahişi təmin edərkən
məhkəmə uşağı konkret şəxslər
(şəxs) tərəfindən övladlığa
götürülmüş hesab edir və qətnamənin
nəticə hissəsində övladlığa götürmənin
vətəndaşlıq
vəziyyəti aktlarının dövlət
qeydiyyatını aparan orqanlarda qeyd edilməsi
üçün zəruri olan övladlığa
götürülən və övladlığa
götürənlər (götürən) haqqında
bütün məlumatları göstərir. Qətnamə yalnız qapalı
məhkəmə iclası iştirakçıları
üçün elan edilir.[487]
350.2. Məhkəmə
övladlığa götürənlərin
(götürənin) uşağın doğulması
haqqında akt qeydində valideynlər (valideyn) kimi
yazılmasına, eləcə də uşağın
doğulduğu tarix və yerin dəyişdirilməsinə
dair onların xahişlərini rədd edərək,
uşağı övladlığa götürmələri
haqqında xahişlərini təmin edə bilər.
Azərbaycan
Respublikasının tərəfdar çıxdığı
beynəlxalq müqavilələrdə ayrı qayda
nəzərdə tutulmamışdırsa, Azərbaycan
Respublikasının vətəndaşı olan uşaqlar
əcnəbilər və ya vətəndaşlığı
olmayan şəxslər tərəfindən
övladlığa götürüldüyü zaman
övladlığa götürmədən sonra
əcnəbilər və ya vətəndaşlığı
olmayan ºəxslər tərəfindən uşağın
saxlanması, tərbiyəsi və təhsili şəraiti
barədə məlumatların mütəmadi olaraq
övladlığa götürənin vətəndaşı
olduğu (daimi yaşadığı) dövlətin
səlahiyyətli orqanına təqdim edilməsi öhdəliyinin
götürülməsi uşağın övladlığa
götürülməsi haqqında məhkəmənin
qətnaməsində göstərilməlidir. [488]
350.3. Xahiş təmin
edildikdə, övladlığa götürənlərin
(götürənin) və övladlığa
götürülən uşağın
qarşılıqlı hüquq və vəzifələri
uşağın övladlığa götürülməsi
haqqında məhkəmə qətnaməsinin qanuni
qüvvəyə mindiyi gündən müəyyən olunur.
350.4.
Uşağın övladlığa götürülməsi
barədə məhkəmənin qətnaməsi qanuni qüvvəyə
mindikdən sonra həmin qətnamədən çıxarış
3 gün
müddətində
hakim tərəfindən gücləndirilmiş
elektron imza ilə təsdiqlənərək “Elektron
məhkəmə”
informasiya sistemi vasitəsilə müvafiq
icra hakimiyyəti orqanının
müəyyən
etdiyi orqanın
(qurumun) informasiya sisteminə ötürülür.[489]
Maddə 351. Övladlığa
götürülmənin ləğv edilməsi
Uşağın
övladlığa götürülməsinin ləğv
edilməsi haqqında işlərin baxılması və
həlli iddia icraatı qaydasında həyata keçirilir.
Fəsil 40[490]
Şəxsin
narkoloji-tibb müəssisəsinə məcburi
yerləşdirilməsi barədə işlər üzrə
icraat
Maddə 352. Ərizənin verilməsi
352.1. Öz davranış
və hərəkətləri nəticəsində
dəfələrlə yaxın qohumlarına maddi və
mənəvi zərər yetirmiş, uşaqların
tərbiyəsinə mənfi təsir göstərmiş,
onların hüquqlarını kobudcasına pozmuş,
təklif olunmuş könüllü müalicədən
dəfələrlə imtina etmiş narkomanlıq
xəstəliyinə düçar olan şəxsin
narkoloji-tibb müəssisəsinə məcburi
yerləşdirilməsi barədə ərizə ailə
üzvləri, qəyyum və ya himayəçi
tərəfindən şəxsin yaşadığı yer
üzrə və ya narkoloji-tibb müəssisəsinin
yerləşdiyi yer üzrə məhkəməyə
təqdim olunur.
352.2. Ərizədə
şəxsin narkoloji-tibb müəssisəsinə məcburi
yerləşdirilməsinə aid qanunla nəzərdə
tutulmuş əsaslar göstərilməlidir və ərizəyə
narkoloji-tibb müəssisəsinin
həkim-məsləhət komissiyasının
əsaslandırılmış rəyi əlavə edilməlidir. [491]
Maddə 353. Ərizə üzrə
məhkəmənin qətnaməsi
353.1. İşə mahiyyəti
üzrə baxan hakim ərizənin rədd edilməsi və
yaxud təmin edilməsi barədə qətnamə qəbul
edir.
353.2. Ərizənin təmin
edilməsi barədə qətnamə şəxsin
narkoloji-tibb müəssisəsinə məcburi
yerləşdirilməsi və sonradan orada saxlanılması
üçün əsasdır.
Maddə 354. Narkoloji-tibb müəssisəsində
məcburi müalicədə olan şəxsin məcburi
müalicədən vaxtından əvvəl azad edilməsi
Narkoloji-tibb
müəssisəsində məcburi müalicədə olan
şəxsin qanunla nəzərdə tutulmuş hallarda
narkoloji-tibb müəssisəsindən vaxtından
əvvəl azad edilməsi, həmin müəssisənin
müdiriyyətinin təqdimatı və həkim-məsləhət komissiyasının rəyi nəzərə alınmaqla
müəssisənin yerləşdiyi yer üzrə
məhkəmənin qərarı əsasında həyata
keçirilir. [492]
Maddə 355. Şəxsin narkoloji-tibb
müəssisəsində məcburi müalicə
müddətinin uzadılması
Şəxsin narkoloji-tibb
müəssisəsinə məcburi yerləşdirilməsi
müddətinin uzadılması narkoloji-tibb
müəssisəsinin müdiriyyətinin təqdimatı
və həkim-məsləhət komissiyasının rəyi nəzərə alınmaqla
müəssisənin yerləşdiyi yer üzrə
məhkəmənin qərarı əsasında həyata
keçirilir.
Fəsil 40-1.
Məişət
zorakılığından zərər çəkmiş
şəxsə uzunmüddətli mühafizə orderinin
verilməsi barədə işlər üzrə icraat[493]
Maddə 355-1. Ərizənin
verilməsi
355-1.1.
Məişət zorakılığı ilə bağlı
hərəkətləri törətmiş şəxs
verilmiş xəbərdarlığa və
qısamüddətli mühafizə orderinin
tələblərinə əməl etmədikdə,
zərər çəkmiş şəxs və ya müvafiq
icra hakimiyyəti orqanı uzunmüddətli mühafizə
orderinin verilməsi üçün məhkəməyə
müraciət etmək hüququna malikdir.
355-1.2.
Uzunmüddətli mühafizə orderinin verilməsi
barədə ərizə zərər çəkmiş
şəxsin yaşadığı (olduğu) yer üzrə
verilir.
Maddə 355-2. Ərizənin
məzmunu
Uzunmüddətli
mühafizə orderinin verilməsi barədə
ərizədə məişət zəminində
qəsdən törədilən fiziki, psixi və ya cinsi
zorakılıq və iqtisadi xarakterli qanunsuz
məhdudiyyətlərin tətbiqi nəticəsində
zərər çəkmiş şəxsə fiziki və ya
mənəvi zərər vurulmasını təsdiq edən hallar
şərh edilməli, ərizəçinin xahişi
göstərilməlidir.
Maddə 355-3. Ərizəyə
baxılması
355-3.1.
Uzunmüddətli mühafizə orderinin verilməsi
barədə ərizəyə məhkəməyə
təqdim olunduqdan sonra 3 gün müddətinə
baxılmalıdır.
355-3.2.
Ərizəyə, bu Məcəllənin 185-ci
maddəsində nəzərdə tutulmuş hallar istisna
olmaqla, məişət zorakılığından
zərər çəkmiş şəxsin və
məişət zorakılığını
törətmiş şəxsin iştirakı ilə
baxılır. Ərizəyə baxılmasında
məişət zorakılığı ilə bağlı
araşdırmanı aparmış dövlət
orqanının nümayəndəsinin iştirakı
məcburidir.
355-3.3.
Tərəflərin şəxsi və ailə həyatı
sirrinin yayılmasının qarşısının
alınması, habelə yetkinlik yaşına
çatmamış şəxslərin maraqlarının
təmin edilməsi məqsədi ilə uzunmüddətli
mühafizə orderinin verilməsi barədə işə
qapalı məhkəmə iclasında baxılır.
Maddə 355-4.
Məhkəmənin ərizə üzrə qətnaməsi
355-4.1.
İşə mahiyyəti üzrə baxan hakim ərizənin
rədd edilməsi və ya təmin edilməsi barədə
qətnamə qəbul edir.
355-4.2.
Uzunmüddətli mühafizə orderinin verilməsi
barədə qətnamə qəbul edildikdən dərhal sonra
məhkəmə iclasında elan olunur.
355-4.3.
Qətnamənin surəti bu Məcəllənin 227.2-ci
maddəsinə uyğun olaraq tərəflərə verilir.
355-4.4.
Uzunmüddətli mühafizə orderinin verilməsi
barədə qətnamədə məişət
zorakılığını törətmiş
şəxsə aşağıdakılardan biri və ya bir
neçəsi qadağan edilir:
355-4.4.1.
məişət zorakılığının təkrar
törədilməsi;
355-4.4.2.
zərər çəkmiş şəxsin olduğu yer ona
məlum olmadıqda həmin şəxsin axtarılması;
355-4.4.3.
zərər çəkmiş şəxsə narahatlıq
gətirən digər hərəkətlərin edilməsi.
355-4.5.
Uzunmüddətli mühafizə orderinin verilməsi
barədə qətnamədə bu Məcəllənin
355-4.4-cü maddəsində qeyd olunanlarla yanaşı
aşağıdakılardan biri və ya bir neçəsi
göstərilir:
355-4.5.1.
məişət zorakılığını
törətmiş şəxsin yetkinlik yaşına
çatmamış uşaqları ilə ünsiyyət
qaydaları;
355-4.5.2.
yaşayış sahəsindən və ya birgə əmlakdan
istifadə qaydalarının müəyyən edilməsi;
355-4.5.3.
zərər çəkmiş şəxsə tibbi və ya
hüquqi yardımın göstərilməsi ilə
bağlı xərclərin məişət
zorakılığını törətmiş şəxs
tərəfindən ödənilməsi şərtləri;
355-4.5.4.
uzunmüddətli mühafizə orderinin verilməsi
barədə qətnamənin icra edilməməsinə
görə məsuliyyətin izah edilməsi barədə
məlumat.
355-4.6.
Uzunmüddətli mühafizə orderi 30 gündən 180
günədək müddətə verilir.
Fəsil
40-2.[494]
Vergi
ödəyicisi və ya
sığortaedən olan fiziki şəxslərin və
ya hüquqi şəxslərin icra orqanının
rəhbərinin ölkədən getmək hüququnun
müvəqqəti məhdudlaşdırılması haqqında
işlər üzrə icraat
Maddə 355-5. Ərizənin verilməsi
355-5.1. Vergi ödəyicisi
və ya sığortaedən vergi, məcburi dövlət
sosial sığorta, icbari tibbi sığorta və
işsizlikdən sığorta haqları üzrə öhdəliyini
qanunla müəyyən edilmiş hallarda və
müddətlərdə yerinə yetirmədikdə,
hesablanmış vergilər, məcburi dövlət sosial
sığorta, icbari tibbi sığorta və işsizlikdən
sığorta haqları üzrə borcların və
faizlərin, vergilər və məcburi dövlət sosial
sığorta haqları üzrə tətbiq edilmiş
maliyyə sanksiyalarının ödənilməsini təmin
etmək üçün müvafiq icra hakimiyyəti
orqanının müəyyən etdiyi orqan (qurum) fiziki
şəxslərin və ya hüquqi şəxslərin icra
orqanının rəhbərinin ölkədən getmək
hüququnun müvəqqəti məhdudlaşdırılması
barədə məhkəməyə müraciət etmək
hüququna malikdir.[495]
355-5.2. Ölkədən getmək
hüququnun müvəqqəti
məhdudlaşdırılması haqqında ərizə
fiziki şəxslərin və ya hüquqi şəxslərin
icra orqanının rəhbərinin yaşadığı
(olduğu) yer üzrə verilir.
Maddə 355-6. Ərizənin məzmunu
Vergi ödəyicisi və
ya sığortaedən olan fiziki şəxslərin
və ya hüquqi şəxslərin icra orqanının
rəhbərinin ölkədən getmək hüququnun
müvəqqəti məhdudlaşdırılması haqqında
ərizədə məhdudlaşdırmaya əsas olan hallar
qeyd olunmalı və ərizəçinin xahişi
göstərilməlidir.
Maddə 355-7. Ərizəyə baxılması və
qətnamənin qəbul edilməsi
355-7.1. Vergi ödəyicisi və ya sığortaedən olan fiziki
şəxslərin və ya hüquqi şəxslərin icra
orqanının rəhbərinin ölkədən getmək
hüququnun müvəqqəti
məhdudlaşdırılması haqqında ərizə
məhkəməyə təqdim olunduqdan sonra
məhkəmə tərəfindən 10 gün
müddətinə baxılır.
355-7.2. Məhkəmə
ərizəyə baxılması barədə işdə
maraqlı olan şəxslərə məlumat verməlidir.
İşə baxılmanın vaxtı və yeri haqqında
lazımi qaydada xəbərdar edilmiş işdə maraqlı
olan şəxslərin məhkəmə iclasına
gəlməməsi işə baxılmasına mane olmur. Lakin
işdə maraqlı olan şəxslər üzrlü
səbəblərdən gəlmədiyi hallarda
məhkəmə işin baxılmasını təxirə
salır.
355-7.3. İşə mahiyyəti
üzrə baxan hakim ərizənin rədd edilməsi və
ya təmin edilməsi barədə qətnamə qəbul edir.
355-7.4. Vergi ödəyicisi və ya sığortaedən olan fiziki
şəxslərin və ya hüquqi şəxslərin icra
orqanının rəhbərinin ölkədən getmək
hüququnun müvəqqəti
məhdudlaşdırılması haqqında qətnamə
qəbul edildikdən dərhal sonra qüvvəyə minir
və qətnamədən şikayətin verilməsi onun
icrasını dayandırmır.
355-7.5. Qətnamənin surəti bu
Məcəllənin 227.2-ci maddəsinə uyğun olaraq
tərəflərə verilir.
355-7.6. Vergi
ödəyicisi olan fiziki şəxslərin və ya hüquqi
şəxslərin icra orqanının rəhbərinin
ölkədən getmək hüququnun müvəqqəti
məhdudlaşdırılması haqqında ərizə
məhkəmə tərəfindən təmin edilərək
müvafiq qətnamə qəbul edildikdən sonra
ölkədən getmək hüququnun müvəqqəti
məhdudlaşdırılmasına səbəb olmuş
əsaslar aradan qalxdıqda, müvafiq icra hakimiyyəti
orqanının ərizəsinə əsasən
məhkəmə tərəfindən iki iş günü
ərzində həmin məhdudlaşdırmanın
götürülməsi barədə qətnamə qəbul
edilir.[496]
Fəsil
40-3. [497]
Şəxsin
Azərbaycan Respublikası
vətəndaşlığını itirməsi haqqında
işlər üzrə icraat
Maddə 355-8. Ərizənin verilməsi
355-8.1. “Azərbaycan Respublikasının
vətəndaşlığı haqqında” Azərbaycan
Respublikasının Qanununda nəzərdə tutulmuş
hallarda müvafiq icra hakimiyyəti orqanı şəxsin
Azərbaycan Respublikası
vətəndaşlığını itirməsi ilə
əlaqədar məhkəməyə müraciət edir.
355-8.2. Şəxsin Azərbaycan
Respublikası vətəndaşlığını
itirməsi ilə bağlı ərizə müvafiq icra
hakimiyyəti orqanının yerləşdiyi yer üzrə
verilir.
Maddə 355-9. Ərizənin məzmunu
Şəxsin Azərbaycan Respublikası
vətəndaşlığını itirməsi ilə
əlaqədar ərizədə
vətəndaşlığın itirilməsinə əsas
olan hallar göstərilməli və ərizəyə
müvafiq icra hakimiyyəti orqanının
əsaslandırılmış rəyi və bununla
əlaqədar toplanmış sənədlər əlavə
edilməlidir.
Maddə 355-10. Ərizəyə baxılması və
qətnamənin qəbul edilməsi
355-10.1. Şəxsin Azərbaycan
Respublikası vətəndaşlığını
itirməsi ilə əlaqədar ərizə
məhkəməyə təqdim olunduqdan sonra
məhkəmə tərəfindən 10 gün
müddətində baxılır.
355-10.2. Məhkəmə
ərizəyə baxılması barədə işdə
maraqlı olan şəxslərə məlumat verir, lakin
həmin şəxslərin üzrlü səbəb olmadan
məhkəmə iclasına gəlməməsi işə
baxılmasına mane olmur. İşdə maraqlı olan
şəxslər üzrlü səbəblərdən
gəlmədiyi hallarda məhkəmə işin
baxılmasını təxirə salır. Ərizəyə
baxılmasında vətəndaşlığın
itirilməsi halları ilə bağlı araşdırmanı
aparmış dövlət orqanının
nümayəndəsinin iştirakı məcburidir.
355-10.3 İşə mahiyyəti
üzrə baxan hakim “Azərbaycan Respublikasının
vətəndaşlığı haqqında” Azərbaycan
Respublikası Qanununun 17-ci maddəsinin ikinci və üçüncü
hissələrində göstərilən
məhdudiyyətlər nəzərə alınmaqla,
ərizənin rədd edilməsi və ya təmin edilməsi
barədə qətnamə qəbul edir.
355-10.4. Qətnamənin surəti bu
Məcəllənin 227.2-ci maddəsinə uyğun olaraq
məhkəməyə müraciət etmiş müvafiq icra
hakimiyyəti orqanına və barəsində Azərbaycan
Respublikası vətəndaşlığını
itirməsi ilə əlaqədar qətnamə qəbul
edilmiş şəxsə onun məlum olan sonuncu
yaşayış yeri üzrə göndərilir.
Fəsil
40-4.[498]
Terrorçuluğun
maliyyələşdirilməsinə qarşı
mübarizə çərçivəsində aktivlərin
dondurulması haqqında işlər üzrə icraat
Maddə 355-11. Ərizənin verilməsi
355-11.1. Müvafiq
icra hakimiyyəti orqanı apardığı ilkin yoxlama nəticəsində
“Cinayət yolu ilə əldə edilmiş pul
vəsaitlərinin və ya digər əmlakın
leqallaşdırılmasına və terrorçuluğun
maliyyələşdirilməsinə qarşı
mübarizə haqqında” Azərbaycan Respublikası Qanununun
19-1.4-cü maddəsində nəzərdə tutulmuş
halları müəyyən etdikdə, fiziki və ya hüquqi
şəxslərin aktivlərinin dondurulması
üçün məhkəməyə müraciət edir.
355-11.2. Aktivlərin
dondurulması barədə ərizə aktivlərin
yerləşdiyi yer üzrə verilir.
Maddə 355-12. Ərizənin məzmunu
Terrorçuluğun
maliyyələşdirilməsinə qarşı
mübarizə çərçivəsində aktivlərin
dondurulması haqqında ərizədə aktivlərin
dondurulması üçün qanunda nəzərdə
tutulmuş əsaslar, həmçinin aktivlər barədə
məlumatlar və onlar haqqında məhkəməyə
qədər görülmüş tədbirlər qeyd olunmalı
və ərizəçinin xahişi göstərilməlidir.
Maddə 355-13. Ərizəyə baxılması və
qətnamənin qəbul edilməsi
355-13.1.
Terrorçuluğun maliyyələşdirilməsinə
qarşı mübarizə çərçivəsində
aktivlərin dondurulması haqqında ərizəyə
məhkəməyə təqdim olunduqdan sonra 5 gün
müddətində baxılır və müvafiq qərar
qəbul edilir.
355-13.2.
Məhkəmə ərizəyə baxılması
barədə işdə maraqlı olan şəxslərə
məlumat verir. İşdə maraqlı olan
şəxslərin məhkəmə iclasına
gəlməməsi işə baxılmasına mane olmur.
355-13.3.
İşə mahiyyəti üzrə baxan hakim ərizənin
rədd edilməsi və ya təmin edilməsi barədə
qətnamə qəbul edir.
355-13.4.
Terrorçuluğun maliyyələşdirilməsinə
qarşı mübarizə çərçivəsində
aktivlərin dondurulması haqqında qətnamə qəbul
edildikdən dərhal sonra qüvvəyə minir və
qətnamədən şikayətin verilməsi onun
icrasını dayandırmır.
355-13.5.
Qətnamənin surəti bu Məcəllənin 227.2-ci
maddəsinə uyğun olaraq tərəflərə verilir.
Maddə 355-14. Aktivlərin dondurulması ilə
bağlı tədbirlərin ləğvi
Terrorçuluğun
maliyyələşdirilməsinə qarşı
mübarizə çərçivəsində aktivlərin
dondurulması haqqında qətnamə qəbul edildikdən
sonra aktivlərin dondurulması üçün əsaslar
aradan qalxdıqda, aktivləri dondurulmuş şəxsin və
ya müvafiq icra hakimiyyəti orqanının
müraciətinə əsasən məhkəmə
tərəfindən 5 gün müddətində aktivlərin
dondurulması tədbirlərinin ləğv edilməsi
barədə qətnamə qəbul edilir.
Fəsil
40-5[499]
Bankın
öhdəliklərinin könüllü restrukturizasiyası
haqqında işlər üzrə icraat
Maddə 355-15. Ərizənin verilməsi
355-15.1. “Banklar haqqında” Azərbaycan Respublikasının
Qanununda nəzərdə tutulmuş hallarda və qaydada bank
onun öhdəliklərinin könüllü
restrukturizasiyası ilə əlaqədar
məhkəməyə müraciət edir.
355-15.2. Bankın öhdəliklərinin
könüllü restrukturizasiyası haqqında ərizə
bankın yerləşdiyi yer üzrə
məhkəməyə verilir.
Maddə 355-16. Ərizənin məzmunu
Bankın öhdəliklərinin
könüllü restrukturizasiyası ilə əlaqədar
ərizəyə bankın öhdəliklərinin
könüllü restrukturizasiyasına əsas olan hallarla
bağlı sənədlər, Azərbaycan
Respublikasının Mərkəzi Bankın yazılı
bildirişi alınmış restrukturizasiya planı və
bununla əlaqədar toplanmış digər
sənədlər əlavə edilməli və
ərizəçinin xahişi göstərilməlidir.[500]
Maddə 355-17. Ərizəyə baxılması və
qətnamənin qəbul edilməsi
355-17.1. Bankın öhdəliklərinin
könüllü restrukturizasiyası haqqında
ərizəyə məhkəməyə verildikdən sonra
məhkəmə tərəfindən 10 gün ərzində
baxılır və qərar qəbul edilir.
355-17.2. Məhkəmə
ərizəyə öhdəlikləri restrukturizasiya edilən
bankın və Azərbaycan Respublikasının Mərkəzi
Bankın mütləq iştirakı ilə baxır.
İşə mahiyyəti üzrə baxan hakim ərizənin
rədd edilməsi və ya təmin edilməsi barədə
qətnamə qəbul edir.
355-17.3. Bankın öhdəliklərinin
könüllü restrukturizasiyası haqqında qətnamə
qəbul edildikdən dərhal sonra qüvvəyə minir
və qətnamədən şikayətin verilməsi onun
icrasını dayandırmır.
355-17.4. Bankın öhdəliklərinin
könüllü restrukturizasiyası haqqında
qətnamədə, o cümlədən
aşağıdakılar göstərilməlidir:
355-17.4.1. bankın adı;
355-17.4.2. restrukturizasiya müddəti
və bankın öhdəliklərinin könüllü
restrukturizasiyasının həyata keçirilməsi
üzrə məsul şəxslər göstərilməklə
bankın öhdəliklərinin könüllü
restrukturizasiyasının həyata keçirilməsi
barədə göstəriş.
355-17.5. Qətnamənin surəti bu
Məcəllənin 227-ci maddəsinə uyğun olaraq
məhkəməyə müraciət etmiş banka onun
hüquqi ünvanı üzrə və Azərbaycan
Respublikasının Mərkəzi Banka göndərilir.
Maddə 355-18. Restrukturizasiya planının təsdiq
edilməsi
355-18.1. “Banklar haqqında” Azərbaycan
Respublikasının Qanununda nəzərdə tutulmuş
hallarda və qaydada bank öhdəliklərinin
könüllü restrukturizasiyası planının təsdiqi
üçün bankın yerləşdiyi yer üzrə
məhkəməyə ərizə ilə müraciət edir.
Bank onun öhdəliklərinin könüllü
restrukturizasiyası planı ilə birlikdə, həmin
planın təsdiq edilməsi haqqında bankın müvafiq
kreditorlarının yığıncağının
protokolunu və əlaqəli sənədləri də
məhkəməyə təqdim edir.
355-18.2. Bankın öhdəliklərinin
könüllü restrukturizasiyası planının təsdiq
edilməsi haqqında ərizəyə
məhkəməyə verildikdən sonra 30 gün ərzində
baxılıb qərar qəbul edilir.
355-18.3. Məhkəmə
ərizəyə baxılması barədə işdə
maraqlı olan şəxslərə məlumat verməlidir.
Məhkəmə iclasının vaxtı və yeri, habelə
ayrı-ayrı prosessual hərəkətlərin yerinə
yetirilməsi haqqında məhkəmə bildirişi
kreditorlar tərəfindən təsdiq edilmiş
restrukturizasiya planında göstərilmiş üsulla
maraqlı şəxslərə göndərilir.
İşdə maraqlı olan şəxslərin
məhkəmə iclasına gəlməməsi işə
baxılmasına mane olmur.
355-18.4. Qətnamə qəbul
edildikdən dərhal sonra qüvvəyə minir və
qətnamədən şikayətin verilməsi onun
icrasını dayandırmır.
Maddə 355-18-1. Bankın öhdəliklərinin
könüllü restrukturizasiyası müddətinin
uzadılması[501]
355-18-1.1. Bankın
öhdəliklərinin könüllü restrukturizasiyası
müddəti “Banklar haqqında” Azərbaycan
Respublikasının Qanununda nəzərdə tutulmuş
qaydada bankın əsaslandırılmış ərizəsi
əsasında işə baxan məhkəmə
tərəfindən uzadıla bilər.
355-18-1.2. Bankın
öhdəliklərinin könüllü restrukturizasiyası
müddətinin uzadılması haqqında ərizəyə
məhkəməyə verildikdən sonra məhkəmə
tərəfindən 10 gün ərzində baxılır
və qərardad qəbul edilir. Qərardad dərhal
qüvvəyə minir və qərardaddan şikayətin
verilməsi onun icrasını dayandırmır.
355-18-1.3. Həmin qərardaddan
şikayət, qərardad rəsmi qaydada işdə iştirak
edən şəxslərə verildiyi gündən 10 gün
müddətində bu Məcəllənin 21-ci fəsli
ilə müəyyən edilmiş qaydada verilə bilər.
Maddə 355-19. Bankın öhdəliklərinin
könüllü restrukturizasiyasına xitam verilməsi
haqqında qətnamənin qəbul edilməsi
355-19.1. “Banklar haqqında” Azərbaycan
Respublikası Qanununda nəzərdə tutulmuş hallarda
bankın öhdəliklərinin könüllü
restrukturizasiyasına xitam verilməsi haqqında Azərbaycan
Respublikasının Mərkəzi Bankın ərizəsinə
bankın yerləşdiyi yer üzrə
məhkəməyə verildikdən sonra 10 gün
ərzində baxılıb qərar qəbul edilir.
355-19.2. Məhkəmə
ərizəyə baxılması barədə işdə
maraqlı olan şəxslərə məlumat verməlidir.
İşdə maraqlı olan şəxslərin məhkəmə
iclasına gəlməməsi işə baxılmasına mane
olmur.
355-19.3. Qətnamə qəbul
edildikdən dərhal sonra qüvvəyə minir və
qətnamədən şikayətin verilməsi onun
icrasını dayandırmır.
Fəsil
40-6.[502]
Yayılması qanunla qadağan
edilən informasiyanın internet
informasiya ehtiyatından götürülməsi və ya internet informasiya ehtiyatına müraciətin
məhdudlaşdırılması haqqında işlər
üzrə icraat
Maddə 355-20. Ərizənin verilməsi
355-20.1. Müvafiq icra hakimiyyəti
orqanı internet informasiya ehtiyatında “İnformasiya,
informasiyalaşdırma və informasiyanın mühafizəsi
haqqında” Azərbaycan Respublikasının Qanununa
əsasən yayılması qadağan edilən
informasiyanın yerləşdirilməsi hallarını
müəyyən etdikdə, yayılması qanunla qadağan
edilən informasiyanın
internet informasiya ehtiyatından
götürülməsi
və ya internet informasiya ehtiyatına
və ya onun müvafiq
hissəsinə müraciətin məhdudlaşdırılması
üçün məhkəməyə müraciət edir. [503]
355-20.2. Yayılması qanunla qadağan
edilən informasiyanın
internet informasiya ehtiyatından
götürülməsi
və ya internet informasiya ehtiyatına
və ya onun müvafiq
hissəsinə müraciətin məhdudlaşdırılması
barədə ərizə müvafiq icra hakimiyyəti
orqanının yerləşdiyi yer üzrə verilir. [504]
Maddə 355-21. Ərizənin məzmunu
Ərizədə yayılması qanunla qadağan edilən
informasiyanın
internet informasiya ehtiyatından
götürülməsi
və ya internet informasiya ehtiyatına
və ya onun müvafiq
hissəsinə müraciətin məhdudlaşdırılması
üçün qanunda nəzərdə tutulmuş
əsaslar, internet informasiya ehtiyatı barədə
məlumatlar, məhkəməyə qədər görülmüş
tədbirlər qeyd olunmalı və ərizəçinin
xahişi göstərilməlidir.
Maddə 355-22. Ərizəyə baxılması və
qətnamənin qəbul edilməsi
355-22.1. Ərizə məhkəməyə
təqdim olunduqdan sonra ona 5 gün müddətində
baxılır və müvafiq qərar qəbul edilir. [505]
355-22.2. Məhkəmə
ərizəyə baxılması barədə işdə
maraqlı olan şəxslərə məlumat verir.
İşdə maraqlı olan şəxslərin məhkəmə
iclasına gəlməməsi işə baxılmasına mane
olmur.
355-22.3. İşə mahiyyəti
üzrə baxan hakim ərizənin rədd edilməsi və
ya təmin edilməsi barədə qətnamə qəbul edir.
355-22.4. Yayılması qanunla qadağan
edilən informasiyanın
internet informasiya ehtiyatından
götürülməsi
və ya internet informasiya ehtiyatına
və ya onun müvafiq
hissəsinə müraciətin məhdudlaşdırılması
haqqında qətnamə qəbul edildikdən dərhal sonra
qüvvəyə minir və qətnamədən
şikayətin verilməsi onun icrasını
dayandırmır.
355-22.5. Qətnamənin surəti bu
Məcəllənin 227.2-ci maddəsinə uyğun olaraq
tərəflərə verilir.
Fəsil 40-7.
Mediasiya prosesi nəticəsində
bağlanılmış barışıq sazişinin
təsdiq edilməsinə dair işlər üzrə icraat[506]
Maddə 355-23. Ərizənin verilməsi
355-23.1. “Mediasiya haqqında” Azərbaycan Respublikası
Qanununda müəyyən edilmiş müddət
ərzində mediasiya prosesi nəticəsində əldə
edilən barışıq sazişi könüllü qaydada
icra edilmədikdə və ya barışıq sazişinin
könüllü icrasından imtina olunduqda,
ərizəçi barışıq sazişinin məcburi
icrası üçün barışıq sazişinin
təsdiq edilməsi barədə (barışıq
sazişinin bu Məcəllənin 191.2-1-ci maddəsinə
uyğun olaraq təsdiq edildiyi hal istisna olmaqla)
məhkəməyə müraciət edə bilər.
355-23.2. Mediasiya prosesi nəticəsində
bağlanılmış barışıq sazişinin
təsdiq edilməsi ilə bağlı ərizə
ərizəçi fiziki şəxsin yaşadığı
yer, hüquqi şəxsin ünvanının olduğu yer
üzrə, ərizə dövlət orqanı (qurumu)
tərəfindən verildikdə, barışıq
sazişinin icrasından imtina edən fiziki şəxsin
yaşadığı, hüquqi şəxsin
ünvanının olduğu yer üzrə
məhkəməyə verilir.
Maddə 355-24. Ərizənin məzmunu
Mediasiya prosesi nəticəsində
bağlanılmış barışıq sazişinin
təsdiq edilməsi ilə bağlı ərizədə
barışıq sazişinin könüllü icrası
üçün “Mediasiya haqqında” Azərbaycan
Respublikası Qanununun 34.1-ci maddəsi ilə
müəyyən olunmuş müddətin keçməsi
və ərizəçinin xahişi göstərilməlidir.
Maddə 355-25. Ərizəyə baxılma qaydası
və qətnamənin qəbul edilməsi
355-25.1. Barışıq sazişinin təsdiq
edilməsi ilə bağlı ərizəyə
məhkəməyə daxil olduqdan sonra 10 gün
müddətində baxılır.
355-25.2. Məhkəmə ərizəyə
baxılması barədə işdə maraqlı olan
şəxslərə məlumat verir, lakin həmin
şəxslərin üzrlü səbəb olmadan
məhkəmə iclasına gəlməməsi işə
baxılmasına mane olmur. İşdə maraqlı olan
şəxslər üzrlü səbəblərdən
gəlmədiyi hallarda, məhkəmə işin
baxılmasını təxirə salır.
355-25.3. Məhkəmə ərizəyə baxarkən
bu Məcəllənin 355-26-cı maddəsində
sadalanmış halların olub-olmadığını
müəyyən edir və barışıq sazişinin
təsdiq edilməsi və ya təsdiq edilməsindən imtina
olunması barədə qətnamə qəbul edir.
355-25.4. Qətnamənin surəti bu
Məcəllənin 227.3-cü maddəsinə uyğun olaraq
tərəflərə verilir.
Maddə 355-26. Mediasiya prosesi nəticəsində
bağlanılmış barışıq sazişinin və
ya onun bir hissəsinin təsdiq edilməsindən imtina
olunması
355-26.1. Məhkəmə aşağıdakı
hallarda barışıq sazişinin və ya onun bir
hissəsinin təsdiq edilməsindən imtina edir:
355-26.1.1. barışıq sazişi və ya onun bir
hissəsi qanuna zidd olduqda;
355-26.1.2. barışıq sazişi mediasiyada
iştirak etməyən üçüncü
şəxslərin və ya məhkəmə
tərəfindən fəaliyyət qabiliyyəti olmayan, yaxud
məhdud fəaliyyət qabiliyyətli hesab edilən
şəxslərin hüquqlarına toxunulan
mübahisələr üzrə keçirilmiş mediasiya
prosesinin nəticəsində bağlanıldıqda.
355-26.2. Barışıq sazişinin bir
hissəsinin təsdiq edilməsinə o hallarda yol verilir ki,
təsdiq edilməsindən imtina edilən hissənin təsdiq
edilən hissədən ayrılması mümkün olsun.
Üçüncü
bölmə
Məhkəmə
aktlarına yenidən baxılması
Fəsil 41
Apellyasiya
instansiyası məhkəməsində icraat
Maddə 357. Apellyasiya şikayəti vermək
hüququ KMQ5
357.1. Azərbaycan
Respublikasının birinci instansiya məhkəmələri
tərəfindən qəbul olunmuş qanuni qüvvəyə
minməmiş qətnamə və qərardadlardan, həmin
Məcəllədə nəzərdə tutulmuş hallar
istisna olmaqla, tərəflər, üçüncü
şəxslər, xüsusi icraat işlərində
ərizəçilər və maraqlı şəxslər
apellyasiya şikayəti verə bilər.
357.2. Həmin hüquqa,
işdə iştirak etməyə cəlb edilməyən,
lakin qəbul edilən qətnamə onların hüquq və
vəzifələrinə toxunan hallarda digər şəxslər
də malikdir. Prokuror bu Məcəllənin 50-ci və
306-cı maddələrində göstərilən hallarda
məhkəmə baxışında iddiaçı və ya
ərizəçi olarsa, məhkəmə aktlarından
protest verə bilər.
357.3. Prokurorun protesti iştirak
etdiyi iş üzrə onun tərəfindən apellyasiya
instansiyası məhkəməsinə verilən
şikayətdir və öz hüquqi mahiyyətinə, hüquqi
nəticələrinə görə apellyasiya
şikayətinə bərabər tutulur.
Maddə 358. Apellyasiya
qaydasında işə baxan məhkəmələr[507]
358.0. Birinci
instansiya məhkəməsinin qətnaməsindən apellyasiya
qaydasında aşağıdakı
məhkəmələrə şikayət verilə bilər:
358.0.1. rayon
(şəhər) məhkəmələrinin
qətnamələrindən - yurisdiksiya üzrə apellyasiya
məhkəmələrinin mülki işlər üzrə
kollegiyalarına;
358.0.2. kommersiya
məhkəmələrinin qətnamələrindən -
yurisdiksiya üzrə apellyasiya məhkəmələrinin kommersiya
kollegiyalarına və ya Naxçıvan Muxtar Respublikası
Ali Məhkəməsinin kommersiya
kollegiyasına; [508]
358.0.3.
Naxçıvan Muxtar Respublikası rayon (şəhər)
məhkəmələrinin qətnamələrindən -
Naxçıvan Muxtar Respublikası Ali Məhkəməsinin
mülki kollegiyasına. [509]
Maddə
359. Apellyasiya
şikayətinin (apellyasiyanın) mümkünlüyü[510]
Apellyasiya şikayəti
(apellyasiya) birinci instansiya məhkəməsinin qanuni
qüvvəyə minməmiş bütün
qətnamələrindən, iddia məbləği
şərti maliyyə vahidinin 100 mislindən çox olmayan
və qanunda xüsusi olaraq göstərilmiş
mübahisələr üzrə qəbul edilmiş
qətnamələr istisna olmaqla, verilə bilər.
Maddə 360. Apellyasiya şikayətinin verilmə
müddəti
Apellyasiya şikayəti
məhkəmə qətnaməsi rəsmi
qaydada verildiyi gündən 1 ay müddətində
verilə bilər. [511]
Maddə 361. Apellyasiya şikayətinin məzmunu
361.1. Bu Məcəllə ilə
müəyyən edilmiş formada verilən apellyasiya şikayətində
aşağıdakılar göstərilməlidir:[512]
361.1.1. şikayətin verildiyi
məhkəmənin adı və ünvanı;
361.1.2. şikayəti verən
şəxsin soyadı, adı, atasının adı,
(hüquqi şəxsə münasibətdə adı)
şəxsiyyətini eyniləşdirməyə imkan verən
digər məlumatlar, yaşayış yeri və ya olduğu
yer (həm faktiki, həm də rəsmi qeydə
alındığı ünvanı), yazışmaların
aparılmasının istənildiyi digər ünvan,
işdə prosessual vəziyyəti;[513]
361.1.3. barəsində
şikayət verilən məhkəmə aktı, onun qəbul edilmə tarixi,
nəticə hissəsi, həmin aktı qəbul edən məhkəmənin adı;[514]
361.1.4. şikayəti verən
şəxsin tələbi və məhkəmə aktının hansı
hissədə mübahisələndirildiyi;[515]
361.1.5. şikayət verən
şəxsin məhkəmə aktını düzgün hesab
etmədiyi konkret əsaslar;[516]
361.1.6. şikayət verən
şəxsin istinad etdiyi konkret fakt və hallar, habelə
onları təsdiq edən sübutlar;
361.1.7. şikayətə əlavə
edilən sənədlərin siyahısı.[517]
361.2. Apellyasiya şikayəti,
şikayəti vermiş şəxs, onun qanuni
nümayəndəsi və ya nümayəndəsi, yaxud
vəkili tərəfindən imzalanır. Qanuni
nümayəndə və ya nümayəndə, yaxud vəkil
tərəfindən verilən apellyasiya şikayətinə,
əgər işdə yoxdursa müvafiq olaraq
nümayəndənin, yaxud vəkilin səlahiyyətini təsdiq
edən etibarnamə, vəkilin orderi və ya digər
sənəd əlavə edilməlidir.[518]
361.3. Şikayətə
dövlət rüsumunun ödənilməsini təsdiq
edən sübutlar əlavə edilir.
361.4. Apellyasiya şikayətini
verən şəxsin birinci instansiya məhkəməsinə
təqdim edilməyən yeni sübutlara istinad etməsinə
yalnız o hallarda yol verilir ki, o, şikayətdə həmin
sübutların birinci instansiya məhkəməsinə
təqdim edilməsinin qeyri-mümkün olduğunu
əsaslandırsın.
361.5. Dərhal icra edilməli
olan qətnamələrdən verilən şikayətə
qətnamənin icra olunduğunu təsdiq edən
sənədlər əlavə olunur. [519]
Maddə 362. Apellyasiya şikayətinin verilməsi
Apellyasiya şikayəti və
ona əlavə olunan yazılı sənədlər
işdə iştirak edən şəxslərin sayına
görə işə birinci instansiyada baxmış məhkəməyə
təqdim edilir.
Maddə 363. Apellyasiya şikayətinin
qaytarılması
363.1. Apellyasiya şikayəti
birinci instansiya məhkəməsi tərəfindən
aşağıdakı hallarda qaytarılır:
363.1.1. apellyasiya şikayəti
imzalanmamışdırsa və ya onu imzalamağa hüququ
olmayan şəxs və ya vəzifəsi
göstərilməyən şəxs tərəfindən
imzalanmışdırsa, habelə apellyasiya şikayəti vermək hüququ
olmayan şəxs tərəfindən verilmişdirsə;[520]
363.1.1-1. apellyasiya şikayəti bu
Məcəllənin 361-ci maddəsinin
tələblərinə riayət edilmədən
verilmişdirsə;[521]
363.1.2. apellyasiya
şikayətinə müəyyən edilmiş qaydada və
məbləğdə dövlət rüsumunun
ödənilməsini təsdiq edən sənədlər
əlavə olunmamışdırsa, qanunla dövlət
rüsumunun ödənilməsinə möhlət
verilməsi, hissə-hissə ödənilməsi və ya onun
məbləğinin azaldılması imkanı
nəzərdə tutulmuşdursa, bu barədə
vəsatət olmadıqda və ya vəsatət rədd
edilmişdirsə;
363.1.3. apellyasiya şikayəti
müəyyən edilmiş müddət keçdikdən
sonra verilmişdirsə;
363.1.4. apellyasiya şikayət ona əlavə olunmuş
sənədlərlə və işlə birlikdə apellyasiya
instansiyası məhkəməsinə göndərilənədək
şikayəti verən şəxsin onun geri qaytarılması
haqqında ərizəsi daxil olmuşdursa;[522]
363.1.5. “Elektron məhkəmə”
informasiya sisteminin tətbiq olunduğu
məhkəmələrdə bu Məcəllənin
10-1.3-cü maddələrində nəzərdə tutulmuş
qaydada aparılan elektron məhkəmə icraatında
apellyasiya şikayəti həmin maddənin
tələblərinə uyğun verilmədikdə.[523]
363.2. Apellyasiya şikayətinin
qaytarılması haqqında qərardad
çıxarılır.
363.3. Apellyasiya şikayətinin
qaytarılması haqqında qərardaddan şikayət
verilə bilər.
363.4. Bu Məcəllənin
363.1.1 və 363.1.2-ci maddələrində
göstərilmiş hallar aradan qaldırıldıqdan sonra
şikayəti vermiş şəxs yenidən
məhkəməyə ümumi qaydada apellyasiya şikayəti
ilə müraciət edə bilər.
Maddə 364. Apellyasiya şikayətini aldıqdan sonra
birinci instansiya məhkəməsinin hərəkətləri
364.1. Birinci instansiya
məhkəməsi apellyasiya şikayətinin bu
Məcəllənin 361-ci maddəsinin
tələblərinə uyğunluğunu yoxlayır. Bu
Məcəllənin 361-ci maddəsinin tələblərinə
cavab verən apellyasiya şikayəti ona əlavə
olunmuş sənədlərlə və işlə
birlikdə apellyasiya şikayətinin verilmə müddəti
bitdikdən sonra 7 gün müddətində apellyasiya
instansiyası məhkəməsinə göndərilir.[524]
364.2. Apellyasiya şikayəti
işdə iştirak etməyən şəxslər
tərəfindən verildikdə məhkəmə qəbul
edilən qətnamənin onların hüquq və
vəzifələrinə toxunmasını, daha sonra isə bu
Məcəllənin 361-ci maddəsinin
tələblərinə uyğunluğunu yoxlayır və
bunun nəticəsinə dair qərardad qəbul edir. Bu
qərardaddan şikayət verilə bilər.[525]
Maddə 365. Ümumi şərtlər
Apellyasiya icraatına bu
fəslin və bu Məcəllənin müddəaları
tətbiq olunur.
Maddə 366. Apellyasiya mümkünlüyünün
yoxlanılması
366.1. Apellyasiya instansiyası
məhkəməsi iş
məhkəməyə daxil olduqdan sonra 15 gün
müddətində apellyasiyanın
mümkünlüyünü yoxlayır. Buraya işə
apellyasiya qaydasında baxılmaq üçün prosessual
əsasların olması daxildir. [526]
366.2. Əgər
apellyasiyanın mümkünlüyü üçün
əsaslar yoxdursa, o, qəbul olunmamış hesab edilə
bilər.
366.3. Apellyasiyanın
mümkünlüyü üzrə məhkəmə
qərardad çıxarır.
366.4. Apellyasiyanın
qeyri-mümkün hesab edilməsi barədə qərardaddan
kassasiya instansiyasına şikayət verilə bilər.
Maddə 367. Apellyasiya
şikayətinin rəsmi qaydada verilməsi, apellyasiya
şikayətinə etiraz və apellyasiya şikayətinə
dair izahatların verilməsi[527]
367.1. Əgər apellyasiya
mümkün hesab edilirsə, məhkəmə işdə iştirak edən
şəxslərə apellyasiya
şikayətini və ona əlavə edilən
sənədləri rəsmi
qaydada verir.[528]
367.2. İşdə iştirak
edən şəxslər apellyasiya şikayətinin surəti onlara rəsmi qaydada
verildikdən sonra 20 gün müddətində ona
qarşı öz etiraz və ya izahatlarını
məhkəməyə göndərməyə
haqlıdırlar. [529]
367.3. Etiraz və izahat
işdə iştirak edən şəxs, onun qanuni
nümayəndəsi və ya nümayəndəsi
tərəfindən imzalanır. Qanuni nümayəndə
və ya nümayəndə tərəfindən
imzalanmış etiraza və ya izahata onların işi aparmaq
səlahiyyətini təsdiq edən etibarnamə əlavə
edilir.
367.4. Etiraza və ya izahata
əvvəllər birinci instansiya məhkəməsinə
təqdim edilməməsinin səbəbləri izah olunmaqla,
başqa sənədlər də əlavə edilə
bilər.
Maddə 368. İşin baxılmağa təyin
olunması. İşə apellyasiya instansiyası məhkəməsində
baxılmanın müddətləri[530]
368.1. Əgər apellyasiya
mümkün hesab olunarsa, məhkəmə işə
baxılması vaxtını təyin edir.
368.2. Apellyasiya instansiyası
məhkəməsi təyin olunmuş vaxtda işə
baxılmasını təmin etmək üçün
zəruri hazırlıq işləri görür.
368.3. Qanunda başqa müddət müəyyən
edilməyibsə, apellyasiya instansiyası
məhkəməsində işə onun
məhkəməyə daxil olduğu gündən 3 ay müddətində
baxılmalı və müvafiq məhkəmə aktı
qəbul edilməlidir.[531]
Maddə 369. Apellyasiya şikayətindən imtina
edilməsi
369.1. İşdə iştirak
edən şəxsin apellyasiya şikayətindən imtina
etməsi birinci instansiya məhkəməsi qətnaməsinin qanuni qüvvəyə minməsinə səbəb olur.[532]
369.2. Apellyasiya şikayəti
verən şəxs apellyasiya instansiyası
məhkəməsində qətnamə qəbul edilənə
kimi yazılı formada ondan imtina edə bilər.
369.3. Məhkəmə bu
Məcəllənin 191-ci maddəsində nəzərdə
tutulan əsaslar olduqda şikayətdən imtinanı rədd
edə və işə apellyasiya qaydasında baxa bilər.
369.4. Şikayətdən
imtinanın qəbul edilməsi haqqında məhkəmə
qərardad qəbul edir və bu qərardadla apellyasiya
şikayətindən imtina etmiş şəxslərə münasibətdə
apellyasiya icraatına xitam verir.
Maddə 370. İddiaçının iddiadan imtina
etməsi və tərəflərin barışıq
sazişi
370.1. Apellyasiya şikayəti
qəbul olunduqdan sonra iddiaçının iddiadan imtina
etməsi və tərəflərin barışıq
sazişi bağlaması apellyasiya instansiyası məhkəməsinə
ünvanlanmış yazılı ərizələrdə
ifadə olunmalıdır.
370.2. Ərizələrə
baxılma qaydası, iddiadan imtinanın qəbul
edilib-edilməməsinin, tərəflərin
barışıq sazişinin təsdiq
edilib-edilməməsinin nəticələri bu
Məcəllənin 191-ci maddəsinin qaydaları ilə
müəyyən olunur.
Maddə 371. Apellyasiya
instansiyası məhkəməsində yeni sübutların
qəbul edilməsi[533]
Yeni sübutlar apellyasiya instansiyası
məhkəməsi tərəfindən o halda qəbul edilir
ki, işdə iştirak edən şəxslər həmin sübutların
birinci instansiya məhkəməsində təqdim
edilməsinin onlardan asılı olmayan səbəblərə
görə mümkün olmadığını
əsaslandırsın.[534]
Maddə 372. Apellyasiya instansiyası
məhkəməsində işə baxılmanın
hədləri
372.1. Apellyasiya instansiyası
məhkəməsi tam hüquqlu məhkəmə kimi
işə işdə olan və əlavə təqdim
olunmuş sübutlar əsasında mahiyyəti üzrə baxır.
372.2. Yeni sübutlar və yeni
tələblər apellyasiya instansiyası məhkəməsi
tərəfindən o halda qəbul edilir ki, işdə
iştirak edən şəxslər həmin sübutların
və tələblərin birinci instansiya
məhkəməsində təqdim edilməsinin onlardan
asılı olmayan səbəblərə görə
mümkün olmadığını əsaslandırsın.[535]
372.3. Tərəflər ilkin
olaraq birinci instansiya məhkəməsinin baxışına
təqdim etdikləri iddialarının hüquqi
əsasını dəyişə bilərlər.
372.4. Apellyasiya instansiyası
məhkəməsi tərəfindən birinci instansiyada
işə baxılmanın predmeti olmayan yeni
tələblər qəbul edilmir və onlara baxılmır.
372.5. Tərəflər
apellyasiya instansiyasının baxışına yeni
tələbləri yalnız o hallarda təqdim edə
bilərlər ki, bunlar qarşılıqlı tələbin
ödənilməsinə, əks tərəfin
tələbinin rədd edilməsinə,
üçüncü şəxslərin işə cəlb
edilməsinə, faktın aşkar olunmasına və ya fakt
haqqında məlumatın verilməsi əsasən
məsələlərin həll edilməsinə
yönəlmiş olsun.
372.6. Apellyasiya instansiyası
məhkəməsi birinci instansiya məhkəməsinin
qətnaməsinin əsaslılığını onun
barəsində açıq və ya dolayısı ilə
mübahisə edilən hissəsi üzrə, şikayət
qərarın ləğv edilməsinə yönəldikdə
və ya apellyasiya şikayətində və ona etirazlarda
ifadə olunmuş dəlillərə əsasən
mübahisənin predmeti bölünməz olduqda isə tam
yoxlayır.
372.7. Apellyasiya instansiyası
məhkəməsi şikayətin dəlillərindən
asılı olmayaraq, məhkəmənin maddi və prosessual
hüquq normalarına riayət etməsini yoxlayır.
Maddə 373. İşə baxılması
Sədrlik edən
məhkəmə iclasını açır və hansı
işə, kimin şikayəti ilə və hansı
məhkəmənin qətnaməsinə
baxıldığını elan edir, işdə iştirak
edən şəxslərdən və
nümayəndələrdən kimin gəldiyini
aydınlaşdırır və gəlmiş
şəxslərin şəxsiyyətini müəyyən
edir, həmçinin vəzifəli şəxslərin və
nümayəndələrin səlahiyyətlərini
yoxlayır.
Maddə 374. Məhkəmə tərkibinin elan
olunması və etiraz hüququnun izah edilməsi
Sədrlik edən
məhkəmə tərkibini elan edir və işdə
iştirak edən şəxslərə etiraz etmə
hüququnu izah edir. Etiraz üçün əsaslar,
edilmiş etirazın həlli qaydası və etirazların
təmin edilməsinin nəticələri bu
Məcəllənin 19-23-cü maddələri və bu
fəsillə müəyyən olunur.
Maddə 375. İşdə iştirak edən
şəxslərə onların hüquq və
vəzifələrinin izah edilməsi
Sədrlik edən işdə iştirak
edən şəxslərə prosessual hüquq və
vəzifələrinin izahı barədə bildirişin çatdırılıb-çatdırılmadığını
müəyyən edir. Hüquq və vəzifələrin
izahı haqqında bildiriş alınmadığı
təqdirdə, məhkəmə iclasında hüquq və
vəzifələrinin izahı haqqında bildiriş
işdə iştirak edən hər bir şəxsə
yazılı qaydada təqdim olunur və o, bunu öz imzası
ilə təsdiq edir. Məhkəmə iclasına
gəlmiş işdə iştirak edən şəxslərin
müraciəti ilə məhkəmə onların hüquq
və vəzifələrini izah etməlidir.[536]
Maddə 376. İşdə iştirak edən
şəxslərin məhkəmə iclasına
gəlməmələrinin nəticələri
376.1. İşdə iştirak
edən şəxslərdən hər hansı biri işə
baxılmanın vaxtı və yeri haqqında lazımi qaydada
xəbərdar edilmədiyinə görə məhkəmə
iclasına gəlmədikdə məhkəmə işə
baxılmasını təxirə salır.
376.2. İşə
baxılmanın vaxtı və yeri haqqında lazımi qaydada
xəbərdar edilmiş işdə iştirak edən
şəxslərin gəlməməsi işə
baxılmasına mane olmur. Lakin işdə iştirak edən
şəxslər üzürlü səbəblərdən
gəlmədiyi hallarda məhkəmə işin
baxılmasını təxirə sala bilər.
376.3. İşə qiyabi
baxılması və həllinin bu Məcəllə ilə
müəyyən olunmuş qaydaları apellyasiya icraatına
da şamil edilir.
Maddə 377. İşdə iştirak edən
şəxslərin müraciətlərinin məhkəmə
tәrәfindәn həll edilməsi
İşdə iştirak
edən şəxslərin işə apellyasiya instansiyası
məhkəməsində baxılması ilə bağlı
olan bütün məsələlər barəsində
müraciətləri və vəsatətləri, işdə
iştirak edən digər şəxslərin fikri
dinlənildikdən sonra məhkəmə tərəfindən
həll edilir.
Maddə 378. İşin məruzə edilməsi
İşə apellyasiya
instansiyası məhkəməsində baxılması
sədrlik edənin və ya hakimlərdən birinin
məruzəsi ilə başlanır. Məruzəçi
işin hallarını, birinci instansiya məhkəməsi
qətnaməsinin məzmununu, apellyasiya şikayətinin
dəlillərini və ona dair daxil olmuş etirazları,
məhkəməyə təqdim olunmuş yeni
sübutların məzmununu izah edir, habelə
məhkəmə qətnaməsinin yoxlanılması
üçün zəruri olan digər materiallar haqqında
məlumat verir.
Maddə 379. İşdə iştirak edən
şəxslərin izahatları
Məruzədən sonra
məhkəmə məhkəmənin iclasına gəlmiş
işdə iştirak edən şəxslərin və
nümayəndələrin izahatlarını dinləyir.
Apellyasiya şikayətini vermiş şəxs və onun
nümayəndəsi çıxış edirlər.
Qətnamədən hər iki tərəf şikayət
verdikdə, birinci iddiaçı çıxış edir.
Maddə 380. Sübutların
araşdırılması
380.1. Tərəflərin
izahatlarından sonra məhkəmə zərurət olduqda
işdə olan sübutları elan edir, habelə yeni təqdim
olunmuş sübutları, əgər onların birinci
instansiya məhkəməsinə təqdim edilməsinin
qeyri-mümkün olduğunu hesab edərsə,
araşdırır.
380.2. Tərəflər
əlavə şahidlərin çağırılması
və dindirilməsi, birinci instansiya məhkəməsinin
araşdırmadan imtina etdiyi digər sübutların tələb
edilməsi haqqında vəsatətlər verə
bilərlər.
Maddə 381. Məhkəmə
çıxışları
Apellyasiya instansiyası
məhkəməsi tərəfindən yeni sübutlar
araşdırıldığı halda məhkəmə
çıxışlarına yol verilə bilər. Bu zaman
birinci apellyasiya şikayətini vermiş şəxs
çıxış edir.
Maddə 382. İşin baxılmasına dair
məhkəmə aktının çıxarılması
və elan edilməsi[537]
382.1. İş üzrə
araşdırma yekunlaşdıqdan sonra məhkəmə
yerində müşavirə apararaq və ya
müşavirə otağında səs çoxluğu
ilə məhkəmə aktını qəbul edir.
İşdə iştirak edən şəxslərin
məhkəmə iclasına gəlmədiyi hallar istisna
olmaqla, məhkəmə aktının giriş və
nəticə hissələrini elan edir, məhkəmə
aktından şikayət etmə qaydası və
müddətini, habelə tərəflərin müraciəti
olduğu halda onun nəticə hissəsini izah edir.
382.2. “Elektron məhkəmə”
informasiya sisteminin tətbiq olunduğu
məhkəmələrdə qətnamənin elan edilmiş
nəticə hissəsi barədə məlumat həmin gün
hakimlərin elektron imzası ilə təsdiq edilməklə
“Elektron məhkəmə” informasiya sistemində
yerləşdirilir.
Maddə 383. Məhkəmə iclasının protokolu
Şikayətə məhkəmə
iclasında baxıldıqda bu Məcəllənin 22-ci fəsli
ilə müəyyən edilmiş qaydada protokol
yazılır.[538]
Maddə 384. Apellyasiya instansiyası
məhkəməsinin səlahiyyətləri
384.0. Apellyasiya instansiyası
məhkəməsi:
384.0.1. qətnaməni
dəyişmədən, apellyasiya şikayətini isə
təmin etmədən saxlaya bilər;
384.0.2. qətnaməni
tamamilə və ya qismən ləğv edə bilər və
birinci instansiya məhkəməsində müəyyən
edilmiş hallar və ya əlavə təqdim olunmuş
sübutlar əsasında yeni qətnamə qəbul edə
bilər;
384.0.3. qətnaməni
dəyişdirə bilər;
384.0.4. işə məhkəmə
və ya ərazi aidiyyəti qaydalarının pozulması
ilə baxıldığını müəyyən
etdikdə, qətnaməni ləğv edib, işi aidiyyəti
üzrə birinci instansiya məhkəməsinə
göndərə bilər;[539]
384.0.5. birinci instansiya
məhkəməsinin qətnamə və ya
qərardadını qismən ləğv edə,
qətnamə və ya qərardadı tamamilə, yaxud
qismən ləğv edib, bu Məcəllənin
259.0.1-259.0.5-ci və 259.0.8—259.0.12-ci maddələrinə
müvafiq olaraq iddianı tamamilə, yaxud qismən
baxılmamış saxlaya, qətnamə və ya
qərardadı tamamilə, yaxud qismən ləğv edib, bu
Məcəllənin 261-ci maddələrinə müvafiq olaraq
iş üzrə icraata xitam verə bilər. Bu
Məcəllənin 259.0.11-ci maddəsində
göstərilən əsaslar işə yalnız birinci
instansiya məhkəməsində baxılarkən
yarandığı halda tətbiq edilir;
384.0.6. apellyasiya şikayətinin bu
Məcəllənin tələblərinə zidd olaraq icraata
qəbul olunması, yaxud da icraata qəbul olunduqdan sonra
digər şəxslərin apellyasiya şikayəti ilə
birinci instansiya məhkəməsinə müraciət
etməsi müəyyən edilərsə, icraata qəbul
qərardadını ləğv edərək işi apellyasiya
baxışından çıxarmaqla birinci instansiyası
məhkəməsinə qaytara bilər.[540]
Maddə 385. Məhkəmə aktının apellyasiya qaydasında
ləğv olunması üçün əsaslar[541]
385.1. Məhkəmə aktının apellyasiya qaydasında ləğv
edilməsi üçün əsaslar
aşağıdakılardır:
385.1.1. maddi hüquq
normalarının və ya prosessual hüquq normalarının
pozulması və ya düzgün tətbiq edilməməsi;
385.1.2. məhkəmənin
gəldiyi nəticə üçün mühüm
əhəmiyyəti olan bütün faktiki halların
aydınlaşdırılmaması;
385.1.3. birinci instansiya
məhkəməsi tərəfindən müəyyən
edilmiş, iş üçün əhəmiyyəti olan
halların sübut edilməməsi;
385.1.4. birinci instansiya
məhkəməsinin qətnamədə göstərilmiş
nəticələrinin işin hallarına uyğun
gəlməməsi;
385.2. Birinci instansiya
məhkəməsinin faktlar nöqteyi-nəzərindən
qanuni və əsaslı olan və mahiyyəti üzrə
düzgün olan qətnaməsi yalnız formal mülahizələrə
görə ləğv edilə bilməz.
Maddə 386. Maddi hüquq normalarının
pozulması və ya düzgün tətbiq edilməməsi
Maddi hüquq normaları o halda
pozulmuş və ya düzgün tətbiq olunmamış hesab
edilir ki, birinci instansiya məhkəməsi hüququn tətbiq
edilməsində səhv buraxsın, tətbiq edilməli olan
qanunu və ya digər normativ hüquqi aktı tətbiq
etməsin, yaxud qanunu səhv təfsir etsin.
Maddə 387. Prosessual hüquq normalarının
pozulması və ya düzgün tətbiq edilməməsi
387.1. Prosessual hüquq
normalarının pozulması və ya düzgün tətbiq
edilməməsi qətnamənin və ya qərardadın ləğv edilməsinə
yalnız o halda əsas olur ki, bu, düzgün olmayan
qətnamənin və ya qərardadın qəbul edilməsinə səbəb
olsun.[542]
387.2. Şikayətin
dəlillərindən asılı olmayaraq birinci instansiya
məhkəməsinin qətnaməsi və ya qərardadı aşağıdakı hallarda
ləğv edilməlidir:[543]
387.2.1. işə, buna
baxmağa hüququ olmayan hakim tərəfindən
baxılmışdırsa;
387.2.2. işə, işdə
iştirak edən şəxslərdən məhkəmə
iclasının vaxtı və yeri haqqında lazımi qaydada
xəbərdar edilməmiş hər hansı birinin
iştirakı olmadan məhkəmə tərəfindən
baxılmışdırsa;
387.2.3. işə baxılan
zaman icraatın aparıldığı dil haqqında qaydalar
pozulmuşdursa;
387.2.4. məhkəmə
işdə iştirak etməyə cəlb olunmamış
şəxslərin hüquq və vəzifələrinə
dair məsələni onların hüquqlarının pozulması
ilə nəticələnməklə həll etmişsə;
387.2.5. qətnamə və ya qərardad onda göstərilən hakim
tərəfindən imzalanmamışdırsa;
387.2.6. qətnamə və ya qərardad işə baxan hakim
tərəfindən qəbul edilməmişdirsə;[544]
387.2.7. işdə
məhkəmə iclasının protokolu yoxdursa və ya imzalanmamışdırsa;
387.2.8. iddianın baxılmamış
saxlanılması və ya iş üzrə icraata xitam
verilməsi üçün bu Məcəllədə
müəyyən edilmiş əsaslar olduğu halda
məhkəmə işə mahiyyəti üzrə
baxmışsa;
387.2.9. işə ərazi və ya
məhkəmə aidiyyəti qaydalarının pozulması
ilə baxılmışdırsa.[545]
387.3. Bu Məcəllənin
387.2.1—387.2.9-cu maddələrində
göstərilmiş halların mövcudluğu birinci
instansiya məhkəməsi tərəfindən prosessual
normaların kobud pozulması kimi qiymətləndirilməlidir.[546]
Maddə 388. Məhkəmənin gəldiyi
nəticə üçün mühüm
əhəmiyyəti olan bütün faktiki halların
araşdırılmaması
Apellyasiya instansiyası
məhkəməsində yeni sübutlar tədqiq
edilərkən işin nəticəsinə təsir edən
digər faktiki hallar müəyyən edilərsə, bu halda məhkəmənin
gəldiyi nəticə üçün mühüm
əhəmiyyəti olan bütün faktiki hallar
aydınlaşdırılmamış hesab edilir.
Maddə 389. Məhkəmə tərəfindən
müəyyən olunmuş hesab edilən iş
üçün əhəmiyyətli olan halların birinci
instansiya məhkəməsi tərəfindən sübut
olunmaması
Məhkəmə
tərəfindən müəyyən olunmuş hesab edilən
iş üçün əhəmiyyətli olan halların
birinci instansiya məhkəməsi tərəfindən sübut
edilməməsi o hallarda olur ki, iş üzrə mövcud
olan faktlar qətnamədə və ya qərardadda qanunla göstərilən
sübutlarla təsdiq edilmir və ya qeyri-mötəbər,
ziddiyyətli, aid olmayan sübutlarla təsdiq edilir.[547]
Maddə 390. Məhkəmənin qətnamədə və ya qərardadda
göstərdiyi dəlillərin işin hallarına uyğun
olmaması
Məhkəmə
müəyyən edilmiş faktlardan tərəflərin
qarşılıqlı münasibətləri üzrə
səhv nəticəyə gəlmişsə,
məhkəmənin qətnamədə və ya qərardadda göstərdiyi dəlillər işin hallarına uyğun
hesab edilmir.
Maddə 391. İcraata xitam verməklə və ya
ərizəni baxılmamış saxlamaqla qətnamənin
ləğv edilməsi[548]
Bu Məcəllənin
19-cu və 20-ci fəsillərində göstərilən
əsaslar olduqda işin icraatına xitam verilməklə
və ya ərizə baxılmamış saxlanılmaqla
məhkəmənin qətnaməsi ləğv edilməlidir.[549]
Maddə 392. Apellyasiya instansiyası
məhkəməsi qətnaməsinin məzmunu
392.1. Apellyasiya instansiyası
məhkəməsinin qətnaməsində
aşağıdakılar göstərilməlidir:
392.1.1 qətnamənin
çıxarılma vaxtı və yeri;
392.1.2. qətnaməni
çıxarmış məhkəmənin adı və
tərkibi;
392.1.3. apellyasiya
şikayətini vermiş şəxs;
392.1.4. şikayət verilən
qətnamənin, apellyasiya şikayətinin, təqdim
edilmiş sübutların, işə apellyasiya
instansiyasında baxılarkən iştirak etmiş
şəxslərin izahatlarının qısa məzmunu;
392.1.5. məhkəmənin
nəticəyə gəlməsi barədə motivlər
və məhkəmənin rəhbər tutduğu qanunlar;
392.1.6. apellyasiya şikayətinə
baxılması üzrə məhkəmənin
nəticələri.
392.2. Apellyasiya şikayəti
təmin edilmədikdə və ya məhkəmənin
qətnaməsi dəyişdirildikdə, apellyasiya instansiyası
məhkəməsi hansı dəlillərə əsasən
şikayətin təmin edilmədiyini və yaxud
qətnamənin dəyişdirildiyini göstərməyə
borcludur. [550]
Maddə 392-1. Apellyasiya
instansiyası məhkəməsinin əlavə
qətnaməsi [551]
Apellyasiya
instansiyası məhkəməsinin əlavə
qətnaməsi bu Məcəllənin 229-cu maddəsi ilə
müəyyən edilmiş hallarda və qaydada
çıxarılır.
Maddə 393. Apellyasiya instansiyası
məhkəməsi qətnaməsinin qanuni qüvvəyə
minməsi
Apellyasiya
instansiyası məhkəməsinin qətnaməsindən
şikayət verilməmişdirsə, qətnamə işdə iştirak
edən şəxslərə rəsmi qaydada verildiyi gündən 2
ay keçdikdən sonra qanuni qüvvəyə minir.[552]
Maddə 394. Apellyasiya
instansiyası məhkəməsinin xüsusi qərardadı[553]
394.1.
İşə Apellyasiya qaydasında baxan məhkəmə bu
Məcəllənin 265.4-cü və 265.5-ci maddəsində
nəzərdə tutulmuş hallarda, habelə işə
birinci instansiya məhkəməsində baxılması
zamanı prosessual normaların kobud pozulmasına yol vermiş
hakimlər barəsində xüsusi qərardad çıxara
bilər.[554]
394.2.
Hakimlər barəsində çıxarılmış
xüsusi qərardad intizam icraatının başlanması
üçün apellyasiya instansiyası məhkəməsinin
sədri tərəfindən Məhkəmə-Hüquq
Şurasına göndərilir.
Maddə 394-1. Kiçik iddialara dair işlər
üzrə sadələşdirilmiş icraat qaydasında
baxılmış işlərlə bağlı
çıxarılmış məhkəmə
qətnamələrindən verilmiş apellyasiya
şikayətlərinə baxılması[555]
394-1.1. Kiçik iddialara dair
işlər üzrə sadələşdirilmiş icraat
qaydasında baxılmış işlər üzrə
çıxarılmış məhkəmə qətnamələrindən
verilmiş apellyasiya şikayəti mümkün hesab
edilirsə, məhkəmə onun daxil olduğu vaxtdan 5 iş
günü ərzində apellyasiya şikayətini və ona
əlavə edilmiş sənədləri işdə
iştirak edən şəxslərə rəsmi qaydada verir.
394-1.2. İşdə iştirak edən
şəxslər apellyasiya şikayətinin surəti onlara
rəsmi qaydada verildiyi vaxtdan 10 iş günü
müddətində apellyasiya şikayətinə qarşı
əsaslandırılmış etirazını və ona
əlavə edilmiş sənədləri
məhkəməyə göndərə bilər.
394-1.3. Apellyasiya şikayəti
məhkəməyə daxil olduğu gündən 30 iş
günü ərzində işə yazılı icraat
qaydasında işdə olan sənədlər əsasında
baxılmalı və həmin işin həllinə dair
qətnamə çıxarılmalıdır.
Məhkəmə işdə iştirak edən şəxsin
bu barədə verdiyi vəsatəti əsaslı hesab
etdikdə və ya öz təşəbbüsü ilə
işə məhkəmə iclasında baxa bilər. Bu
barədə məhkəmə tərəfindən müvafiq
qərardad qəbul edilməklə işdə iştirak
edən şəxslərə məlumat verilir.
394-1.4. İş materiallarında olan
sənədlər iş üzrə yekun qərarın
çıxarılması üçün kifayət
etmirsə, habelə iş üzrə əlavə araşdırmanın,
o cümlədən tərəfləri çağıraraq
izahatların alınması, yaxud şahidlərdən
ifadələrin və ya ekspertlərdən rəyin alınması
zərurəti yaranırsa məhkəmə işə iddia
icraatı qaydasında baxılması haqqında
əsaslandırılmış qərardad
çıxarır. Bu qərardaddan şikayət verilə
bilməz.
Fəsil 42
Birinci instansiya
məhkəmələrinin qərardadlarından şikayət
verilməsi
Maddə 395. Birinci instansiya məhkəmələrinin
qərardadlarından şikayət vermək hüququ
395.1. İşdə iştirak
edən şəxslər qətnamədən ayrılıqda
birinci instansiya məhkəmələrinin
qərardadlarından aşağıdakı hallarda şikayət
verə bilərlər:
395.1.1. bu
Məcəllədə göstərilən hallarda;
395.1.2. məhkəmənin
qərardadı işin sonrakı hərəkətinə mane
olduqda.
395.2. Birinci instansiya
məhkəmələrinin digər qərardadlarından
şikayət verilmir. İşdə iştirak edən
şəxslər bu qərardadlardan narazı qaldıqda
qərardada olan etirazlarını apellyasiya
şikayətlərinə daxil edə bilərlər.
Maddə 396. Şikayətin verilmə müddəti
396.1. Şikayət birinci
instansiya məhkəməsinin qərardadı rəsmi qaydada verildikdən sonra 10
gün müddətində birinci instansiya
məhkəməsinə verilə bilər.[556]
396.2. Əgər qərardad
tərəflərin iştirakı ilə elan edilirsə,
şikayət vermə müddəti qərardadın elan
edildiyi vaxtdan hesablanır.[557]
Maddə 397. Apellyasiya instansiyası
məhkəməsi tərəfindən şikayətə
baxılması müddəti və qaydası
397.1. Bu Məcəllənin
269.3-cü maddəsində nəzərdə tutulmuş
əsaslar olduqda məhkəmənin qərardadından
verilən ilkin şikayət işlə birlikdə apellyasiya
instansiyası məhkəməsinə göndərilir.
397.2. Apellyasiya instansiyası
məhkəməsi qərardaddan verilən şikayətə
onun məhkəməyə daxil olduğu vaxtdan 20 gün
müddətində yazılı icraat qaydasında baxır.
Məhkəmə işdə iştirak edən şəxsin
bu barədə verdiyi vəsatəti əsaslı hesab
etdikdə və ya öz təşəbbüsü ilə
şikayət üzrə işə məhkəmə
iclasında baxa bilər. Bu barədə məhkəmə
tərəfindən müvafiq qərardad qəbul
edilməklə işdə iştirak edən şəxslərə
məlumat verilir.[558]
397.3. Şikayət verən şəxs
apellyasiya instansiyası məhkəməsində qərardad
qəbul edilənə kimi yazılı formada ondan imtina
edə bilər. Şikayətdən imtina birinci instansiya
məhkəməsinin qərardadının qüvvəyə
minməsinə səbəb olur.[559]
Maddə 398. Apellyasiya instansiyası
məhkəməsinin səlahiyyəti
398.0. Apellyasiya instansiyası
məhkəməsinin şikayətə baxıb qərardad
qəbul etdikdə aşağıdakıları etmək
hüququ vardır:
398.0.1. məhkəmənin
qərardadını dəyişdirmədən saxlayıb
şikayəti təmin etməmək;
398.0.2. qərardadı tam və
ya qismən ləğv edib, yaxud dəyişib işi birinci
instansiya məhkəməsinə göndərmək;
398.0.3. qərardadı tam və
ya qismən ləğv edib qərardadla həll edilməli olan
məsələni həll etmək;[560]
398.0.4. qərardaddan verilmiş
şikayətdən imtina olunduqda, apellyasiya icraatına xitam
vermək.[561]
Maddə 399. Apellyasiya instansiyası
məhkəməsinin göstərişlərinin
məcburiliyi
Birinci instansiya
məhkəməsinin qərardadını ləğv edib
işi yenidən baxılmağa göndərdikdə
apellyasiya instansiyası
məhkəməsinin qərardadında müəyyən
olunmuş göstərişlər işə baxan birinci
instansiya mәhkәmәsi üçün məcburidir.[562]
Maddə 400. Apellyasiya instansiyası
məhkəməsinin şikayət üzrə qəbul etdiyi
qərardadının qanuni qüvvəsi
Apellyasiya instansiyası
məhkəməsinin bu Məcəllənin 402-ci
maddəsində nəzərdə tutulmuş
qərardadlarından kassasiya şikayəti
verilməmişdirsə, həmin qərardadlar işdə
iştirak edən şəxslərə rəsmi qaydada
verildiyi gündən 10 gün sonra, qanunla şikayət
verilməsi nəzərdə tutulmayan qərardadları
isə çıxarıldığı andan qanuni
qüvvəyə minir.[563]
Maddə 401. İşin qaytarılması
Apellyasiya instansiyası
məhkəməsi birinci instansiya məhkəməsinin
qətnaməsini və ya qərardadını
dəyişdirmədən saxlamaq və yaxud qərardadı
ləğv edib işi birinci instansiya məhkəməsinə
göndərmək barədə məhkəmə aktı
qəbul etdikdən sonra, bunlardan şikayət olmadıqda,
iş apellyasiya instansiyası məhkəməsi
aktının təsdiq edilmiş surəti ilə birlikdə
birinci instansiya məhkəməsinə göndərilir.
Fəsil 43
Kassasiya
instansiyası məhkəməsində icraat
Maddə 402. Kassasiya
şikayəti vermə hüququ[564]
402.1. Mülki işlər üzrə
qəbul edilmiş qətnamənin
mübahisələndirilən hissəsində iddianın
qiyməti beş min manatdan, kommersiya
mübahisələrinə dair işlər üzrə isə
müvafiq olaraq on min manatdan az olan əmlak xarakterli iddialar
üzrə qətnamələr istisna olmaqla, apellyasiya
məhkəmələrinin mülki və kommersiya kollegiyalarının
və Naxçıvan Muxtar Respublikası Ali
Məhkəməsinin mülki və kommersiya
kollegiyalarının qətnamələrindən kassasiya
şikayəti verilə bilər.
402.2. Apellyasiya
məhkəmələrinin mülki və kommersiya
kollegiyalarının və Naxçıvan Muxtar
Respublikası Ali Məhkəməsinin mülki və kommersiya
kollegiyalarının aşağıdakı
qərardadlarından kassasiya şikayəti verilə bilər:
402.2.1. apellyasiyanın qeyri-mümkün
hesab edilməsi haqqında;
402.2.2. kassasiya şikayətinin
qaytarılması (kassasiya şikayəti kassasiya
instansiyası məhkəməsinin şikayətin
qeyri-mümkünlüyü barədə qərarına
əsasən qaytarıldığı hallar istisna olunmaqla)
haqqında;
402.2.3. kassasiya şikayətinin
verilməsi müddətinin bərpasından imtina edilməsi
barədə;
402.2.4. iş üzrə icraata xitam
verilməsi barədə;
402.2.5. bu Məcəllənin
384.0.4-cü maddəsində nəzərdə tutulmuş
işin aidiyyəti üzrə göndərilməsinə dair
və bu Məcəllənin 384.0.6-cı maddəsində
nəzərdə tutulmuş apellyasiya şikayətinin bu
Məcəllənin tələblərinə zidd olaraq icraata
qəbul olunması əsası ilə icraata qəbul
qərardadının ləğv edilərək işin
apellyasiya baxışından çıxarılmaqla birinci
instansiyası məhkəməsinə qaytarılması
haqqında.
402.3. Birinci instansiya
məhkəmələrinin məhkəmə aidiyyəti
haqqında qərardadlarından və həmin qərardadlardan
verilən şikayətin qaytarılması haqqında qərardaddan
kassasiya şikayəti verilə bilər.
Maddə 403. Kassasiya şikayəti ilə
müraciət etmək hüququ
403.1. Bu Məcəllənin 402-ci
maddəsində nəzərdə tutulmuş qətnamə
və ya qərardadlardan tərəflər, üçüncü
şəxslər, xüsusi icraat işləri üzrə
isə ərizəçi və maraqlı şəxslər tələbləri təmin
olunmadığı hallarda şikayət verə bilərlər.[565]
403.2. İşdə iştirak
etməyə cəlb olunmayan, məhkəmə aktı ilə
maraqlarına toxunan şəxslər apellyasiya instansiyası
məhkəmələrinin qətnamələrindən və
qərardadlarından ərizə ilə Azərbaycan
Respublikası Ali Məhkəməsinin sədrinə
müraciət edə bilər. Ərizədə qəbul
edilmiş qətnamə və ya qərardadla şəxsin
hüquq və vəzifələrinin pozulmasının
nədən ibarət olması, yaxud hansı maraq və ya
mənafelərinə toxunması
əsaslandırılmalıdır. Ərizəyə kassasiya
şikayəti əlavə edilməlidir.[566] KMQ1
403.2-1. Ərizə Ali
Məhkəmənin sədri tərəfindən işin
materialları ilə birgə öyrənilməsi və
apellyasiya instansiyası məhkəmələrinin qətnamələrindən
və ya qərardadlarından işdə iştirak
etməyə cəlb olunmayan şəxslərin kassasiya
şikayətinin verilməsi üçün əsasların
olub-olmamasının müəyyən edilməsi
məqsədilə Azərbaycan Respublikası Ali
Məhkəməsinin Mülki və ya Kommersiya
kollegiyalarına verilir.
403.2-2. İşdə iştirak
etməyə cəlb olunmayan, məhkəmə aktı ilə
maraqlarına toxunan şəxsin ərizəsi mülki və
ya kommersiya kollegiyalarına daxil olan 3 hakimdən ibarət
məhkəmə tərkibi tərəfindən
məhkəmə baxışı keçirilmədən
araşdırıldıqdan sonra, ərizəsinin təmin
və yaxud rədd edilməsi barədə qərardad qəbul
edilir.
403.2-3. Məhkəmə işdə
iştirak etməyə cəlb olunmayan, məhkəmə
aktı ilə maraqlarına toxunan şəxsin
ərizəsinin təmin olunmasına dair qərardad qəbul
etdikdə, ərizəyə əlavə edilmiş kassasiya
şikayətini bu Məcəllənin 407 – 409-cu
maddələri ilə nəzərdə tutulmuş
tələblərin yerinə yetirilməsi üçün
müvafiq apellyasiya instansiyası məhkəməsinə
göndərilir.[567]
403.3. Bu Məcəllənin
50-ci və 306-cı maddələrində nəzərdə
tutulmuş hallarda prokuror məhkəmə
araşdırmalarında iddiaçı və ya
ərizəçi olduqda, protest vermək hüququna malikdir.
403.4. Prokurorun protesti iştirak
etdiyi iş üzrə onun tərəfindən kassasiya
instansiyası məhkəməsinə verilən
şikayətdir və hüquqi mahiyyətinə,
nəticələrinə görə kassasiya
şikayətinə bərabər tutulur.
Maddə 403-1. Kasasiya
instansiyası məhkəməsində məhkəmə
aidiyyətinə dair mübahisələrə baxılması[568]
403-1.1. İşdə
iştirak edən şəxslər işin məhkəmə
aidiyyəti üzrə göndərilməsi və ya
məhkəmə aidiyyəti haqqında ərizənin rədd
edilməsi barədə qərardadlardan şikayət
vermək hüququna malikdirlər.
403-1.2. Kasasiya instansiyası
məhkəməsi tərəfindən məhkəmə
aidiyyətinə dair mübahisələrə bu
maddədə müəyyən edilmiş
xüsusiyyətlər nəzərə alınmaqla, bu
Məcəllənin 43-cü fəslində müəyyən
olunmuş qaydalara uyğun olaraq baxılır.
403-1.3. Məhkəmə
aidiyyətinə dair mübahisələr üzrə
şikayət bu Məcəllənin 407.1 – 407.3-cü
maddələrində nəzərdə tutulmuş
tələblərə uyğun olaraq verilir.
Şikayətə vəkilin orderi də əlavə olunur.
403-1.4. Şikayətin
qaytarılması məsələsi bu Məcəllənin
408-ci maddəsində nəzərdə tutulmuş qaydada
birinci instansiya məhkəməsi və ya kasasiya instansiyası
məhkəməsi tərəfindən həll edilir.
Şikayətin birinci instansiya məhkəməsi
tərəfindən qaytarılmasına dair qərardaddan
kasasiya instansiyası məhkəməsinə şikayət
verilə bilər.
403-1.5. Şikayətin surəti birinci
instansiya məhkəməsi tərəfindən işdə
iştirak edən şəxslərə rəsmi qaydada
verildikdən sonra onlar, 5 gündən gec olmayaraq
şikayətə dair etirazlarını və yaxud
izahatlarını kassasiya instansiyası
məhkəməsinə göndərməyə
haqlıdırlar.[569]
403-1.6. Kasasiya instansiyası
məhkəməsində məhkəmə aidiyyətinə
dair mübahisələr üzrə şikayətlərə və məhkəmə
aidiyyətinə dair məhkəmələr arasında fikir
ayrılığı məsələlərinə mülki, kommersiya və inzibati kollegiyalara
daxil olan hakimlərin qarışıq tərkibində
tərəflərin təqdim etdiyi sənədlər
əsasında, məhkəmə baxışı
keçirilmədən və tərəflər izahatları
dinlənilmək üçün çağırılmadan
10 gün müddətində baxılır.[570]
403-1.7. Kasasiya instansiyası
məhkəməsi məhkəmə aidiyyəti
məsələsini həll edərkən
məhkəmələr tərəfindən maddi və
prosessual hüquq normalarının düzgün tətbiq
edilməsini yoxlayır.
403-1.8. Kasasiya instansiya
məhkəməsi məhkəmə aidiyyətinə dair
mübahisələr üzrə şikayətə
baxarkən:
403-1.8.1. işin
məhkəmə aidiyyəti üzrə
göndərilməsi və ya məhkəmə aidiyyəti
haqqında ərizənin rədd edilməsi barədə
qərardadı dəyişiklik edilmədən,
şikayəti təmin etmədən saxlaya bilər;
403-1.8.2. işin
məhkəmə aidiyyəti üzrə
göndərilməsi və ya məhkəmə aidiyyəti
haqqında ərizənin rədd edilməsi barədə
qərardadı tamamilə ləğv edib, yeni qərar
qəbul edə bilər;
403-1.8.3. işin məhkəmə
aidiyyəti üzrə göndərilməsi və ya
məhkəmə aidiyyəti haqqında ərizənin
rədd edilməsi barədə qərardadı tamamilə
ləğv edib, ərizəni yenidən baxılması
üçün birinci instansiya məhkəməsinə
göndərə bilər.[571]
403-1.9. Kassasiya instansiyası
məhkəməsi, məhkəmə aidiyyətinə dair
məhkəmələr arasında fikir ayrılığı
məsələsinə baxarkən:[572]
403-1.9.1. işi məhkəmə
aidiyyəti üzrə göndərə bilər;
403-1.9.2. məhkəmələr
arasında fikir ayrılığının yaranmasına
əsas olmuş hallarla bağlı əlavə
araşdırmanın aparılmasını zəruri hesab
etdikdə, məhkəmə aidiyyətinin yenidən
müəyyən edilməsi üçün işi iddia
ərizəsinin verildiyi birinci instansiya
məhkəməsinə göndərə bilər.
403-1.10. Bu Məcəllənin 403-1.8-ci
və 403-1.9-cu maddələrinə uyğun olaraq
çıxarılmış qərar işdə iştirak
edən şəxslərə qəbul edildiyi gündən 3
gün müddətində sifarişli məktubla
göndərilməli və yaxud qəbz alınmaqla təqdim
edilməlidir.[573]
Maddə 404. Kassasiya qaydasında işə baxan
məhkəmə
404.1. Apellyasiya instansiyası
məhkəmələrinin qətnamələrindən və
qərardadlarından kassasiya qaydasında
aşağıdakı məhkəmələrə
şikayət vermək olar:
404.1.1.
apellyasiya məhkəmələrinin mülki
kollegiyalarının və Naxçıvan Muxtar
Respublikası Ali Məhkəməsinin mülki işlər
üzrə kollegiyasının qətnamələrindən
və qərardadlarından - Azərbaycan Respublikası Ali
Məhkəməsinin mülki kollegiyasına;[574]
404.1.2.
apellyasiya məhkəmələrinin kommersiya
kollegiyalarının və Naxçıvan Muxtar
Respublikası Ali Məhkəməsinin Kommersiya
kollegiyasının qətnamələrindən və
qərardadlarından - Azərbaycan Respublikası Ali
Məhkəməsinin Kommersiya kollegiyasına.[575]
404.2. Aidiyyətə dair
mübahisələr üzrə kassasiya
şikayətlərinə mülki kollegiyaya və inzibati-iqtisadi kollegiyaya daxil olan
hakimlərin qarışıq tərkibində baxıla
bilər.[576]
Maddə 404-1. Kassasiya şikayətinin
mümkünlüyünün yoxlanılması[577]
404-1.1. Kassasiya instansiyası
məhkəməsi iş məhkəməyə daxil olduqdan
sonra 15 gün müddətində kassasiyanın
mümkünlüyünü yoxlayır. Buraya işə
kassasiya qaydasında baxmaq üçün prosessual
əsasların olması daxildir.
404-1.2. işə kassasiya qaydasında
baxmaq üçün prosessual əsaslar olmadıqda kassasiya
şikayətinin qeyri-mümkün hesab edilməsinə dair
qərardad qəbul edilir.
404-1.3. kassasiya şikayətinin icraata
qəbul edilməsi barədə qərardad işdə
iştirak edən şəxslərə
göndərilənə kimi şikayəti verən
şəxsdən onun geri qaytarılması barədə
ərizə daxil olduqda kassasiya instansiyası
məhkəməsi şikayətin geri qaytarılması
barədə qərardad qəbul edir.
Maddə 405. Kassasiya şikayəti vermə
müddəti
405. Apellyasiya
instansiyası məhkəməsinin aktlarından kassasiya
şikayəti aşağıdakı
müddətlərdə verilə bilər:
405.0.1.
qətnamə işdə iştirak edən
şəxslərə rəsmi qaydada verildiyi gündən 2 ay
müddətində;
405.0.2.
qərardad işdə iştirak edən
şəxslərə rəsmi qaydada verildiyi gündən 10
gün müddətində.[578]
Maddə 406. Kassasiya şikayəti vermə qaydası
406.1. Kassasiya şikayəti
yazılı formada apellyasiya instansiyası məhkəməsi
vasitəsi ilə verilir.
406.2. Əgər kassasiya
şikayəti kassasiya instansiyası məhkəməsinə
bilavasitə verilərsə, onda bu məhkəmə
tərəfindən həmin şikayət bu Məcəllənin
407-409-cu maddələri ilə nəzərdə tutulmuş
tələblərin yerinə yetirilməsi üçün
müvafiq apellyasiya instansiyası məhkəməsinə
göndərilir.
Maddə 407. Kassasiya şikayətinin forması, məzmunu və əlavə edilən sənədlər[579]
407.1. Bu Məcəllə ilə
müəyyən edilmiş formada verilən kassasiya şikayətində
aşağıdakılar göstərilməlidir:[580]
407.1.1. şikayətin verildiyi
məhkəmənin adı və ünvanı;
407.1.2. şikayəti verən
şəxsin soyadı, adı, atasının adı,
(hüquqi şəxsə münasibətdə adı)
şəxsiyyətini eyniləşdirməyə imkan verən
digər məlumatlar, yaşayış yeri və ya olduğu
yer (həm faktiki, həm də rəsmi qeydə
alındığı ünvanı), yazışmaların
aparılmasının istənildiyi digər ünvan,
işdə prosessual vəziyyəti;[581]
407.1.3. şikayət olunan
məhkəmə aktını qəbul etmiş
məhkəmənin adı, aktın qəbul edildiyi tarix,
mübahisənin predmeti;
407.1.4. şikayəti verən
şəxsin tələbi, məhkəmə aktının hansı hissədə
mübahisələndirildiyi, maddi və yaxud prosessual hüquq
normalarının düzgün tətbiq edilməməsinin
nədən ibarət olması, işə məhkəmə
iclasında baxılması istənildiyi halda bu
Məcəllənin 414.1-ci maddəsində nəzərdə
tutulmuş əsasların mövcudluğunun əsaslandırılması;[582]
407.1.5. şikayətə
əlavə edilən sənədlərin siyahısı.
407.2. Kassasiya
şikayətində işin hallarının sübut
olunmamasına, məhkəmənin gəldiyi nəticə
üçün əhəmiyyətli olan bütün faktiki
halların aydınlaşdırılmamasına və yaxud
qətnamə və qərardadda ifadə olunan
nəticələrin işin faktiki hallarına uyğun
olmamasına istinad etməyə yol verilmir.
407.3.
Şikayət onu verən şəxs (onun qanuni
nümayəndəsi və ya nümayəndəsi)
və şikayəti tərtib etmiş vəkil
tərəfindən imzalanmalıdır. Qanuni
nümayəndə və ya nümayəndə
tərəfindən verilən şikayətə onun
səlahiyyətlərini təsdiq edən sənəd
əlavə edilməlidir.[583]
407.4. Şikayətə vəkilin orderi və
dövlət rüsumunun ödənilməsini sübut
edən sənəd əlavə olunur.
Maddə 408. Kassasiya şikayətinin
qaytarılması
408.1. Kassasiya şikayəti
aşağıdakı hallarda apellyasiya instansiyası
məhkəməsi tərəfindən qaytarılır:[584]
408.1.1. kassasiya şikayəti bu Məcəllənin 402-ci və 407.1-ci maddələrinin
tələblərinə cavab vermirsə, imzalanmamışsa, yaxud onu
imzalamağa hüququ olmayan və ya vəzifəsi
göstərilməyən şəxs tərəfindən
imzalanmışsa, habelə kassasiya şikayəti vermək hüququ
olmayan şəxs tərəfindən verilmişdirsə;[585]
408.1.2. şikayət
qətnamə və qərardadı qəbul etmiş
məhkəmə vasitəsi ilə
göndərilməmişsə;[586]
408.1.3. kassasiya
şikayətinə vəkilin
orderi və müəyyən olunmuş qaydada və
məbləğdə dövlət rüsumunun
ödənilməsi barədə sənədlər
əlavə edilməmişsə; [587]
408.1.4. kassasiya şikayəti
müəyyən edilmiş müddət
ötürülməklə verilmişsə və
buraxılmış müddətin bərpa edilməsinə
dair vəsatət təmin olunmamışsa;
408.1.5. kassasiya
şikayətində maddi və prosessual hüquq
normalarının pozulmasının, yaxud düzgün
tətbiq edilməməsinin nədən ibarət olması
göstərilməmişsə;
408.1.6. kassasiya şikayəti
işlə birlikdə kassasiya instansiyası
məhkəməsinə göndərilənədək
şikayəti verən şəxsin onun geri qaytarılması
haqqında ərizəsi daxil olmuşdursa;[588]
408.1.7. “Elektron məhkəmə”
informasiya sisteminin tətbiq olunduğu apellyasiya
məhkəmələrində bu Məcəllənin
10-1.3-cü maddəsində nəzərdə tutulmuş
qaydada aparılan elektron məhkəmə icraatında kassasiya
şikayəti həmin maddənin tələblərinə
uyğun verilmədikdə.
408.2. İşin məhkəmə
aidiyyəti üzrə göndərilməsi və ya
məhkəmə aidiyyəti haqqında ərizənin
rədd edilməsi barədə qərardadlardan şikayət
bu maddədə nəzərdə tutulmuş əsaslarla
birinci instansiya məhkəməsi tərəfindən
qaytarılır.[589]
408.3. Kassasiya şikayətinin
qaytarılması barədə qərardad
çıxarılır.
408.4. Kassasiya şikayətinin
apellyasiya instansiyası məhkəməsi
tərəfindən qaytarılmasına dair qərardaddan
kassasiya instansiyası məhkəməsinə şikayət
verilə bilər.[590]
408.5. Bu Məcəllənin 408.1.1—408.1.5 və 408.1.7-ci maddələrində
göstərilən nöqsanlar aradan qaldırıldıqdan
sonra, şikayəti verən şəxs yenidən ümumi
qaydada kassasiya şikayəti ilə müraciət edə
bilər.[591]
Maddə 409. İşin kassasiya instansiyası
məhkəməsinə göndərilməsi
Apellyasiya
instansiyası məhkəməsi kassasiya şikayətinin bu
Məcəllənin 402, 405 və 407-ci maddələrinin
tələblərinə uyğunluğunu yoxlayır. Bu
Məcəllənin 402, 405 və 407-ci maddələrinin
tələblərinə cavab verən kassasiya şikayəti
ona əlavə olunmuş sənədlərlə və
işlə birlikdə kassasiya şikayətinin verilmə
müddəti bitdikdən sonra 7 gün müddətində
kassasiya instansiyası məhkəməsinə
göndərilir.[592]
Maddə 410. Kassasiya şikayətindən imtina
edilməsi
410.1. Kassasiya şikayəti
vermiş şəxs kassasiya qərarı
çıxarılana kimi ondan imtina etməyə
haqlıdır.
410.2. Məhkəmə bu
Məcəllənin 191-ci maddəsində nəzərdə tutulmuş
əsaslarla şikayətdən imtinanı qəbul
etməməyə və işə kassasiya qaydasında
baxmağa haqlıdır. İşdə iştirak edən
başqa şəxslər qətnamə və qərardaddan
şikayət verməmişlərsə və
məhkəmə kassasiya şikayətindən imtinanı
qəbul edirsə, kassasiya instansiyasında icraata xitam verilir.
410.3. Kassasiya instansiyasında
icraata xitam verilməsi barədə kassasiya
məhkəməsi qərar çıxarır.
Maddə 411. Kassasiya şikayətinin icraata qəbul
edilməsi barədə qərardad
Kassasiya şikayətinin icraata
qəbul edilməsi barədə kassasiya instansiyası
məhkəməsinin hakimi qərardad çıxardır.
Maddə 412. Kassasiya şikayətinin rəsmi qaydada verilməsi
412.1. Kassasiya şikayəti
və buna əlavə olunmuş sənədlər işdə iştirak edən
şəxslərə rəsmi qaydada verilir.[593]
412.2. İşdə iştirak
edən şəxslər kassasiya şikayətinin surəti onlara rəsmi qaydada
verildikdən sonra 20 gündən gec olmayaraq kassasiya
şikayətinə dair etirazlarını və yaxud
izahatlarını məhkəməyə
göndərməyə haqlıdırlar. [594]
Maddə
413.
Qətnamənin və ya qərardadın icrasının
dayandırılması
413.0.
Kassasiya məhkəməsi işdə iştirak edən
şəxslərin vəsatəti ilə apellyasiya
instansiyası məhkəməsinin qəbul etdiyi
qətnamənin və ya qərardadın və birinci instansiya
məhkəməsinin onlarla bağlı olan
qətnaməsinin, qərardadının icrasını
kassasiya icraatı başa çatana kimi
aşağıdakı hallarda dayandıra bilər:
413.0.1.
işdə iştirak edən şəxslər
çoxuşaqlı ailəyə malikdirlərsə;
413.0.2.
işdə iştirak edən şəxslər əmək
qabiliyyətinin, ailəni dolandıranın itirilməsi,
xəstəlik, əlillik və ya sağlamlıq
imkanlarının məhdudluğu nəticəsində
ağır maddi vəziyyətə
düşmüşlərsə;
413.0.3. işdə iştirak
edən şəxslər yaşayış sahəsini
itirmişlərsə və digər yerdə yaşamağa
imkanları yoxdursa.[595]
Maddə 414. Kassasiya şikayətinə
baxılması müddəti və qaydası[596]
414.1. Azərbaycan Respublikası Ali
Məhkəməsinin Mülki kollegiyasına, yaxud Kommersiya
kollegiyasına işlə birlikdə daxil olmuş
qətnamələrdən verilmiş kassasiya şikayətinə
onun daxil olduğu gündən 3 ay müddətində, bu
Məcəllə ilə nəzərdə tutulmuş hallarda
qərardaddan verilmiş kassasiya şikayətinə isə 1
ay müddətində yazılı icraat qaydasında
baxılır. Məhkəmə hüququn
inkişafının və ya məhkəmə
təcrübəsinin vahidliyinin təmin edilməsi üçün
əhəmiyyətli hesab etdikdə, işə
məhkəmə iclasında baxılması barədə
qərardad qəbul edir. Bu barədə işdə iştirak
edən şəxslərə məlumat verilir.
414.2. Kassasiya şikayətinə
məhkəmə iclasında baxılması barədə
əsaslandırılmış vəsatət kassasiya
şikayəti, yaxud işdə iştirak edən şəxsin
kassasiya şikayəti ilə bağlı etirazı və ya
izahatı ilə birlikdə verilə bilər.
Maddə 415. İşdə iştirak edən
şəxslərin xəbərdar edilməsi
415.1. Kassasiya instansiyası
məhkəməsi işin baxılmasını elə
müddətə təyin etməlidir ki, işdə
iştirak edən şəxslərin verilmiş şikayətə
dair yazılı etiraz verməyə imkanları olsun.
415.2. İşdə iştirak edən
şəxslər, onların nümayəndələri və
vəkilləri işə şifahi və ya yazılı
qaydada baxılması, işə məhkəmə
iclasında baxıldığı halda iclasın vaxtı
və yeri barədə xəbərdar edilirlər.[597]
415.3. Kassasiya instansiyasında işə
məhkəmə iclasında baxıldıqda, iclasın vaxtı və
yeri haqqında lazımi qaydada xəbərdar edilmiş
işdə iştirak edən şəxslərdən hər
hansı birinin üzürlü səbəb olmadan
məhkəmə iclasına gəlməməsi işə
baxılmasına mane olmur.[598]
Maddə 415-1. Kassasiya
instansiyasında işə məhkəmə
iclasında
baxılması[599]
415-1.1.
Sədrlik edən məhkəmə iclasını
açır və hansı işə, kimin kassasiya
şikayəti ilə baxıldığını elan edir,
işdə iştirak edən şəxslərdən kimin
gəldiyini aydınlaşdırır və gəlmiş
şəxslərin şəxsiyyətini müəyyən
edir, həmçinin vəzifəli şəxslərin və
vəkillərin səlahiyyətlərini yoxlayır.
415-1.2.
Məhkəmə tərkibi elan edilir. İşdə
iştirak edən şəxslərə bu
Məcəllədə nəzərdə tutulmuş hüquq
və vəzifələrinin izahı barədə
bildirişin çatdırılıb-çatdırılmadığını
müəyyən edir. Hüquq və vəzifələrin izahı
haqqında bildiriş alınmadığı təqdirdə,
məhkəmə iclasında hüquq və
vəzifələrinin izahı haqqında bildiriş
işdə iştirak edən hər bir şəxsə
yazılı qaydada təqdim olunur və o, bunu öz imzası
ilə təsdiq edir. Məhkəmə iclasına
gəlmiş işdə iştirak edən şəxslərin
müraciəti ilə məhkəmə onların hüquq
və vəzifələrini izah etməlidir.[600]
415-1.3.
İşə baxılması sədrlik edənin
məruzəsi ilə başlayır. Əvvəl kassasiya
şikayəti verən şəxs və onun vəkili, daha
sonra isə digər tərəf dinlənilir.
415-1.4. Sonra
məhkəmə müşavirə otağına gedir. Sonra məhkəmə yerində
müşavirə apararaq və ya müşavirə
otağında səs çoxluğu ilə qərar qəbul
edir. Azlıqda olan hakim xüsusi rəyini
yazıb işə əlavə edə bilər. Qəbul
edilən qərar sədrlik edən və ya hakimlərdən
biri tərəfindən elan edilir.[601]
Maddə 415-2. Ümumi şərtlər[602]
Kassasiya icraatına bu fəslin və
Məcəllənin kassasiya icraatının mahiyyətinə
zidd olmayan müddəaları tətbiq olunur.
Maddə 416. Kassasiya instansiyasında işə
baxmanın hədləri[603]
416.1. Kassasiya instansiyası
məhkəməsi işə şikayət həddində
baxır və kassasiya şikayətində irəli
sürülmüş dəlillər üzrə apellyasiya instansiyası
məhkəməsi tərəfindən maddi və prosessual
hüquq normalarının düzgün tətbiq edilməsini
yoxlayır.
416.2. Apellyasiya instansiyası
məhkəməsi tərəfindən bu Məcəllənin
418.4-cü maddəsində nəzərdə tutulmuş
prosessual hüquq pozuntusu hesab edilən hallara yol verilməsi
şikayətin hədlərindən və
dəlillərindən asılı olmayaraq
yoxlanılmalıdır.
Maddə 417. Kassasiya instansiyası
məhkəməsinin səlahiyyətləri [604]
417.1. Kassasiya
məhkəməsi işə baxarkən:
417.1.1. apellyasiya instansiyası
məhkəməsinin qətnamə və ya
qərardadını dəyişiklik edilmədən,
şikayəti təmin etmədən saxlaya bilər;
417.1.2. apellyasiya instansiyası
məhkəməsinin qətnamə və ya qərardadına
dəyişiklik edə bilər;
417.1.3. apellyasiya instansiyası
məhkəməsinin qətnamə və ya
qərardadını qismən ləğv edə və ya tamamilə, yaxud qismən
ləğv edib işi yenidən baxılmaq üçün
apellyasiya instansiyası məhkəməsinə
göndərə bilər;[605]
417.1.4.
apellyasiya instansiyası məhkəməsinin qətnamə
və ya qərardadını tamamilə, yaxud qismən
ləğv edib apellyasiya instansiyası
məhkəməsində müəyyən edilmiş hallar
və sübutlar əsasında yeni qərar qəbul edə
bilər;[606]
417.1.5 apellyasiya instansiyası
məhkəməsinin qətnamə və ya
qərardadını tamamilə, yaxud qismən ləğv
edib, bu Məcəllənin 259.0.1-259.0.3, 259.0.8 və 259.0.10-cu maddələrinə müvafiq
olaraq iddianı tamamilə, yaxud qismən baxılmamış
saxlaya və ya bu Məcəllənin 261.0.1-261.0.7-ci maddələrinə müvafiq olaraq
iş üzrə icraata xitam verə bilər.[607]
417.1.6.
müvafiq apellyasiya instansiyası məhkəməsində
işə təkrarən baxılmasının
yolverilməzliyi müəyyən edildikdə işin
baxılmasını başqa apellyasiya instansiyası
məhkəməsinə həvalə edə bilər;[608]
417.1.7. kassasiya şikayətinin bu
Məcəllənin tələblərinə zidd olaraq icraata
qəbul olunması, yaxud da icraata qəbul olunduqdan sonra
digər şəxslərin kassasiya şikayəti ilə
apellyasiya məhkəməsinə müraciət etməsi
müəyyən edilərsə, icraata qəbul
qərardadını ləğv edərək işi kassasiya
baxışından çıxarmaqla apellyasiya instansiyası
məhkəməsinə qaytara bilər.[609]
417.2.Bu
Məcəllənin 417.1.4-cü maddəsində
nəzərdə tutulmuş qərar yalnız o halda qəbul
edilir ki, apellyasiya instansiyası məhkəməsi
tərəfindən maddi hüquq normaları pozulmuş və
ya düzgün tətbiq edilməmiş olsun. [610]
Maddə 418. Apellyasiya instansiyası
məhkəməsinin qətnaməsinin və ya
qərardadının ləğv edilməsinin əsasları
418.1. Maddi və prosessual
hüquq normalarının pozulması və ya düzgün
tətbiq olunmaması, o cümlədən maddi və
prosessual hüququn tətbiqi üzrə məhkəmə
təcrübəsinin vahidliyinin pozulması apellyasiya instansiyası
məhkəməsinin qətnamə və
qərardadının ləğv edilməsi üçün
əsasdır. [611]
418.2. Bu Məcəllənin
386-cı maddəsində göstərilən hallarda maddi
hüquq normaları pozulmuş və ya düzgün tətbiq
olunmamış hesab edilir.
418.3. Prosessual hüquq
normalarının pozulması və ya düzgün tətbiq
olunmaması qətnamənin yaxud qərardadın ləğv
edilməsi üçün o vaxt əsas ola bilər ki, bu
pozuntu düzgün qətnamə qəbul edilməməsi
ilə nəticələnsin və ya nəticələnə
bilsin.
418.4. Apellyasiya instansiyası
məhkəməsinin qətnaməsi və ya qərardadı
şikayətin dəlillərindən asılı olmayaraq
aşağıdakı hallarda ləğv edilməlidir:
418.4.1. işə
məhkəmə tərəfindən qeyri-qanuni
tərkibdə baxılmışsa;
418.4.2. qətnamə və ya
qərardad hər hansı hakim tərəfindən
imzalanmamışsa və ya qətnamədə
göstərilməyən hakimlər tərəfindən
imzalanmışsa;
418.4.3. qətnamə və ya qərardad işə baxan
məhkəmə tərkibinə daxil olmayan hakimlər
tərəfindən çıxarılmışsa; [612]
418.4.4. işdə
məhkəmə iclasının protokolu yoxdursa və ya protokol
bu Məcəllənin 272.8-ci maddəsində
göstərilən şəxslər tərəfindən
imzalanmamışsa;
418.4.5. işə
məhkəmə tərəfindən məhkəmə
iclasının vaxtı və yeri barədə lazımi
qaydada xəbər verilməmiş işdə iştirak
etməli şəxslərdən hər hansı birinin
iştirakı olmadan baxılmışsa;
418.4.6. məhkəmə
işdə iştirak etməyə cəlb edilməmiş
şəxslərin hüquq və vəzifələrinə
dair onların hüquqlarının pozulmasına səbəb
olan qətnamə və ya qərardad qəbul etmişsə;
418.4.7. məhkəmənin
qəbul etmiş olduğu qətnamədə, qərardadda,
məhkəmənin rəhbər tutduğu qanuna və ya
digər normativ hüquqi akta istinad olunmamışsa;
418.4.8. işə
baxılarkən məhkəmə icraatının
aparıldığı dil haqqındakı qaydalar
pozulmuşsa;
418.4.9. işə ərazi aidiyyəti
və ya məhkəmə aidiyyəti qaydalarının
pozulması ilə baxılmışsa;[613]
418.4.10. iddianın baxılmamış
saxlanılması və ya iş üzrə icraata xitam
verilməsi üçün bu Məcəllədə
müəyyən edilmiş əsaslar olduğu halda
məhkəmə işə mahiyyəti üzrə
baxmışsa.[614]
418.5. Bu Məcəllənin
418.4.1.—418.4.3-cü və 418.4.6 – 418.4.10-cu maddələrində nəzərdə tutulmuş
halların mövcudluğu apellyasiya instansiyası
məhkəməsi tərəfindən prosessual hüquq
normalarının kobud şəkildə pozulması kimi
qiymətləndirilməlidir.[615]
418.6. Hüququn tətbiqi
üzrə məhkəmə təcrübəsinin vahidliyinin
pozulması qətnamənin və ya qərardadın
ləğv edilməsinə yalnız o halda əsas olur ki, qətnamə
və ya qərardad Azərbaycan Respublikası Ali
Məhkəməsinin Plenumunun maddi və ya prosessual hüquq
normalarının tətbiqi ilə bağlı
məhkəmə təcrübəsinə dair
məsələlər üzrə izahlarına, habelə bu Məcəllənin
418-1.3-cü maddəsində nəzərdə tutulan Ali
Məhkəmənin mülki və kommersiya
kollegiyalarının mübahisəli hüquqi
məsələyə dair hüquqi mövqeyinə zidd olsun və həmin izahlarda təsbit
olunmuş hüquqi mövqedən fərqli yanaşmanın
tətbiqi zərurəti kifayət qədər
əsaslandırılmasın.[616]
Maddə 418-1. Kasasiya instansiyası
məhkəməsində icraat zamanı hüququn tətbiqi
üzrə məhkəmə təcrübəsinin vahidliyinin
təmin edilməsi[617]
418-1.1. Ali Məhkəmənin
məhkəmə tərkibi işə kasasiya qaydasında
baxarkən Ali Məhkəmənin digər məhkəmə
tərkibinin əvvəllər qəbul etdiyi qərarda
müəyyən edilmiş hüquqi mövqedən fərqli
yanaşmanın tətbiq edilməsini zəruri hesab etdikdə
və ya Ali Məhkəmənin məhkəmə tərkibi
apellyasiya instansiyası məhkəməsinin bu
Məcəllənin 418.6-cı maddəsində
nəzərdə tutulmuş qətnamə və ya
qərardadının əsaslandırılması ilə
razılaşdıqda, həmin mübahisəli hüquqi
məsələyə hüququn tətbiqi üzrə
məhkəmə təcrübəsinin vahidliyinin təmin
edilməsi məqsədilə Ali Məhkəmənin mülki
və kommersiya kollegiyalarına daxil olan bütün
hakimlərdən ibarət tərkibdə baxılır.
418-1.2. Ali Məhkəmənin
mülki və kommersiya kollegiyalarına daxil olan bütün
hakimlərdən ibarət tərkibdə iclası Ali
Məhkəmənin işə baxan məhkəmə
tərkibinin əsaslandırılmış təqdimatı
əsasında Ali Məhkəmənin sədri
tərəfindən təyin edilir. Mübahisəli hüquqi
məsələyə bu Məcəllənin 418-1.1-ci
maddəsində nəzərdə tutulmuş qaydada
baxılarkən müvafiq təqdimatı verən
məhkəmə tərkibinin daxil olduğu Ali
Məhkəmənin kollegiyasının sədri iclasa
sədrlik edir. İclas mülki və kommersiya kollegiyaların
hakimlərinin azı üçdə ikisi iştirak
etdikdə səlahiyyətlidir. Səslər bərabər
olduğu hallarda sədrlik edənin səsi həlledici
sayılır.
418-1.3. Ali Məhkəmənin
mülki və kommersiya kollegiyaları mübahisəli
hüquqi məsələyə birgə baxaraq ona dair
hüquqi mövqeyini qəbul etdiyi qərardadda təsbit edir.
418-1.4. Ali Məhkəmənin
işə baxan məhkəmə tərkibi, habelə eyni
xarakterli məsələlərə baxarkən bütün
digər məhkəmə tərkibləri bu Məcəllənin
418-1.3-cü maddəsində nəzərdə tutulmuş
qərardadda müəyyən edilmiş hüquqi mövqeni
rəhbər tutmalıdırlar.
418-1.5. Ali Məhkəmənin
məhkəmə tərkibi eyni xarakterli
məsələlərə baxarkən, bu Məcəllənin
418-1.3-cü maddəsində nəzərdə tutulmuş
qərardadda müəyyən edilmiş hüquqi
mövqedən fərqli qərar qəbul olunmasını
zəruri hesab edirsə, məsələyə bu
Məcəllənin 418-1.1-ci maddəsində nəzərdə
tutulmuş qaydada baxılır.
Maddə 419. Kassasiya instansiyası
məhkəməsinin qərarı
419.1. Kassasiya
şikayətinə baxılması nəticəsində
bütün hakimlər tərəfindən imzalanmış
qərar qəbul edilir.
419.2. Qərarda
aşağıdakılar göstərilməlidir;
419.2.1. qərarı
çıxaran məhkəmənin və işin adı,
çıxarılma tarixi, məhkəmənin tərkibi,
iclasda iştirak etmiş şəxslərin səlahiyyətləri
göstərilməklə soyadları;
419.2.2. kassasiya şikayəti
vermiş şəxsin və işdə iştirak edən
şəxslərin adları;
419.2.3. işə baxan birinci
instansiya və apellyasiya instansiyası
məhkəmələrinin adı, işin nömrəsi,
qətnamənin, qərardadın
çıxarıldığı tarix və onları
çıxartmış hakimlərin soyadları;
419.2.4.
çıxarılmış qətnamənin və
qərardadın qısı məzmunu;
419.2.5.
çıxarılmış qətnamənin,
qərardadın qanuniliyini yoxlamaq barədə irəli
sürülmüş əsaslar;
419.2.6. kassasiya
şikayətinə qarşı verilmiş etirazda
göstərilən dəlillər;
419.2.7. kassasiya şikayətinə
baxılmasında iştirak
edən şəxslərin izahatları;[618]
419.2.8. işdə iştirak
edən şəxslərin istinad etdikləri qanun və digər normativ hüquqi aktların
məhkəmə tərəfindən tətbiq
edilməməsinin motivləri, habelə məhkəmənin
qərar qəbul edərkən rəhbər tutduğu qanun və
digər normativ hüquqi aktlar;[619]
419.2.9. apellyasiya instansiyası
məhkəməsinin aktları ləğv edildikdə
apellyasiya instansiyası məhkəməsinin maddi və
prosessual hüquq normalarını pozması, yaxud düzgün
tətbiq etməməsi barədə kassasiya instansiyası
məhkəməsinin dəlilləri;
419.2.10. kassasiya
şikayətinə baxılmasının
nəticələri;
419.2.11. iş yeni
məhkəmə baxışına verilirsə, yerinə
yetirilməli olan hərəkətlər.
419.3. Qərar qəbul edildiyi gün onun
nəticə hissəsi barədə məlumat hakimlərin
elektron imzası ilə təsdiq edilməklə “Elektron
məhkəmə” informasiya sistemində yerləşdirilir.
Qərarın tam mətni işdə iştirak edən
şəxslərə qəbul edildiyi gündən 1 ay
müddətində sifarişli məktubla
göndərilməli və yaxud qəbz alınmaqla təqdim
edilməlidir.[620]
419.4. Qərar qəbul edildiyi
andan qüvvəyə minir.
Maddə 420. Kassasiya məhkəməsinin
göstərişlərinin məcburiliyi
Kassasiya instansiyasında
işə baxan məhkəmənin qərarında
şərh edilən göstərişlər həmin
işə yenidən baxan məhkəmə üçün
məcburidir.
Maddə 421. İşin qaytarılması
İşə kassasiya
instansiyası məhkəməsi tərəfindən
baxıldıqdan sonra həmin iş kassasiya instansiyası
məhkəməsinin qərarının təsdiq olunmuş
surəti ilə birlikdə apellyasiya instansiyası
məhkəməsinə qaytarılır.
Maddə 421-1. Məhkəmə
iclasının protokolu[621]
Kassasiya şikayətinə məhkəmə
iclasında baxıldıqda bu
Məcəllənin 22-ci fəsli ilə müəyyən
edilmiş qaydada protokol yazılır.[622]
Maddə 421-2. Kassasiya
instansiyası məhkəməsinin xüsusi qərardadı
421-2.1.
İşə kassasiya qaydasında baxan məhkəmə bu
Məcəllənin 265.4-cü və 265.5-ci
maddələrində nəzərdə tutulmuş hallarda,
habelə işə birinci və apellyasiya instansiyası
məhkəmələrində baxılması zamanı
prosessual normaların kobud pozulmasına yol vermiş hakimlər
barəsində xüsusi qərardad çıxara bilər. [623]
421-2.2. Hakimlər
barəsində çıxarılmış xüsusi
qərardad intizam icraatının başlanması
üçün Azərbaycan Respublikası Ali
Məhkəməsinin sədri tərəfindən
Məhkəmə-Hüquq Şurasına göndərilir.
Fəsil 44
Əlavə
kassasiya qaydasında icraat
Maddə 422. Kassasiya qərarlarına yenidən
baxılması
Azərbaycan Respublikası Ali
Məhkəməsi Mülki kollegiyasının və Kommersiya kollegiyasının
qərarlarına təqdimat, şikayət və ya
protestlə Azərbaycan Respublikası Ali
Məhkəməsinin Plenumunda əlavə kassasiya
qaydasında yenidən baxıla bilər. Azərbaycan Respublikası Ali
Məhkəməsinin Plenumu şikayət, ərizə və
ya protestə yazılı icraat qaydasında baxır.[624]
Maddə 423. Şikayət, ərizə və protest
vermək hüququ[625]
423.1. Şikayəti işdə
vəkillə iştirak edən şəxs verə bilər.
423.2. İşdə iştirak
etməyə cəlb olunmayan, məhkəmə aktı ilə
maraqlarına toxunan şəxslər Azərbaycan
Respublikası Ali Məhkəməsi Mülki kollegiyasının
və Kommersiya kollegiyasının qərarlarından
ərizə ilə Azərbaycan Respublikasının Ali
Məhkəməsinin Plenumuna müraciət edə bilər.
423.3. Bu Məcəllənin 50-ci və
306-cı maddələrində nəzərdə tutulmuş
hallarda müvafiq prokuror məhkəmə
araşdırmasında iddiaçı və ya ərizəçi
olmuşsa, Azərbaycan Respublikasının Baş prokuroru
protest vermək hüququna malikdir.
423.4. Şikayət və ya protest
məhkəmə aktının işdə iştirak edən
şəxslərə rəsmi qaydada verildiyi gündən 2 ay
müddətində, ərizə işdə iştirak
etməyə cəlb olunmayan, məhkəmə aktı ilə
maraqlarına toxunan şəxslər tərəfindən
məhkəmə aktı barədə məlumatlı olduqları
gündən 2 ay müddətində verilə bilər.
Mübahisə edilən qərarın qanuni qüvvəyə
mindiyi vaxtdan 3 il keçdikdən sonra ərizənin
verilməsinə yol verilmir.
423.5. Şikayət və ya ərizə
onu verən şəxs (onun qanuni nümayəndəsi və
ya nümayəndəsi) və onu tərtib etmiş vəkil
tərəfindən imzalanmalıdır.
Maddə 424. Azərbaycan Respublikası Ali
Məhkəməsi Plenumunun işə baxmasının
əsasları
424.1. Plenum müstəsna olaraq
hüquqi məsələlər üzrə işlərə
baxır.
424.2. Kassasiya
qərarlarının ləğv edilməsi üçün
əsaslar aşağıdakılardır:
424.2.1. kassasiya instansiyası
məhkəməsinin qərarı Azərbaycan
Respublikasının Konstitusiya Məhkəməsi
tərəfindən Azərbaycan Respublikasının
Konstitusiyasına uyğun olmayan hesab edilmiş hüquq
normasına əsasən qəbul edilmişsə;
424.2.2. kassasiya instansiyası
məhkəməsi işdə iştirak etməyə cəlb
olunmamış şəxslərin hüquq və
vəzifələrinə dair məsələni onların
hüquqlarının pozulması ilə
nəticələnməklə həll etmişsə;
424.2.3. kassasiya instansiyası
məhkəməsinin qərarında onun istinad etdiyi
motivlərin əsası yoxdursa; [626]
424.2.4. kassasiya instansiyası
məhkəməsinin qərarının nəticə
hissəsi onun təsviri və ya əsaslandırıcı
hissəsinə müvafiq olmazsa;
424.2.5. işə məhkəmə
aidiyyəti qaydalarının pozulması ilə
baxılmışsa;[627]
424.2.6. kasasiya instansiyası məhkəməsinin
qərarı bu Məcəllənin 418.6-cı
maddəsində nəzərdə tutulmuş hüququn
tətbiqi üzrə məhkəmə təcrübəsinin
vahidliyini pozmuşsa.[628]
Maddə 425. Şikayətin, ərizənin və
protestin məzmunu[629]
425.1. Şikayət, ərizə və
protest bu
Məcəllənin 407-ci maddəsində
nəzərdə tutulmuş tələblərə uyğun
olmalıdır.[630]
425.2. Ərizədə qəbul
edilən qərarla şəxsin hüquq və
vəzifələrinin pozulmasının nədən ibarət
olması, yaxud hansı maraq və ya mənafelərinə
toxunması əsaslandırılmalıdır.[631]
Maddə 426. Şikayətin, ərizənin və
protestin göndərilməsi[632]
426.1. Şikayətə,
ərizəyə və ya protestə ilkin olaraq Azərbaycan
Respublikası Ali Məhkəməsinin Plenumu
tərəfindən təyin edilən 5 hakimdən ibarət
məhkəmə tərkibi yazılı icraat qaydasında
baxır. Məhkəmə tərkibinə daxil olan hakim
tərəfindən işə baxılmasına yol
verilməyən hallar olduqda, Azərbaycan Respublikası Ali
Məhkəməsinin sədri həmin hakimi Azərbaycan
Respublikası Ali Məhkəməsinin Plenumu
tərəfindən təyin edilən 5 ehtiyat hakimdən biri
ilə əvəz edir.
426.2. Şikayətin, ərizənin
və ya protestin surəti işdə iştirak edən
şəxslərə rəsmi qaydada verilir. İşdə
iştirak edən şəxslər şikayətin,
ərizənin və ya protestin surəti onlara rəsmi qaydada
verildiyi vaxtdan 20 gündən gec olmayaraq yazılı
etirazlarını göndərməyə haqlıdırlar.
426.3. Məhkəmə tərkibi
şikayətə, ərizəyə və ya protestə
baxaraq aşağıdakı qərardadlardan birini qəbul
edir:
426.3.1. şikayət, ərizə və
ya protestin forma və məzmununa dair bu Məcəllənin
425-ci maddəsinin tələblərinə riayət
edilmədikdə, habelə bu Məcəllənin 423.1-ci
maddəsində nəzərdə tutulmuş
müddətlərin ötürülməsi ilə
verildikdə şikayət, ərizə və ya protestin
qaytarılması haqqında;
426.3.2. bu Məcəllənin 424.2.2 -
424.2.6-cı maddəsində nəzərdə tutulmuş
əsaslar olmadıqda isə şikayət və ya protestin, bu
Məcəllənin 424.2.2-ci maddəsində
nəzərdə tutulmuş əsaslar olmadıqda
ərizənin Azərbaycan Respublikası Ali
Məhkəməsinin Plenumuna göndərilməsindən
imtina haqqında;
426.3.3. bu Məcəllənin 424.2.2 -
424.2.6-cı maddəsində nəzərdə tutulmuş
əsaslar olduqda isə şikayət və ya protestin, bu
Məcəllənin 424.2.2-ci maddəsində nəzərdə
tutulmuş əsaslar olduqda ərizənin iş ilə
birlikdə Azərbaycan Respublikası Ali Məhkəməsinin
Plenumuna göndərilməsi haqqında.
426.4. Bu Məcəllənin 426.3-cü
maddəsində nəzərdə tutulmuş qərardadlardan
şikayət verilə bilməz.
Maddə 427. Şikayətin, ərizənin və ya
protestin geri götürülməsi[633]
427.1. Şikayəti, ərizəni və ya
protesti vermiş
şəxs onu geri götürmək hüququna malikdir.[634]
427.2. Şikayətin, ərizənin və ya
protestin geri
götürülməsi Azərbaycan Respublikası Ali
Məhkəməsinin Plenumunda icraata xitam verilməsinə
səbəb olur.
Maddə 428. İşə baxılması
428.1. Azərbaycan Respublikası
Ali Məhkəməsinin Plenumu əvvəllər işə
baxılmasında iştirak etməmiş hakimin işin
halları və təqdimatın, protestin və ya
şikayətin dəlilləri barədə məruzəsini
dinləyir.
428.2. Plenumun iclasına izahat
vermək üçün protest və ya şikayəti
vermiş şəxslər, habelə işdə iştirak
edən digər tərəflər çağırıla
bilərlər. Bu halda onlara Plenum iclasının vaxtı
və yeri barədə bildiriş göndərilir. Onların
gəlməməsi işə baxılmasına mane olmur.[635]
428.3. İşə
baxılarkən bütün məsələlər səs
çoxluğu ilə həll edilir. Təqdimatın, protestin
və ya şikayətin təmin edilməsi leyhinə və
əleyhinə verilmiş səslərin sayı bərabər
olduqda təqdimat, protest və ya şikayət rədd
edilmiş sayılır.
Maddə 429. Azərbaycan Respublikası Ali
Məhkəməsi Plenumunun səlahiyyətləri
429.0. Əlavə kassasiya
qaydasında işə baxan Azərbaycan Respublikası Ali
Məhkəmə Plenumunun hüququ vardır:
429.0.1. kassasiya instansiyası
məhkəməsinin qərarını
dəyişdirmədən, təqdimatı, protesti və ya
şikayəti isə təmin etmədən saxlamaq;
429.0.2. kassasiya instansiyası
məhkəməsinin qərarına dəyişiklik etmək;
429.0.3. kassasiya instansiyası
məhkəməsinin qərarını tam və ya qismən
və onunla bağlı apellyasiya instansiyası
məhkəməsinin qətnaməsini və ya qərardadını
tam və ya qismən ləğv etmək, işi kassasiya və ya apellyasiya instansiyası
məhkəməsinə yenidən baxılmağa
göndərmək;[636]
429.0.4. kassasiya instansiyası
məhkəməsinin qərarını tamamilə, yaxud
qismən ləğv etmək, bu Məcəllənin 259.0.1,
259.0.2, 259.0.8 və 259.0.10-cu maddələrinə müvafiq
olaraq iddianı tamamilə, yaxud qismən baxılmamış
saxlamaq və ya bu Məcəllənin 261.0.1—261.0.3, 261.0.6
və 261.0.7-ci maddələrinə müvafiq olaraq iş
üzrə icraata xitam vermək;[637]
429.0.5. kassasiya instansiyası
məhkəməsinin qərarını ləğv etmək
və apellyasiya instansiyası məhkəməsinin
qətnaməsini və ya qərardadını qüvvədə
saxlamaq.
429.0.6.
müvafiq apellyasiya instansiyası məhkəməsində
işə təkrar baxılmasının yolverilməzliyi
müəyyən edildikdə işin baxılmasını
başqa apellyasiya instansiyası məhkəməsinə
həvalə etmək.[638]
Maddə 430. Azərbaycan Respublikası Ali
Məhkəməsi Plenumunun qərarı
430.1. Azərbaycan Respublikası
Ali Məhkəməsinin Plenumu işə baxılmanın
nəticəsi üzrə qərar çıxarır.
430.2. Qərarda
aşağıdakılar göstərilməlidir:
430.2.1. qərarı
çıxarmış məhkəmənin adı;
430.2.2. qərarın
çıxarılma vaxtı və yeri;
430.2.3. haqqında qərar
çıxarılan iş;
430.2.4. şikayət verən şəxs;
430.2.5. təqdimat və ya
protest verən şəxs;
430.2.6. aşağı
məhkəmələrin şikayət edilən aktlarına
istinad;
430.2.7. çıxarılan
qərarın əsaslandığı qanun;
430.2.8. protestə
baxılmanın nəticəsi üzrə qəbul edilmiş
qərar.
430.3. Azərbaycan Respublikası
Ali Məhkəməsi Plenumun qərarı onun sədri
tərəfindən imzalanır və işdə iştirak
edən şəxslərə rəsmi
qaydada verilir. [639]
Maddə 431. Azərbaycan Respublikası Konstitusiya
Məhkəməsinin məhkəmə tərəfindən
tətbiq edilən normativ hüquqi aktın əsas hüquq
və azadlıqları pozduğunu tanıdığı halda
Azərbaycan Respublikası Ali Məhkəməsi sədrinin
təqdimatına Ali Məhkəmənin plenumunda
baxılması [640]
Azərbaycan
Respublikası Ali Məhkəməsi plenumunun sorğusu ilə
Azərbaycan Respublikasının Konstitusiya Məhkəməsi
tərəfindən normativ hüquqi aktlar ilə əsas hüquq
və azadlıqların pozulduğu müəyyən
edildikdə, plenum bu fəslin müddəalarına uyğun
olaraq əlavə kassasiya qaydasında həmin aktlara
əsasən çıxarılmış məhkəmə
aktlarını Azərbaycan Respublikası Ali
Məhkəməsi sədrinin təqdimatı əsasında
tam və ya qismən ləğv edir.
Fəsil 44-1
Hüquq və azadlıqların
pozulması İlə bağlı yenİ hallar üzrə
İcraat[641]
Maddə 431-1. İşə
hüquq və azadlıqların pozulması ilə
bağlı yeni hallar üzrə yenidən baxılması
431-1.1. Qanuni
qüvvəyə minmiş məhkəmə aktlarına
hüquq və azadlıqların pozulması ilə
bağlı yeni hallar üzrə yenidən baxıla bilər.
431-1.2. Hüquq
və azadlıqların pozulması ilə bağlı yeni
hallar üzrə məhkəmə aktlarına yenidən baxmaq
üçün əsaslar aşağıdakılardır:
431-1.2.1.
Azərbaycan Respublikasının Konstitusiya Məhkəməsi
tərəfindən Azərbaycan Respublikası Ali
Məhkəməsinin qərarlarının və ya
məhkəməyə müraciət etmək hüququnu pozan
məhkəmə aktlarının Azərbaycan
Respublikasının Konstitusiyası və qanunlarına
uyğun olmadığı hesab edilməsi;
431-1.2.2.
İnsan Hüquqları üzrə Avropa Məhkəməsi
tərəfindən Azərbaycan Respublikasının
məhkəmələrinin işə baxarkən "insan
hüquqlarının və əsas azadlıqların
müdafiəsi haqqında" Konvensiyanın
müddəalarını pozduğu müəyyən
edilməsi.
Maddə 431.2. Məhkəmə
aktlarına hüquq və azadlıqların pozulması
ilə bağlı yeni hallar üzrə baxan
məhkəmə
Qanuni
qüvvəyə minmiş məhkəmə aktlarına
hüquq və azadlıqların pozulması ilə
bağlı yeni hallar üzrə Azərbaycan Respublikası
Ali Məhkəməsinin Plenumu baxır. Plenum Azərbaycan
Respublikası Konstitusiya Məhkəməsinin və İnsan
Hüquqları üzrə Avropa Məhkəməsinin
qərarlarının icrası ilə bağlı yalnız
hüquqi məsələlər üzrə işlərə
baxır.
Maddə 431-3. Məhkəmə
aktlarına hüquq və azadlıqların pozulması
ilə bağlı yeni hallar üzrə yenidən
baxılması qaydası
431-3.1.
Azərbaycan Respublikası Konstitusiya Məhkəməsinin
və ya İnsan Hüquqları üzrə Avropa
Məhkəməsinin qərarı Azərbaycan
Respublikasının Ali Məhkəməsinə daxil olduqdan
sonra 3 aydan gec olmayan müddətdə plenum yazılı icraat qaydasında hüquq və
azadlıqların pozulması ilə bağlı yeni hallar
üzrə məhkəmə aktlarına baxır.[642]
431-3.2.
Azərbaycan Respublikası Konstitusiya Məhkəməsinin
və ya İnsan Hüquqları üzrə Avropa
Məhkəməsinin qərarı Azərbaycan
Respublikasının Ali Məhkəməsinə daxil olduqda Ali
Məhkəmənin sədri işin plenumun məhkəmə
iclasına hazırlanmasını və məruzə
edilməsini hakimlərin birinə tapşırır.
431-3.3. İşdə iştirak edən
şəxslər məhkəmə iclasının vaxtı
və yeri haqqında xəbərdar edilirlər. Lakin
onların gəlməməsi işə baxılmasına mane
olmur.[643]
431-3.4.
İşə Azərbaycan Respublikası Ali
Məhkəməsi Plenumunun iş qaydasına müvafiq olaraq
baxılır.
Maddə 431-4. İşə
hüquq və azadlıqların pozulması ilə
bağlı yeni hallar üzrə yenidən baxmaq haqqında
qərar
431-4.1.
Azərbaycan Respublikası Ali Məhkəməsinin Plenumu
işə baxılmanın nəticəsi üzrə qərar
çıxarır. Qərar bu məcəllənin 430.2-ci
və 430.3-cü maddələrində nəzərdə
tutulmuş tələblərə uyğun olmalıdır.
431-4.2. Hüquq
və azadlıqların pozulmasına dair Konstitusiya
Məhkəməsinin qərarına uyğun olaraq
Azərbaycan Respublikası Ali Məhkəməsinin Plenumu
aşağıdakı qərarlardan birini qəbul edir:
431-4.2.1.
əlavə kassasiya qaydasında çıxarılmış
qərarın və (və ya) kassasiya instansiyası
məhkəməsinin qərarının və onunla
bağlı apellyasiya instansiyası məhkəməsinin
qətnaməsinin və ya qərardadının tam və ya
qismən ləğv edilməsi və işin kassasiya və ya apellyasiya
instansiyası məhkəməsinə yenidən
baxılması üçün göndərilməsi
barədə (Azərbaycan Respublikasının Konstitusiya
Məhkəməsi tərəfindən
məhkəməyə müraciət etmək hüququnu pozan
məhkəmə aktlarının Azərbaycan
Respublikasının Konstitusiyası və qanunlarına
uyğun olmayan hesab edilməsi barədə qərar qəbul
edildikdə plenum həmçinin hüquq və
azadlıqların pozulması ilə
çıxarılmış birinci instansiya məhkəməsinin
aktlarını da tam və ya qismən ləğv edə
bilər);[644]
431-4.2.2.
əlavə kassasiya qaydasında çıxarılmış
qərarın və (və ya) kassasiya instansiyası
məhkəməsinin qərarının ləğv
edilməsi və apellyasiya instansiyası məhkəməsinin
qətnaməsinin və ya qərardadının
qüvvədə saxlanılması barədə;
431-4.2.3.
əlavə kassasiya qaydasında çıxarılmış
qərarın ləğv edilməsi və kassasiya
instansiyası məhkəməsinin qərarının
qüvvədə saxlanılması barədə;
431-4.2.4. Qanuni qüvvəyə
minmiş məhkəmə aktlarına əlavə kassasiya
və yeni açılmış hallar üzrə yenidən
baxılması üzrə məhkəmə tərkibinin bu
Məcəllənin 426.3.2-ci və 437.2.2-ci
maddələrində nəzərdə tutulmuş
qərardadının ləğv edilməsi və
ərizəyə, şikayətə, protestə
məhkəmə tərkibində yenidən baxılması
üçün göndərilməsi barədə.[645]
431-4.3. İnsan
Hüquqları üzrə Avropa Məhkəməsinin
qərarı ilə əlaqədar olaraq Azərbaycan
Respublikası Ali Məhkəməsinin Plenumu
aşağıdakı qərarlardan birini qəbul edir:
431-4.3.1.
əlavə kassasiya qaydasında çıxarılmış
qərarın və (və ya) kassasiya instansiyası
məhkəməsinin qərarının və onunla
bağlı apellyasiya instansiyası məhkəməsinin
qətnaməsinin və ya qərardadının tam və ya
qismən ləğv edilməsi və işin kassasiya və ya apellyasiya
instansiyası məhkəməsinə yenidən
baxılması üçün göndərilməsi
barədə (İnsan Hüquqları üzrə Avropa
Məhkəməsi tərəfindən
məhkəməyə müraciət etmək hüququnu pozan
məhkəmə aktlarına dair qərar qəbul edildikdə
plenum həmçinin hüquq və azadlıqların pozulması
ilə çıxarılmış birinci instansiya
məhkəməsinin aktlarını da tam və ya qismən
ləğv edə bilər);
431-4.3.2.
əlavə kassasiya qaydasında çıxarılmış
qərarın və (və ya) kassasiya instansiyası
məhkəməsinin qərarının ləğv
edilməsi və apellyasiya instansiyası məhkəməsinin
qətnaməsinin və ya qərardadının
qüvvədə saxlanılması barədə;
431-4.3.3.
əlavə kassasiya qaydasında çıxarılmış
qərarın ləğv edilməsi və kassasiya
instansiyası məhkəməsinin qərarının
qüvvədə saxlanılması barədə.
431-4.3.4.
əlavə kassasiya qaydasında çıxarılmış
qərara və ya kassasiya instansiyası məhkəməsinin
qərarına dəyişiklik edilməsi barədə;
431-4.3.5.
iş üzrə qəbul edilmiş məhkəmə
aktlarının ləğv edilməsi və işin
icraatına xitam verilməsi barədə;
431-4.3.6. İnsan Hüquqları
üzrə Avropa Məhkəməsinin qərarındakı
müddəaların nəzərə alınması və
(və ya) icrası barədə.[646]
Fəsil 45
Qanuni qüvvəyə
minmiş məhkəmə aktlarına yeni
açılmış hallar üzrə yenidən
baxılması üzrə icraat
Maddə 432. İşə yenidən baxılması
432.1. Qanuni qüvvəyə
minmiş məhkəmə aktlarına yeni
açılmış hallar üzrə yenidən baxıla
bilər.
432.2. Yeni
açılmış hallar üzrə məhkəmə
aktlarına yenidən baxmaq üçün əsaslar
aşağıdakılardır:
432.2.1. məhkəmə
aktı çıxarıldıqdan sonra işə
əvvəllər baxılarkən məlum olmayan həlledici
materiallar aşkar edildikdə;
432.2.2. məhkəmənin
qanuni qüvvəyə minmiş hökmü ilə
müəyyən edilmiş və qanunsuz, yaxud əsassız
qətnamənin çıxarılmasına səbəb olmuş
şahidin bilə-bilə yalan ifadələr verməsi,
ekspertin bilə-bilə yalan rəy verməsi,
tərcüməçinin bilə-bilə düzgün
tərcümə etməməsi, sənədlərin və ya
maddi sübutların saxtalığı;
432.2.3. məhkəmənin
qanuni qüvvəyə minmiş hökmü ilə
müəyyən edilmiş və həmin işə
baxılarkən tərəflərin, işdə iştirak edən
digər şəxslərin, yaxud onların
nümayəndələrinin cinayətkar
hərəkətləri və ya hakimlərin cinayətkar
əməlləri;
432.2.4. həmin
məhkəmə aktlarının çıxarılması
üçün əsas olmuş məhkəmə
qətnaməsinin, hökmünün, qərardadının
və ya qərarının, yaxud sair orqanın
qərarının ləğv edilməsi.
Maddə 433. Məhkəmə aktlarına yeni
açılmış hallar üzrə baxan
məhkəmə
Qanuni qüvvəyə
minmiş məhkəmə aktlarına yeni
açılmış hallar üzrə Azərbaycan
Respublikası Ali Məhkəməsinin Plenumu baxır.
Maddə 434. Ərizə vermənin qaydası və
müddəti
434.1. Qanuni qüvvəyə
minmiş məhkəmə aktlarına yeni
açılmış hallar üzrə yenidən
baxılması haqqında ərizə işdə iştirak
edən şəxslər tərəfindən, işə yenidən
baxmaq üçün əsas olmuş bu Məcəllənin
432-ci maddəsində göstərilən halların aşkar
olunduğu gündən 1 aydan gec olmayaraq Azərbaycan
Respublikası Ali Məhkəməsinə verilə bilər.
434.2. Ərizəçi
işdə iştirak edən digər şəxslərə
öz ərizəsinin və ona əlavə olunmuş
sənədlərin surətlərini göndərməyə
borcludur.
434.3. Ərizənin və ona
əlavə olunmuş sənədlərin surətlərinin
işdə iştirak edən şəxslərə
göndərilməsini təsdiq edən sənədlər
ərizəyə əlavə olunur.
434.4. Müəyyən
olunmuş müddət keçdikdən sonra ərizə
verildikdə və buraxılmış müddətin bərpa
edilməsinə dair vəsatət olmadıqda, yaxud işdə
iştirak edən şəxslərə ərizənin və
ona əlavə olunmuş sənədlərin
surətlərinin göndərilməsini təsdiq edən
sənədlər təqdim olunmadıqda, o,
ərizəçiyə qaytarılır.
Maddə 435. Yeni açılmış hallar
üzrə işlərə yenidən baxılması
haqqında ərizənin məzmunu
435.1. Yeni
açılmış hallar üzrə işlərə
yenidən baxılması haqqında ərizədə
aşağıdakılar göstərilməlidir:
435.1.1. barəsində
mübahisə edilən aktın dəqiq
göstərilməsi;
435.1.2. ərizə vermək
üçün qanuni əsasın qeyd edilməsi;
435.1.3. ərizənin
verilməsi üçün qanuni müddətlərə
əməl olunması barədə məlumatlar və bunun
üçün sübut vasitələrinin göstərilməsi;
435.1.4. qəbul edilmiş
aktın ləğv edilməsi barədə motivlər.
435.2. Ərizəyə onun
əsaslandığı sənədlərin əsli, yaxud
surətləri və bu Məcəllənin 432-ci
maddəsində göstərilən sənədlər
əlavə olunur.
Maddə 436. Ərizə vermək üçün
müddətin hesablanması
436.1. Ərizə vermək
üçün müddət aşağıdakı qaydada
hesablanır:
436.1.1. bu Məcəllənin
432.2.1-ci maddəsi ilə nəzərdə tutulan hallarda
iş üçün mühüm əhəmiyyəti olan
hallar açıldığı gündən;
436.1.2. bu Məcəllənin
432.2.2 və 432.2.3-cü maddələri ilə
nəzərdə tutulan hallarda cinayət işi üzrə
hökmün qanuni qüvvəyə mindiyi gündən;
436.1.3. bu Məcəllənin
432.2.4-cü maddəsi ilə nəzərdə tutulan
hallarda—məhkəmə hökmünün,
qətnaməsinin, qərardadının, qərarının
qanuni qüvvəyə mindiyi gündən və ya
dövlət orqanı, yaxud digər orqan tərəfindən
öz məzmununa görə yenidən baxılan
qətnamə, qərardad və ya qərarın
əsaslandığı hökmə, qətnaməyə,
qərardada və ya qərara zidd olan qərarın
çıxarıldığı gündən.
436.2. Bu Məcəllənin
432-ci maddəsində nəzərdə tutulan hallar aşkar
edildiyi gündən 3 il keçdikdən sonra bu barədə
ərizəyə baxılmır.
Maddə 437. Ərizəyə baxılması
437.1.
Ərizəyə ilkin olaraq Azərbaycan Respublikası Ali
Məhkəməsinin Plenumu tərəfindən təyin
edilən 5 hakimdən ibarət məhkəmə tərkibi yazılı icraat qaydasında baxır.
Məhkəmə tərkibinə daxil olan hakim
tərəfindən işə baxılmasına yol
verilməyən hallar olduqda, Azərbaycan Respublikası Ali
Məhkəməsinin sədri həmin hakimi Azərbaycan
Respublikası Ali Məhkəməsinin Plenumu
tərəfindən təyin edilən 5 ehtiyat hakimdən biri
ilə əvəz edir. Ərizənin surəti işdə iştirak edən
şəxslərə rəsmi qaydada verilir. İşdə
iştirak edən şəxslər ərizənin surəti
onlara rəsmi qaydada verildikdən sonra 20 gündən gec
olmayaraq yazılı etirazlarını
göndərməyə haqlıdırlar.[647]
437.2.
Məhkəmə tərkibi ərizəyə baxaraq
aşağıdakı qərardadlardan birini qəbul edir:
437.2.1.
ərizənin məzmununa dair bu Məcəllənin 435-ci
maddəsinin tələblərinə riayət
edilmədikdə, ərizənin qaytarılması haqqında
(ərizə vermiş şəxs onun qaytarılmasına
səbəb olmuş nöqsanları aradan qaldırdıqdan
sonra yenidən ərizə verə bilər);
437.2.2. bu
Məcəllənin 432.2-ci maddəsində nəzərdə
tutulmuş əsaslar olmadıqda, ərizənin rədd
edilməsi haqqında;
437.2.3.
ərizənin məzmununa dair bu Məcəllənin 435-ci
maddəsinin tələblərinə riayət edildikdə
və bu Məcəllənin 432.2-ci maddəsində
nəzərdə tutulmuş əsaslar olduqda, ərizənin
iş ilə birlikdə Azərbaycan Respublikası Ali
Məhkəməsinin Plenumuna göndərilməsi
haqqında.
437.3 Bu
Məcəllənin 437.2-ci maddəsində nəzərdə
tutulmuş qərardadlardan şikayət verilə bilməz.
437.4.
Azərbaycan Respublikası Ali Məhkəməsinin Plenumu yeni
açılmış hallar üzrə məhkəmə
aktına yenidən baxılması haqqında
ərizəyə yazılı icraat qaydasında baxır. Ərizəçiyə
və işdə iştirak edən digər
şəxslərə Plenum iclasının vaxtı və yeri
haqqında məhkəmə bildirişi göndərilir. Lakin
onların gəlməməsi ərizəyə
baxılmasına mane olmur.[648]
Maddə 438. İşə yenidən baxmaq haqqında
qərardad
438.1. Azərbaycan Respublikası
Ali Məhkəməsinin Plenumu yeni açılmış
hallar üzrə qətnaməyə, qərardada və ya
qərara baxdıqda ya ərizəni təmin edib məhkəmə
aktlarını ləğv edir, ya da yenidən baxmağı
rədd edir.
438.2. Məhkəmə
aktları ləğv edildikdə, iş bu
Məcəllənin 3 və 4-cü fəsillərinə
uyğun olaraq aidiyyəti üzrə məhkəməyə
göndərilir və bu Məcəllə ilə
müəyyən olunmuş qaydalar üzrə
məhkəmə tərəfindən yenidən
baxılır.
Maddə 438-1. Kassasiya instansiyası
məhkəməsinin xüsusi qərardadı[649]
438-1.1. Azərbaycan Respublikası Ali
Məhkəməsinin Plenumu bu Məcəllənin 265.4-cü
və 265.5-ci maddələrində nəzərdə
tutulmuş hallarda, habelə işə birinci, apellyasiya və kassasiya
instansiyası məhkəmələrində baxılması
zamanı prosessual normaların kobud pozulmasına yol vermiş
hakimlər barəsində xüsusi qərardad çıxara
bilər.
438-1.2. Hakimlər barəsində
çıxarılmış xüsusi qərardad intizam
icraatının başlanması üçün Azərbaycan
Respublikası Ali Məhkəməsinin sədri
tərəfindən Məhkəmə-Hüquq Şurasına
göndərilir.
Dördüncü
bölmə
Xarici
şəxslərin iştirakı ilə icraat
Fəsil 46
Məhkəmələrİn
beynəlxalq səlahiyyətləri
Maddə 439. Xarici şəxslərin prosessual
hüquqları
439.1. Əcnəbilərin
və vətəndaşlığı olmayan
şəxslərin, xarici hüquqi şəxslərin və
beynəlxalq təşkilatların (bundan sonra—xarici
şəxslər) pozulmuş və ya mübahisə edilən
hüquqlarının və qanunla qorunan mənafelərinin
müdafiəsi üçün Azərbaycan
Respublikasının məhkəmələrinə
müraciət etmək hüququ vardır.
439.2. Xarici şəxslər
Azərbaycan Respublikası vətəndaşları və
hüquqi şəxsləri ilə bərabər prosessual
hüquqlardan istifadə edir və prosessual vəzifələri
daşıyırlar.
Maddə 440. Xarici şəxslərin iştirakı
ilə olan işlər üzrə icraat
440.1. Azərbaycan
Respublikasının məhkəmələri mülki və kommersiya mübahisələri üzrə beynəlxalq
səlahiyyətə bu şərtlə malikdirlər ki,
işdə iştirak edən şəxslərdən hər
hansı biri xarici şəxs olsun, onun Azərbaycan Respublikasında
yaşayış yeri, olduğu yer və adətən
gəldiyi yer olsun.
440.2.
Məhkəmələrdə xarici şəxslərin
iştirak etdikləri işlər üzrə icraat bu
Məcəlləyə və digər qanunlara uyğun olaraq
həyata keçirilir.
440.3. Azərbaycan Respublikası
vətəndaşlarının və hüquqi
şəxslərinin prosessual hüquqları üzrə
xüsusi məhdudiyyətlərə yol verən dövlətlərdən
olan xarici şəxslərə münasibətdə
Azərbaycan Respublikası tərəfindən cavab
məhdudiyyətləri müəyyən edilə bilər.
Maddə 441. Əcnəbilərin,
vətəndaşlığı olmayan şəxslərin
və qaçqınların prosessual hüquq və
fəaliyyət qabiliyyəti
441.1. Əcnəbilərin
prosessual hüquq və fəaliyyət qabiliyyəti
vətəndaşı olduqları dövlətin qanunları
ilə müəyyən edilir.
441.2 Əcnəbinin bir
neçə vətəndaşlığı olduqda onun
prosessual hüquq və fəaliyyət qabiliyyəti onun daha sıx
bağlı olduğu dövlətin qanunları ilə
müəyyən edilir.
441.3.
Vətəndaşlığı olmayan şəxsin prosessual
hüquq və fəaliyyət qabiliyyəti həmin
şəxsin daimi yaşadığı yeri olan
dövlətin, belə dövlət olmadıqda isə onun
adətən olduğu dövlətin qanunları ilə
müəyyən edilir.
441.4. Qaçqınların
prosessual hüquq və fəaliyyət qabiliyyəti onların
sığınacaq tapdıqları dövlətin qanunları
ilə müəyyən edilir.
Maddə 442. Xarici hüquqi şəxslərin və
beynəlxalq təşkilatların prosessual hüquq və
fəaliyyət qabiliyyəti
442.1. Xarici hüquqi
şəxslərin prosessual hüquq və fəaliyyət
qabiliyyəti yaradıldığı xarici dövlətin bu
şəxslərin yaradılması üçün əsas
olmuş qanunu ilə müəyyən edilir. Bu qanuna
əsasən prosessual hüquq qabiliyyətinə malik olmayan
xarici hüquqi şəxs Azərbaycan Respublikasının
ərazisində Azərbaycan Respublikasının qanununa
müvafiq olaraq hüquq qabiliyyətli hesab edilə bilər.
442.2. Beynəlxalq
təşkilatın prosessual hüquq və fəaliyyət
qabiliyyəti bu təşkilatın yaradılması
üçün əsas olmuş beynəlxalq müqavilə,
onun təsis sənədləri və ya Azərbaycan
Respublikasının səlahiyyətli dövlət orqanı
ilə bağlanmış sazişlə müəyyən
edilir.
Maddə 443. Xarici şəxslərin iştirakı
ilə olan işlər üzrə Azərbaycan Respublikası
məhkəmələrinin səlahiyyəti
443.0. Azərbaycan
Respublikasının məhkəmələri xarici
şəxslərin iştirakı ilə olan həmçinin aşağıdakı
işlərə baxmağa haqlıdır:[650]
443.0.1. iş üzrə
birgə iddiaçılardan və ya birgə
cavabdehlərdən hər hansı birinin Azərbaycan
Respublikasında yaşayış yeri, olduğu yer və yaxud
adətən gəldiyi yer olduqda;
443.0.2. xarici şəxslərin
idarəçilik orqanı, filialı və ya
nümayəndəliyi Azərbaycan Respublikasının
ərazisində olduqda;
443.0.3. cavabdeh Azərbaycan
Respublikasının ərazisində əmlaka malik olduqda;
443.0.4. aliment alınması
və atalığın müəyyən edilməsi
işlərində iddiaçı Azərbaycan
Respublikasının ərazisində yaşayış
yerinə malik olduqda;
443.0.5. yetirilən
xəsarətlə, sağlamlığın başqa cür
pozulması və ya ailəni dolandıranın
ölümü ilə əlaqədar ziyanın
ödənilməsinə dair işlərdə ziyan
Azərbaycan Respublikasının ərazisində vurulduqda
və ya iddiaçı Azərbaycan Respublikasının
ərazisində yaşayış yerinə malik olduqda;
443.0.6. əmlaka vurulan
ziyanın ödənilməsi işlərində ziyanın
ödənilməsi haqqında tələbin verilməsi
üçün əsas olan hərəkət və ya digər
hal Azərbaycan Respublikasının ərazisində baş
verdikdə;
443.0.7. iddia icrası tamamilə
və ya qismən Azərbaycan Respublikasının
ərazisində həyata keçirilməli olan və ya
həyata keçirilmiş müqavilədən irəli gəldikdə;
443.0.8. iddia Azərbaycan
Respublikasının ərazisində baş vermiş
əsassız varlanmadan irəli gəldikdə;
443.0.9. nikahın pozulması
işlərində iddiaçı Azərbaycan
Respublikasında yaşayış yerinə malik olduqda və
ya ər-arvaddan heç olmazsa biri Azərbaycan Respublikasının
vətəndaşı olduqda;
443.0.10. şərəfin,
ləyaqətin və işgüzar nüfuzun müdafiəsi
işlərində iddiaçı Azərbaycan
Respublikasında yaşayış yerinə malik olduqda;
443.0.11. vəsiyyət edənin
ölən vaxt yaşayış yeri, gəldiyi yer
Azərbaycan Respublikasında olarsa və yaxud vəsiyyət
edənin əmlakı Azərbaycan Respublikasında olduqda
vərəsəlik işləri.
Maddə 444. Müstəsna səlahiyyət
444.0. Azərbaycan Respublikası
məhkəmələrinin müstəsna
səlahiyyətinə aşağıdakılar daxildir:
444.0.1. daşınmaz əmlaka
əşya hüququ, eləcə də həmin
əmlakın icarəyə verilməsi və ya girov
qoyulması haqqında iddialara dair işlər, əgər
onların predmeti olan əmlak Azərbaycan Respublikasının
ərazisindədirsə;
444.0.2. hüquqi şəxsin
həqiqiliyinin və ya qeyri-həqiqiliyinin tanınması
və hüquqi şəxsin buraxılması, yaxud onun
qərarlarının ləğv edilməsi iddialarına dair
işlər, əgər hüquqi şəxsin Azərbaycan
Respublikasında hüquqi ünvanı (olduğu yer)
vardırsa;
444.0.3. patent, marka və ya
digər hüquqların həqiqiliyinin tanınması
iddialarına dair işlər, əgər bu hüquqların
qeydə alınması və ya onların qeydə alınması
üçün ərizələrin verilməsi Azərbaycan
Respublikasında olmuşdursa;
444.0.4. məhkəmə
baxışı zamanı məcburi icra tədbirləri
barədə qəbul edilmiş qətnamə Azərbaycan
Respublikasında irəli sürülmüş və yaxud
həyata keçirilmişsə;
444.0.5. yükdaşıma
müqavilələrindən əmələ gələn
yükdaşıyanlara qarşı iddialara dair işlər;
444.0.6. əgər
ər-arvadın hər ikisinin Azərbaycan Respublikasında
yaşayış yerləri vardırsa, Azərbaycan
Respublikasının vətəndaşları ilə
əcnəbilər və ya vətəndaşlığı
olmayan şəxslər arasında nikahın pozulmasına dair
işlər.
Maddə 445. Xüsusi icraat işləri
445.0. Azərbaycan
Respublikasının məhkəmələri xüsusi icraat
işlərinə aşağıdakı hallarda baxırlar:
445.0.1. barəsində itkin
düşmüş hesab edilmə və yaxud ölmüş
elan etmə haqqında məsələ qaldırılan
şəxs Azərbaycan Respublikasının vətəndaşı
olmuşsa və yaxud Azərbaycan Respublikasının
ərazisində sonuncu məlum yaşayış yerinə
malik olmuşsa;
445.0.2. barəsində məhdud
fəaliyyət qabiliyyətli hesab edilmə haqqında
məsələ qaldırılan şəxs Azərbaycan
Respublikasının vətəndaşı olduqda, yaxud o,
Azərbaycan Respublikasının ərazisində adətən
yerləşdiyi yerə malik olduqda;
445.0.3. barəsində sahibsiz
hesab etmə haqqında ərizə verilən əşya
Azərbaycan Respublikasının ərazisində olduqda;
445.0.4. barəsində
itirilmiş hesab edilməsi haqqında və
üzərindəki müvafiq hüquqların bərpa
edilməsi (çağırış icraatı) haqqında
ərizə verilmiş sənədli qiymətli kağız
Azərbaycan Respublikasının ərazisində yaşayan
və ya olan fiziki və ya hüquqi şəxs
tərəfindən verildikdə;[651]
445.0.5. barəsində
yanlışlıqların müəyyən edilməsi
haqqında ərizə verilən vətəndaşlıq
vəziyyəti akt qeydləri Azərbaycan
Respublikasının müvafiq icra hakimiyyəti orqanları
tərəfindən həyata keçirildikdə; [652]
445.0.6. şikayət edilən
notarial hərəkətlər (onların edilməsindən
imtina) Azərbaycan Respublikasının notariusu və ya
digər orqanı tərəfindən edildikdə.
Maddə 446. Nikah münasibətlərindən
əmələ gələn işlər
446.0. Nikah
münasibətlərindən əmələ gələn
məhkəmə işlərində Azərbaycan Respublikasının
məhkəmələri aşağıdakı hallarda
beynəlxalq səlahiyyətə malikdirlər:
446.0.1. əgər ər-arvaddan
biri Azərbaycan Respublikasının
vətəndaşıdırsa və ya nikah bağlanarkən
Azərbaycan Respublikasının vətəndaşı
olmuşdursa;
446.0.2. əgər iddia
verilmiş ər və yaxud arvadın Azərbaycan
Respublikasında adətən olduğu yeri vardırsa;
446.0.3. Azərbaycan
Respublikasına gəldiyi vaxtdan ər-arvaddan biri
vətəndaşlığı olmayan şəxsdirsə.
Maddə 447. Valideynlərlə uşaqlar arasında
işlər
Şəxsi
münasibətlərlə əlaqədar valideynlərlə
uşaqlar arasında olan məhkəmə işlərində
Azərbaycan Respublikasının məhkəmələri o
vaxt müstəsna səlahiyyətə malik olurlar ki,
tərəflərdən hər hansı biri Azərbaycan
Respublikasının vətəndaşı olsun və ya onun
Azərbaycan Respublikasında adətən olduğu yeri olsun.
Maddə 448. Övladlığa götürmə
Məhkəmə
işlərində Azərbaycan Respublikasının
məhkəmələri o zaman müstəsna
səlahiyyətə malik olurlar ki, övladlığa
götürən ər-arvaddan biri və ya uşaq
Azərbaycan Respublikasının vətəndaşı olsun
və ya onların Azərbaycan Respublikasında adətən
olduğu yer olsun.
Maddə 449. Qəyyumluq, himayəçilik
449.1. Qəyyumluq və ya
himayəçiliklə əlaqədar
tapşırıqları icra etdikdə Azərbaycan
Respublikasının məhkəmələri o hallarda
beynəlxalq səlahiyyətə malik olurlar ki,
himayəçiliyə, qəyyumluğa verilən və yaxud
uşaq Azərbaycan Respublikasının
vətəndaşı olsun, yaxud da onların Azərbaycan
Respublikasında adətən yaşayış yerləri
olsun.
449.2. Əgər
himayəçiliyə, qəyyumluğa verilənin və
yaxud uşağın Azərbaycan Respublikası
məhkəmələrinin himayəçiliyinə
ehtiyacları varsa, Azərbaycan Respublikası
məhkəmələri bu barədə beynəlxalq
səlahiyyətə malikdirlər.
Maddə 450. Müqavilə aidiyyəti
450.1. Azərbaycan
Respublikasının məhkəməsi bu bölməyə
uyğun olaraq səlahiyyətli olmamasına baxmayaraq,
tərəflər Azərbaycan Respublikası
məhkəməsinin beynəlxalq səlahiyyətləri
barədə razılığa gələ bilərlər.
Belə razılıq yazılı şəkildə
olmalıdır.
450.2. Tərəflərdən
birinin xarici ölkədə yaşayış yeri, iş yeri
və ya onun adətən olduğu yer varsa, tərəflər
bu Məcəllənin 450.1-ci maddəsinə müvafiq olaraq
xarici dövlətin məhkəməsinin beynəlxalq
səlahiyyəti barədə razılığa gələ
bilərlər.
Maddə 451. İşə baxılması yerinin
dəyişməzliyi
Azərbaycan Respublikası
məhkəməsi tərəfindən səlahiyyət qaydalarına
əməl edilməklə icraata qəbul edilmiş iş,
sonradan tərəflərin
vətəndaşlığının, yaşayış
yerinin və ya adətən yerləşdiyi yerin
dəyişməsi ilə əlaqədar və ya digər
hallarda başqa dövlətin məhkəməsinə aid olsa
da, mahiyyəti üzrə həll edilir.
Maddə 452. Eyni tərəflər arasında, eyni
predmet barəsində və eyni əsaslar üzrə
mübahisələrə xarici məhkəmələr
tərəfindən baxılmasının prosessual
nəticələri
452.1. Eyni tərəflər
arasında, eyni predmet barəsində və eyni əsaslar
üzrə mübahisələrə dair xarici dövlətin
məhkəmələri tərəfindən qətnamə
çıxarılıbsa, Azərbaycan Respublikasının
məhkəməsi baxılmaq üçün ərizəni
qəbul etməkdən imtina edir və ya iş üzrə
icraata xitam verir.
452.2. Eyni tərəflər
arasında, eyni predmet barəsində və eyni əsaslar
üzrə mübahisəyə dair xarici dövlətin
məhkəməsində əvvəllər qaldırılmış
iş olarsa və qərar Azərbaycan Respublikası
ərazisində tanınmalı və ya icra
edilməlidirsə, Azərbaycan Respublikasının
məhkəməsi baxılmaq üçün ərizəni
qəbul etməkdən imtina edir və ya ərizəni
baxılmamış saxlayır.
452.3. Əgər xarici
dövlətin məhkəmələri tərəfindən
qəbul edilən və ya qəbul ediləcək
qətnamə Azərbaycan Respublikasının
ərazisində tanınmalı və ya icra olunmalı
deyildirsə və yaxud iş Azərbaycan Respublikası
məhkəmələrinin müstəsna
səlahiyyətlərinə aiddirsə, bu
Məcəllənin 452.1 və 452.2-ci maddələrinin
nəticələri yaranmır.
Maddə 453. Diplomatik missiyanın üzvləri
Azərbaycan Respublikasında
yaradılan diplomatik missiyaların üzvləri, onların
ailə üzvləri və onların fərdi ev
işçiləri diplomatik münasibətlər barəsində
18 aprel 1961-ci il tarixli Vyana Konvensiyasının qaydalarına
uyğun olaraq mülki məhkəmə
məsuliyyətindən azad edilirlər. Bu, həmçinin
dövlətlərin həmin Konvensiyanın
iştirakçıları olmadığı hallara da aid
edilir.
Maddə 454. Konsulluq nümayəndəliklərinin
üzvləri
Azərbaycan Respublikasında
yaradılmış konsulluq nümayəndəliklərinin
üzvləri, konsulluğun seçilmiş
qulluqçuları da daxil olmaqla konsulluq
münasibətləri barəsində 24 aprel 1963-cü il
tarixli Vyana Konvensiyasının qaydalarına uyğun olaraq
mülki məhkəmə məsuliyyətindən azad
edilirlər. Bu, həmçinin onların dövlətlərinin
həmin məsuliyyət barədəki müqavilənin
iştirakçıları olmadığı hallara da aid
edilir.
Maddə 455. Digər toxunulmazlıq
Azərbaycan
Respublikasının mülki məhkəmə
məsuliyyəti xidməti dəvət üzrə
Azərbaycan Respublikasında olan digər dövlətlərin
nümayəndələrinə və onların
müşayiətçilərinə şamil edilmir.
Maddə 456. Məhkəmə
tapşırıqları
456.1. Azərbaycan
Respublikasının məhkəmələri Azərbaycan
Respublikasının qanunları ilə və Azərbaycan
Respublikasının tərəfdar çıxdığı
beynəlxalq müqavilələrilə müəyyən
edilmiş qaydada xarici məhkəmələrin
ayrı-ayrı prosessual hərəkətlərin yerinə
yetirilməsi barədə tapşırıqlarını icra
edirlər (bildirişlərin və başqa
sənədlərin verilməsi, tərəflərdən
izahatlar, şahidlərdən ifadələr,
ekspertlərdən rəy alınması, yerində
müayinə aparılması və s.).
456.2. Aşağıdakı
hallarda tapşırıqlar icra edilməməlidir:
456.2.1. əgər
tapşırığın yerinə yetirilməsi
Azərbaycan Respublikasının suverenliyinə və onun
qanunvericiliyinin ümumi prinsiplərinə ziddirsə;
456.2.2. əgər
tapşırığın yerinə yetirilməsi
məhkəmənin səlahiyyətinə aid deyildirsə.
456.3. Xarici
məhkəmələrin ayrı-ayrı prosessual
tapşırıqlarının yerinə yetirilməsi,
Azərbaycan Respublikasının tərəfdar
çıxdığı beynəlxalq
müqavilələrdə başqa qayda müəyyən
edilməyibsə, bu Məcəllədə müəyyən
edilmiş qaydalarla icra edilir.
456.4. Azərbaycan
Respublikasının məhkəmələri xarici
ölkələrin məhkəmələrinə
ayrı-ayrı prosessual hərəkətlərin yerinə
yetirilməsi barədə tapşırıqla müraciət
edə bilər.
456.5. Əgər lazım olan
hərəkətləri Azərbaycan Respublikasının
diplomatik və ya konsul nümayəndələri edə
bilərlərsə, bu barədə onlara müraciət
edilə bilər.
456.6. Azərbaycan Respublikası
məhkəmələri ilə xarici məhkəmələr
arasındakı münasibətlər Azərbaycan
Respublikasının qanunları və Azərbaycan Respublikasının
beynəlxalq müqavilələri ilə müəyyən
edilir.
Maddə 457. Xarici dövlətlərin orqanları
tərəfindən verilmiş sənədlərin
tanınması
Azərbaycan Respublikasından
kənarda Azərbaycan Respublikasının
vətəndaşı və ya hüquqi şəxsləri,
yaxud əcnəbilər barəsində verilmiş, tərtib
edilmiş və ya xarici dövlətlərin
səlahiyyətli orqanları tərəfindən
müəyyən edilmiş qaydada təsdiq edilmiş
sənədlər, əgər qanunla və ya Azərbaycan
Respublikasının tərəfdar çıxdığı
beynəlxalq müqavilələrdə başqa qayda
nəzərdə tutulmamışdırsa, konsul orqanları
tərəfindən qanuniləşdirildikdən sonra
Azərbaycan Respublikası məhkəmələri
tərəfindən qəbul edilir.
Maddə 458. Xarici məhkəmələrin
qətnamələrinin tanınması və icra edilməsi
458.1. Xarici
məhkəmələrin qətnamələri Azərbaycan
Respublikasının qanunlarında və ya Azərbaycan
Respublikasının tərəfdar çıxdığı
beynəlxalq müqavilələrdə nəzərdə
tutulduğu hallarda, yaxud qarşılıqlı anlaşma
əsasında Azərbaycan Respublikasında tanınır
və icra edilir.
458.2. Azərbaycan
Respublikasının tərəfdar çıxdığı
beynəlxalq müqavilələrdə başqa qaydalar
nəzərdə tutulmamışsa, xarici məhkəmələrin
qətnamələrinin tanınması şərtləri
və qaydası və icra edilməsi bu
Məcəllədə nəzərdə tutulmuş qaydada
həyata keçirilir.
458.3. Xarici
məhkəmələrin qətnamələri,
qətnamənin qanuni qüvvəyə mindiyi andan 3 il
müddətində məcburi qaydada icraya yönəldilə
bilər.
Maddə 459. Xarici məhkəmələrin icrası
tələb olunmayan qətnamələrin tanınması
459.0. Xarici
məhkəmələrin öz xarakterinə görə
icrası tələb olunmayan aşağıdakı
qətnamələri Azərbaycan Respublikasında
tanınır:
459.0.1. məhkəmənin
qətnamə çıxardığı dövlətin
vətəndaşlarının şəxsi statusuna toxunan
qətnamələr;
459.0.2. nikah ləğv
edilən və ya etibarsız hesab edilən vaxt ər-arvaddan
biri Azərbaycan Respublikasının hüdudlarından
kənarda yaşadığı hallarda Azərbaycan Respublikasının
vətəndaşları ilə əcnəbilər
arasındakı nikahın ləğv edilməsi və
etibarsız hesab edilməsi barədə qətnamələr;
459.0.3. nikah ləğv edildiyi
və ya etibarsız hesab edildiyi vaxt ər-arvadın hər
ikisi Azərbaycan Respublikasının hüdudlarından
kənarda yaşadıqları hallarda Azərbaycan Respublikasının
vətəndaşları arasında nikahın ləğv
edilməsi və etibarsız hesab edilməsi barədə
qətnamələr.
Maddə 460. Başqa dövlətlərə
çatdırılma
460.1. Başqa
dövlətlərə korrespondensiyanın
çatdırılması hüquqi yardım
göstərilməsi barədə Azərbaycan
Respublikasının tərəfdar çıxdığı
müqavilələrə əsasən həyata keçirilir.
460.2. Çatdırılma
hüquqi yardım göstərilməsini xahiş edən
orqan tərəfindən təsdiq olunur.
460.3. Əgər
korrespondensiyaların çatdırılması hüquqi
yardım göstərilməsi barədə müqavilə
olmayan başqa dövlətdə həyata
keçirilməlidirsə, məlumat onun
çatdırılmasını təsdiq edən bildirişin
verilməsi şərti ilə sifarişli məktubla
göndərilir. Bu halda çatdırılmanın təsdiqi
üçün məktubu çatdırmış poçt
bölməsinin beynəlxalq hüquqa müvafiq olan təsdiq
barədə arayışını təqdim etmək
kifayətdir.
Maddə 461. Nümayəndə təyin etmə
hüququ
461.1. Tərəfin Azərbaycan
Respublikasının hüdudlarından kənarda
yaşayış yeri, olduğu yeri, yaxud ofisi vardırsa
və onun Azərbaycan Respublikasında yaşayan nümayəndəsi
yoxdursa, o, Azərbaycan Respublikasında səlahiyyətli
nümayəndə təyin edə bilər.
461.2. Məhkəmə bu
Məcəllənin 461.1-ci maddəsində
göstərilən tərəfə təyin olunmuş vaxtda
məhkəmə baxışında onun və ya
səlahiyyətli nümayəndəsinin iştirakı
barədə hüquqlarını sifarişli məktubla izah
edir.
461.3. Əgər tərəf bu
vaxt ərzində səlahiyyətli nümayəndə
təyin etməmişsə, onda sifarişli məktubun
poçta verildiyi gündən 1 ay müddətində onun
çatdırılması barədə bildiriş təqdim
edilməsə də məktub çatdırılmış
hesab olunur.
461.4. Bu Məcəllənin 461.1- 461.3-cü maddələri
üzrə əmələ gələ bilən şərait
və nəticələr barədə tərəflərə
məlumat verilməlidir. [653]
Fəsil 47
Azərbaycan
Respublikasında xarici məhkəmələrin qətnamələrinin tanınması və icrası [654]
Ümumi qaydalar
Maddə 462. Xarici dövlətlərin
məhkəmə qətnamələrinin
tanınması və icrası [655]
Xarici dövlətlərin
məhkəmələrinin və arbitrajlarının
qətnamələri Azərbaycan Respublikasının
qanunvericiliyinə, hüquq qaydasına zidd deyildirsə və
qarşılıqlı
təminatlandırılmışdırsa, Azərbaycan Respublikasında
tanına və icra edilə bilər. [656]
Maddə 463. Əsas qaydalar
Xarici dövlətlərin
məhkəmələrinin və arbitrajlarının
qətnamələri dedikdə, mülki işlər və kommersiya mübahisələri üzrə
qətnamələr, cinayət işləri üzrə
hökmlərin cinayət nəticəsində vurulmuş
ziyanın ödənilməsi barədə hissələri, arbitraj
məhkəmələrinin qətnamələri, habelə
xarici dövlətlərin digər aktları başa
düşülür. [657]
Maddə 464. Xarici dövlətlərin
məhkəmə qətnamələrinin
tanınması və icrası barədə
ərizələrə baxan məhkəmə[658]
Xarici dövlətlərin
məhkəmələrinin qətnamələrinin
tanınması və məcburi qaydada icra olunması barədə
ərizələrə Azərbaycan Respublikasının Ali
Məhkəməsi baxır. [659]
Maddə 465. Xarici dövlətlərin
məhkəmələrinin qətnamələrini
tanımaqdan və məcburi qaydada icra etməkdən imtina edilməsi [660]
465.1. Aşağıdakı
hallarda məhkəmənin qətnaməsini məcburi qaydada
icra etməkdən imtina edilməsinə yol verilir:
465.1.1. işə
baxılması Azərbaycan Respublikası
məhkəməsinin müstəsna səlahiyyətinə
aiddirsə;
465.1.2. işdə iştirak
edən şəxs işə baxılması barədə
bildirişin vaxtında və lazımi qaydada ona verilməməsi
nəticəsində prosesdə iştirak etmək
imkanından məhrum olmuşsa;
465.1.3. eyni tərəflər
arasında, eyni predmetə dair və eyni əsaslar üzrə
Azərbaycan Respublikası məhkəmələrinin qanuni
qüvvəyə minmiş qətnaməsi varsa və ya
digər dövlətin məhkəməsində iş
qaldırılmazdan əvvəl Azərbaycan Respublikası
məhkəmələrinin icraatında eyni şəxslər
arasında, eyni predmet barəsində və eyni əsaslar
üzrə qaldırılmış iş varsa;
465.1.4. qətnamə,
ərazisində həmin qətnamə çıxarılan
dövlətin qanunvericiliyi üzrə qanuni qüvvəyə
minməmişsə;
465.1.5. qətnamənin
icrası Azərbaycan Respublikası qanunvericiliyinin əsas
prinsipləri və suverenliyi ilə ziddiyyət təşkil
edirsə;
465.1.6. xarici dövlətin
qarşılıqlı əlaqələri təmin olunmursa.
465.2. Əgər Azərbaycan
Respublikası məhkəməsinin icraatında eyni
tərəflər arasında, eyni predmet barədə və
eyni əsaslarla olan mübahisə barədə iş başlanmışdırsa,
məhkəmə qətnamənin tanınması
və məcburi icrası barədə ərizəyə
baxılmasını dayandırır. Qətnamənin tanınması və məcburi icrası barədə qərar qəbul
edildiyi halda, məhkəmə iş üzrə icraata xitam
verir. Əgər ərizə rədd edilmişsə,
mübahisəyə mahiyyəti üzrə baxılır. [661]
Fəsil 48
Xarici
dövlətin məhkəmə qətnamələrinin
məcburi icrası
Maddə 466. Xarici dövlətin məhkəmə
qətnaməsinin məcburi icrası barədə
ərizə
466.0. Xarici dövlətin
məhkəmə qətnaməsinin məcburi icrası
barədə ərizəyə aşağıdakılar
əlavə edilir:
466.0.1. xarici dövlətin
məhkəmə qətnaməsinin qanuni qüvvəyə
minməsini təsdiq edən, üzərində qeydiyyat
aparılmış surəti, zərərinə qətnamə
çıxarılmış və məhkəmə
prosesində iştirak etməyən tərəfin işə
baxılması barədə vaxtında və lazımi qaydada
xəbərdar edilməsini təsdiq edən sənəd;
466.0.2. sənədlərin
Azərbaycan dilinə tərcümə olunmuş, təsdiq
edilmiş surətləri.
Maddə 467. Ərizəyə baxılması
467.1. Xarici dövlətin
məhkəmə qətnaməsinin tanınması və
məcburi icrası barədə ərizəyə,
işdə iştirak edən şəxslərə ərizəyə
baxılmasının vaxtı və yeri barədə
xəbər verilməklə, açıq məhkəmə
iclasında baxılır.
467.2. Bildiriş
vərəqəsinin ona verilməsi barədə məhkəmədə
məlumat olarsa, işdə iştirak edən şəxsin
üzürlü səbəblər olmadan
məhkəməyə gəlməməsi ərizəyə
baxılmasına mane olmur. Əgər işdə iştirak
edən şəxs ərizəyə baxılmasının
başqa vaxta keçirilməsi barədə xahişlə
məhkəməyə müraciət edərsə və
həmin xahiş məhkəmə tərəfindən
üzürlü hesab edilərsə, məhkəmə
işə baxılmasını başqa vaxta keçirir və
borclunu yeni məhkəmə baxışının vaxtı
barədə xəbərdar edir.
467.3. Ərizəyə
baxılarkən məhkəmə xarici dövlətin
məhkəmə qətnaməsini tanımaqdan və icra
etməkdən imtina etdikdə, bu Məcəllənin 465-ci
maddəsi ilə nəzərdə tutulan əsasların
olub-olmamasını yoxlayır.
467.4. Məhkəmə
ərizə üzrə xarici dövlətin məhkəmə
qətnaməsinin məcburi icrası və ya bundan imtina
edilməsi barədə qərardad çıxarır.
Maddə 468. Qətnamənin icrası
468.1. Xarici dövlətin
məhkəmə qətnaməsi və Azərbaycan
Respublikası Ali Məhkəməsinin qərardadı
əsasında bu qətnamənin məcburi qaydada icra
edilməsinin həll olunması haqqında, məhkəmə
qətnaməsinin icra edilmə yerinə
göndərilməklə, icra vərəqəsi verilir.
468.2. Xarici dövlətin
məhkəmə qətnaməsinin məcburi qaydada icra
edilməsi barədə hərəkətlər Azərbaycan
Respublikasının qanunvericiliyinə əsasən qətnamənin
icrasını həyata keçirən orqanlar
tərəfindən edilir.
Fəsil 49
Xarici
dövlət məhkəmələrinin
qətnamələrinin tanınması
Maddə 469. Ümumi qaydalar
Xarici dövlətin məcburi
icra olunması tələb edilməyən məhkəmə
qətnamələri, maraqlı şəxs
tərəfindən buna qarşı etiraz daxil
olmamışsa, hər hansı sonrakı icraat olmadan
tanınır.
Maddə 470. Ailə işləri üzrə
qətnamə qəbul edilməsinin məcburiliyi
470.1. Əgər xarici
dövlətin məhkəmə qətnaməsi ilə nikah
pozulmuşsa, etibarlı və yaxud etibarsız hesab
edilmişsə, bu qətnamənin icra edilməsi üçün
onun Azərbaycan Respublikasının Ali Məhkəməsi
tərəfindən tanınması tələb olunur. Bu halda
tanınma xarici dövlətin qarşılıqlı
təminatından asılı deyildir.
470.2. Əgər
ər-arvadın hər ikisi qətnamə qəbul edilən
zaman nikahı pozan orqanın aid olduğu dövlətin
vətəndaşı olmuşsa, qətnamənin tanınması
tələb olunmur.
Maddə 471. Tanınmaya qarşı etiraz
İşdə iştirak
edən şəxs, xarici dövlətin məhkəmə
qətnaməsinin daxil olmasını bildiyi 1 ay
müddətində bu qətnamənin tanınmasına etiraz
barədə Azərbaycan Respublikasının Ali
Məhkəməsinə müraciət edə bilər.
Maddə 472. Etiraza baxılma
472.1. Xarici dövlətin
məhkəmə qətnaməsinin tanınmasına
qarşı işdə iştirak edən şəxsin
etirazına, işdə iştirak edən
şəxslərə bu Məcəllədə
göstərilən qaydada bildirməklə, açıq
məhkəmə iclasında baxılır.
472.2. Məhkəmə bildirişinin ona rəsmi qaydada
verilməsi məhkəməyə məlum olduqda,
işdə iştirak edən şəxsin üzürsüz
səbəbdən məhkəməyə gəlməməsi
etiraza baxılmasına mane olmur. [662]
472.3. Əgər şəxs
etiraza baxılması vaxtının başqa vaxta
keçirilməsinə dair məhkəməyə
müraciət edərsə və bu xahiş
məhkəmə tərəfindən üzürlü hesab
edilərsə, onda məhkəmə baxışı
başqa vaxta keçirir və bu barədə işdə
iştirak edən şəxslərə bildirir.
472.4. Xarici dövlətin
məhkəmə qətnaməsinin tanınmasına
qarşı etiraza baxılanda məhkəmə qərardad
çıxarır.
Maddə 473. Xarici dövlətin məhkəmə
qətnaməsinin tanınmasının rədd edilməsi
473.1. Məcburi icra edilməli
olmayan xarici dövlətin məhkəmə qətnaməsinin
tanınmasının rədd edilməsinə bu
Məcəllənin 465-ci maddəsində nəzərdə
tutulmuş əsaslar olduqda yol verilir.
473.2. Qərardadın surəti
onun çıxarıldığı gündən 3 gün
müddətində xarici dövlətin məhkəmə
qətnaməsinin çıxarılması barədə
ərizə vermiş şəxsə və ya onun
nümayəndəsinə və qətnamənin
tanınmasına qarşı etiraz etmiş şəxsə
göndərilir.
Fəsil 50[663]
XARİCİ ARBİTRAJ
MƏHKƏMƏLƏRİNİN QƏRARLARININ TANINMASI
VƏ İCRASI
Maddə 474. Ümumi qaydalar
Xarici arbitraj məhkəmələrinin
qərarlarının tanınması və icrası
qaydası “Xarici arbitraj qərarlarının tanınması
və icrası haqqında” 1958-ci il 10 iyun tarixli Nyu-York
Konvensiyası, “Arbitraj haqqında” Azərbaycan
Respublikasının Qanunu və bu fəslin
müddəaları ilə tənzimlənir.[664]
Maddə 474-1. Xarici arbitraj məhkəmələrinin
qərarlarının tanınması və icrası
barədə ərizələrə baxan məhkəmə[665]
Xarici arbitraj məhkəmələrinin
qərarlarının tanınması və icrası
barədə ərizələrə Azərbaycan
Respublikasının Ali Məhkəməsi baxır.
Maddə 475. Xarici arbitraj məhkəməsinin
qərarının tanınması və icrası
barədə ərizə[666]
475.1. Ərizə məhkəməyə yazılı
şəkildə verilir.
475.2. Ərizədə aşağıdakılar
göstərilməlidir:
475.2.1. ərizənin verildiyi məhkəmənin
adı;
475.2.2. arbitraj sazişinin tərəflərinin
soyadı, adı, atasının adı (hüquqi
şəxsə münasibətdə adı) və
yaşadıqları (hüquqi şəxslərin
olduqları) yer, olduğu halda – telefon nömrələri, o
cümlədən mobil telefon nömrələri, elektron
poçt ünvanı;
475.2.3. qərarı qəbul etmiş xarici arbitraj
məhkəməsinin tərkibi;
475.2.4. daimi arbitraj təşkilatının adı
və olduğu yer (əgər arbitraj prosesini daimi arbitraj
təşkilatı idarə etmişdirsə);
475.2.5. arbitraj məhkəməsi qərarının
tarixi və yeri;
475.2.6. arbitraj məhkəməsi qərarının
tanınması və icrası tələbi;
475.2.7. əlavə edilən sənədlərin
siyahısı.
475.3. Ərizə onu təqdim edən şəxs
(şəxslər) və ya onun nümayəndəsi
tərəfindən imzalanır. Nümayəndə
tərəfindən verilən ərizəyə onun
səlahiyyətlərini təsdiq edən sənəd
əlavə edilməlidir.
475.4. Ərizəyə aşağıdakı
sənədlər əlavə edilir:
475.4.1. ərizənin cavabdeh tərəfindən
alındığını təsdiq edən sübutlar;
475.4.2. arbitraj məhkəməsinin qərarı
və ya onun notariat qaydasında təsdiq edilmiş surəti
və yaxud arbitraj icraatı daimi arbitraj təşkilatı
tərəfindən idarə edildikdə, arbitraj
qərarının həmin icraatı idarə edən daimi
arbitraj təşkilatı tərəfindən təsdiq
edilmiş nüsxəsi;
475.4.3. arbitraj sazişi və ya onun notariat
qaydasında təsdiq edilmiş surəti, yaxud bu mümkün
olmadıqda, arbitraj sazişinin bağlandığını
təsdiqləyən hər hansı sənəd;
475.4.4. müraciətin
əsaslılığını təsdiq edən
sənədlər;
475.4.5. dövlət rüsumunun ödənilməsini
təsdiq edən sənəd;
475.4.6. arbitraj məhkəməsinin qərarı
və ya arbitraj sazişi xarici dildədirsə, bu
sənədlərin Azərbaycan dilinə notariat qaydasında
təsdiq edilmiş tərcüməsi;
475.4.7. ərizənin surəti.
Maddə 476. Xarici arbitraj məhkəməsinin
qərarını tanımaqdan və ya icra etməkdən
imtina[667]
476.1. Xarici arbitraj məhkəməsinin
qərarının tam və ya qismən tanınmasından
və ya icra edilməsindən yalnız
aşağıdakı hallarda imtina edilə bilər:
476.1.1. əleyhinə qərar
çıxarılmış tərəf tanınma və ya
icra haqqında ərizəyə baxan məhkəməyə
aşağıdakı sübutları təqdim etdikdə:
476.1.1.1. arbitraj sazişinin tərəflərindən
birinin ona münasibətdə tətbiq edilən
qanunvericiliyə uyğun olaraq həmin sazişin
bağlandığı vaxtda fəaliyyət qabiliyyəti
olmayan şəxs olması və ya arbitraj sazişinin
tərəflərin həmin sazişə tətbiq
etdikləri qanunvericiliyə və ya sazişdə belə
göstəriş olmadıqda arbitraj qərarının
çıxarıldığı dövlətin
qanunvericiliyinə əsasən etibarsız olması
barədə;
476.1.1.2. əleyhinə qərar
çıxarılmış tərəfin arbitrin təyin
edilməsi və ya arbitraj icraatı haqqında müvafiq
qaydada xəbərdar edilməməsi və ya başqa
səbəblərdən ona öz etiraz və
sübutlarını təqdim etmək imkanının
yaradılmaması barədə;
476.1.1.3. qərarın tərəflərin arbitraj
sazişində nəzərdə tutulmayan və ya onun şərtlərinə
aid olmayan mübahisə üzrə çıxarılması
və yaxud qərarın arbitraj sazişinin və ya iddia
tələbinin hədlərindən kənara çıxan
məsələləri əhatə etməsi barədə
(arbitraj sazişi və ya iddia tələbi ilə
əhatə olunan məsələlər üzrə
qərarlar bu saziş və ya iddia tələbi ilə
əhatə olunmayan məsələlər üzrə
qərarlardan ayrıla bildikdə, arbitraj sazişi və ya
iddia tələbi ilə əhatə olunan məsələlər
üzrə qərarları ehtiva edən hissələr
tanına və icraya yönəldilə bilər);
476.1.1.4. arbitraj məhkəməsinin tərkibinin
və ya arbitraj icraatının tərəflərin
razılaşmasına və ya belə razılaşma
olmadıqda arbitrajın keçirildiyi yerin qanunvericiliyinə
uyğun olmaması barədə;
476.1.1.5. qərarın tərəflər
üçün məcburi hüquqi qüvvəyə
minməməsi və ya qərarın
çıxarıldığı və ya qanunvericiliyinə
uyğun olaraq çıxarıldığı
dövlətin məhkəməsi tərəfindən
ləğv edilməsi və ya icrasının
dayandırılması barədə;
476.1.2. məhkəmə aşağıdakı
halları müəyyən etdikdə:
476.1.2.1. mübahisənin Azərbaycan
Respublikasının qanunvericiliyinə əsasən arbitrajda
həll edilə bilməməsini;
476.1.2.2. arbitraj qərarının
tanınmasının və icrasının Azərbaycan
Respublikasının Konstitusiyasına və ya publik qaydaya,
yəni xarakterinə görə imperativ, universal və
xüsusi ictimai əhəmiyyətə malik olan, Azərbaycan
Respublikasının siyasi, iqtisadi və hüquqi quruluşunun
əsasını təşkil edən fundamental hüquqi
əsaslara (prinsiplərə) zidd olduğunu.
476.2. Bu Məcəllənin 476.1.1.5-ci maddəsində
göstərilən məhkəməyə arbitraj
qərarının ləğvi haqqında ərizə
verilmişdirsə, arbitraj qərarının tanınması
və ya icra edilməsi üçün müraciət
edilən məhkəmə zəruri hesab etdiyi təqdirdə
öz qərarının çıxarılmasını
təxirə sala və arbitraj qərarının
tanınması və ya icrası barədə ərizə
vermiş tərəfin vəsatəti ilə digər
tərəfdən uyğun təminatın təqdim
edilməsini tələb edə bilər. Təminat
məhkəmənin mülahizəsinə əsasən bank
qarantiyası formasında və ya təminat üçün
müəyyən edilmiş pul məbləğinin notariusun
depozit hesabına qoyulması yolu ilə təqdim edilə
bilər.
476.3. Arbitraj qərarının tanınması və
ya icrası haqqında ərizəyə baxarkən
məhkəmənin arbitraj məhkəməsinin
qərarına mahiyyəti üzrə yenidən baxmaq
səlahiyyəti yoxdur.
476.4. Xarici arbitraj məhkəməsinin
qərarının tanınması və icraya
yönəldilməsi haqqında ərizəyə onun
məhkəməyə daxil olduğu gündən 3 (üç)
ay müddətində baxılır.
476.5. Məhkəmə arbitraj məhkəməsinin
qərarının tam və ya qismən tanınması və
icrası və ya bundan imtina barədə bu Məcəllə
ilə müəyyən edilmiş qaydada qərar
çıxarır. Arbitraj məhkəməsinin
qərarının tam və ya qismən tanınması və
icrası haqqında qərar əsasında icra vərəqəsi
verilir.
Maddə 477. Münsiflər məhkəməsinin
qətnaməsi [668]
Xarici münsiflər
məhkəməsi qətnaməsinin icra edilməsi və
tanınması üçün bu Məcəllənin
maddələri müvafiq olaraq tətbiq edilə bilər.
Bundan əlavə, xarici münsiflər məhkəməsinin
qətnaməsinin tanınması və icra edilməsi
barədə BMT-nin 1958-ci il 10 iyun tarixli Nyu-York Konvensiyası
tətbiq edilir.
Beşinci bölmə[669]
ARBİTRAJA MÜNASİBƏTDƏ YARDIM VƏ
NƏZARƏT FUNKSİYALARININ YERİNƏ
YETİRİLMƏSİ İLƏ BAĞLI İŞLƏR
ÜZRƏ İCRAAT
Fəsil 51
ARBİTRAJA MÜNASİBƏTDƏ YARDIM
FUNKSİYALARININ YERİNƏ YETİRİLMƏSİ
İLƏ BAĞLI İŞLƏR ÜZRƏ İCRAAT
Maddə 478. Arbitraja münasibətdə
məhkəmənin yardım funksiyaları və
ərizənin verilməsi
478.1. Tərəflər arasında digər
razılıq yoxdursa, məhkəmələr arbitraja
münasibətdə aşağıdakı yardım
funksiyalarını yerinə yetirirlər:
478.1.1. arbitrin təyin edilməsi ilə bağlı
məsələlərin həlli;
478.1.2. arbitrə etiraz edilməsi ilə bağlı
məsələlərin həlli;
478.1.3. arbitrin səlahiyyətlərinə
(mandatına) xitam verilməsi ilə bağlı
məsələlərin həlli;
478.1.4. müvəqqəti təminat
tədbirlərinin tətbiqi;
478.1.5. sübutların təmin edilməsinə dair
yardım.
478.2. Məhkəmənin yardım
funksiyalarının yerinə yetirilməsi ilə bağlı
“Arbitraj haqqında” Azərbaycan Respublikasının Qanununda
nəzərdə tutulmuş qaydada və hallarda arbitraj
sazişinin tərəfi, yaxud arbitraj məhkəməsi
müraciət edə bilər.
478.3. Bu Məcəllənin 478.1.2-ci və
478.1.3-cü maddələrində nəzərdə
tutulmuş hallarda ərizə müraciət edən
şəxsin müraciətə əsas verən halları
bildiyi və ya bilməli olduğu gündən 30 (otuz) gün
ərzində verilir.
478.4. Bu Məcəllənin 478.1.1 – 478.1.5-ci
maddələrində göstərilən yardım
funksiyalarına münasibətdə ərizə arbitrajın
yeri üzrə Azərbaycan Respublikası ərazisində
kommersiya məhkəməsinə, bu Məcəllənin
478.1.4-cü və 478.1.5-ci maddələrində
göstərilən yardım funksiyalarına
münasibətdə isə arbitrajın yeri
müəyyənləşdirilməmişdirsə və ya
xarici ölkədədirsə, yurisdiksiyası Bakı
şəhərini əhatə edən müvafiq kommersiya məhkəməsinə
verilir.
478.5. Sübutların təmin edilməsinə dair
yardım üzrə işlərdə ərizə
həmçinin müvafiq prosessual hərəkətlərin
yerinə yetirilməli olduğu yer üzrə kommersiya
məhkəməsinə verilə bilər.
478.6. Tərəflərin razılığı
olduğu təqdirdə, beynəlxalq arbitraja
münasibətdə arbitrajın yeri
müəyyənləşdirilmədikdə və arbitraj
mübahisəsi tərəflərindən azı birinin
sahibkarlıq fəaliyyəti ilə məşğul
olduğu yer və ya tərəf sahibkarlıq
fəaliyyəti ilə məşğul olmadıqda, həmin
tərəfin adətən yaşadığı yer
(tərəf fiziki şəxsdirsə) və ya daimi
fəaliyyət göstərən orqanının
yerləşdiyi yer (tərəf hüquqi şəxsdirsə)
Azərbaycan Respublikası ərazisində
yerləşdikdə, bu Məcəllənin 478.1.1 –
478.1.3-cü maddələrində qeyd edilən yardım
funksiyalarına münasibətdə ərizə
yurisdiksiyası Bakı şəhərini əhatə edən
müvafiq kommersiya məhkəməsinə verilir.
Maddə 479. Ərizənin forması və məzmunu
479.1. Ərizə məhkəməyə yazılı
şəkildə verilir.
479.2. Ərizədə aşağıdakılar
göstərilməlidir:
479.2.1. ərizənin verildiyi məhkəmənin
adı;
479.2.2. arbitrajın yeri;
479.2.3. arbitraj sazişinin tərəflərinin
soyadı, adı, atasının adı (hüquqi
şəxsə münasibətdə adı) və
yaşadıqları (hüquqi şəxslərin
olduqları) yer, olduğu halda – telefon nömrələri, o
cümlədən mobil telefon nömrələri, elektron
poçt ünvanı;
479.2.4. mübahisəyə baxan arbitraj
məhkəməsinin tərkibi (əgər arbitraj
məhkəməsi təşkil olunmuşdursa);
479.2.5. daimi arbitraj təşkilatının adı
və olduğu yer (əgər arbitraj prosesini daimi arbitraj
təşkilatı idarə edirsə);
479.2.6. məhkəməyə müraciət etmək
üçün əsas olan hallar;
479.2.7. müraciət edənin xahişi;
479.2.8. əlavə edilən sənədlərin
siyahısı.
479.3. Ərizə onu təqdim edən şəxs
(şəxslər) və ya onun nümayəndəsi
tərəfindən imzalanır. Nümayəndə
tərəfindən verilən ərizəyə onun
səlahiyyətlərini təsdiq edən sənəd
əlavə edilməlidir.
479.4. Ərizəyə aşağıdakı
sənədlər əlavə edilir:
479.4.1. ərizənin cavabdeh tərəfindən
alındığını təsdiq edən sübutlar (bu
Məcəllənin 480.5-ci maddəsinin müddəaları
nəzərə alınmaqla);
479.4.2. arbitraj sazişi və ya onun notariat
qaydasında təsdiq edilmiş surəti, yaxud bu mümkün
olmadıqda, arbitraj sazişinin bağlandığını
təsdiqləyən hər hansı sənəd;
479.4.3. müraciətin
əsaslılığını təsdiq edən
sənədlər;
479.4.4. dövlət rüsumunun ödənilməsini
təsdiq edən sənəd;
479.4.5. arbitraj sazişi xarici dildədirsə, bu
sənədin Azərbaycan dilinə notariat qaydasında
təsdiq edilmiş tərcüməsi;
479.4.6. ərizənin surəti.
Maddə 480. Ərizəyə baxılması
qaydası və nəticələri
480.1. Ərizəyə onun məhkəməyə
daxil olduğu gündən 30 (otuz) gün ərzində (bu
Məcəllənin 478.1.1 – 478.1.3-cü maddələrində
göstərilən yardım funksiyalarına
münasibətdə) bu fəsildə müəyyən
edilmiş xüsusiyyətlər nəzərə alınmaqla,
bu Məcəllədə nəzərdə tutulmuş birinci
instansiya məhkəməsi tərəfindən işə
baxılması qaydalarına uyğun olaraq baxılır.
480.2. Bu Məcəllənin 478.1.4-cü
maddəsində müəyyən edilmiş yardım
funksiyalarına dair ərizələrə bu fəsildə
müəyyən edilmiş xüsusiyyətlər
nəzərə alınmaqla, bu Məcəllənin 13-cü
fəslində müəyyən edilmiş qaydada
baxılır.
480.3. Bu Məcəllənin 478.1.5-ci maddəsində
müəyyən edilmiş yardım funksiyalarına dair
ərizələrə bu fəsildə müəyyən
edilmiş xüsusiyyətlər nəzərə alınmaqla,
bu Məcəllənin 85 – 87-ci maddələrinin
tələblərinə uyğun olaraq baxılır.
480.4. Arbitraj mübahisəsinin tərəfləri
məhkəmə iclasının vaxtı və yeri
haqqında xəbərdar edilirlər. Lakin onların
gəlməmələri işə baxılmasına mane olmur.
480.5. Tərəflər arasında digər
razılaşma yoxdursa və müvəqqəti təminat
tədbirləri barəsində əvvəlcədən
məlumat verilməsi belə tədbirlərin tətbiqinin
məqsədinə xələl gətirə bilərsə,
məhkəmə müvəqqəti təminat
tədbirlərinin tətbiqi barədə qərarı bu
tədbirlərin yönəldiləcəyi tərəfə
xəbər vermədən qəbul edə bilər.
480.6. Məhkəmə işə baxarkən irəli
sürülən tələb və etirazların
əsaslandırıldığı sübutları
araşdıraraq ərizəçinin tələblərinin
təmin edilməsi üçün əsasların
olub-olmadığını müəyyən edir.
480.7. İşin həllinə dair
məhkəmənin qərarı bu Məcəllə ilə
müəyyən edilmiş qaydada qəbul edilir. Bu
Məcəllənin 478.1.1 – 478.1.3-cü və 478.1.5-ci
maddələrində nəzərdə tutulmuş
məsələlər üzrə məhkəmə
qərarlarından şikayət verilə bilməz. Bu
Məcəllənin 478.1.4-cü maddəsində
nəzərdə tutulmuş məsələlər
üzrə məhkəmə qərarlarından bu
Məcəllə müəyyən edilmiş qaydada və
müddətdə apellyasiya şikayəti verilə bilər.
Apellyasiya instansiyası məhkəməsinin qərarı
qətidir.
Fəsil 52
YERLİ ARBİTRAJ MƏHKƏMƏLƏRİNİN
QƏRARLARINDAN VERİLMİŞ ŞİKAYƏTLƏR
ÜZRƏ İCRAAT
Maddə 481. Arbitraj məhkəməsinin
qərarından məhkəməyə şikayət
verilməsi
481.1. Arbitraj icraatının tərəfləri
arbitraj məhkəməsinin qərarının ləğv
edilməsi haqqında məhkəməyə ərizə
verə bilərlər.
481.2. Arbitraj məhkəməsinin qərarının
ləğv edilməsi haqqında ərizə “Arbitraj
haqqında” Azərbaycan Respublikasının Qanununda
müəyyən edilmiş müddətlər ərzində
arbitrajın yeri üzrə kommersiya məhkəməsinə
verilir.
Maddə 482. Ərizənin forması və məzmunu
482.1. Ərizə məhkəməyə yazılı
şəkildə verilir.
482.2. Ərizədə aşağıdakılar
göstərilməlidir:
482.2.1. ərizənin verildiyi məhkəmənin
adı;
482.2.2. arbitraj sazişinin tərəflərinin
soyadı, adı, atasının adı (hüquqi
şəxsə münasibətdə adı) və
yaşadıqları (hüquqi şəxslərin
olduqları) yer, olduğu halda – telefon nömrələri, o
cümlədən mobil telefon nömrələri, elektron
poçt ünvanı;
482.2.3. qərarı qəbul etmiş arbitraj
məhkəməsinin tərkibi;
482.2.4. daimi arbitraj təşkilatının adı
və olduğu yer (əgər arbitraj prosesini daimi arbitraj
təşkilatı idarə edirsə);
482.2.5. arbitraj məhkəməsi qərarının
tarixi və yeri;
482.2.6. müraciət edən şəxsin arbitraj
məhkəməsinin qərarını aldığı
tarix;
482.2.7. müraciət edən şəxsin
tələbi və onu əsaslandırdığı hallar;
482.2.8. əlavə edilən sənədlərin
siyahısı.
482.3. Ərizə onu təqdim edən şəxs
(şəxslər) və ya onun nümayəndəsi
tərəfindən imzalanır. Nümayəndə
tərəfindən verilən ərizəyə onun
səlahiyyətlərini təsdiq edən sənəd
əlavə edilməlidir.
482.4. Ərizəyə aşağıdakı
sənədlər əlavə edilir:
482.4.1. ərizənin cavabdeh tərəfindən
alındığını təsdiq edən sübutlar;
482.4.2. arbitraj məhkəməsinin qərarı
və ya onun notariat qaydasında təsdiq edilmiş surəti
və yaxud arbitraj icraatı daimi arbitraj təşkilatı
tərəfindən idarə edildikdə, arbitraj
qərarının həmin icraatı idarə edən daimi
arbitraj təşkilatı tərəfindən təsdiq
edilmiş nüsxəsi;
482.4.3. arbitraj sazişi və ya onun notariat
qaydasında təsdiq edilmiş surəti, yaxud bu mümkün
olmadıqda, arbitraj sazişinin bağlandığını
təsdiqləyən hər hansı sənəd;
482.4.4. müraciətin
əsaslılığını təsdiq edən
sənədlər;
482.4.5. dövlət rüsumunun ödənilməsini
təsdiq edən sənəd;
482.4.6. arbitraj məhkəməsinin qərarı
və ya arbitraj sazişi xarici dildədirsə, bu
sənədlərin Azərbaycan dilinə notariat qaydasında
təsdiq edilmiş tərcüməsi;
482.4.7. ərizənin surəti.
482.5. Ərizənin bu Məcəllənin 482-ci
maddəsi ilə müəyyən olunmuş formasına
və məzmununa riayət edilmədikdə, yaxud bu
Məcəllənin 152.1.2-ci, 152.1.3-cü, 152.1.5-ci və
152.1.9-cu maddələri ilə müəyyən edilmiş
əsaslar olduqda hakim ərizəni və ona əlavə
olunmuş sənədləri geri qaytarır. Ərizənin qaytarılması
həmin nöqsanlar aradan qaldırıldıqdan sonra ümumi
qaydada yenidən məhkəməyə müraciət
etməyə mane olmur.
Maddə 483. Arbitraj qərarının ləğvi
üçün əsaslar
483.1. Arbitraj qərarı məhkəmə
tərəfindən aşağıdakı hallarda tam və ya
qismən ləğv edilə bilər:
483.1.1. ərizəni verən tərəf
aşağıdakı sübutları təqdim etdikdə:
483.1.1.1. arbitraj sazişinin tərəflərindən
birinin ona münasibətdə tətbiq edilən
qanunvericiliyə uyğun olaraq həmin sazişin
bağlandığı vaxtda fəaliyyət qabiliyyəti
olmayan şəxs olması və ya arbitraj sazişinin
tərəflərin həmin sazişə tətbiq
etdikləri qanunvericiliyə və ya sazişdə bu
barədə göstəriş olmadıqda Azərbaycan
Respublikasının qanunvericiliyinə görə etibarsız
olması barədə;
483.1.1.2. ərizəni verən tərəfin arbitrin
təyin edilməsi və ya arbitraj icraatı haqqında
müvafiq qaydada xəbərdar edilməməsi və ya
başqa səbəblərdən ona öz etiraz və
sübutlarını təqdim etmək imkanının
yaradılmaması barədə;
483.1.1.3. qərarın arbitraj sazişində
nəzərdə tutulmayan və ya onun
şərtlərinə aid olmayan mübahisə üzrə
çıxarılması, yaxud qərarın arbitraj sazişinin
və ya iddia tələbinin hədlərindən kənara
çıxan məsələləri əhatə etməsi
barədə (arbitraj sazişini və ya iddia tələbini
əhatə edən məsələlər üzrə
qərarlar həmin sazişin və ya iddia tələbinin
əhatə etmədiyi məsələlər üzrə
qərarlardan ayrıla bilərsə, yalnız arbitraj
sazişi və ya iddia tələbi ilə əhatə
olunmayan məsələlər üzrə qərarları
ehtiva edən hissələr ləğv edilə bilər);
483.1.1.4. arbitraj məhkəməsinin tərkibinin
və ya arbitraj icraatının tərəflərin
razılaşmasına və ya belə razılaşma
olmadıqda, “Arbitraj haqqında” Azərbaycan
Respublikasının Qanununa uyğun olmaması barədə;
483.1.2. məhkəmə
aşağıdakıları müəyyən etdikdə:
483.1.2.1. Azərbaycan Respublikasının
qanunvericiliyinə görə mübahisənin arbitrajda
həll edilə bilməməsini;
483.1.2.2. arbitraj qərarının Azərbaycan
Respublikasının Konstitusiyasına və ya publik qaydaya zidd
olduğunu.
Maddə 484. Ərizəyə baxılma qaydası
və nəticələri
484.1. Ərizəyə onun məhkəməyə
daxil olduğu gündən 30 (otuz) gün ərzində bu
fəsil ilə müəyyən edilmiş
xüsusiyyətlər nəzərə alınmaqla, bu
Məcəllədə nəzərdə tutulmuş birinci
instansiya məhkəməsi tərəfindən işə
baxılması qaydalarına uyğun olaraq baxılır.
484.2. İşə baxan məhkəmə işdə
iştirak edən şəxslərin vəsatəti ilə
prosesin hazırlıq mərhələsində
tərəflərdən və ya tərəflərə
iş materiallarının təqdim edilmədiyi hallarda daimi
arbitraj təşkilatından və ya arbitraj işinin
materiallarını saxlamaq səlahiyyəti olan qurumdan ləğv
edilməsi barədə ərizə verilmiş arbitraj
qərarına aid iş materiallarını tələb
edə bilər.
484.3. İşdə iştirak edən
şəxslər məhkəmə iclasının vaxtı
və yeri haqqında xəbərdar edilirlər. Lakin
onların gəlməmələri işə baxılmasına
mane olmur.
484.4. Məhkəmə işə baxarkən irəli
sürülən tələb və etirazların
əsaslandırıldığı sübutları
araşdıraraq arbitraj məhkəməsinin
qərarının ləğv edilməsi üçün
əsasların olub-olmadığını müəyyən
edir. Arbitraj qərarının ləğvi haqqında
ərizəyə baxarkən məhkəmənin arbitraj
məhkəməsinin qərarına mahiyyəti üzrə
yenidən baxmaq səlahiyyəti yoxdur.
484.5. İşə baxılma nəticəsində
məhkəmə arbitraj məhkəməsinin
qərarının tam və ya qismən ləğv edilməsi
və ya ləğv edilməsindən imtina barədə bu
Məcəllə ilə müəyyən edilmiş qaydada
qərar çıxarır.
484.6. Arbitraj qərarı ləğv edildikdə,
arbitraj icraatının tərəfləri arasındakı
razılaşmada ayrı qayda nəzərdə
tutulmamışdırsa və arbitraj sazişinin
etibarsızlığı arbitraj qərarını
ləğv edən qərar ilə müəyyən
edilməmişdirsə, arbitraj sazişi qüvvədə
qalır. Bu halda arbitraj icraatının tərəfləri
müvafiq mübahisənin həll olunması
üçün yenidən arbitraj məhkəməsinə
müraciət edə bilərlər.
484.7. Arbitraj məhkəməsinin qərarının
ləğv edilməsi və ya ləğv edilməsindən
imtina barədə məhkəmə qərarlarından bu
Məcəllə ilə müəyyən edilmiş qaydada
və müddətdə apellyasiya şikayəti verilə
bilər. Apellyasiya instansiyası məhkəməsinin
qərarı qətidir.
Maddə 485. Arbitraj məhkəməsinin öz
səlahiyyəti haqqında ilkin qərarının
ləğv edilməsi barədə ərizəyə
baxılması
485.1. Arbitraj icraatının tərəfləri
“Arbitraj haqqında” Azərbaycan Respublikasının Qanununda
nəzərdə tutulmuş hallarda arbitraj
məhkəməsinin öz səlahiyyəti haqqında ilkin
qərarının ləğv edilməsi üçün
arbitrajın yeri üzrə kommersiya məhkəməsinə
ərizə ilə müraciət edə bilərlər.
485.2. Ərizə arbitraj məhkəməsinin öz
səlahiyyəti haqqında ilkin qərarının
alındığı gündən 30 (otuz) gün
ərzində verilə bilər.
485.3. Məhkəmə tərəfindən
ərizəyə baxılanadək arbitraj məhkəməsi
mübahisənin həllinə dair qərar qəbul
etdikdə, arbitraj icraatının başa çatması
ilə əlaqədar ərizə baxılmamış
saxlanılır. Bu halda müraciət edən tərəf
arbitraj məhkəməsinin qərarının ləğv
edilməsi və ya məcburi icrasının təmin
edilməsi barədə işə baxılması zamanı bu
Məcəllənin 485-ci maddəsində nəzərdə
tutulmuş ərizəsinin əsasını təşkil
edən hallara istinad etmək hüququnu itirmir.
485.4. İşə baxılması
nəticəsində məhkəmə arbitraj
məhkəməsinin öz səlahiyyəti haqqında ilkin
qərarının ləğv edilməsi və ya ləğv
edilməsindən imtina barədə bu Məcəllə
ilə müəyyən edilmiş qaydada qərar
çıxarır. Arbitraj məhkəməsinin
səlahiyyətli olmaması barədə məhkəmənin
qəbul etdiyi qərardan apellyasiya instansiya
məhkəməsinə şikayət verilə bilər.
Apellyasiya instansiyası məhkəməsinin qərarı
qətidir.
Fəsil 53
YERLİ ARBİTRAJ MƏHKƏMƏSİNİN
QƏRARININ MƏCBURİ İCRASININ TƏMİN
EDİLMƏSİ İLƏ BAĞLI İŞLƏR
ÜZRƏ İCRAAT
Maddə 486. Yerli arbitraj məhkəməsinin
qərarının məcburi icrasının təmin edilməsi
barədə məhkəməyə müraciət edilməsi
486.1. Yerli arbitraj məhkəməsinin
qərarının məcburi icrasının təmin
edilməsi məsələsinə maraqlı tərəfin
ərizəsi əsasında baxılır.
486.2. Yerli arbitraj məhkəməsinin qərarı
arbitraj qərarında müəyyən edilmiş
müddət ərzində və ya belə müddət
müəyyən edilmədikdə, arbitraj qərarının
çıxarıldığı gündən 3 (üç)
ay ərzində könüllü icra edilmədikdə,
arbitraj qərarının məcburi icrasının təmin
edilməsi barədə məhkəməyə müraciət
edilə bilər.
486.3. Yerli arbitraj məhkəməsinin qərarı
məhkəmə tərəfindən bu
Məcəllədə müəyyən edilmiş qaydada
ləğv edilmişdirsə, bu qərarın məcburi
icrasının təmin edilməsi barədə ərizə
verilmiş məhkəmə ərizəni qəbul
etməkdən imtina edir.
486.4. Ərizə borclunun yaşadığı
(hüquqi şəxsin olduğu) yer üzrə, borclunun
yaşadığı yer (hüquqi şəxsin olduğu yer)
məlum olmadıqda isə əmlakının olduğu yer
üzrə kommersiya məhkəməsinə verilir. Arbitraj
icraatının tərəflərinin razılığı
ilə ərizə arbitrajın keçirildiyi yer üzrə
və ya ərizəni təqdim etmiş tərəfin
yaşadığı (hüquqi şəxsin olduğu) yer
üzrə kommersiya məhkəməsinə verilə
bilər.
486.5. Ərizə arbitraj qərarının
könüllü icrası müddətinin bitdiyi tarixdən 3
(üç) ildən gec olmayaraq verilə bilər.
Maddə 487. Ərizənin forması və məzmunu
487.1. Ərizə məhkəməyə yazılı
şəkildə verilir.
487.2. Ərizədə aşağıdakılar
göstərilməlidir:
487.2.1. ərizənin verildiyi məhkəmənin
adı;
487.2.2. arbitraj sazişinin tərəflərinin
soyadı, adı, atasının adı (hüquqi
şəxsə münasibətdə adı) və
yaşadıqları (hüquqi şəxslərin
olduqları) yer, olduğu halda – telefon nömrələri, o
cümlədən mobil telefon nömrələri, elektron
poçt ünvanı;
487.2.3. qərarı qəbul etmiş arbitraj
məhkəməsinin tərkibi;
487.2.4. daimi arbitraj təşkilatının adı
və olduğu yer (əgər arbitraj prosesini daimi arbitraj
təşkilatı idarə etmişdirsə);
487.2.5. arbitraj məhkəməsi qərarının
tarixi və yeri;
487.2.6. arbitraj məhkəməsi qərarının
məcburi icrasının təmin edilməsi tələbi;
487.2.7. əlavə edilən sənədlərin
siyahısı.
487.3. Ərizə onu təqdim edən şəxs
(şəxslər) və ya onun nümayəndəsi
tərəfindən imzalanır. Nümayəndə
tərəfindən verilən ərizəyə onun
səlahiyyətlərini təsdiq edən sənəd
əlavə edilməlidir.
487.4. Ərizəyə aşağıdakı
sənədlər əlavə edilir:
487.4.1. ərizənin cavabdeh tərəfindən
alındığını təsdiq edən sübutlar;
487.4.2. arbitraj məhkəməsinin qərarı
və ya onun notariat qaydasında təsdiq edilmiş surəti
və yaxud arbitraj icraatı daimi arbitraj təşkilatı
tərəfindən idarə edildikdə, arbitraj
qərarının həmin icraatı idarə edən daimi
arbitraj təşkilatı tərəfindən təsdiq
edilmiş nüsxəsi;
487.4.3. arbitraj sazişi və ya onun notariat
qaydasında təsdiq edilmiş surəti, yaxud bu mümkün
olmadıqda, arbitraj sazişinin bağlandığını
təsdiqləyən hər hansı sənəd;
487.4.4. müraciətin
əsaslılığını təsdiq edən
sənədlər;
487.4.5. dövlət rüsumunun ödənilməsini
təsdiq edən sənəd;
487.4.6. arbitraj məhkəməsinin qərarı
və ya arbitraj sazişi xarici dildədirsə, bu
sənədlərin Azərbaycan dilinə notariat qaydasında
təsdiq edilmiş tərcüməsi;
487.4.7. ərizənin surəti.
Maddə 488. Ərizəyə baxılma qaydası
və nəticələri
488.1. Ərizəyə onun məhkəməyə
daxil olduğu gündən 30 (otuz) gün ərzində bu
fəsildə müəyyən edilmiş
xüsusiyyətlər nəzərə alınmaqla, bu
Məcəllədə nəzərdə tutulmuş birinci
instansiya məhkəməsi tərəfindən işə
baxılması qaydalarına uyğun olaraq baxılır.
488.2. İşə baxan məhkəmə işdə
iştirak edən şəxslərin vəsatəti ilə
prosesin hazırlıq mərhələsində
tərəflərdən və ya tərəflərə
iş materiallarının təqdim edilmədiyi hallarda daimi
arbitraj təşkilatından və ya arbitraj işinin
materiallarını saxlamaq səlahiyyəti olan qurumdan məcburi
icrasının təmin edilməsi barədə ərizə
verilmiş arbitraj qərarına aid iş materiallarını
tələb edə bilər.
488.3. Arbitraj icraatının tərəfləri
məhkəmə iclasının vaxtı və yeri
haqqında xəbərdar edilirlər, lakin onların
gəlməmələri işə baxılmasına mane olmur.
488.4. Məhkəmə işə baxarkən irəli
sürülən tələb və etirazların
əsaslandırıldığı sübutları
araşdıraraq arbitraj qərarının məcburi
icrasının təmin edilməsindən imtina edilməsi
üçün əsasların olub-olmadığını
müəyyən edir. Yerli arbitraj məhkəməsinin
qərarının məcburi icrasının təmin
edilməsinə dair ərizəyə baxarkən
məhkəmənin arbitraj məhkəməsinin
qərarına mahiyyəti üzrə yenidən baxmaq səlahiyyəti
yoxdur.
488.5. Məhkəmə yalnız bu
Məcəllənin 483.1-ci maddəsində nəzərdə
tutulmuş əsaslar üzrə arbitraj məhkəməsinin
qərarının məcburi icrasından imtina edə
bilər.
488.6. Eyni məhkəmənin icraatında həm
arbitraj məhkəməsinin qərarının məcburi
icrasının təmin edilməsi, həm də həmin
qərarın ləğv edilməsi barədə iş
vardırsa, həmin işlər bu Məcəllənin
169.4-cü maddəsinə uyğun olaraq bir icraatda
birləşdirilir.
488.7. Müxtəlif məhkəmələrin
icraatında arbitraj məhkəməsinin qərarının
məcburi icrasının təmin edilməsi və həmin
qərarın ləğv edilməsi barədə işlər
vardırsa, arbitraj məhkəməsinin qərarının
məcburi icrasının təmin edilməsi barədə
işi qəbul etmiş məhkəmə digər
məhkəmədə iş həll edilənədək
iş üzrə icraatı bu Məcəllənin
254.1.4-cü maddəsinə uyğun olaraq dayandırır.
488.8. Yerli arbitraj məhkəməsinin
qərarının bu Məcəllənin 483-cü
maddəsinin müddəalarına uyğun olaraq ləğv
edilməsi barədə məhkəməyə müraciət
edilmişdirsə, bu arbitraj qərarının ləğvi
üçün irəli sürülmüş əsaslar
arbitraj qərarının məcburi icrasının təmin
edilməsi barədə müraciət edilən
məhkəmə tərəfindən yenidən
nəzərdən keçirilə bilməz.
488.9. İşə baxılma nəticəsində
məhkəmə arbitraj məhkəməsinin
qərarının məcburi icrasının təmin
edilməsi və ya bundan imtina barədə bu Məcəllə
ilə müəyyən edilmiş qaydada qərar
çıxarır. Arbitraj məhkəməsinin
qərarının tam və ya qismən məcburi
icrasının təmin edilməsi haqqında qərar
əsasında icra vərəqəsi verilir.
488.10. Arbitraj məhkəməsinin qərarının
məcburi icrasının təmin edilməsi və ya bundan
imtina barədə məhkəmə qərarlarından bu
Məcəllə ilə müəyyən edilmiş qaydada
və müddətdə apellyasiya şikayəti verilə
bilər. Apellyasiya instansiyası məhkəməsinin
qərarı qətidir.
Fəsil 54
MÜVƏQQƏTİ TƏMİNAT
TƏDBİRLƏRİNİN TƏTBİQİ BARƏDƏ
ARBİTRAJ MƏHKƏMƏLƏRİNİN QƏRARLARININ
TANINMASI VƏ İCRASI
Maddə 489. Arbitraj məhkəmələrinin
müvəqqəti təminat tədbirlərinin tətbiqi
barədə qərarlarının tanınması və
icrası barədə məhkəməyə müraciət
edilməsi
489.1. Arbitraj məhkəmələrinin
müvəqqəti təminat tədbirlərinin tətbiqi
barədə qərarlarının tanınması və
icrası məsələsinə maraqlı tərəfin
ərizəsi əsasında baxılır.
489.2. Təminatın təqdim edilməsi
məsələsi üzrə arbitraj məhkəməsi
tərəfindən qərar
çıxarılmamışdırsa və ya belə
qərarın çıxarılması
üçüncü şəxslərin
hüquqlarının qorunması üçün
zəruridirsə, müvəqqəti təminat tədbirinin
tətbiqi barədə qərarların tanınması və
icrası haqqında ərizə verilən məhkəmə
belə ərizəni vermiş arbitraj icraatı
tərəfindən uyğun təminatın verilməsini
tələb edə bilər. Təminat məhkəmənin
mülahizəsinə əsasən bank qarantiyası
formasında və ya təminat üçün
müəyyən edilmiş pul məbləğinin notariusun
depozit hesabına qoyulması yolu ilə təqdim edilə
bilər.
489.3. Müvəqqəti təminat tədbirlərinin
tətbiqi barədə qərarın tanınması və ya
icra olunması üçün müraciət etmiş arbitraj
icraatı tərəfi həmin tədbirlər arbitraj
məhkəməsi tərəfindən ləğv
edildikdə, icrası dayandırıldıqda və ya
dəyişdirildikdə dərhal bu barədə məhkəməyə
məlumat verməlidir.
Maddə 490. Arbitraj məhkəmələrinin
müvəqqəti təminat tədbirlərinin tətbiqi
barədə qərarlarının tanınması və
icrası barədə ərizələrə baxan
məhkəmə
Arbitraj məhkəmələrinin müvəqqəti
təminat tədbirlərinin tətbiqi barədə
qərarlarının tanınması və icrası
barədə ərizələrə yurisdiksiyası Bakı
şəhərini əhatə edən müvafiq apellyasiya
məhkəməsi baxır.
Maddə 491. Ərizənin forması və məzmunu
491.1. Ərizə məhkəməyə yazılı
şəkildə verilir.
491.2. Ərizədə aşağıdakılar
göstərilməlidir:
491.2.1. ərizənin verildiyi məhkəmənin
adı;
491.2.2. arbitraj sazişinin tərəflərinin
soyadı, adı, atasının adı (hüquqi
şəxsə münasibətdə adı) və
yaşadıqları (hüquqi şəxslərin
olduqları) yer, olduğu halda – telefon nömrələri, o
cümlədən mobil telefon nömrələri, elektron
poçt ünvanı;
491.2.3. qərarı qəbul etmiş arbitraj
məhkəməsinin tərkibi;
491.2.4. daimi arbitraj təşkilatının adı
və olduğu yer (əgər arbitraj prosesini daimi arbitraj
təşkilatı idarə edirsə);
491.2.5. arbitraj məhkəməsi qərarının
tarixi və yeri;
491.2.6. arbitraj məhkəməsi qərarının
tanınması və məcburi icrası tələbi;
491.2.7. əlavə edilən sənədlərin
siyahısı.
491.3. Ərizə onu təqdim edən şəxs
(şəxslər) və ya onun nümayəndəsi
tərəfindən imzalanır. Nümayəndə
tərəfindən verilən ərizəyə onun
səlahiyyətlərini təsdiq edən sənəd
əlavə edilməlidir.
491.4. Ərizəyə aşağıdakı
sənədlər əlavə edilir:
491.4.1. ərizənin cavabdeh tərəfindən
alındığını təsdiq edən sübutlar (bu
Məcəllənin 493.3-cü maddəsinin
müddəaları nəzərə alınmaqla);
491.4.2. arbitraj məhkəməsinin qərarı
və ya onun notariat qaydasında təsdiq edilmiş surəti
və yaxud arbitraj icraatı daimi arbitraj təşkilatı
tərəfindən idarə edildikdə, arbitraj
qərarının həmin icraatı idarə edən daimi
arbitraj təşkilatı tərəfindən təsdiq
edilmiş nüsxəsi;
491.4.3. arbitraj sazişi və ya onun notariat
qaydasında təsdiq edilmiş surəti, yaxud bu mümkün
olmadıqda, arbitraj sazişinin bağlandığını
təsdiqləyən hər hansı sənəd;
491.4.4. müraciətin
əsaslılığını təsdiq edən
sənədlər;
491.4.5. dövlət rüsumunun ödənilməsini
təsdiq edən sənəd;
491.4.6. arbitraj məhkəməsinin qərarı
və ya arbitraj sazişi xarici dildədirsə, bu
sənədlərin Azərbaycan dilinə notariat qaydasında
təsdiq edilmiş tərcüməsi;
491.4.7. ərizənin surəti.
Maddə 492. Müvəqqəti təminat
tədbirlərinin tətbiqi barədə arbitraj
məhkəmələrinin qərarlarının
tanınmasından və ya icrasından imtina edilməsi üçün
əsaslar
492.1. Müvəqqəti təminat tədbirlərinin
tətbiqi barədə arbitraj məhkəmələrinin
qərarlarının tanınmasından və ya icrasından
aşağıdakı hallarda imtina edilə bilər:
492.1.1. əleyhinə belə qərar
çıxarılmış tərəfin müraciəti
ilə məhkəmə aşağıdakı hallardan birini
müəyyən etdikdə:
492.1.1.1. bu Məcəllənin 476.1.1.1 – 476.1.1.4-cü
maddələrində qeyd olunan əsaslardan birinin
mövcudluğunu (bu Məcəllənin 476.1.1.2-ci
maddəsinə münasibətdə “Arbitraj haqqında”
Azərbaycan Respublikası Qanununun 27.3-cü maddəsində
göstərilən hal istisna olmaqla);
492.1.1.2. müvəqqəti təminat tədbirləri
ilə bağlı təminatın verilməsi barədə
arbitraj məhkəməsinin qərarının icra
olunmadığını;
492.1.1.3. arbitraj məhkəməsi
tərəfindən və ya müvafiq səlahiyyətin
olduğu təqdirdə ərazisində arbitrajın
keçirildiyi, yaxud qanunvericiliyi əsasında müvəqqəti
təminat tədbirlərinin tətbiq olunduğu
dövlətin məhkəməsi tərəfindən
müvəqqəti təminat tədbirlərinin ləğv
olunduğunu və ya icrasının dayandırıldığını;
492.1.2. məhkəmə aşağıdakı
hallardan birini müəyyən etdikdə:
492.1.2.1. məhkəmənin öz səlahiyyətlərinə
və tədbirin icrasının məqsədlərinə
uyğunlaşdırmaq üçün müvəqqəti
təminat tədbirinin mahiyyətini dəyişdirmədən
həmin tədbirdə dəyişiklik edə bildiyi hallar
istisna olmaqla, təminat tədbirinin məhkəmənin
səlahiyyətlərinə uyğun olmadığını;
492.1.2.2. bu Məcəllənin 476.1.2.1-ci və
476.1.2.2-ci maddələrində qeyd olunan əsaslardan hər
hansı birinin müvəqqəti təminat tədbirinin
tanınmasına və icrasına tətbiq olunduğunu.
Maddə 493. Ərizəyə baxılma qaydası
və nəticələri
493.1. Ərizəyə onun məhkəməyə
daxil olduğu gündən sonra təxirə salınmadan
baxılır.
493.2. İşə baxan məhkəmə işdə
iştirak edən şəxslərin vəsatəti ilə
prosesin hazırlıq mərhələsində
tərəflərdən və ya tərəflərə
iş materiallarının təqdim edilmədiyi hallarda daimi
arbitraj təşkilatından və ya arbitraj işinin
materiallarını saxlamaq səlahiyyəti olan qurumdan tanınması
və icrası barədə ərizə verilmiş arbitraj
qərarına aid iş materiallarını tələb
edə bilər.
493.3. Müvəqqəti təminat tədbirlərinin
tətbiqi barədə arbitraj qərarının
tanınması və icrasına dair qərarın qəbul
edilməsi barədə əvvəlcədən məlumat
verilməsi belə tədbirlərin tətbiqinin
məqsədinə xələl gətirə biləcəyi
hallar istisna olmaqla, məhkəmə müvəqqəti
təminat tədbirlərinin yönələcəyi
tərəfə arbitraj qərarının tanınması
və icrasına dair qərar qəbul edilməmişdən
əvvəl xəbər verməlidir.
493.4. Arbitraj icraatının tərəfləri
məhkəmə iclasının vaxtı və yeri
haqqında xəbərdar edilirlər, lakin onların
gəlməmələri işə baxılmasına mane olmur.
493.5. Məhkəmə ərizəyə baxarkən
irəli sürülən tələb və etirazların
əsaslandırıldığı sübutları
araşdıraraq arbitraj məhkəməsinin
müvəqqəti təminat tədbirlərinin tətbiqi
barədə qərarının tanınması və
icrasından imtina edilməsi üçün əsasların
olub-olmadığını müəyyən edir.
493.6. Tanınma və ya icra haqqında
ərizəyə baxan məhkəmə qərar qəbul
edərkən müvəqqəti təminat tədbirlərinin
mahiyyətini araşdırmamalıdır.
493.7. İşə baxılma nəticəsində
məhkəmə arbitraj məhkəməsinin
müvəqqəti təminat tədbirlərinin tətbiqi
barədə qərarının tanınması və
icrası və ya tanınma və icradan imtina edilməsi
barədə bu Məcəllə ilə müəyyən
edilmiş qaydada qərar çıxarır. Arbitraj
məhkəməsinin müvəqqəti təminat
tədbirlərinin tətbiqi barədə qərarının
tanınması və icrası barədə qərar qəbul
edən məhkəmə müvəqqəti təminat
tədbirinin mahiyyətini dəyişdirmədən
müvəqqəti təminat tədbirlərini öz
səlahiyyətlərinə və tədbirin icrasının
məqsədlərinə uyğunlaşdıra bilər.
493.8. Məhkəmə işə onun iştirakı
olmadan baxılmış arbitraj icraatının
tərəfinə qəbul edilmiş qərar barədə
dərhal xəbər verir.
Maddə 494. Arbitraj məhkəməsinin
müvəqqəti təminat tədbirlərinin tətbiqi
barədə qərarının tanınması və
icrası barədə qərarın icra edilməsi
494.1. Arbitraj məhkəməsinin müvəqqəti
təminat tədbirlərinin tətbiqi barədə
qərarının tanınması və icrasına dair
qərar dərhal qüvvəyə minir və icra edilir.
494.2. Arbitraj məhkəməsinin müvəqqəti
təminat tədbirlərinin tətbiqi barədə
qərarının tanınması və icrası
barədə qərar icra edilməsi üçün
aidiyyəti orqanlara göndərilir və ya həmin qərar
əsasında icra vərəqəsi verilir. Qərar və ya
icra vərəqəsinin təsdiq olunmuş surəti aidiyyəti
orqana təqdim edilməsi üçün
ərizəçinin tələbi ilə ona verilə
bilər.
494.3. Müvəqqəti təminat tədbirlərinin
yönəldiyi arbitraj icraatının tərəfinin
müvəqqəti təminat tədbirləri ilə
müəyyən edilmiş qadağaları pozduğu hallarda
dövlətin xeyrinə aşağıdakı miqdarda
cərimələr tutulur:
494.3.1. qiymətləndirilən iddialar üzrə -
iddia qiymətinin 50 faizinədək miqdarda;
494.3.2. qiymətləndirilməyən iddialar
üzrə - iki yüz iyirmi manat.
Maddə 495. Arbitraj məhkəməsinin
müvəqqəti təminat tədbirlərinin tətbiqi
barədə qərarının tanınması və
icrası barədə qərarın qüvvədən
düşməsi
Arbitraj icraatının tərəfləri arbitraj
məhkəməsinin müvəqqəti təminat
tədbirlərinin tətbiqi barədə qərarının
arbitraj məhkəməsi tərəfindən ləğv
edilməsi, icrasının dayandırılması və ya
dəyişdirilməsi barədə məhkəməyə
dərhal məlumat verməlidirlər. Məhkəmə bu
halları qiymətləndirdikdən sonra öz
mülahizəsi əsasında arbitraj məhkəməsinin
müvəqqəti təminat tədbirlərinin tətbiqi
barədə qərarının tanınması və
icrası barədə qərarın ləğvi və ya
müvəqqəti təminat tədbirinin bir
növünün digəri ilə əvəz edilməsi barədə
qərar qəbul edir.
Maddə 496. Arbitraj məhkəməsinin
müvəqqəti təminat tədbirinin tətbiqi
barədə qərarının tanınması və
icrası nəticəsində vurulmuş zərərin
ödənilməsi
Müvəqqəti təminat tədbirlərinin
tətbiqi üçün əsasların olmadığı
sonradan müəyyən edilərsə, arbitraj icraatında
maraqlı şəxs arbitraj məhkəməsinin
müvəqqəti təminat tədbirlərinin tətbiqi
barədə qərarının tanınması və
icrası nəticəsində vurulmuş zərərin
əvəzinin (arbitraj məhkəməsi tərəfindən
bu barədə qərar qəbul edilməmişdirsə), habelə
arbitraj məhkəməsinin müvəqqəti təminat
tədbirlərinin tətbiqi barədə qərarının
məhkəmə tərəfindən tanınması və
icrasına dair etirazla əlaqədar çəkilmiş
xərclərin ödənilməsini bu qərarın
tanınması və icrası üçün
məhkəməyə ərizə vermiş tərəfdən
məhkəmə qaydasında tələb edə bilər.
Azərbaycan
Respublikasının Mülki Prosessual Məcəlləsinə
Əlavə 1[670]
İtirilmiş
məhkəmə icraatının və ya icra üzrə icraatın
bərpa edilməsi
1. Başa çatması
barədə qətnamə qəbul edilmiş və ya xitam
verilmiş mülki iş üzrə itirilmiş
məhkəmə icraatının və ya icra üzrə
icraatın tam və ya qismən bərpa edilməsi bu
Əlavə ilə müəyyən edilmiş qaydada
məhkəmə tərəfindən həyata keçirilir.
2. İtirilmiş
məhkəmə icraatı və ya icra üzrə
icraatın bərpası işdə iştirak edən
şəxslərin ərizəsi üzrə başlanır.
3. Məhkəmə
icraatının bərpası haqqında ərizə
mübahisənin mahiyyəti üzrə qətnamə və
iş üzrə icraata xitam verilməsi haqqında qərardad
çıxarmış məhkəməyə verilir.
İtirilmiş icra
icraatının bərpasına dair ərizə icranın
olduğu yerə görə məhkəməyə verilir.
4. Ərizədə
ərizəçinin məhz hansı icraatın bərpa
olunmasını istəməsi, məhkəmə
tərəfindən mahiyyət üzrə qətnamə, yaxud
iş üzrə icraatın xitam verilməsi barədə
qərardad qəbul edilib-edilməməsi,
ərizəçinin həmin icraatda hansı prosessual
vəziyyətdə olması, ərizəçinin
ünvanı və ya yaşadığı yer, icraatın
itirilməsi barədə hansı halların məlum
olması, icraat sənədlərinin surətlərinin harada
olması və onlar barəsində məlumatlar, hansı
sənədlərin bərpasını ərizəçinin
zəruri hesab etməsi, bu sənədlərin hansı
məqsədlə bərpa edilməsi
göstərilməlidir.
Ərizəyə,
müəyyən edilmiş qaydada təsdiq edilməmiş
olsa da, saxlanılmış və işlə əlaqədar
olan sənədlər və ya onların surətləri əlavə
edilir.
5. İtirilmiş icraatın
bərpa edilməsi barədə ərizəçidən
dövlət rüsumu alınmır.
6. İtirilmiş icraatın
bərpası barədə ərizədə
ərizəçi tərəfindən müraciətin
məqsədi göstərilmədikdə, məhkəmə
ərizəni hərəkətsiz saxlayaraq, ona həmin
zəruri halları ərizədə şərh etmək
üçün vaxt verir.
İtirilmiş icraatın
bərpası ərizəçinin hüquq və qanunla
qorunan mənafeyi ilə əlaqədar olmadıqda,
məhkəmə ya itirilmiş icraatın bərpası
üzrə iş başlanmağı rədd edir, yaxud
belə iş başlamışsa,
əsaslandırılmış qərardadla onu
baxılmamış saxlayır.
7. Məhkəmə icraatı
işə mahiyyət üzrə baxılana kimi itirildikdə,
bu Əlavə ilə müəyyən edilmiş qaydada
bərpa edilmir.
Belə halda iddiaçı yeni
iddia qaldırmağa haqlıdır. Məhkəmə
icraatının itirilməsi ilə əlaqədar yeni iddia
ilə iş başlanması qərardadında həmin hal
mütləq göstərilməlidir.
8. İşə baxarkən
məhkəmə icraatın saxlanan hissəsindən, icraat
itənə qədər işdən vətəndaşlara
və təşkilatlara verilmiş sənədlərdən,
həmin sənədlərin surətlərindən,
işə aidiyyəti olan arayış və
kağızlardan istifadə edir.
Məhkəmə prosessual
hərəkətlərin edilməsində iştirak etmiş
şəxsləri, zəruri hallarda, itirilmiş işin
baxılmasında məhkəmə heyətinin tərkibinə
daxil olmuş şəxsləri, habelə məhkəmə
qətnaməsini icra edən şəxsi şahid kimi
dindirə bilər.
9. İş üzrə
çıxarılmış qətnamə və ya
icraatın xitam edilməsinə dair qərardad dərhal icra
edilməlidir.[671]
10. İtirilmiş
məhkəmə icraatının bərpa edilməsi
haqqında qətnamədə və ya iş üzrə
icraata xitam verilməsinə dair qərardadda
məhkəməyə təqdim olunmuş hansı konkret
məlumatlara, itirilmiş icraat üzrə proses
iştirakçılarının iştirakı ilə məhkəmə
iclasında tədqiq olunmuş məlumatlara əsasən
bərpa olunmuş aktın məzmununun müəyyən
olunmuş hesab edilməsi göstərilməlidir.
İtirilmiş icraatın
bərpası haqqında iş üzrə qətnamənin
əsaslandırıcı hissəsində həmçinin
məhkəmədə tədqiq olunmuş hansı halların
və itirilmiş icraatla əlaqədar edilmiş hansı
prosessual hərəkətlərin sübuta yetirilməsi
barədə məhkəmənin gəldiyi
nəticələr göstərilməlidir.
11. İtirilmiş icraat
üzrə məhkəmə aktını tam bərpa
etmək üçün toplanmış materiallar kifayət
etmədikdə, məhkəmə bu icraata xitam verir və işdə
iştirak edən şəxslərə ümumi qaydada iddia
qaldırmaq hüququnu izah edir.
12. İtirilmiş icraat
üzrə məhkəmə aktının bərpası
haqqında ərizəyə baxılması onun
saxlanılması müddəti ilə məhdudlaşmır.
Lakin itirilmiş icraatın
bərpa edilməsi üçün ərizə
məhkəmə aktının icra edilməsi məqsədi
ilə, icra vərəqəsinin məcburi icraya təqdim edilməsi
müddəti keçdikdə və bu müddət
məhkəmə tərəfindən bərpa
edilmədikdə verilərsə, məhkəmə
ərizə üzrə icraata xitam verir.
13. Qətnamə icraya
yönəlmişsə, itirilmiş icra icraatı bərpa
edilməlidir.
Məhkəmə
qətnaməsinin icrası haqqında akt icra məmurunun icra zamanı aktda əks olunan və
həyata keçirdiyi hərəkətlərin mahiyyəti
göstərilməklə, məhkəmə qətnaməsi
ilə bərpa olunur.[672]
14. Qətnamənin icrasına
qədər icra üzrə icraatının itirilməsi
zamanı icra vərəqəsinin surətini (dublikatı)
vermək mümkün olduğu halda, məhkəmə
əsaslandırılmış qərardadla itirilmiş icra
üzrə icraatının bərpa edilməsi haqqında
işin başlanılmasını rədd edir.
15. İtirilmiş icraatın
bərpası haqqında ərizə üzrə
məhkəmə aktından qanunla müəyyən
edilmiş qaydada şikayət verilir.
16. İtirilmiş icraatın
bərpası haqqında məhkəmə xərcləri
qəsdən yalan ərizə vermiş
şəxslərdən tutulur.
Əlavə 2 Apellyasiya şikayətinin forması _________________________________________________ _________________________________________________ _________________________________________________ (şikayətin
verildiyi apellyasiya instansiyası məhkəməsinin
kollegiyasının adı) _________________________________________________ _________________________________________________ _________________________________________________ (şikayətin
verildiyi apellyasiya instansiyası məhkəməsinin
kollegiyasının adı) APELLYASİYA ŞİKAYƏTİ 1.
Apellyasiya şikayəti verən şəxs 1.1. Ad (fiziki və ya hüquqi
şəxsin):_________________________________________________ 1.2. Soyad (fiziki şəxsin):___________________________________________________________ 1.3. Ata adı (fiziki
şəxsin):__________________________________________________________ 1.4.
Şəxsiyyət vəsiqəsinin seriyası,
nömrəsi və fərdi identifikasiya nömrəsi
(FİN) (fiziki şəxsin):_________________________________________________________________________ VÖEN (hüquqi şəxsin və
ya fərdi sahibkar statusuna malik fiziki şəxsin):________________ 1.5. Ünvan
(yaşayış yeri və ya olduğu yer (həm faktiki,
həm də rəsmi qeydə alındığı
ünvanı), yazışmaların aparılmasının
istənildiyi digər ünvan)______________________________________ _______________________________________________________________________________ 1.6. Elektron poçt ünvanı:
_________________________________________________________ 1.7. Mobil telefon nömrəsi (və ya
nömrələri):_________________________________________ 1.8.
Apellyasiya şikayəti verən şəxsin işdə
prosessual vəziyyəti _________________________ 2.
Apellyasiya şikayəti verən şəxsin vəkili 2.1.
Ad:__________________________________________________________________________ 2.2.
Soyad:_______________________________________________________________________ 2.3. Ata adı: _____________________________________________________________________ 2.4. Ünvan
(yaşayış yeri və ya olduğu yer (həm faktiki,
həm də rəsmi qeydə alındığı
ünvanı), yazışmaların aparılmasının
istənildiyi digər ünvan)______________________________________ 2.5. Elektron poçt ünvanı:__________________________________________________________ 2.6. Mobil telefon nömrəsi (və ya
nömrələri):_________________________________________ 2.7. Fəaliyyət forması: 2.7.1. Fərdi qaydada 2.7.2. Vəkillik qurumu tərkibində Vəkillik qurumunun adı __________________________________________________________ 2.8.
Orderin nömrəsi və tarixi ______________________________________________________ 3.
Apellyasiya şikayəti verən şəxsin qanuni
nümayəndəsi və ya nümayəndəsi 3.1. Ad:__________________________________________________________________________ 3.2. Soyad:_______________________________________________________________________ 3.3. Ata adı:
_____________________________________________________________________ 3.4. Ünvan (yaşayış yeri və ya olduğu yer
(həm faktiki, həm də rəsmi qeydə
alındığı ünvanı), yazışmaların
aparılmasının istənildiyi digər ünvan)______________________________________ 3.5. Elektron poçt
ünvanı:__________________________________________________________ 3.6. Mobil telefon
nömrəsi (və ya nömrələri):_________________________________________ 3.7. Etibarnamə
(və ya səlahiyyəti təsdiq edən digər
sənəd): 3.8. Etibarnamənin
nömrəsi _______________________________________________________ 3.9. Kim
tərəfindən təsdiq edilmişdir: _______________________________________________ 3.10. Verilmə tarixi:
______________________________________________________________ 3.11. Qüvvədə olma müddəti: _____________________________________________________ 4.
Barəsində şikayət olunan məhkəmə
qətnaməsi və ya qərardadı haqqında məlumat 4.1.
Qətnaməni və ya qərardadı qəbul etmiş
birinci instansiyası məhkəməsinin adı______________________________________________________________________________ 4.2. Qətnamə və ya
qərardadın tarixi və nömrəsi______________________________________ 4.3. Şikayət olunan qətnamə
və ya qərardadın alınma tarixi: ___________________________ 4.4.
Mübahisənin predmeti ________________________________________________________ 5.
İşin halları Bu hissədə apellyasiya
şikayəti verən şəxs işin faktiki halları
ilə bağlı mövqeyini aydın ifadə etməli,
işin materiallarına istinad edilməklə məhkəmələr
tərəfindən müəyyən edilmiş hansı
halları qəbul etdiyini, hansı halları isə qəbul
etməyərək mübahisələndirdiyini dəqiq
göstərməli, eləcə də mübahisənin
düzgün həlli üçün əhəmiyyətli
hesab etdiyi digər hansı faktiki halların
məhkəmələr tərəfindən
araşdırılmadığını dəqiq
bildirməlidir. İşin halları ilə bağlı
mövqe mübahisənin predmetinə aidiyyəti
nəzərə alınmaqla, yığcam
şəkildə, xronoloji ardıcıllıqla, sadə
və anlaşıqlı formada təqdim edilməlidir.
6. Maddi hüquq normalarının pozulması və
ya düzgün tətbiq edilməməsinə dair
dəlillər Bu hissədə şikayət olunan
qətnamə və ya qərardad çıxarılarkən
düzgün tətbiq edilmədiyi iddia edilən hər bir
maddi hüquq norması sıralanmaqla göstərilməlidir.
Göstərilmiş hər bir normanın
qarşısında düzgün tətbiq edilməmənin
nədən ibarət olduğuna dair mövqeni aydın
şəkildə ifadə edən izah verilməlidir.
7. Prosessual hüquq normalarının
pozulması və ya düzgün tətbiq
edilməməsinə dair dəlillər Bu hissədə
şikayət edilən qətnamə və ya qərardad
çıxarılarkən düzgün tətbiq
edilmədiyi iddia olunan hər bir prosessual hüquq norması
sıralanmaqla göstərilməlidir. Göstərilmiş
hər bir normanın qarşısında düzgün
tətbiq edilməmənin nədən ibarət olduğuna
dair mövqeni aydın şəkildə ifadə edən izah
verilməlidir.
8. Məhkəmənin gəldiyi nəticə
üçün mühüm əhəmiyyəti olan
bütün faktiki halların
aydınlaşdırılmamasına dair dəlillər Bu hissədə məhkəmənin
hansı faktiki halları
aydınlaşdırmadığı dəqiq
göstərilməli və hər birinin
qarşısında bu halın məhkəmənin
gəldiyi nəticə üçün mühüm
əhəmiyyətinin nədən ibarət olduğuna
aydın şəkildə izah verilməlidir.
9. Birinci instansiya məhkəməsi
tərəfindən müəyyən edilmiş, iş
üçün əhəmiyyəti olan halların sübut
edilməməsinə dair dəlillər Bu hissədə məhkəmə
tərəfindən müəyyən edilmiş, iş
üçün əhəmiyyəti olan hansı halların
sübut edilməməsi dəqiq göstərilməli
və hər birinin qarşısında bunun nədə
ifadə olunmasına (qanunla göstərilən sübutlarla
təsdiq edilməməsi və ya qeyri-mötəbər,
ziddiyyətli, aid olmayan sübutlarla təsdiq edilməsi)
aydın şəkildə izah verilməlidir.
10. Birinci instansiya məhkəməsinin
qətnamədə göstərilmiş
nəticələrinin işin hallarına uyğun
gəlməməsinə dair dəlillər Bu hissədə məhkəmənin
müəyyən edilmiş faktlardan tərəflərin
qarşılıqlı münasibətləri üzrə
səhv nəticəyə gəlməsi ilə bağlı
hallar göstərilməli və bunun nədən ibarət
olduğuna aydın şəkildə izah verilməlidir.
11. Birinci instansiya məhkəməsinə təqdim
edilməmiş yeni sübutlar və onların təqdim
edilməsinin əsaslandırılmasına dair
dəlillər Bu hissədə birinci instansiya
məhkəməsinə təqdim edilməmiş yeni
sübutlar göstərilir. Həmin sübutların birinci
instansiya məhkəməsinə təqdim edilməsinin
şikayət verən şəxsdən asılı olmayan
səbəblərə görə mümkün
olmadığını əsaslandıran dəlillər qeyd
edilməlidir.
12. Apellyasiya şikayəti verən şəxsin
tələbi Bu hissədə apellyasiya
şikayəti verən şəxs özünün
tələblərini aydın göstərməli, yəni,
məhkəmə aktının tam və ya qismən ləğv
edilməsinə və yaxud dəyişdirilməsinə
və mübahisənin həlli ilə bağlı nə
barədə qərarın qəbul edilməsinə dair
tələblərini dəqiq bildirməlidir.
13. Apellyasiya şikayətinə əlavə
edilmiş sənədlər Dövlət rüsumunun
ödənilməsini təsdiq edən sənəd, order,
etibarnamə, vəsatətlər və s.
14. İmza və tarix: 14.1. Apellyasiya şikayəti verən
şəxsin və ya onun nümayəndəsinin,
vəkilinin (olduğu halda) imzası Şikayət
hüquqi şəxs tərəfindən verildikdə onu
imzalamaq hüququ olan şəxs tərəfindən
imzalanmalı və möhürlə təsdiq
olunmalıdır. 14.2. Tarix. |
Əlavə 3 Kassasiya şikayətinin forması Azərbaycan
Respublikası Ali Məhkəməsinin _________________________________________________ _________________________________________________ (şikayətin
verildiyi kollegiyanın adı) _________________________________________________ _________________________________________________ (Azərbaycan
Respublikası Ali Məhkəməsinin ünvanı) KASSASİYA ŞİKAYƏTİ 1. Kassasiya
şikayəti verən şəxs 1.1. Ad (fiziki və ya
hüquqi şəxsin):_________________________________________________ 1.2. Soyad (fiziki şəxsin):___________________________________________________________ 1.3. Ata adı (fiziki
şəxsin):__________________________________________________________ 1.4. Şəxsiyyət vəsiqəsinin seriyası, nömrəsi
və fərdi identifikasiya nömrəsi (FİN) (fiziki
şəxsin):__________________________________________________________________________ VÖEN (hüquqi
şəxsin və ya fərdi sahibkar statusuna malik fiziki
şəxsin):________________ 1.5. Ünvan
(yaşayış yeri və ya olduğu yer (həm faktiki,
həm də rəsmi qeydə alındığı
ünvanı), yazışmaların aparılmasının
istənildiyi digər ünvan) ______________________________________ 1.6. Elektron poçt
ünvanı:__________________________________________________________ 1.7. Mobil telefon nömrəsi (və ya
nömrələri):_________________________________________ 1.8.
Kassasiya şikayəti verən şəxsin işdə
prosessual vəziyyəti __________________________ 2.
Kassasiya şikayəti verən şəxsin vəkili 2.1. Ad:__________________________________________________________________________ 2.2.
Soyad:_______________________________________________________________________ 2.3. Ata
adı:______________________________________________________________________ 2.4. Ünvan
(yaşayış yeri və ya olduğu yer (həm faktiki,
həm də rəsmi qeydə alındığı
ünvanı), yazışmaların aparılmasının
istənildiyi digər ünvan)______________________________________ 2.5. Elektron poçt ünvanı:__________________________________________________________
2.6. Mobil telefon nömrəsi (və ya
nömrələri):_________________________________________ 2.7. Fəaliyyət forması: 2.7.1. Fərdi qaydada 2.7.2. Vəkillik qurumu tərkibində Vəkillik qurumunun adı __________________________________________________________ 2.8. Orderin nömrəsi və tarixi ______________________________________________________ 3.
Kassasiya şikayəti verən şəxsin qanuni
nümayəndəsi və ya nümayəndəsi 3.1. Ad:_________________________________________________________________________ 3.2. Soyad:______________________________________________________________________ 3.3. Ata adı: _____________________________________________________________________ 3.4. Ünvan
(yaşayış yeri və ya olduğu yer (həm faktiki,
həm də rəsmi qeydə alındığı
ünvanı), yazışmaların aparılmasının
istənildiyi digər ünvan)______________________________________ 3.5. Elektron poçt ünvanı:
_________________________________________________________ 3.6. Mobil telefon nömrəsi (və ya
nömrələri):_________________________________________ 3.7. Etibarnamə (və ya
səlahiyyəti təsdiq edən digər sənəd): 3.7.1. Etibarnamənin nömrəsi
______________________________________________________ 3.7.2. Kim tərəfindən təsdiq
edilmişdir: _____________________________________________ 3.7.3. Verilmə tarixi: _____________________________________________________________ 3.7.4.
Qüvvədə olma müddəti: _____________________________________________________ 4.
Barəsində şikayət verilən məhkəmə
qətnaməsi və ya qərardadı haqqında məlumat
4.1. Qətnaməni və ya
qərardadı qəbul etmiş məhkəmənin adı
_________________________ 4.2. Qətnamə və ya
qərardadın tarixi və nömrəsi ____________________________________ Qətnamə Qərardad 4.3. Şikayət olunan qətnamə
və ya qərardadın alınma tarixi:____________________________ 4.4.
Mübahisənin predmeti _______________________________________________________ 5. Maddi hüquq normalarının pozulması və
ya düzgün tətbiq edilməməsinə dair
dəlillər Bu hissədə şikayət olunan
qətnamə və ya qərardad çıxarılarkən
pozulduğu və ya düzgün tətbiq edilmədiyi iddia
olunan hər bir maddi hüquq norması sıralanmaqla
göstərilməlidir. Göstərilmiş hər bir
normanın qarşısında pozuntunun və ya
düzgün tətbiq edilməmənin nədən
ibarət olduğuna və bu halların nə ilə
nəticələndiyinə dair mövqeni aydın
şəkildə ifadə edən izah verilməlidir.
6. Prosessual hüquq normalarının pozulması
və ya düzgün tətbiq edilməməsinə dair
dəlillər Bu hissədə şikayət
edilən qətnamə və ya qərardad
çıxarılarkən pozulduğu və ya düzgün
tətbiq edilmədiyi iddia olunan hər bir prosessual hüquq
norması sıralanmaqla göstərilməlidir.
Göstərilmiş hər bir normanın
qarşısında pozuntunun və ya düzgün tətbiq
edilməmənin nədən ibarət olduğuna və bu
halların nə ilə nəticələndiyinə dair
mövqeni aydın şəkildə ifadə edən
müvafiq izah verilməlidir.
7.
Məhkəmə təcrübəsinin vahidliyinin
pozulmasına dair dəlillər
8. Digər məsələlər Kassasiya şikayəti verən
şəxsin məhkəmənin nəzərinə
çatdırmaq istədiyi digər hüquqi
məsələlər. 9. Kassasiya şikayəti verən şəxsin
tələbi Bu hissədə kassasiya şikayəti
verən şəxs özünün tələblərini
aydın göstərməli, yəni, məhkəmə
aktının tam və ya qismən ləğv
edilməsinə, eləcə də iş üzrə yeni
qərar çıxarılmasına və ya işin
təkrar apellyasiya baxışına
göndərilməsinə dair tələblərini dəqiq
bildirməlidir.
10.
Kassasiya şikayətinə əlavə edilmiş
sənədlər Dövlət
rüsumunun ödənilməsini təsdiq edən
sənəd, order, etibarnamə, vəsatətlər və s.
11.
İmza və tarix 11.1. Kassasiya şikayəti verən
şəxsin və ya onun nümayəndəsinin imzası. Şikayət
hüquqi şəxs tərəfindən verildikdə onu
imzalamaq hüququ olan şəxs tərəfindən
imzalanmalı və möhürlə təsdiq
olunmalıdır. 11.2. Vəkilin
imzası 11.3. Tarix. |
1.
19 aprel 2002-ci il tarixli №305-II QD
nömrəli “Psixiatriya yardımı haqqında” Azərbaycan
Respublikası Qanununun tətbiqi ilə əlaqədar
Azərbaycan Respublikasının bəzi qanunvericilik
aktlarına dəyişikliklər və əlavələr
edilməsi barədə Azərbaycan Respublikasının Qanunu
(Azərbaycan
Respublikasının qanunvericilik toplusu, 2002-ci il, № 5, maddə
236)
2.
24 dekabr 2002-ci il tarixli №409 – IIQD
nömrəli “Məhkəmə qərarlarının
icrası haqqında” Azərbaycan Respublikası Qanununun
tətbiqi ilə əlaqədar Azərbaycan
Respublikasının bəzi qanunvericilik aktlarına
əlavələr və dəyişikliklər edilməsi
barədə Azərbaycan Respublikasının Qanunu (Azərbaycan
Respublikasının qanunvericilik toplusu, 2003-cü il, № 1,
maddə 23)
3.
24 dekabr 2002-ci il tarixli № 410 – IIQD
nömrəli “Azərbaycan Respublikasının Mülki
Prosessual Mәcәllәsindә dəyişiklik
edilməsi haqqında Azərbaycan Respublikasının Qanunu” (Azərbaycan
Respublikasının qanunvericilik toplusu, 2003-cü il, № 1,
maddə 24)
4.
20 iyun 2003-cü il tarixli № 490-IIQ
nömrəli Azərbaycan Respublikasının Seçki
Məcəlləsinin müddəalarının pozulmasına
görə məsuliyyət haqqında Azərbaycan
Respublikasının Qanunu (Azərbaycan
Respublikasının qanunvericilik toplusu, 2003-cü il, № 6,
maddə 279)
5. 30 aprel 2004-cü
il tarixli 643-IIQD nömrəli “Dövlət rüsumu
haqqında” Azərbaycan Respublikası Qanununun tətbiqi
ilə əlaqədar Azərbaycan Respublikasının bəzi
qanunvericilik aktlarının qüvvədən
düşmüş hesab edilməsi və bəzi qanunvericilik
aktlarına dəyişikliklər və əlavələr
edilməsi barədə” Azərbaycan Respublikasının
Qanunu (Azərbaycan
Respublikasının qanunvericilik toplusu, 2004-ci il, № 7, maddə
505)
6. 11 iyun
2004-cü il tarixli 688-IIQD nömrəli “Azərbaycan
Respublikasının bəzi qanunvericilik aktlarına
əlavələr və dəyişiklər edilməsi
barədə” Azərbaycan Respublikasının Qanunu (Azərbaycan Respublikasının
qanunvericilik toplusu, 2004-cü il, № 8, maddə 598)
7.
7 sentyabr 2004-cü il 731-IIQD
nömrəli “Azərbaycan Respublikasının bəzi
qanunvericilik aktlarında dəyişikliklər edilməsi
və bəzi qanunvericilik aktlarının qüvvədən
düşmüş hesab edilməsi haqqında” Azərbaycan
Respublikasının Qanunu (Azərbaycan
Respublikasının qanunvericilik toplusu, 2004-cü il, № 10,
maddə 761)
8.
4 mart 2005-ci il 855-IIQD nömrəli “Poçt
rabitəsi haqqında" Azərbaycan Respublikası Qanununun tətbiqi
ilə əlaqədar Azərbaycan Respublikasının bəzi
qanunvericilik aktlarına dəyişikliklər və əlavələr
edilməsi barədə”
Azərbaycan Respublikasının Qanunu (Azərbaycan Respublikasının qanunvericilik
toplusu, 2005-ci il, № 4, maddə 277)
9.
4 mart 2005-ci il 856-IIQD nömrəli “Fövqəladə
vəziyyət haqqında" Azərbaycan Respublikası
Qanununun tətbiqi ilə əlaqədar Azərbaycan
Respublikasının bəzi qanunvericilik aktlarına əlavələr
və dəyişikliklər edilməsi və bəzi
qanunvericilik aktlarının qüvvədən
düşmüş hesab edilməsi barədə” Azərbaycan Respublikasının Qanunu (Azərbaycan
Respublikasının qanunvericilik toplusu, 2005-ci il, № 4, maddə
278)
10.
23 dekabr 2005-ci il tarixli 32-IIIQD nömrəli
Azərbaycan Respublikasının Qanunu (Azərbaycan Respublikasının Qanunvericilik Toplusu,
2006-cı il, № 2, maddə 64)
11.
20 oktyabr 2006-cı il 168-IIIQD
nömrəli Azərbaycan Respublikasının Qanunu (Azərbaycan
Respublikasının qanunvericilik toplusu, 2006-cı il, № 12,
maddə 1006)
12.
26 dekabr 2006-cı il tarixli 219-IIIQD nömrəli Azərbaycan
Respublikasının Qanunu (Azərbaycan
Respublikasının Qanunvericilik Toplusu, 2007-ci il, № 1, maddə
3)
13.
29 dekabr 2006-cı il tarixli 220-IIIQD nömrəli Azərbaycan
Respublikasının Qanunu (Azərbaycan
Respublikasının Qanunvericilik Toplusu, 2007-ci il, № 1, maddə 4)
14.
19 dekabr 2006-cı il tarixli 200-IIIQD
nömrəli Azərbaycan Respublikasının Qanunu (Azərbaycan Respublikasının
Qanunvericilik Toplusu, 2007-ci il, № 2, maddə 68)
15.
17 aprel 2007-ci il tarixli 313-IIIQD nömrəli Azərbaycan
Respublikasının Qanunu (Azərbaycan
Respublikasının Qanunvericilik Toplusu, 2007-ci il, № 6, maddə
560)
16. 17 aprel 2007-ci il
tarixli 319-IIIQD nömrəli Azərbaycan Respublikasının
Qanunu(Azərbaycan
Respublikasının Qanunvericilik Toplusu, 2007-ci il, № 5, maddə
439)
17. 16 iyun 2007-ci il
tarixli 385-IIIQD nömrəli Azərbaycan Respublikasının
Qanunu (Azərbaycan
Respublikasının Qanunvericilik Toplusu, 2007-ci il, № 7, maddə
712)
18. 16 iyun 2007-ci il
tarixli 389-IIIQD nömrəli Azərbaycan Respublikasının
Qanunu (Azərbaycan
Respublikasının Qanunvericilik Toplusu, 2007-ci il, № 8, maddə
756)
19. 2 iyun 2008-ci il
tarixli 618-IIIQD nömrəli
Azərbaycan Respublikasının Qanunu (Azərbaycan Respublikasının Qanunvericilik Toplusu,
2008-ci il, № 6, maddə 462)
20. 13 iyun 2008-ci il
tarixli 648-IIIQD nömrəli Azərbaycan Respublikasının
Qanunu (Azərbaycan
Respublikasının Qanunvericilik Toplusu, 2008-ci il, №7, maddə
602)
21. 28 oktyabr 2008-ci
il tarixli 707-IIIQD nömrəli Azərbaycan
Respublikasının Qanunu (“Azərbaycan”
qəzeti 14 dekabr 2008-ci il, № 279, Azərbaycan
Respublikasının Qanunvericilik Toplusu, 2008-ci il, № 12, maddə
1046)
22. 26 may 2009-cu il
tarixli 819-IIIQD nömrəli Azərbaycan Respublikasının
Qanunu (“Azərbaycan” qəzeti 24
iyun 2009-cu il, № 135, Azərbaycan Respublikasının
Qanunvericilik Toplusu, 2009-cu il, № 06, maddə 402)
23. 01 fevral 2010-cu
il tarixli 950-IIIQD
nömrəli Azərbaycan Respublikasının Qanunu (“Azərbaycan” qəzeti 24 fevral
2010-cu il, № 43, Azərbaycan Respublikasının Qanunvericilik
Toplusu, 2010-cu il, № 2, maddə 75)
24. 5 mart 2010-cu il tarixli 972-IIIQD nömrəli Azərbaycan
Respublikasının Qanunu
(“Azərbaycan” qəzeti, 17 aprel 2010-cu il, № 81, Azərbaycan
Respublikasının Qanunvericilik Toplusu, 2010-cu il, № 04, maddə
276)
25. 31 may 2011-ci il
tarixli 136-IVQD nömrəli
Azərbaycan Respublikasının Qanunu (“Azərbaycan” qəzeti 01 iyul 2011-ci il, № 140,
Azərbaycan Respublikasının Qanunvericilik Toplusu, 2011-ci il, №
06, maddə 471)
26. 10 iyun 2011-ci il tarixli 143-IVQD nömrəli Azərbaycan Respublikasının Qanunu (“Azərbaycan” qəzeti 02 iyul
2011-ci il №141, Azərbaycan
Respublikasının Qanunvericilik Toplusu, 2011-ci il, № 06, maddə
476)
27. 17 may 2011-ci il tarixli 112-IVQD nömrəli Azərbaycan Respublikasının Qanunu (“Azərbaycan” qəzeti 06 iyul
2011-ci il №144, Azərbaycan
Respublikasının Qanunvericilik Toplusu, 2011-ci il, № 07, maddə
583)
28. 24 iyun 2011-ci il
tarixli 180-IVQD nömrəli
Azərbaycan Respublikasının Qanunu (“Azərbaycan” qəzeti, 02 avqust 2011-ci il, № 167,
Azərbaycan Respublikasının Qanunvericilik Toplusu, 2011-ci il, №
07, maddə 619)
29. 15 noyabr 2011-ci
il tarixli 240-IVQD
nömrəli Azərbaycan Respublikasının Qanunu (“Respublika” qəzeti, 14 dekabr
2011-ci il, № 270, “Azərbaycan” qəzeti 15 dekabr 2011-ci il, № 277,
Azərbaycan Respublikasının Qanunvericilik Toplusu, 2011-ci il, №
12, maddə 1096)
30. 15 noyabr 2011-ci
il tarixli 250-IVQD nömrəli
Azərbaycan Respublikasının Qanunu (“Respublika” qəzeti, 25 dekabr 2011-ci il, № 280,
“Azərbaycan” qəzeti 29 dekabr 2011-ci il, № 289, Azərbaycan
Respublikasının Qanunvericilik Toplusu, 2011-ci il, № 12, maddə
1105)
31. 20 aprel 2012-ci il
tarixli 329-IVQD nömrəli Azərbaycan
Respublikasının Qanunu (“Azərbaycan”
qəzeti 12 may 2012-ci il, № 103, Azərbaycan Respublikasının
qanunvericilik toplusu, 2012-ci il, № 05, maddə 411)
32. 1 may 2012-ci il
tarixli 349-IVQD nömrəli Azərbaycan
Respublikasının Qanunu (“Azərbaycan”
qəzeti 21 iyun 2012-ci il, № 135, Azərbaycan
Respublikasının Qanunvericilik Toplusu, 2012-ci il, №6, maddə
511)
33. 19 aprel
2013-cü il tarixli 623-IVQD nömrəli Azərbaycan
Respublikasının Qanunu (“Azərbaycan”
qəzeti, 19 may 2013-cü il, № 108, Azərbaycan
Respublikasının Qanunvericilik Toplusu, 2013-cü il, № 05,
maddə 472)
34. 31 may 2013-cü
il tarixli 677-IVQD
nömrəli Azərbaycan Respublikasının Qanunu (“Azərbaycan” qəzeti, 13 iyun
2013-cü il, № 128; Azərbaycan Respublikasının
Qanunvericilik Toplusu, 2013-cü il, № 06, maddə 625)
35. 30 sentyabr
2013-cü il tarixli 747-IVQD
nömrəli Azərbaycan Respublikasının Qanunu (“Azərbaycan” qəzeti, 17 noyabr
2013-cü il, № 253; Azərbaycan Respublikasının
Qanunvericilik Toplusu, 2013-cü il, № 11, maddə 1266)
36. 29 oktyabr
2013-cü il tarixli 792-IVQD
nömrəli Azərbaycan Respublikasının Qanunu (“Azərbaycan” qəzeti, 3 dekabr
2013-cü il, № 265; Azərbaycan Respublikasının
Qanunvericilik Toplusu, 2013-cü il, № 11, maddə 1307)
37. 28 aprel 2015-ci il
tarixli 1265-IVQD nömrəli Azərbaycan
Respublikasının Qanunu (“Respublika”
qəzeti, 6 iyun 2015-ci il, № 120; Azərbaycan
Respublikasının Qanunvericilik Toplusu, 2015-ci il, № 06, maddə
677)
38. 20 oktyabr 2015-ci
il tarixli 1386-IVQD nömrəli Azərbaycan
Respublikasının Qanunu (“Respublika” qəzeti, 9 dekabr 2015-ci il, № 271,
Azərbaycan Respublikasının Qanunvericilik Toplusu, 2015-ci il, №
12, maddə 1435)
39. 15 aprel
2016-cı il tarixli 209-VQD nömrəli Azərbaycan
Respublikasının Qanunu (“Respublika” qəzeti, 19 may 2016-cı il, № 107, Azərbaycan Respublikasının Qanunvericilik Toplusu,
2016-cı il, № 5, maddə 836)
40. 14 iyun
2016-cı il tarixli 293-VQD nömrəli Azərbaycan
Respublikasının Qanunu (“Azərbaycan”
qəzeti, 30 iyun 2016-cı il, № 139, Azərbaycan Respublikasının
Qanunvericilik Toplusu, 2016-cı il, № 6, maddə 1016)
41. 30 sentyabr 2016-cı il tarixli 330-VQD nömrəli Azərbaycan
Respublikasının Qanunu (“Azərbaycan”
qəzeti, 16 noyabr 2016-cı il, № 253, Azərbaycan Respublikasının
Qanunvericilik Toplusu, 2016-cı il, № 11, maddə 1761)
42. 14 oktyabr 2016-cı il tarixli 335-VQD nömrəli Azərbaycan
Respublikasının Qanunu (“Azərbaycan”
qəzeti, 11 noyabr 2016-cı il, № 249, Azərbaycan Respublikasının
Qanunvericilik Toplusu, 2016-cı il, № 11, maddə 1763)
43. 16 dekabr 2016-cı il tarixli 455-VQD nömrəli Azərbaycan
Respublikasının Qanunu (“Azərbaycan”
qəzeti, 29 dekabr 2016-cı il, № 290, Azərbaycan
Respublikasının Qanunvericilik Toplusu, 2016-cı il, № 12,
maddə 2047)
44. 30 dekabr 2016-cı il tarixli 496-VQD nömrəli Azərbaycan
Respublikasının Qanunu (“Azərbaycan”
qəzeti, 7 fevral 2017-ci il, № 27, Azərbaycan Respublikasının
Qanunvericilik Toplusu, 2017-ci il, № 02, maddə 155)
45. 7 aprel 2017-ci il tarixli 571-VQD nömrəli Azərbaycan
Respublikasının Qanunu (“Azərbaycan”
qəzeti, 14 aprel 2017-ci il, № 77, Azərbaycan Respublikasının
Qanunvericilik Toplusu, 2017-ci il, № 4, maddə 523)
46. 7 aprel 2017-ci
il tarixli 579-VQD nömrəli Azərbaycan
Respublikasının Qanunu (“Azərbaycan”
qəzeti, 4 may 2017-ci il, № 94, Azərbaycan Respublikasının
Qanunvericilik Toplusu, 2017-ci il, № 5, maddə 706)
47. 7 aprel 2017-ci il tarixli 580-VQD nömrəli Azərbaycan
Respublikasının Qanunu (“Azərbaycan”
qəzeti, 20 aprel 2017-ci il, № 82, Azərbaycan Respublikasının
Qanunvericilik Toplusu, 2017-ci il, № 11, maddə 1935)
48. 2 may 2017-ci il tarixli 664-VQD nömrəli Azərbaycan
Respublikasının Qanunu (“Azərbaycan”
qəzeti, 21 may 2017-ci il, № 108, Azərbaycan
Respublikasının Qanunvericilik Toplusu, 2017-ci il, № 5, maddə
750)
49. 31 oktyabr 2017-ci il tarixli 853-VQD nömrəli Azərbaycan
Respublikasının Qanunu (“Azərbaycan”
qəzeti, 9 noyabr 2017-ci il, № 247, Azərbaycan Respublikasının
Qanunvericilik Toplusu, 2017-ci il, №11 , maddə 1975)
50. 1 may 2018-ci il tarixli 1113-VQD nömrəli Azərbaycan Respublikasının Qanunu (“Azərbaycan”
qəzeti, 19 may 2018-ci il, № 112, Azərbaycan Respublikasının
Qanunvericilik Toplusu, 2018-ci il, №5, maddə 879)
51. 29 iyun 2018-ci il tarixli 1222-VQD
nömrəli Azərbaycan Respublikasının Qanunu (“Azərbaycan”
qəzeti, 12 avqust 2018-ci il, № 179, Azərbaycan
Respublikasının Qanunvericilik Toplusu, 2018-ci il, № 8, maddə
1672)
52. 30 oktyabr 2018-ci il tarixli 1292-VQD
nömrəli Azərbaycan Respublikasının Qanunu (“Azərbaycan”
qəzeti, 25 noyabr 2018-ci il, № 266, Azərbaycan
Respublikasının Qanunvericilik Toplusu, 2018-ci il, № 11, maddə
2209)
53. 30 oktyabr 2018-ci il tarixli 1315-VQD nömrəli Azərbaycan
Respublikasının Qanunu (“Azərbaycan” qəzeti, 25 noyabr 2018-ci il, № 266,
Azərbaycan Respublikasının Qanunvericilik Toplusu, 2018-ci il, №
11, maddə 2225)
54. 28 dekabr 2018-ci
il tarixli 1406-VQD
nömrəli Azərbaycan Respublikasının Qanunu (“Azərbaycan” qəzeti, 31 yanvar
2019-cu il, № 24,
Azərbaycan Respublikasının Qanunvericilik Toplusu, 2019-cu il, №
01, maddə 23)
55. 28 dekabr 2018-ci il tarixli 1436-VQD
nömrəli Azərbaycan Respublikasının Qanunu (“Azərbaycan”
qəzeti, 30 dekabr 2018-ci il, № 296, Azərbaycan Respublikasının
Qanunvericilik Toplusu, 2018-ci il, № 12, I kitab, maddə 2524)
56. 28 dekabr 2018-ci il tarixli 1450-VQD
nömrəli Azərbaycan Respublikasının Qanunu (“Azərbaycan”
qəzeti, 30 dekabr 2018-ci il, № 296,
Azərbaycan Respublikasının Qanunvericilik Toplusu, 2018-ci il, №
12, I kitab, maddə 2534)
57.
29 mart 2019-cu il tarixli 1535-VQD nömrəli Azərbaycan
Respublikasının Qanunu (“Azərbaycan” qəzeti, 5 may 2019-cu
il, № 98, Azərbaycan Respublikasının Qanunvericilik Toplusu,
2019-cu il, № 5, maddə 792)
58.
3 may 2019-cu il tarixli 1575-VQD nömrəli Azərbaycan
Respublikasının Qanunu (“Azərbaycan” qəzeti, 26 may 2019-cu
il, № 115, Azərbaycan Respublikasının Qanunvericilik Toplusu,
2019-cu il, № 5, maddə 812)
59.
9 iyul 2019-cu il tarixli 1633-VQD nömrəli Azərbaycan
Respublikasının Qanunu (“Azərbaycan” qəzeti, 21 iyul
2019-cu il, № 157, Azərbaycan Respublikasının
Qanunvericilik Toplusu, 2019-cu il, № 7, maddə 1197)
60.
29 noyabr 2019-cu il tarixli 1710-VQD nömrəli Azərbaycan Respublikasının Qanunu (“Azərbaycan” qəzeti, 20 dekabr
2019-cu il, № 283,
Azərbaycan Respublikasının Qanunvericilik Toplusu, 2019-cu il, №
12, maddə 1897)
61.
3 dekabr 2019-cu il tarixli 1721-VQD nömrəli Azərbaycan
Respublikasının Qanunu (“Azərbaycan” qəzeti, 27 dekabr
2019-cu il, № 289, Azərbaycan Respublikasının
Qanunvericilik Toplusu, 2019-cu il, № 12, maddə 1907)
62.
19 may 2020-ci il tarixli 114-VIQD nömrəli Azərbaycan Respublikasının Qanunu (“Azərbaycan”
qəzeti, 15 iyul 2020-ci il, № 136, Azərbaycan Respublikasının
Qanunvericilik Toplusu, 2020-ci il, № 7, maddə 832)
63.
6 oktyabr 2020-ci il tarixli 183-VIQD nömrəli Azərbaycan Respublikasının Qanunu (“Azərbaycan”
qəzeti, 24 noyabr 2020-ci il, № 245, Azərbaycan Respublikasının
Qanunvericilik Toplusu, 2020-ci il, № 11, maddə 1333)
64.
9 mart 2021-ci il tarixli 281-VIQD nömrəli Azərbaycan Respublikasının Qanunu (“Azərbaycan”
qəzeti, 11 aprel 2021-ci il, № 74, Azərbaycan Respublikasının
Qanunvericilik Toplusu, 2021-ci il, № 4, maddə 309)
65.
22 iyun 2021-ci il tarixli 348-VIQD nömrəli Azərbaycan
Respublikasının Qanunu (“Azərbaycan” qəzeti, 21 avqust 2021-ci il, № 175, Azərbaycan
Respublikasının Qanunvericilik Toplusu, 2021-ci il, № 8, maddə
894) (2022-ci il iyulun 1-dən qüvvəyə minir)
66.
9 iyul 2021-ci il tarixli 360-VIQD nömrəli Azərbaycan
Respublikasının Qanunu (“Azərbaycan” qəzeti, 25 iyul 2021-ci il, № 152, Azərbaycan
Respublikasının Qanunvericilik Toplusu, 2021-ci il, № 7, maddə
711)
67.
9 iyul 2021-ci il tarixli 363-VIQD nömrəli Azərbaycan Respublikasının
Qanunu (“Azərbaycan” qəzeti, 18 iyul 2021-ci il,
№ 149, Azərbaycan
Respublikasının Qanunvericilik Toplusu, 2021-ci il, № 7, maddə
713)
68.
27 dekabr 2021-ci il tarixli 463-VIQD nömrəli Azərbaycan Respublikasının
Qanunu (“Azərbaycan” qəzeti, 31 dekabr 2021-ci
il, № 286, Azərbaycan
Respublikasının Qanunvericilik Toplusu, 2021-ci il, № 12, maddə
1346)
69.
5 may 2022-ci il tarixli 525-VIQD nömrəli Azərbaycan Respublikasının
Qanunu (“Azərbaycan” qəzeti, 14 iyun 2022-ci il, № 124, Azərbaycan Respublikasının Qanunvericilik
Toplusu, 2022-ci il, №6, maddə 580)
70.
8 iyul
2022-ci il tarixli 581-VIQD nömrəli Azərbaycan
Respublikasının Qanunu (Azərbaycan
Dövlət İnformasiya Agentliyinin (AZƏRTAC-ın)
rəsmi internet saytı, 19 avqust 2022-ci il,
“Azərbaycan” qəzeti 20 avqust 2022-ci il, № 177, Azərbaycan
Respublikasının Qanunvericilik Toplusu, 2022-ci il, №8, maddə
828)
71.
2 dekabr 2022-ci il tarixli 666-VIQD
nömrəli Azərbaycan Respublikasının Qanunu (Azərbaycan
Dövlət İnformasiya Agentliyinin (AZƏRTAC-ın)
rəsmi internet saytı, 24 yanvar 2023-cü
il, “Azərbaycan” qəzeti 25 yanvar 2023-cü il, №
16, Azərbaycan Respublikasının Qanunvericilik Toplusu,
2023-cü il, № 1, maddə 19)
72.
2 dekabr 2022-ci il tarixli 670-VIQD
nömrəli Azərbaycan Respublikasının Qanunu (Azərbaycan
Dövlət İnformasiya Agentliyinin (AZƏRTAC-ın)
rəsmi internet saytı, 9 yanvar 2023-cü
il, “Azərbaycan” qəzeti 10 yanvar 2023-cü il, №
4, Azərbaycan Respublikasının Qanunvericilik Toplusu,
2023-cü il, № 1, maddə 23)
73.
23 dekabr 2022-ci il tarixli 758-VIQD nömrəli Azərbaycan
Respublikasının Qanunu (Azərbaycan
Dövlət İnformasiya Agentliyinin (AZƏRTAC-ın)
rəsmi internet saytı, 7 fevral 2023-cü il, “Azərbaycan”
qəzeti, 8 fevral 2023-cü il, № 28,
Azərbaycan Respublikasının Qanunvericilik Toplusu, 2023-cü
il, № 2, maddə 200)
74.
30 dekabr 2022-ci il tarixli 784-VIQD
nömrəli Azərbaycan Respublikasının Qanunu (Azərbaycan
Dövlət İnformasiya Agentliyinin (AZƏRTAC-ın)
rəsmi internet saytı, 31 yanvar
2023-cü il, “Azərbaycan” qəzeti 1 fevral 2023-cü il, № 22, Azərbaycan
Respublikasının Qanunvericilik Toplusu, 2023-cü il, № 1,
maddə 40)
75.
2 may 2023-cü il tarixli 867-VIQD nömrəli Azərbaycan Respublikasının
Qanunu (Azərbaycan Dövlət İnformasiya Agentliyinin
(AZƏRTAC-ın) rəsmi internet saytı,
3 iyun 2023-cü
il, “Azərbaycan” qəzeti, 4 iyun 2023-cü il, № 117, Azərbaycan Respublikasının Qanunvericilik Toplusu,
2023-cü il, № 6, maddə 742)
76.
9 iyun 2023-cü il tarixli 904-VIQD nömrəli Azərbaycan Respublikasının
Qanunu (Azərbaycan Dövlət İnformasiya Agentliyinin
(AZƏRTAC-ın) rəsmi internet saytı,
26 iyul 2023-cü
il, “Azərbaycan” qəzeti, 27 iyul 2023-cü il, № 156, Azərbaycan Respublikasının Qanunvericilik Toplusu,
2023-cü il, № 7, maddə 892)
77.
6 iyul 2023-cü il tarixli 961-VIQD nömrəli Azərbaycan Respublikasının Qanunu (Azərbaycan Dövlət İnformasiya Agentliyinin
(AZƏRTAC-ın) rəsmi internet saytı,
2 avqust 2023-cü il,
“Azərbaycan” qəzeti, 3 avqust 2023-cü il, № 162, Azərbaycan Respublikasının Qanunvericilik Toplusu,
2023-cü il, № 8, I kitab, maddə 1111)
78.
24 oktyabr 2023-cü il tarixli 1008-VIQD nömrəli Azərbaycan Respublikasının
Qanunu (Azərbaycan Dövlət İnformasiya Agentliyinin
(AZƏRTAC-ın) rəsmi internet saytı,
11 noyabr 2023-cü il, “Azərbaycan” qəzeti, 14 noyabr 2023-cü il, № 247)
79.
26 dekabr
2023-cü il tarixli Azərbaycan
Respublikasının Qanunu (Azərbaycan Dövlət İnformasiya
Agentliyinin (AZƏRTAC-ın) rəsmi internet saytı, 25 yanvar 2024-cü il, “Azərbaycan” qəzeti, 26 yanvar 2024-cü il, № 16)
KMQ3 1. Ər-arvadın daşınmaz əşya
üzərində ümumi birgə mülkiyyətinin
bölünməsinə dair iddiaların ərazi aidiyyəti
Azərbaycan Respublikası Mülki Prosessual
Məcəlləsinin 35.1-ci maddəsinə uyğun olaraq
qanunla başqa hal nəzərdə tutulmamışdırsa,
cavabdehin rəsmi qeydə alındığı yer
üzrə müəyyən edilməlidir.
KMQ5 1. Azərbaycan Respublikası Mülki
Prosessual Məcəlləsinin 50, 59 və 306-cı
maddələrinin tələblərinə əsasən,
dövlət mənafeyinin müdafiəsi üçün
dövlət idarə və təşkilatlarının və
ya təsisçisi dövlət və ya dövlət
idarəsi, yaxud təşkilatı olan hüquqi
şəxslərin müvafiq müraciəti olduğu hallarda
prokuror mülki prosesdə iddiaçı və ya
ərizəçi qismində tərəf ola bilər.
2. Azərbaycan Respublikası Mülki
Prosessual Məcəlləsinin 357-ci maddəsinə uyğun
olaraq, prokuror yalnız həmin Məcəllənin 50 və
306-cı maddələrində göstərilən hallarda
məhkəmə baxışında iddiaçı və ya
ərizəçi olarsa, məhkəmə aktlarından
protest verə bilər.